Mvp

Basket - Ny fifaninanana eo amin’ny MVP : ireo pourcentages mampitolagaga ataon’i Stephen Curry
Ny fifaninanana eo amin’ny MVP : ireo pourcentages mampitolagaga ataon’i Stephen Curry

Isan-kerinandro dia hanolotra anareo izahay ny Top 5 ireo mpilalao NBA mahay indrindra, raisina ao anatin’izany ny fahaizana manokana sy ny fahaizan’ny Ekipany. Amin’ity herinandro ity dia mandinika manokana ny momba an’i MVP amin’ity fiandohan’ny taom-pilalaovana ity isika, Stephen Curry. Ilay meneur an’ny Warriors dia ao anatin’ny 100% ny heriny sy ny tanjany ankehitriny, ary misy fiatraikany izany eo amin’ny fomba filalaony. MVP indroa ary Champion NBA intelo izy, tsy mila mi-forcer n’inon’inona eo ampilalaovana, ary izany dia hita taratra eo amin’ny isa marika mahatalanjona ananany : 50-50-90. Inona reo isa marika ireo hoy ianao ? 50% eo tifitra, 50% amin’ny 3 points ary 90% eo amin’ny Lancer Franc, mahatalanjona Teo amin’ny tantara dia olona tokana no nahavita ohatr’izay, ary tsy iza fa i Steve Kerr, izay fantatr’i Stephen Curry tsara. Tamin’ny 1996 izany, ary ilay mpitifitry ny Bulls fahiny izay mpanazatra ny Warriors ankehitriny dia namarana ny taom-pilalaovana 1996 tamin’ny 50.6%, 51.5% et 92.9%. Kanefa izao, tsy noraisina izany perf nataon’i Steve Kerr izay satria tsy nahatratra ny fatra eo amin’ny tifitra sy ny lancer franc farafahakeliny izy tamin’izay. Steve Nash no nanakaiky an’izany… Vokan’izany : ankehitriny aloha dia ny 50/40/90 no mijanona ho « référence » ho an’ireo mpitifitra, telo taona lasa izay, izay no tanjon’i Stephen Curry : « Ao anatin’ny match 82, ny tanjoko dia ny hiditra ao amin’ny fikambanan’ny 50/40/90. Anisan’ny tanjoko izany ary tiako ho vitaina izany. » Ho vitany izany tamin’ny 2016 satria dia tafiditra tao anatin’ny tontolo avo lenta izay mpilalao 6 fotsiny no nahavita izany : Larry Bird, Mark Price, Reggie Miller, Steve Nash, Dirk Nowitzki ary i Kevin Durant. Ny tena mahatalanjona dia i Nash satria ilay mpitondra baolin’i Suns taloha dia nahavita izany in’efatra ka ny iray tamin’ireo dia 50/47/91 tamin’ny 2008. Amin’izao lalao 11 izao no vita amin’ity taom-pilalaovana ity, i Stephen Curry izany dia nahavita tsara noho i Steve Nash dia ny 52%, 51% et 92%. Fa ny azy dia eo ampamonoana 31.3 points de moyenne ! Izay koa dia mbola zava-bita mahatalanjona iray, satria milalao latsaky ny 34 minitra isaky ny lalao izy (33.9 raha ny tena marina), ary teo amin’ny tantara dia tsy nisy mpilalao nanao 30 points de moyenne izany raha nilalao minitra vitsy toy izany. Ny tokana nanakaiky izany dia i … Sephen Curry tamin’ny 2016 raha nanao 30.1 points isaky ny lalao izy tao anatin’ny 34.2 minitra. Ny TOP 5 androany 6 NOVEMBRE 1– Stephen Curry Bilan : Warriors – 10v-1d – 1er à l’Ouest Stats : 34 min, 31.3 pts, 6.1 pds, 5.4 rbds, 1.1 int, 0.4 ct, 3.1 bps, 52.5% tirs, 50.8% 3-pts, 92% LF 2 – Giannis Antetokounmpo Bilan : Bucks – 8v-1d – 2e à l’Est Stats : 31 min, 26.1 pts, 13.9 rbds, 5.9 pds, 1 int, 1.4 ct, 4.9 bps, 53% tirs, 10% 3-pts, 71% LF 3 – Kevin Durant Bilan : Warriors – 7v-1d – 1er à l’Ouest Stats : 35 min, 27.7 pts, 7.5 rbds, 5.9 pds, 0.9 int, 0.6 ct, 2.6 bps, 57% tirs, 39% 3-pts, 93% LF 4 – Kyle Lowry Bilan : Raptors – 10v-1d – 1er à l’Est Stats : 34 min, 17.9 pts, 4.5 rbds, 11.5 pds, 1.5 int, 0.5 ct, 2.8 bps, 50% tirs, 41% 3-pts, 81% LF 5 – Nikola Jokic Bilan : Nuggets – 9v-1d – 2e à l’Ouest Stats : 29 min, 17 pts, 10 rbds, 7.7 pds, 1.1 int, 1 ct, 2.8 bps, 52% tirs, 38% 3-pts, 83% LF Mentions : DeMar DeRozan, Damian Lillard, Victor Oladipo, Russell Westbrook, Joel Embiid, LeBron James…

