Sport

News - Sport - Misaona ny tontolon’ny fanatanjahantena: kalaza telo mirahalahy indray maty
Misaona ny tontolon’ny fanatanjahantena: kalaza telo mirahalahy indray maty

Misaona tanteraka ny tontolon’ny Fanatanjahantena eto Madagasikara. Mpanao fanatanjahantena telo mirahalahy be izao no indray maty, ny faran’ny herinandro teo. Andrianafetra Faly “Le Roi Lion”, eo amin’ny taranja familiana fiarakodia, i Maitre Mamy, ho an’ny taranja taekwondo ary Rafalimanana Jhonny Patrick (Rasta), taranja rugby. Ireo ny andrarezina eo amin’ny tontolon’ny fanatanjahantena indray na­moy ny ainy. Tsy mifidy saranga ny Covid 19 fa na mpanao fanatanjahantena matanjaka aza dia tsy amelany. Raha ny an­gom-bavao voaray mantsy, voamarina fa noho ny tsimokaretina Coronavirus no nahalavo an’ Andrianafetra Faly na i Le Roi Lion, izay avy hatrany dia nalevina omaly ihany. Olobe teo amin’ny sehatry ny fanamoriana fiarakodia izy satria ankoatra ny maha filoha lefitry ny FSAM (Fé­dération du Sport Automo­bile de Madagascar) azy dia efa nandrombaka ny anaram-boninahitra ho tompondakan’i Ma­dagasikara imbetsaka i Faly be. Ny fiara P.504, P.106 ary P.206 ny efa nifandimbiasany nentina tamin’izany. Efa hita teo amin’ny sehatry ny politika ihany koa Andrianafetra Faly. Efa kandidà ho ben’ny Tanànan’Atsimon­drano, tao amin’ny antoko TIM, tamin’ny fifidianana farany teo ny tenany. Raha ny momba an’i Maitre Mamy indray, dia tsy nisy tsy nahafantatra azy ny teo amin’ny taranja taekwondo. Nanomboka niditra teo amn’ity taranja ity izy, ny taona 2001, tao klioban’ny Horinu Sansu ary ny sokajin-danja teo anelanelan’ny 72kg hatramin’ny 78kg no nisy azy. Tamin’ny 2010 kosa no lasa mpitsara ary saika hita nandray anjara hatrany teo amin’ny lafin’ny fitsarana ireo fifaninanam-pirenena sy ny fiadiana ny tompondakan’i Afrika, tamin’ny taona 2012. Namela mananotena sy kamboty roa i Maitre Mamy. Mahakasika an-dRafali­manana Jhonny Patrick na i Rasta kosa, izay fantatry ny maro teo amin’ny taranja baolina lavalava, 34 taona izy izao nindaosin’ny fahafatesana izao. Ny toeran’ny “2ème ligne” sy “3ème ligne” tao amin’ny klioban’ny XV family ny nisy azy.Tao amin’ny fileovana Andranomanalina no nilalaovany fony sokajy junior ary nifindra tao amin’ny XV family taorian’izany ka hatramin’izao. Raha ny nambaran’ny olona akaiky azy, tampoka ihany ny fahafatesany. Mbola natanjaka tsara izy, ny alakamisy lasa teo ary nitaraina ho narary vavony kosa anefa taorian’izay ka izao nitarika hatramin’ny fahafatesany izao. Tsy mbola voamarina tsara, araka izany, izay tena nahafaty ireto roa lahy farany ireto. Mirary fiononana feno ho an’ny fianakavian’izy telo mirahalahy.Mi.RazL’article Misaona ny tontolon’ny fanatanjahantena: kalaza telo mirahalahy indray maty a été récupéré chez Newsmada.

27/07/2020
Tohizo ny famakiana >>

Foot - News - Sport - News Mada
21/07/2020

Kitra maneran-tany : tsy hisy ny «Ballon d’or 2020»

Nambaran’ny “France foot­ball” tamin’ny fomba ofisialy omaly alatsinainy fa foana ary tsy hisy ny fanendrena ireo mpilalao mendrika ho an’ny taona 2020 na ny “Ballon d’or”. Anton’izany, araka izay efa fantatry ny rehetra, ny fisian’ilay valanaretina Covid-19, mamely mafy ireo firenena maneran-tany, amin’izao fo­toana izao. Voalohany hatramin’ny nisian’ny “Ballon d’or”, nanomboka ny taona 1956, no tsy hisy izany amin’ity. Tsy feno ny fepetra amin’ny fisafidianana izay ho mpanao baolina kitra mendrika, amin’ity taona ity, araka ny tatitra avy amin’ny mpikarakara. Tsy mitovy ny mason-tsivana, eo amin’ireo fifaninanana isan-tokony sy ny fiovana maro naterak’ity valanaretina ity ka ahazoana mamantatra izay ho mpilalao mendrika. Teo koa ny fahatapahana antenantenany ny taom-pilalaovana, ho an’ireo firenena isanisany. Roa volana monja, amin’ny 11, no hanaovana ireo fifantenana isan-karazany. Na izany aza, nampanantena ny France football fa tsy miova ny endriky ny fifaninanana, amin’ny taona 2021. Fotoana ahalalana ihany koa izay handimby an’i Lionel Messi sy i Megan Rapinoe, “Ballon d’or 2019”, lahy sy vavy.TompondakaL’article Kitra maneran-tany : tsy hisy ny «Ballon d’or 2020» a été récupéré chez Newsmada.