Tohizo ny famakiana >>

Malaza androany

Notsongaina

Nogiazan’ny Brigade anti-piratage: CD sy DVD hosoka iray taonina nopotehina

  CD sy DVD piraty 43 000 isa, milanja iray taonina sy sasany, ary mitentim-bidy 40 tapitrisa Ar, no sarona ka nogiazan’ny Brigade anti-piratage eto an-dRenivohitra tao anatin’ny enim-bolana. Sivy ny olona voasambotra tamin’izany ka fito ny efa naiditra am-ponja. Olona miisa sivy indray voasambotry ny borigady anti-piratage momba ny fanaovana CD piraty. Fito amin’ireo olona sivy ireo kosa ny naiditra vonjimaika am-ponja. Nahazo alalana manokana avy amin’ny fitsarana ny borigady misahana ny anti-piratage amin’ny ahafahana manapotika CD sy DVD piraty miisa 43 000 milanja iray taonina sy tapany izay mitentim-bidy 40 tapitrisa Ar. Entana nogiazana nandritra ny enim-bolana ireto CD sy DVD piraty ireto miampy ireo ambiny nogiazana tamin’ny 2017 sy 2018 ka ny zoma 21 jona teo no nanapotehana sy nandorana azy ireo teny Andramiarana, fokontany Morondava, kaominina ambanivohitra Antehiroka. Nanatrika ny fanapotehana ireto CD sy DVD piraty ireto ny solontena avy amin’ny Omda sy ny eo anivon’ny fitsarana. Nambaran’ny eo anivon’ny borigady anti-piratage fa nandritra izay enim-bolana izay, trano miisa telo ny nanaovana fisavana ka miisa sivy ireo olona nosamborina niaraka tamin’ireo fitaovana fanaovana piraty ireo CD marobe. Nahitana afisy miisa 180 ihany koa tao an-tranon’ireo olona voarohirohy.Hitohy any amin’ny faritra ny hetsika…Mitentina hatrany amin’ny 25 tapitrisa Ar ny vidin’ireo fitaovana fanaovana piraty ireo, araka ny fanazavana nomen’ny teo anivon’ity borigady ity hatrany. Miandry didim-pitsarana kosa ny momba ireto fitaovana avolenta ireto. Ireo CD sy DVD ihany hatreto ireto nodorana sy nopotehina ireto. Tanjon’izao hetsika nataon’ny borigady misahana ny ady amin’ny piraty izao ny hampidirana ny olona amin’ny ara-dalàna hahafahan’ny mpanakanto misitraka ny zony ary hadio hanaraka izany koa ny sehatry ny fivarotana CD sy DVD alohan’ny faran’ny taona eto an-dRenivohitra. Ny taona 2017 no farany nisy fandorana ireo CD piraty nataon’ny borigady anti-piratage. Hitohy any amin’ny faritra ny hetsika ny taona 2020, raha ny fanazavana voaray hatrany. Eto amintsika, mahazo vahana ny fivarotana ireny CD sy DVD piraty ireny, indrindra rehefa ankatoky ny fety. Manginy fotsiny ireo horonantsary mamoafady amidy eo Analakely akaikin’ny mpivarotra famantaranandro.Jean ClaudeL’article Nogiazan’ny Brigade anti-piratage: CD sy DVD hosoka iray taonina nopotehina a été récupéré chez Newsmada.

Ambatondrazaka: tsy raikitra ny “Tangorona III”

Niova tampoka! Tsy hisy indray ny “Tsenabe Tangorona III”, ho an’ny faritra Alaotra Mangoro, tokony hotanterahina ny 31 jolay hatramin’ny 4 aogositra ho avy izao, any Ambatondrazaka. Araka ny loharanom-baovao, nahatonga izany ny fotoana tsy ampy fa akaiky loatra ka tsy mifanaraka amin’ny fepetra takin’ny lalàna, nomena ny olona na ny orinasa, hiantoka ny fanatanterahana ity hetsika toekarena ity.Manampy izany, araka ny fiteny aty Alaotra, azo adika amin’ilay hoe “efa may ny mololo”, izany hoe, lany vola ny mpamboly amin’io fotoana nokasaina hanatanterahana ny “Tangorona III” io, sady efa fotoam-panadinana rahateo manomboka ny aorian’io 31 jolay io. Tsy afaka mamoaka tetibola rahateo ihany koa ny lehiben’ny faritra Alaotra Mangoro satria mbola vonjimaika.RarivoL’article Ambatondrazaka: tsy raikitra ny “Tangorona III” a été récupéré chez Newsmada.

Saripika: manana ny toeram-pampirantiany i Rijasolo

Mpaka saripika iray amin’ireo manana traikefa matanjaka. Sehatra maro no efa nahitana azy sy ny sanganasany. Ankehitriny, nahatafita dingana iray lehibe i Rijasolo…Tsy ny eo amin’ny tontolon’ny fanatanjahantena ihany no ahitana ny famirapiratan’ny tanora malagasy. Tsikaritra koa izany eo amin’ny sehatry ny zavakanto. Taona vitsy lasa izay, olana goavana nosedrain’ny mpanao hosodoko, mpanakanto araka endrika amam-bika ary ireo milomano ao amin’ny tontolon’ny sary isan-karazany, ny tsy fisian’ny toeram-pampirantiana.Amin’izao fotoana izao, misy amin’izy ireo ny miezaka fa tsy miandry fotsiny ny vahaolana entin’ny fanjakana ka manangana toeram-pampirantiana na « galerie » azy manokana. Anisan’ireny i Rijasolo, iray amin’ireo fanta-daza sy manana ny maha izy azy amin’ny fakana sary kanto sy matihanina. Araka ny fantatra, misokatra ho an’ny rehetra ny toeram-pampirantiany eny Faravohitra eny. Toerana tony sy milamindamina, ahafahana mankafy ireo sanganasany sy mitafa amin’ny aingam-panahiny.Afaka roa volana eo ho eo, izany hoe, amin’ny volana septambra, hihazo an’i Frantsa i Rijasolo, hanatanteraka fivahiniana arahim-pamokarana na « résidence de création », any amin’ny Cité internationale des arts. Raha tsiahivina, ity no anisan’ny loka goavana azo tamin’ny fifaninanana « Loka Paritana » andiany fahatelo.Haharitra telo volana ny diany ka, aorian’izay, haranty any an-toerana ny zava-bitany. Tsy ho diso anjara amin’izany ny eto an-tanindrazana, toy ny nataon’ireo mpandresy tamin’ny andiany roa voalohany tamin’ity fifaninanana ity.Landy R.L’article Saripika: manana ny toeram-pampirantiany i Rijasolo a été récupéré chez Newsmada.