News - Sport - News Mada
21/07/2020

“E-safari rally 2020” : tompon-daka ny Malagasy

Nifarana, ny alahady lasa teo, ny “E-safari rally 2020”, fifaninanana mamily fiarakodia amin’ny alalan’ny solosaina na ny “rallye virtuel”, nokarakarain-dry zareo Kenyanina. No­rombahin’ny mpanamory malagasy ny fandresena, tamin’ity. Lasan’Andritiana Mathieu (BSR Andritiana), nitondra ny fiara Mitsubishi space star 5, ny voalohany. Nahazo isa 434 ny tovolahy nandritra ny fanatanterahana ny hazakazaka tao anatin’ny hateloana. Raha tsiahivina, nanana isa 157 izy teo amin’ny andro voalohany ary 150 teo amin’ny andro faharoa, raha 127 ny fahatelo. Azo lazaina fa nanjakan’ny Malagasy ity fihaonana ity satria mbola Malagasy ihany koa ny faharoa, tamin’ny alalan-dRakotondrabesa Falihery (Falix 101), niaraka tamin’ny fiara Mitsubishi space star 5 ihany koa. 366 ny fitambaran’ny isa voaangony, tamin’ity, izay mitsinjara ho 133 teo amin’ny dingana voalohany, 141 ny faharoa ary 92 ny fahatelo. Mbola mpanamory malagasy ihany koa ny fahatelo, tamin’ny alalan’i Ericbegu, nahazo isa 363. Tany aminn’ny laharana fahefatra vao nahitana vahiny, lasan’i Brian Crossett (Gravy­quinn), nanana isa 352.TompondakaL’article “E-safari rally 2020” : tompon-daka ny Malagasy a été récupéré chez Newsmada.

Basket - News - Sport - News Mada
20/07/2020

Youth Leader-Fiba 3×3 : nahavita ny “E-learning Program” i Fanerena Sacha

Nahatody hatramin’ny fa­rany ny “E-learning Program” nomen’ny Fiba i Fanerena Etienne Richardson (Sacha), izy izay “Youth Leader” avy any amin’ny faritra Diana. Nahazo ny mari-pankasitrahana mifanaraka amin’izany ity tovolahy vao 24 taona monja, vonona hampiroborobo ny taranja basikety lalaovin’olona telo ao Diana, ity. Raha ny namba­rany, mora amin’i Sacha ny nia­trika ny fanadinana satria 100% ny isa azony tamin’izany. Raha tsiahivina, niisa 21 mianadahy izy ireo ny nisolo tena an’i Ma­dagasikara tao anatin’ilay fifaninanana “Youth Leader” karakarain’ny Fiba ka mbola i Fanerena Sacha irery no nahavita ity programa ity. Nambaran’ity tovolahy ity fa nitondra voka-tsoa ho azy ny taranja basikety ka vonona izy ho tanora mpitarika mendrika ao amin’ny faritra misy azy, hampiroborobo ny basikety 3×3. “Fomba iray tena tsapako fa nahomby ho an’ny fitaizana vatana sy saina ny tanora ny basikety ary nitondra voka-tsoa ho an’ny fivelarako manokana amin’ny sehatra maro” hoy ny nohamafisin’i Fanerena Étienne Richardson. Raha mi­tohy izao fikirizany izao, hiatrika ny fiofanana any ivelany i Sacha. Mialoha izany anefa, mbola hisy ny fiofanana hatao eto Antananarivo, miankina amin’ny toe-draharaha fahasalamana ny daty hanaovana izany.Mi.RazL’article Youth Leader-Fiba 3×3 : nahavita ny “E-learning Program” i Fanerena Sacha a été récupéré chez Newsmada.

Foot - News - Sport - News Mada
20/07/2020

Kitra atsy La Réunion : niala tao amin’ny Ste Marienne i Gladyson

Tsy nanavao ny fifanarahany amin’ilay mpilalao baolina kitra malagasy, i Henri Charles Gladyson, intsony ny ekipan’ny Ste Marienne, atsy La Réu­nion. Na teo aza izany, tsy niandry ela fa vetivety ihany i Gladyson dia efa nahita klioba hilalao­vana indray ho an’ny taom-pilalaovana 2021. Nifindra ao amin’ny AS Ste Suzanne in­dray izy. Somary nahagaga ny rehetra ihany ity safidiny ity satria ekipa milalao any amin’ ny rezionaly 2 ny AS Ste Su­zanne. «Faniriako mihitsy ny hilalao ao amin’ny rezionaly 1, saingy tsy te hijanona ela amin’ny tsy filalaovana aho. Niantso ahy ny Ste Suzanne ary nanankina ny fitokisany amiko ka nekeko. Tsy fahafaham-baraka ihany koa ny milalao any amin’ny Rrzionaly 2”, hoy i Gladyson, izay efa 31 taona, ankehitriny. Nomarihiny fa hiezaka ha-nome ny heriny izy ao anatin’ ity dimy volana ity hahatraran’ ny ekipa ny tanjony, Fanamby goavana ho azy izany. Tsiahi­vina fa anisan’ireo mpilalao telo voalohany nahatafiditra baolina be indrindra, tatsy La Réunion, i Gladyson, namono baolina miisa 15. Miandrandra fatratra an’i Gladyson ireo mpomba ny Ste Suzanne, ary manantena fa hitondra ainga vao ho an’ny ekipa ao amin’ny rezionaly 2 ka mihevitra fa mety ho tonga hatrany amin’ny fiadiana ny amboaran’i Frantsa mihitsy.TompondakaL’article Kitra atsy La Réunion : niala tao amin’ny Ste Marienne i Gladyson a été récupéré chez Newsmada.