Tagnamaro-MCC: hodiovina ny Oniversite

 Toy ny isaky ny asabotsy fahatelo amin’ny volana, hanatanteraka “tagnamaro” ny minisiteran’ny serasera sy ny kolontsaina  (MCC), androany. Nosafidiana amin’ity andiany ity ny eny Ambohitsaina, izay hita fa tsy ampy fikolokoloana. Araka ny fantatra, ho mafimafy ny asa satria hisy ny fandokoana ireo trano fianarana, hita ho efa mihavasoka. Eo koa ny fanadiovana sy ny fanalana ny lobolobo, izay manangona voalavo sy manaratsy endrika ity toeram-pampianarana ambony ity.Entanina handray anjara amin’izany voalohany ny tompon’andraikitra isan-tsokajiny eny amin’ny Oniversite sy ireo mpianatra eny. Raha tsiahivina, tetikasa fifanampiana, entina hamohazana indray ny fitiavan-tanindrazana ao amin’ny Malagasy, ny “tagnamaro”. Asa mivaingana sy azo tsapain-tanana ho tombontsoa iombonana ny atao.Hetsika iray enti-manova ny toe-tsaina mba hahay handray andraikitra amin’ny fanarenana ny firenena sy mba hahay hanaja ny fananana iombonana ny “tagnamaro”. Entanina handray anjara amin’izany ny olom-pirenena rehetra, ny fikambanana, ny sehatra miankina sy tsy miankina amin’ny fanjakana, ireo masoivoho vahiny eto amintsika, sns.Natomboka tamin’ny volana marsa ny “tagnamaro” ka, ankoatra ny eto an-dRenivohitra, manatanteraka izany koa ny any amin’ny faritra samihafa.Landy R.  L’article Tagnamaro-MCC: hodiovina ny Oniversite a été récupéré chez Newsmada.

Fahamaizan’i Bazarikely: tsy nitovy ny tatitry ny tomponandraikitra ao Toamasina

Tonga nitsidika ny tsena Bazarikely may, ny alin’ny asabotsy teo, sy nanao fanadihadiana momba ny antony nahatonga ny fikomian’ny fonjan’Ambalatavoahangy, ny asabotsy maraina teo ihany koa, ny Praiminisitra, i Ntsay Christian, omaly. Nitarika ny fihaonana tamin’ireo lehiben’ny sampandraharaham-panjakana isan-tsokanjiny toy ny prefet-n’i Toamasina eto an- toerana tao amin’ny faritra Atsinanana ny tenany. Nanangona vaovao momba ny fahamaizan’ny tsena Bazarikely izy. Nivoaka ny tatitra samihafa nataon’ny tompon’andraikitra izay tsy mitovy fa samy manana ny azy ny tarehimarika momba ny isan’ny naratra sy ny tranoheva may tao amin’ny toerana nisehoan’ny firehetana. Nilaza ny talen’ny tsena fa 1 900 ny may; ny prefet, nanambara fa 1 200, ary olona iray naratra. Ny lefitra faharoan’ny delegasiona manokan’ny kaominina ambonivohitra Toamasina, nahita fa 1 500. Ny tatitra efa tonga nialoha tany amin’ny praiminisitra nilaza fa 600 ny tranoheva may ary olona telo naratra. 600 ny tena mpivarotra misoratra ara-dalàna ka mandoa haban-tsena tsy tapaka ao amin’ny kaominina. Ny sisa ambiny, tranoheva aferan’ireo mpanao kolikoly ao amin’ny kaominina.Nisy nanipy « Cocktail molotov » ? Voaresaka ny antony nahatonga ny firehetana izay tsy nitovian-kevitra ihany koa. Nisy nilaza fa niainga avy tamin’ny fifampikasohan’ny taribin’ny Jirama. Tao kosa ireo nanambara fa nisy olona nanipy tavoahangy « Cocktail molotov ». Farany, nijery ifotony ny toerana nisy ny tranoheva voalaza fa nisy ny kaontera nahatonga ny fifampikasohan’ny herinaratra ny praiminisitra. Niangavy ny polisy misahana ny famotorana hamoaka ny marina izy. Nilaza ny loharanom-baovao niainga tao an-tsena fa misy ambadika avy amin’ny tale teo aloha ny tsena ny raharaha hanafenana ireo tranoheva tsy ara-dalàna anarivony. Nohamafisin’ny praiminisitra fa tsy maintsy hanokafana ny lalana ifamezivezen’ny fiara ahafahana manao famonjena voina ny tsena raha toa ka misy izany. Hanolotra fanampiana fanitso 2 500 amin’ny 2 metatra ary hazo fisaka 400, avy tamin’ny filoha, ny tenany ary nasiany fampitandremana ho an’izay hamilivily ny fitaovana hozaraina amin’ny vahoaka.Sajo L’article Fahamaizan’i Bazarikely: tsy nitovy ny tatitry ny tomponandraikitra ao Toamasina a été récupéré chez Newsmada.