News - Sport - News Mada
18/07/2020

Rallye – “E-Safari Rally 2020”: Mitarika i Kevin sy i Faniry Rasoam

Nanomboka omaly zoma ny “E-safari rally 2020”. Fifani­nanana fanamoriana fiarakodia amin’ny alalan’ny solosaina na ny “rallye virtuel”, hatao amin’ ny alalan’ny “plateforme Dirt. rally.2”. Raha ny tokony ho izy, natao tany Kenya ny dingana voalohany amin’ny fiadiana ny ho tompondaka eran-tany 2020, amin’ny rallye tena izy, saingy noho ny fisian’ny valanaretina covid-19, nofoanana izany ary izao navadika ho “rallye virtuel” izao. Araka izany, ry zareo Ke­nyanina avokoa no mikarakara ny fandaharam-potoana sy ny “competitive distance” na ireo dingana manokana diavin’ireo mpifaninana rehetra. Ireo fiara ao amin’ny “Groupe 5” avokoa, izay efa nankatoavin’ny federasiona iraisam-pirenena (FIA), tamin’ny farany teo no afaka mandray anjara. Nanatanteraka dingana ma­no­kana miisa sivy ireo mpanamory teo amin’io andro voalohany io ka nisongadina ny Ma­lagasy satria lasan’i Madagasi­kara avokoa ny toerana roa voalohany. Mitarika amin’izany i Katybegue, mitondra ny fiara Mitsubishi Space Star, manana ny fe-potoana 55 mn 24.405 s. Manaraka azy eo amin’ny laharana faharoa i Faniry Rasoam, miaraka amin’ ny fiara 56 mn 36.768 s. Mahatratra 25 ireo firenena miatrika ity dingana atao atsy Kenya. Hitohy anio asabotsy sy rahampitso alahady ity fifaninanana ity.TompondakaL’article Rallye – “E-Safari Rally 2020”: Mitarika i Kevin sy i Faniry Rasoam a été récupéré chez Newsmada.

Foot - News - Sport - Ao Raha
18/07/2020

Kitra espaniola :: Voahosotra ho tompondakan’ny Liga ny Real Madrid

Nibata ny amboaran’ny anarana tompondaka fahefatra amby telopolo tany Espana, na ny Liga amin’ny taranja baolina kitra ny ekipan’ny Real Madrid. Fandresena tamin’ny isa 2 noho 1 nanoloana ny Villareal, afak’ omaly alina, niaraka tamin’ny faharesen’ny Barcelone tao antaniny 1 noho 2 teo anoloanan’ ny Ossasuna, no niverenan’ny amboara teo am-pelantanan’ny klioba tarihin’ilay mpanazatra frantsay, Zinedine Zidane. Isa 86, taorian’ireo andro 37 tontosa, no nahavoahosotra ny Real de Mardrid ho tompondaka. Tsy hisy fiantraikany amin’ ny filaharana intsony ny andro faha-38 farany amin’ny Liga. Hijanona eo amin’ny laharahana faharoa kosa ny Barcelone. Natsimbadiky ny Real Madrid tanteraka ny rasa tamin’ity fifaninanana Liga ity, na dia tara isa roa taorian’ny Barcelone aza izy ireo, talohan’ny fiatoan’ny fifaninanana tany Espana. Fandresena hatrany no azon-dry Sergio Ramos, vodilaharana sady kapitenin’ny Real de Madrid, tamin’ireo lalao folo nataony, taorian’ny fiverenan’ny Liga. Isan’ireo mpilalao angady nananana sy vy nahitana an’izao fahombiazan’ny Real Madrid izao ilay mpanafika frantsay, Karim Benzema. Mbola hiatrika ny lalao miverina amin’ny ampahavalondalana amin’ny fiadiana ny amboaran’i Eoropa isan-tarika ny “Trano fotsy”, izay hihaonany amin’ny Manchester City sy hanonerany ny fahareseny 1 noho 2 tao an-taniny, nanoloana an’ity klioba Anglisy ity. L’article Kitra espaniola :: Voahosotra ho tompondakan’ny Liga ny Real Madrid est apparu en premier sur AoRaha.

News - Santé - Sport - Ao Raha
17/07/2020

Fitsaboana valanaretina :: Sitrana tanteraka ilay mpilomano sy ny ankohonany

Afa-doza. Niverina amin’ny fahasalamana tanteraka Rakotondrainibe Harivola Marie Sarah, mpilomano kalaza fahiny, rehefa avy nolazoin’ny valanaretina Covid-19. Nambarany fa « sitrana tanteraka izy telo mianaka », izay samy nisafidy ny hitsabo tena tany an-tokantranony. « Ny vavaka sy ny fitsaboana nataon’ny mpitsabo, izay rahavaviko ihany, no nahasitrana anay », hoy ity tale teknika nasionalin’ny lomano malagasy teo aloha ity. Tamin’ny 15 jona 2020 no nanomboka nisy soritr’aretina izy, araka ny fitantarany, ka ny 20 jona vao nanao fitiliana. Ny 28 jona no nivaly fa mitondra ny tsimok’aretin’ny Covid-19 ilay renimpianakaviana. Nanomboka niharatsiratsy ny toe-pahasalamany, tamin’io andro io hatramin’ny 1 jolay. Nanapa-kevitra ny nihiboka sady nitsabo tena tao an-trano izy telo mianaka, satria efa naneho soritr’aretina ihany koa ny vadiny. Kohaka kely fotsiny kosa no niseho tamin’ny zanany, araka ny fitantarany hatrany. « Fifangaroana fanafody avy amin’ny mpitsabo sy ireo fitsaboana nentim-paharazana ary ny vavaka sy ny tohana ara-tsaina nataon’ireo namana no nitondra anay amin’izao fiverenan’ny fahasalamana izao, ankehitriny. Isaorana ireo rehetra nanohana anay, indrindra ireo nivavaka ho anay », hoy hatrany ity mpilomano kalaza ity L’article Fitsaboana valanaretina :: Sitrana tanteraka ilay mpilomano sy ny ankohonany est apparu en premier sur AoRaha.