Kizo iray ao Analavory: vehivavy ny mpitahiry ny fitaovam-piadian’ireo dahalo

Dahalo valo mianadahy indray voasambotry ny zandary avy ao ami’ny poste avancé (PA) Analavory distrikan’i Miarinarivo, ny alarobia 17 jolay 2019 lasa teo ka vehivavy (mpitahiry  ny fitaovam-piadiana ampiasain’ireo dahalo, miaraka amin’ny odigasy) ny iray amin’izy ireo.Araka ny fampitam-baovao nampitain’ny zandary avy any an-toerana, fokontany roa (Kianjasoa sy Ankaranana) ao amin’ny kaominina Analavory no lasibatr’ireto dahalo miisa valo ka lasan’izy ireo tamin’izany ny omby miisa 30. Tsiahivina fa ny 8 jolay 2019 lasa teo, nahazo antso ny zandary miasa ao amin’ny Poste avancé Analavory fa misy dahalo manafika ao amin’ny fokontany Kianjasoa, kaominina Analavory ka omby miisa 10 no lasan’ireo malaso. Namonjy teny an-toerana avy hatrany ny zandary niaraka tamin’ny fokonolona ka tratra teo amin’ny kizo fiafenany ireo dahalo ka raikitra ny fifandonana. nitsoaka ireo malaso, navelany teo ny omby miisa enina fa ny efatra kosa efa novonoin’izy ireo. Ny 10 jolay lasa teo indray, naharay antso indray ny zandary fa misy dahalo manafika ao amin’ny fokontany Ankaranana Ambodimanga, misy dahalo manafika io tanàna. Lasan’ireo malaso tamin’izany ny omby miisa 20. Nametraka ny paikady rehetra ny zandary ka niroso tamin’ny fanarahan-dia. Natao ny sakana teo amin’ny kizo izay holalovan’izy ireo ary nampandrenesina koa ny zandary avy ao amin’ny poste avancé Ambalanirana.Olona telo nidoboka am-ponja noho ny FIB hosoka…Rehefa nahatazana ny zandary sy ny fokonolona teo amin’ny kizo niafenany ireo dahalo dia raikitra ny fifandonana. vokany, tsy nahatohitra ny zandary ireo malaso ka navelan’izy ireo ny omby miisa 20 ary dahalo iray tratra niaraka tamin’ny basim-borona calibre 12 vita gasy.Nandritra ny famotorana nataon’ny zandary tamin’ity dahalo ity no nahafahana nisambotra ireo namany fito ka vehivavy ny iray izay nambaran’ny zandary fa mitahiry ny fitaovam-piadiana sy mpitazona odigasy. Nohamafisin’ny zandary fa mipetraka eny amin’iny faritra iny ihany izy ireo. Nahitana basim-borona roa hafa kao niaraka tamin’ny bala miisa enina, lefona, odigasy maromaro tao anaty kizo, ankoatra ireo niambozonan’ireo malaso. Mandritra ny hetsika ataon’ny zandary any an-toerana momba ny fijerena ny taratasin’omby (FIB) eny an-tsenan’omby ao amin’ny distrikan’i Miarinarivo, notarihin’ny lehiben’ny vondron-tobim-pileovana Itasy, ny Kly Ralaikoa Armandin dia maro ireo taratasin’omby (FIB) hosoka ary olona telo no efa naiditra am-ponja ao Miarinarivo. Manentana hatrany ny zandary amin’ny fifanomezan-tanana amin’ny vahoaka mba hahafahana misoroka mialoha ny asan-dahalo toy izao.Jean ClaudeL’article Kizo iray ao Analavory: vehivavy ny mpitahiry ny fitaovam-piadian’ireo dahalo a été récupéré chez Newsmada.