Foot - News - Sport - News Mada
17/07/2020

Kitra – Mondial 2022 : maraina hatramin’ ny hariva ny oran’ireo lalao sasany

Araka izay efa nampahafantarina teto, ny 21 novambra ka hatramin’ny 18 de­sambra, ny taona 2022 no ha­natontosana ny fiadiana ny amboara eran-tany “Mon­dial”, taranja baolina kitra. Ndeha kosa ho fantarina ireo ora hizoran’ny lalao isanisany. Hampiantrano ny andiany faha-22, amin’ny fiadiana ny amboara eran-tany, taranja baolina kitra i Quatar, amin’ny taona 2022. Fihaonana hatao ny 21 novambra ka hatramin’ny 18 desambra. Hiady izay ho lohany amin’izany ireo firenena miisa 32 tafakatra tamin’ny fifanintsanana isaky ny kaontinanta. Miisa 64 ireo fihaonana tanterahina amin’izany. Raha ny fandaharam-potoana, ny 21 no­vambra ka hatramin’ny 2 de­sambra ny lalaom-bondrona ka hisy efatra ny ora hanaovana izany, ny amin’ny 11 ora an­toandro, ny amin’ny 2 ora folakandro, ny amin’ny 5 ora hariva ary amin’ny 8 ora alina. Mari­hina fa mitovy ny ora eto Mada­ga­sikara sy ny any Quatar. Hotanterahina ny 3 ka hatramin’ny 6 desambra kosa ny dingana ampahavalon-dalana ho an’ireo ekipa 16 tafita.Noho ny hafanana midanika any QatarMiato kely ny fihaonana, ny 7 sy ny 8 desambra, ho an’ireo firenena valo tafakatra amin’ny ampahefa-dalana. Ny 9 desambra, ny fanombohan’ny lalao roa ka amin’ny 4 ora hariva ny fi­haonana voalohany raha amin’ny 6 ora kosa ny faharoa. Hitohy ny 10 desambra izany, tsy miova ny ora hanaovana ireo lalao roa sisa. Miala sasatra indray ireo ekipa efatra nahazo ny tapakila hiakarana amin’ny ma­nasa-dalana, ny 11 sy ny 12 desambra. Ny 13 desambra ny ankatoky ny famaranana voalohany ary ny 14 desambra ny lalao faharoa. Samy hotontosaina amin’ny 8 ora alina avokoa ireo fihaonana roa ireo. Hatao ny 18 desambra, manomboka amin’ny 4 ora tolakandro ny famaranana ho an’ny “Mondial 2022”. Tsia­hi­vina fa tsy azo tanterahina ny volana jona sy jolay, toy ny mahazatra ny fihaonana tamin’ity noho ny hafanana midanika misy any an-toerana, amin’io vanim-potoana io.TompondakaL’article Kitra – Mondial 2022 : maraina hatramin’ ny hariva ny oran’ireo lalao sasany a été récupéré chez Newsmada.

News - Sport - News Mada
17/07/2020

CIO: hahemotra amin’ny taona 2026 ny lalao olympika ho an’ny tanora

Nanaiky ny fangatahan’i Se­negaly ny eo anivon’ny Komity iraisam-pirenena Olympika, ny amin’ny tokony hanemorana ny lalao olympika ho an’ny tanora, kasaina hatao ny 22 oktobra hatramin’ny 9 novambra 2022 any Dakar, Senegaly. Mano­loana ny fanambaran’ny filohan’ny CIO, i Thomas Bach, fa hahemotra efa-taona ity lalao ity, ka amin’ny taona 2026 ny hanatanterahana izany. Noha­mafisiny, efa nifandinihana nandritra ny fihaonan’ny komity mpanatanteraka eo anivon’ny CIO izao fanapahan-kevitra izao. Noho ny antony ara-pahasalamana sy ny krizy aterak’izany no tena anton’ny nangatahan’ny filoha senegaley, Macky Sall, ny fanemorana. Fanemorana ha­hafahan’ny CIO, ny Komity na­sionaly ary ny federasiona iraisam-pirenena, mampitombo ny ezaka hanomanana ity lalao olympika ho an’ny tanora ity. To­raka izany koa ny firenena senegaley, afaka manatsara ny fandraisana ny fifaninanana. Tsiahivina fa nankatoavina, omaly, ity fanemorana ny lalao olympika ho an’ny tanora ity, nifaneken’ny filohan’ny CIO, i Thomas Bach sy ny filoha senegaley, Macky Salle. Hohama­fisina, anio zoma 17 jolay, mandritra ny fivorian’ny komity iraisam-pirenena Olympika kosa izany fanapahan-kevitra izany, araka ny loharanom-baovao.Mi.RazL’article CIO: hahemotra amin’ny taona 2026 ny lalao olympika ho an’ny tanora a été récupéré chez Newsmada.

Foot - News - Sport - Ao Raha
16/07/2020

Baolina kitra maneran-tany :: Namoaka an’ireo fandaharan-dalaon’ ny Mondial 2022 ny FIFA

Lalao efatra isan’andro isam-bondrona no voafaritry ny Federasiona iraisam-pirenena amin’ny baolina kitra na FIFA momba ny fandaharampotoana amin’ny dingana famaranan’ny fiadiana ny amboara eran-tany na Mondial hatao any Qatar, amin’ny 21 novambra hatramin’ny 18 desambra 2022. Omaly no namoahan’ny FIFA an’ireo fandaharan-dalao rehetra. Hanomboka amin’ny 1 ora tolakandro (ora eto Madagasikara) ny lalao voalohany, raha amin’ny 4 ora ny faharoa, ary amin’ny 7 ora hariva sy amin’ny 10 ora alina ireo lalao roa farany mandritra ny lalaom-bondrona.  Amin’ny 6 ora hariva sy amin’ny 10 ora alina kosa ireo dingan’ny famaranana, manomboka eo amin’ny dingan’ny ampahavalondalana, raha amin’ny 6 ora hariva ny lalao famaranana. Hotontosaina, amin’ny 1 ora tolakandro, ao amin’ny kianja Al Bayt ny lanonampanokafan’io fifaninanana maneran-tanin’ny baolina kitra io, amin’ny 21 novambra 2022. Ao amin’ny kianjan’i Usail kosa no hanaovana ny lalao famaranana, amin’ny 18 desambra 2022. Kianja roa ambin’ny folo no handraisan’i Qatar an’ireo lalao rehetra amin’io andiany faha-22 amin’ny Mondial io, miaraka amin’ireo firenena roa amby telopolo mpandray anjara. Amin’ny volana marsa 2022 no hanaovana ny antsapaka amin’ny fizaràmbondrona valo. Antsapaka Isan’ireo firenena hikatsaka ny tapakilan’izao dingan’ ny famaranana izao ny Barean’i Madagasikara. Miray vondrona J amintsika ny RD Congo, Benin ary Tanzania, taorian’ny antsapaka novitaina tany Le Caire (Ejipta). Ireo ekipa folo mitana ny laharana voalohany isam-bondrona no miatrika ny lalao sakana mandroso sy miverina, ary ireo dimy tafavoaka no hisolo tena ny Kaontinanta Afrikana amin’ny Mondial 2022. Na dia efa voafaritra tamin’ io antsapaka io aza ny fandaharam-potoana dia nokorontanin’ny valanaretina Covid-19 izany. Andrasana ny fandaharan-dalao vaovao avoakan’ ny kaonfederasiona CAF. L’article Baolina kitra maneran-tany :: Namoaka an’ireo fandaharan-dalaon’ ny Mondial 2022 ny FIFA est apparu en premier sur AoRaha.

Foot - News - Sport - News Mada
16/07/2020

Kitra – Fiadiana ny amboara eran-tany : ho raikitra any Qatar amin’ ny novambra 2022 ny «Mondial»

Izay vao tena raikitra ary ofisialy eo anivon’ny Fifa, araka ny vaovao amin’ny tambajotran-tsosialy, omaly. Tsy miova izany ny firenena handray ny fiadiana ny amboara eran-tany «Mondial 20­22», taranja baolina kitra, fa i Qa­tar. Hotanterahina any amin’ io fi­re­nena izany, saingy tsy ho tahaka ny mahazatra ny fotoana ha­na­tanterahana izany fa ha­no­mboka ny 21 novambra hatramin’ ny 18 desambra amin’ny taona 20­22. Lalao efatra isan’andro no hatao amin’ny fifanintsanana isa­ky ny sokajy ka amin’ny 1 ora antoandro hatramin’ny 10 ora alina iza­ny. Miisa valo ireo kianja ka handraisana ny lalao fanokafana ny kianjan’i Al Bayt, mahazaka mpijery miisa 60 000. Hotanterahina any amin’ny kianjan’i Lusail, ma­hazaka mpijery miisa 80 000, ny lalao fa­maranana.Ekipam-pirenena dimy hisolo tena an’i Afrika Ho an’ny Barea manokana, miray vondrona amin’ny RD Con­go sy i Benin ary i Tanzania ao amin’ny sokajy J amin’ny fi­fanintsanana aty Afrika. An­isan’ireo firenena 40 mandray anjara, mizara amin’ny sokajy folo amin’izany ny ekipam-pirenena malagasy. Hiady ny toerana ho anisan’ireo firenena dimy hisolo tena an’i Afrika hiatrika ny «Mondial» hatao any Qatar.Synèse R.L’article Kitra – Fiadiana ny amboara eran-tany : ho raikitra any Qatar amin’ ny novambra 2022 ny «Mondial» a été récupéré chez Newsmada.

Foot - News - Sport - News Mada
16/07/2020

Kitra sy Covid-19 : nahazo tohana mitentina 25 tapritrisa Ar ny ligy 22

Tsy nanadino ireo ligim-pa­ritra miisa 22 mpikambana ao aminy ireo komity mpitantana eo anivon’ny federasiona malagasin’ny baolina kitra (FMF), manoloana izao valanaretina Co­vid-19 izao. Ho fiatrehana ny hamehana ara-pahasalamana amin’izao fotoana izao, nanao tsipaipaika izy ireo niaraka amin’ireo orinasa mpiara-miasa ka nahafahana nividy sakafo sy fanafody ho azy ireo, mitentina 25 tapitrisa Ar. Nitarika ireo komity mpitantana ary nanolotra izany, tetsy Mahamasina, omaly, ny filoha lefitra, Andriamanampisoa Al­fred. Vary, “gel disinfectant”, me­naka ary savony sy arovava no hita ao anatin’ireo entana no­mena ny ligy. Notsiahivin’ny mpanolotra fa manana andraikitra goavana eo anivon’ny baolina kitra eto Madagasikara izy ireo ka nahatsapany fa misy adidy amin’ireo ligy sy ny seksiona ary ireo mpitia baolina manerana ny Nosy. Alefa amin’ny alalan’ny Pao­si­tra malagasy ireo tohana ireo ka anjaran’ny ligy isanisany ny mizara izany. Nisy ihany ireo filohan’ny ligy tonga teny an-toerana, toy ny avy any Amoron’i Mania, Atsimo Andrefana, i Menabe ary Analamanga. Nisolo tena ireo ligy 22 nitondra ny teny fi­sa­orana Rakotoarimanana He­nin­tsoa, filohan’ny ligin’An­a­la­manga, ka nampahatsiahy fa to­kony hisy ihany koa ny tohana avy amin’ilay vola fanampiana tany amin’ny federasiona iraisam-pirenena (Fifa). Mikasika izay indrindra, nilaza Andriamanampisoa Al­fred fa mbola miandry ny anjaran’i Madagasikara fa tsy mbola navoakan’ny Fifa. Miezaka ny komity mpitantana ny hanao ny mangarahara, ahafantaran’ny va­hoaka malagasy izany. No­ha­raraotiny ihany koa ny niresaka ilay fanamian’ny Barea. “Tsy tao anaty fanapahan’ny komity mpitantana ilay izy. Aleo mba hatao anaty fifampidinihan’ny rehetra vao havoaka ny zavatra toy ireny satria mendrika ny hisalotra fanamiana tsara ny Barea izay nahavita zavatra tsara”, hoy izy.TompondakaL’article Kitra sy Covid-19 : nahazo tohana mitentina 25 tapritrisa Ar ny ligy 22 a été récupéré chez Newsmada.