Cnaps: fiahiana sosialy any Antsohihy

Tapitra amin’ity volana jolay ity ny fe-potoana, telo volana, nomen’ny fanjakana ny Tahirim-pirenena misahana ny fiahiana sosialy (Cnaps) eo ambany fiahian’ny minsiteran’ny Asa (METFPLS). Natsangana ny vaomiera manokana « Task force » iarahan’ny roa tonta hanatanteraka ny fitetezana manerana ny faritra eto amintsika. Anisan’ny tanjona ao anatin’izany ny fanentanana ny mpampiasa hanara-dalàna, toy ny fanomezana ny zon’ny mpiasa amin’ny fiahiana sosialy, hisian’ny asa mendrika.Nitety orinasa maro any amin’ny faritra Sofia, toy ny any Antsohihy, ny any Port Bergé,… ity vaomiera ity, ny 16 hatramin’ny 19 jolay teo. Nisy koa atrikasa telo sosona nokarakaraina tany Antsohihy, nifantoka tamin’ny fiahiana sosialy, ho an’ny sehatra tsy miankina (fampianarana, fihariana, vondrom-bahoaka itsinjaram-pahefana mampiasa ECD), mikasika ny Fahasalamana sy ny aroloza (SST) ary ho an’ny mpampiasa sy ny sendikalista ary ny mpianatra, ao anatin’ny fandaharanasa fampiroboroboana ny fiarovana sosialy (PPPS).Manodidina ny 10 isan’andro ny orinasa tsy miankina notsidihina nandritra ireo telo andro ireo. Nomena torohevitra ny mpampiasa amin’ny fomba fandoavana latsakemboka, ny filazan-karama, ny famahana ny olan’ny orinasa sy ny sakana amin’ny fidirana Cnaps, sns. Nentanina koa ny mpiasa hiaro ny zony. Napetraka ny tranoheva manakaiky vahoaka ho an’ny besinimaro, nampahafantatra ny asan’ny Cnaps sady nanoro hevitra sy nanampy ny rehetra.Njaka A.L’article Cnaps: fiahiana sosialy any Antsohihy a été récupéré chez Newsmada.

Fanangonana antontanisa: hofantarina ny tahan’ny fahantrana

Notolorana fiara 4×4 – V8 miisa 20 ny sampandraharaha misahana ny antontanisa (Instat), omaly teny Anosy, hoentina hanatanterahana ny asa, hizahana akaiky ny tahan’ny fahantrana sy ny fari-piainan’ny Malagasy. Tafiditra ao anatin’ny fanamafisana ny Statcap* izany, mahazo famatsiam-bola avy amin’ny Banky iraisam-pirenena, 30 tapitrisa dolara (90 miliara ariary eo ho eo) hatramin’ny 31 marsa 2022.HHHHhHerintaona ny hanaovana ny fanangonana antontanisa manerana ny Nosy, hanomboka amin’ny septambra 2019 hatramin’ny desambra 2020. Jerena avokoa ny lafiny fahasalamana, ny fanabeazana, ny trano fonenana, ny fitaterana, ny asa atao, ny fandaniana, sns. Hanaovana fanadihadiana ny fari-piainan’ny isan-tokantrano; faritana ny endriky ny fahantrana sy ny fiantraikan’izany eo amin’ny toekarena sy ny sosialy, mba ho mazava amin’ny mpitondra. Midika izany fa mila fandinihana mialoha ny fanapahan-kevitra rehetra.Avy amin’io Statcap io ny tokony hahitana antontanisa tsara rafitra sy hanatsarana ihany koa ny fampahafantarana azy, hanitsiana ny tsy mety teo aloha. Atomboka amin’ny fanangonana tarehimarika, ny fanadihadiana sy ny fanaparihana ny tsara ho fantatra momba ny mponina, ny fahantrana sy ny fari-piainan’ny mponina; ny vidim-piainana, sns… Heverina hatao isaky ny roa na telo taona izany ; ny vita farany izao, tamin’ny taona 2012, nahitana tahan’ny fahantrana 71,5 %, tarehimarika ampiasana hatramin’izao, nefa tokony ho efa havaozina. R.MathieuL’article Fanangonana antontanisa: hofantarina ny tahan’ny fahantrana a été récupéré chez Newsmada.