Basket - News - Sport - News Mada
16/07/2020

Basikety – Fiba : nifarana omaly ny fiofanana ho an’ny mpitsabo

Tapitra, omaly, ny fampiofanana nampitain-davitra, ho an’ ny mpitsabo, nomen’ny Fiba Afri­ka, nandraisan’i Madagasi­ka­ra anjara. Mpitsabo miisa enina, niampy ny tale teknika nasionaly malagasy, Razafiari­vo­ny Solohery Angelot, ny so­lon­tenatsika niatrika izany, ta­min’ny alalan’ny rohy manokana efa nomen’ny Fiba. Ny 4 jolay nitohy ny 8 sy ny 11 jolay lasa teo ary izao nifarana omaly izao ity fampiofanana ity. Ankoatra an’i Madagasikara, nandray an­jara avokoa ireo firenena mpikambana eo anivon’ny Fiba Afri­ka. Nodinihina nandritra izany ny mahakasika ny fihinanana na ny fandraisana zavatra mampatanjaka. Teo ihany koa ny resaka sakafo ary ny ratra mpahazo ny mpilalao sy ny fitsaboana azy. Traikefa maro ny noraisin’ireo mpitsabo, raha ny nambaran’ny tale teknika nasionaly, i Angelot. “Na olona tsy misehatra amin’ny resaka fitsaboana aza, afaka nandray zava-baovao sy lesona”, hoy ny nambarany. Tsia­hi­vi­na fa efa nisy ny fiofanana ho an’ny mpanazatra sy ny mpitsara lalao ary izao nahazo ny anjarany izao ihany koa ny mpitsabo. Fandaharam-potoana manaraka kasain’ny Fiba Afrika hatao kosa ny fampiofanana ho an’ny Sek­re­tera jeneraly sy ny mpitantana teknika, manana andraikitra le­hi­be amin’ny fampihodinana ny federasiona.Mi.RazL’article Basikety – Fiba : nifarana omaly ny fiofanana ho an’ny mpitsabo a été récupéré chez Newsmada.

Foot - News - Sport - News Mada
15/07/2020

Kitra – Major League Soccer (MLS): tsara fanombohana ny ekipan’i Romain Metanire

Nahazo isa telo avy hatrany i Romain Metanire sy ny ekipan’ny Minnesota, teo amin’ny fanombohan’ny fifanintsanana, hiadiana ny ho tompondaka “Major League Soccer” (MLS), taranja baolina kitra. Nandresy an’ny Sporting Kansas City ry zalahy.Nahazo fandresena avy hatrany ny Minnesota United Football Club, klioba misy ilay mpilalao malagasy, i Romain Metanire, teo amin’ny andro voalohany hiadiana ny ho tompondakan’i Etazonia na ny “Major League Soccer” (MLS). Nandresy ny Sporting Kansas City, tamin’ny isa tery 2 no ho 1, ry zalahy, ho an’ny sokajy D. Fihaonana notanterahina ny alatsinainy 13 jolay lasa teo, tao amin’ny kianja ESPN Wide World of Sports Complex.Anisan’ireo nijoro voalohany ary tompon-toerana hatramin’ny voalohany ka hatramin’ny farany i Metanire, tamin’ity fihaonana ity. Nampiseho ny fahaiza-manaony hatrany ity vodilaharan’ny Barea de Madagascar ity tamin’ny tanjaka sy ny teknika nananany. Tolotra avy any aminy mantsy ny nahatafidiran’ny Minnesota ny baolina faharoa, nandresen’ny Minnesota.Nampiditra ny baolina voalohany ry zareo Kansas, mpampiantrano, tamin’ny alalan’i Khiry Shelton, teo amin’ny minitra faha-43. Isa nentin’ny roa tonta niala sasatra. Nifandimbiasana avy eo ny fanafihana teo amin’ny fidirana faharoa. Nahafaty baolina ny Minnesota, saingy “hors jeu” izany rehefa nojerena tamin’ny video assistance referee (Var). Nilalao 10 ny Kansas, teo amin’ny minitra faha-74, taorian’ny karatra mena azon’i Tim Melia, mpiandry tsatoby.Efa tany amin’ny fanampim-potoana 90 mn + 1 vao nahasahala ny isa ho 1 sy 1 ny Minnesota, rehefa namono tena i Shelton. Tsy nijanona teo fa mbola niampy iray indray izany. Nahatafiditra baolina faharoa i Kevin Molino, teo amin’ny 90 mn + 6. Nahazo fandresena toy izany koa ny Real Salt Lake raha nandresy ny Colorado Rapids, tamin’ny isa 2 no ho 0. Samy manana isa telo izany izy ireo, hatreto. Ny roa tonta ireo izay hidona ny asabotsy 18 jolay, eo amin’ny andro faharoan’ity MLS ity. Tompondaka L’article Kitra – Major League Soccer (MLS): tsara fanombohana ny ekipan’i Romain Metanire a été récupéré chez Newsmada.

Foot - News - News Mada
15/07/2020

Kitra atsy Afrika Atsimo: tsy anisan’ireo voan’ny Coronavirus i Dax

Na tsy mbola manomboka aza ny fifaninanam-pirenena atsy Afrika Atsimo noho ny fisian’ilay valanaretina Covid-19, efa miverina manao ny fanazarantenany kosa ireo klioba isanisany. Anisan’izany ny Black Leopard Football Club, ilalaovan’Andriamirado Arohasina (Dax).Nisy ny fitiliana natao tamin’ireo mpilalao tsirairay avy ka tsy anisan’ireo mitondra ny tsimokaretina kosa ity mpilalao malagasy, mandrafitra ny Black Leopard ity. Ireo izay nahitana izany kosa, naverina nahiboka avy hatrany indray ka natoka-monina ary tsy afaka manao fanazarantena. Manohy ny fanomanana ny ho fiatrehana ny fifanintsanana kosa ireo salama.Marihina fa efa afaka miverina miakatra kianja i Dax, taorian’ny nanafahan’ny federasiona iraisam-pirenena (Fifa) ny saziny, ny zoma 5 jona lasa teo. Raha tsiahivina, voasazy tsy mahazo milalao mandritra ny efa-bolana, nanomboka ny fiandohan’ny volana febroary 2020, ny tovolahy noho ny tsy naha ara-dalàna ny fifindran-toerany niala tao amin’ny Fosa Jr nankao amin’ny Kaiser Chiefs, Afrika Atsimo. Noho io antony io, tsy voaantso tao amin’ny Barea de Madagascar izy teo amin’ny fifanintsanana nikatrohana tamin’i Kenya sy i Niger. Miandry ny fiantsoana azy indray i Dax izay efa nanambara fa mbola vonona ny hilalao ao amin’ny Barea, ary hanome ny fahaizany sy ny heriny rehetra ho an’i Madagasikara. TompondakaL’article Kitra atsy Afrika Atsimo: tsy anisan’ireo voan’ny Coronavirus i Dax a été récupéré chez Newsmada.

News - Santé - Sport - News Mada
15/07/2020

Lomano-Covid-19: azo lazaina efa sitrana i Vola mivady

Na mbola tsy nahavita ny fanaraha-maso farany aza i Harivola Marie Sarah (ex DTN ny lomano) mivady, azo lazaina fa efa sitrana raha jerena ny fivoaran’ny fahasalamany, araka ny fanazavan’izy ireo. Raha tsiahivina, nanomboka ny faramparan’ny volana jona i Vola mivady ny nitondra ny tsimokaretina Coronavirus, izany hoe, efa tapitra ny 15 andro nanarahan’izy ireo ny fitsaboana, saingy mbola manohy ny fanaraha-maso hatrany anefa ny mpitsabo. Mbola misy ihany koa ny fanafody arahina ary tsy hadino ny evoka, indrindra ny vavaka andro aman’alina. Isan’ny nanampy be azy ihany koa ny fanaovana fanatanjahantena, nampitombo ny herin-tsainy.  “Ohatra ny manao fifaninanana mihitsy ny niheverako ny tenako, misy mpanazatra isan-karazany, ny fanahy, nyvatana, ny saina. Ny mpanaraka ihany koa, mandrisika avokoa ka raikitra ny ady”, hoy ny fitantaran’i Vola ny niatrehan’ity tsimokaretina Coronavirus ity. Tsapany ho mivoatra tsara isan’andro ny fahasalamany ka ankehitriny, tena efa tsara izy mivady, tsy ahitana intsony ireo soratr’aretina ary efa matanjaka tsara. Mi.RazL’article Lomano-Covid-19: azo lazaina efa sitrana i Vola mivady a été récupéré chez Newsmada.

Foot - News - Sport - News Mada
20/05/2020

Nicolas Dupuis: mikasa hanangona Barea 20 any Frantsa

Miasa hatrany i Nicolas Dupuis, na ao anatin’ny fanatanterahana ny fihibohana amin’ny ady atao amin’ny valanaretina coronavirus  aza. Nambarany, ny faran’ny herinandro teo fa manana fikasana hanangona Barea miisa 20 any Frantsa ny tenany miaraka amin’ireo teknisianina efa niara-niasa taminy hatramin’izay. «Tsy maintsy tsinjovina dieny izao, ireo hisolo toerana ireo mpilalao efa nahazoazo taona», hoy izy. Na izany aza, tsy mbola voafaritra na efa nisy anarana nambarany fa vao eo am-piresahana amin’ireo olona any Frantsa izy, amin’izao fotoana izao.Efa nalaza tao anaty tambajotran-tserasera kosa nandritra ny andro vitsivitsy izay, ny amin’ireo mpilalao roa lahy izay voalaza fa manana ra malagasy dia i Kevin Theophile Catherine, izay milalao ao amin’ny Dynamo de Zagreb. 31 taona izy, ankehitriny ary vodilaharana no toerana misy azy. Araka ny fantatra efa manana traikefa amin’ny fiatrehana lalao lehibe maro izy, ka anisan’izany ny fiadiana ny ho tompondakan’i Eoropa «ligue des champions». Eo ihany koa i Loic Lapoussin, 24 taona ary mitana ny toeran’ny irakiraka.Ankoatra izay, efa mijery sy mandinika ny lalaon’ireo ekipa hifanandrina amin’ny Barea, eo amin’ny fifanintsanana ho an’ny “Can 2021?” sy ny “Mondial 2022”, i Nicolas Dupuis, amin’izao fotoana izao. Tsy nohadinoiny koa ny niresaka ilay Academie Elite des Barea, izay hanomanana ireo katitakely ho Barea rahatrizay. “Raha vao tapitra ity fihibohana ity ka resy tanteraka ny coronavirus, avy hatrany dia hitsirika ireo ankizy ho ao anatin’io Akademia io isika”, hoy izy.Farany, nanome fankaherezana ho an’ireo tompon’andraikitra ao amin’ny “Orange pro league” ny tenany amin’ny ezaka efa natao sy vita ary ny mbola hatao.TompondakaL’article Nicolas Dupuis: mikasa hanangona Barea 20 any Frantsa a été récupéré chez Newsmada.

News - Sport - News Mada
20/05/2020

Fanampiana-Lalao Olympika: nanokana 800 tapitrisa dolara ny CIO

 Araka ny efa notaterina teto, nifampidinika ny amin’ny hanampiana ny federasiona iraisam-pirenena sy ny komity mpikarakara ny lalao Olympia, ny avy eo anivon’ny Komity Iraisam-pirenena Olympia (CIO). Dinika natao indrindra hanarenana ny krizy ara-bola nanomanana iny lalao Olympika tsy tanteraka iny. Vokatr’izany, nanokana vola mitentina 800 tapitrisa dolara ny CIO ka ny 650 tapitrisa dolara ho an’ny fanomanana ny lalao olympika, nahemotra ho amin’ny taona 2021 ary ny 150 tapitrisa dolara kosa ho an’ireo federasiona iraisam-pirenena.Tafalatsaka anaty krizy tanteraka, ankehitriny, ny fanatanjahantena maneran-tany, raha ny fomba fijerin’ireo mpahay toe-karena eo amin’ny lafiny fanatanjahantena. Mikatona avokoa izao ny hetsika ara-panatanjahantena rehetra vokatry ny fiparitahan’ny Covid-19. Na misy aza ny fifaninanana, tsy maintsy hatao tsy misy mpijery izany ary miditra fatiantoka ny mpikarakara, ny karaman’ny mpilalao etsy an-daniny. Izao olana izao izay mbola baraingo ny famahana izany aorian’ny fihibohana sy ny fitsaharan’ity valanaretina Coronavirus ity.Mi.RazL’article Fanampiana-Lalao Olympika: nanokana 800 tapitrisa dolara ny CIO a été récupéré chez Newsmada.