Valimbabena :: Hanatanteraka tetikasa etsy Ambodivonkely i Dax sy Rado

Mpanao fanatanjahan – tena roa lahy reharehan’ny fokontany Ambodivonkely, etsy amin’ny Boriborintany faha-VI eto an-drenivohitra Andriamirado Arohasina na i Dax, izay isan’ny mpilalao nandrafitra ny ekipam – pirenena na ny Barea, sy Andriamirado Heriniaina Patrick, izay nandrombaka ny medaly volamena tamin’ny fiadiana ny ho tompondakan’ i Azia, teo amin’ny taranja Tae-kwondo. Noraisin’ireo mponina sy oloben’ny fokon- tany, tetsy Ambodivonkely, izy roalahy omaly, ka nampahafantaran’izy ireo ny fanatanterahany tetikasa ho an’ity tanàna niaingan’izy ireo ity mba ho valim-babena tamin’ny fahombiazany. “Hijery ny taninketsa aho. Vonona aho ny hitarika klioba vaovao hosokafana eto amin’ny fokontany”, araka ny voalazan’i Rado. “Hanao izay vitako ho an’ireo tanora eto aho. Tetikasako manokana ny hanokatra sekolin’ny baolina kitra eto mba hisy ho mpandimby ahy ho reharehan’ny fokontany hatrany sy ho fanampiana ireo tanora”, hoy indray i Dax. Hiverina any amin’ny kliobany, ny Kaizer Chiefs (Afrika Atsimo), anio Andriamirado Arohasina na i Dax. Nafana ny fihaonan’ izy roa lahy ireo tamin’ny solontenan’ny fokontany Ambodivonkely teny amin’ny Iarivo Hotel, omaly. Sendra R. L’article Valimbabena :: Hanatanteraka tetikasa etsy Ambodivonkely i Dax sy Rado est apparu en premier sur AoRaha.

Razanamahasoa  C: « Haverina ny hasin’ny depiote »

Niaiky ny tsy nety teo aloha.“Hifamarafara isika ary tsy maintsy mifanafatra noho ny traikefa maro tamin’ny nanaovana depiote sy ny andraikitra maro noraisina ka manana adidy handefa hafatra dieny izao fiandohany izao mba hizorana amin’ny lalana tsara eo amin’ny asa atao amin’ny maha depiote… Mila haverina amin’ny hasiny ny Antenimierampirenena, araka ny nanambaran’ny filoha HCC izany farany teo. Niaraha-nahita ny zava-nisy teo aloha”, hoy izy tamin’ny lahatenin’ny zokiolona, ny depiote Razanamahasoa Christine teny Tsimbazaza, omaly. Nitarika ny fivoriana manokana ny tenany niaraka amin’ny depiote zandriny indrindra, i Tsaradia Marco, nialoha ny fanatanterahana ny fifidianana ny birao maharitry ny Antenimiera. Nohitsiny fa manana adidy ny depiote hanarina ny lesoka teo aloha ary tsy hiverina eny amin’io lapa io intsony ny tahaka izany. Antony tsy namparisika ny mpifidy ireny tranga ireny ka naha ambany ny taha nahavoafidy  azy ireo tamin’ny fifidianana depiote farany teo. Notsiahiviny koa ny tokony hanajana ny lalàna eo amin’ny fisarahan’ny fahefana mpanao lalàna sy ny mpanatanteraka… Niroso tamin’ny fifidianana ny rehetra ny tolakandro rehefa nandray izany hafatrafatra izany.Synèse R . L’article Razanamahasoa  C: « Haverina ny hasin’ny depiote » a été récupéré chez Newsmada.

Fitakin’ny MCFIE: « Havaozy ny  lisi-pifidianana… »

Namoaka  fehin-kevitra ireo eo anivon’ny Fikambanan’ny olom-pirenena tsy mankasitraka ny hosoka sy ny halabato ary koa ny tsy fanarahan-dalàna amin’ny fifidianana (MCFIE). “Havaozina  tanteraka aloha  ny lisi-pifidianana. Takinay  ny tsy fiandaniana  sy ny fahaleovantenan’ny  Ceni. Havaozina ny mpikambana  eo  anivon’ny  HCC”, hoy  ny fanambaran’izy ireo,  navoaka, omaly. Tsy vitan’izany fa takin’izy ireo hotanterahina ireo vao azo  irosoana sy  hatao ny  fifidianana ben’ny Tanàna. “Tsy tokony  hatao aloha izany raha  tsy  tanteraka  avokoa ireo  fitakiana sy fepetra ireo”, hoy ihany  izy ireo. Ankoatra izany, anisan’ny takin’izy  ireo  ny hitondran’ny  HCC fanazavana amin’ny  antsipiriany ny momba  ireo fitoriana  sy fitarainana  maherin’ny 700  tamin’ny fifidianana  solombavambahoaka  farany teo  iny. Anisan’ny mpikambana mandrafitra ity MCFIE ity  ireo olom-pirenena tsotra.  Fa eo koa  ny pasitera Tsarahame Edouard,  Riribe, ny Dr Razafindrakoto Harison…Synèse R.  L’article Fitakin’ny MCFIE: « Havaozy ny  lisi-pifidianana… » a été récupéré chez Newsmada.

Voka-pifidianana Matoky ny HCC ny any Brickaville

 Namoaka fanambarana ny tangalamena sy ny solontenan’ireo kandidà miisa valo any Brickaville, manoloana ny fifidianana depiote tany an-toerana. “Matoky ny fahendren’ny HCC izahay amin’ny  famoahana ofisialy ny voka-pifidianana ka tsy ho voafitaky ny vela-pandrika mety hataon’n y sasany. Miantso ny vahoaka, indrindra ny aty amin’ny distrikan’i Brickaville, ho tony eo am-piandrasana izany. Efa nametraka ny safidy amin’ny kandidà laharana fahadimy, i Satra Augustin, noho ny fahavononany hiara-kiasa amin’ny fanjakana,  araka ny nambarany tamin’ny propagandy”, hoy izy ireo. Notsiahivin’ny fanambarana tamin’izany fa nizotra tamim-pilaminana sy nanaraka ny lalàna ny fifidianana natao tany an-toerana ny 27 mey lasa teo iny. “Samy nanao ny asany avy ireo sampandraharaha nanakinana izany. Eo ny Ceni, ny mpanara-maso fifidianana, ny KMF/Cnoe, ny  eo anivon’ny SRMV… Ekena fa manana ny ambarany ny resy, saingy ambaranay fa nadio sy nilamina izany na misy aza ny fitoriana. Mitombina sy marina ny voka-pifidianana navoakan’ny Ceni”, hoy izy ireo.Mitarika vonjimaika ny kandidà SatraNotsiahivin’ireo olobe sy tangalamena nanao ny fanambarana fa samy nanasonia ny fitanana an-tsoratra (PV) naneho ny fizotry ny fifidianana tao anaty filaminana sy tsy nisehoana hosoka ny delege na ny solontenan’ny kandidà. Tsiahivina fa mitarika amin’ny voka-pifidianana vonjimaika navoakan’ny Ceni ny kandidà laharana fahadimy, i Satra Augustin. Nahazo ny salanisa 28, 03% raha laharana faharoa ny kandidà  Ravololonirina Emelie, 23%  ary ny kandidàn’ny IRD, i Mermose Charly, nahazo maherin’ny 22%. Toerana iray ny niadiana tany amin’ny distrikan’i Brickaville.Synèse R.    L’article Voka-pifidianana Matoky ny HCC ny any Brickaville a été récupéré chez Newsmada.