Foot - News - Santé - Sport - News Mada
20/05/2020

Kitra sy coronavirus: mpilalao sady mpanazatra i Kasaona Roger

Mbola tsy afaka am-bavan’ny olona rehetra ny fahafatesan’i Kasaona Roger, voalaza fa matin’ny coronavirus. Olona tena fantatra teo amin’ny sehatry ny fanatanjahantena, indrindra fa ny baolina kitra tao Toamasina, Itompokolahy.Niaina ary tena nandany ny androny teo amin’io taranja io izy fony fahavelony. Porofon’izany, izy no tale teknika rezionaly (DTR)-n’ny seksiona Toamasina. Vao 17 taona izy dia efa “surclassé”, tao amin’ny klioba 3FB, izay nahatonga azy ho mpiasan’ny fahasalamana tao Toamasina. “Libero” no toerana nisy azy teny ambony kianja. Efa maro ny klioba nilalaovany toa ny Fifafifi ary ny ASF Fortior (Levandana), namaranany ny fiakarana kianja. Tsy niala lavitra ny baolina kitra izy fa nanangana ny La Fureur Club, sokajy vehivavy ary voatendry ho mpanazatran’ny ekipa voafantin’Antsinanana, ka nandrombaka ny ho tompondakan’i Madagasikara. Taorian’izay, nitaiza ireo tanora tao Toamasina ka anisan’ireny i Anderson (Papo), mpilalaon’ny AS Adema, teo aloha sy i Sidoré, tao amin’ny Uscafoot, raha tsy hilaza afa-tsy ireo. Mpilalao baolina kitra ihany koa ny zanany, i Rieul, nandrafitra ny Club M Mananara, niatrika ny “Orange pro league”, teo.Tsy ny baolina kitra ihany no nahalalana an’i Roger fa teo amin’ny taranja atletisma. Efa tompondakan’i Toamasina, teo amin’ny 100 m fony izy tao amin’ny klioba Ascut. Olona tsotra, mamy hoditra teo amin’ny fiaraha-monina ary tia manampy sy manoro hevitra ireo tanora amin’ny lafiny rehetra. Namela kamboty, telo mianadahy i Kasaona Roger. TorcelinL’article Kitra sy coronavirus: mpilalao sady mpanazatra i Kasaona Roger a été récupéré chez Newsmada.

News - Sport - News Mada
28/04/2020

Fanamboarana ny kianja Barea: tsy ho tratra ny datin’ny 26 jona

Nametraka fahasahiranana ho an’ireo teknisianina misahana ny fanamboarana ny kianja Barea Mahamasina ny valanaretina Coronavirus. Noho izany, nisy ny fiovana teo amin’ireo daty efa napetraka.Nanao fitsidihana teknika, nijery ifotony ny fizotry ny asa ao amin’ny kianjaben’i Mahamasina, omaly alatsinainy, ny mpanolotsaina manokana eo anivon’ny fiadidiana ny Repoblika misahana ny fotodrafitrasa, notarihin’Andriamanohisoa Gérard. Fantatra tamin’izany fa tsy ho tratra ny datin’ny 26 jona, fotoana ahavitan’ny dingana voalohany amin’ny fanamboarana ny kianja.Raha tsiahivina, asa voalohany nosahanina ny fananganana ny “tribune centrale”. Na izany aza, ny 50 isanjaton’izany ihany ny ho vita, amin’io. Hihemotra iray volana izany ny fahavitan’ny asa rehetra amin’ny fananganana ireo “tribunes centrales”.Anton’ny tsy hahatrarana ny fotoana, raha ny nambaran’ny tomponandraikitra, ny fisian’ilay valanaretina Coronavirus. Nanakorontana zavatra betsaka izany ka tsy voahaja ireo fe-potoana rehetra efa napetraka tany am-boalohany. Anisan’ireny ny fametrahana ny fototra izay tokony ho vita mialoha ny 20 marsa lasa teo.Na izany aza, efa tontosa eo amin’ny 75 isan-jato ny asa, izay tsiahivina fa alentika 30 metatra any ambany tany. Fototra hananganana ireo “tribunes centrales”. Efa eo am-pamaranana ny asa sisa ny orinasa sinoa China State Construction Overseas Development (CSCOD).Ankoatra izay, nilaza ny mpanolotsaina manokan’ny Repoblika fa tsy azo anaovana fanabeazana vatana ho an’ny mpianatra ary tsy afaka ny handray ny adina fanatanjahantena amin’ny fanadinam-panjakana (BEPC) sy ny bakalorea, amin’ity taona 2020 ity, ny kianjaben’i Mahamasina. TompondakaL’article Fanamboarana ny kianja Barea: tsy ho tratra ny datin’ny 26 jona a été récupéré chez Newsmada.

News - Sport - News Mada
28/04/2020

Kung fu Wisa: hanatanteraka fivoriambe aorian’ny fihibohana

Niteraka fikorontanana eo amin’ny fandaharam-potoan’ny federasiona malagasy ny kung fu Wisa ny fisian’ny tsimokaretina Coronavirus eto Madagasikara, noho izao fihibohana izao. Vokatr’izany, hanatanteraka fivoriambe tsy ara-potoana mihitsy aloha izy ireo, rehefa vita ny fihibohana handaminana ny tetiandro. Tsiahivina fa efa nahitana ny fiadiana ny tompondaka nasionaly tamin’ny taon-dasa, saika noenjehina hatao ny 25 avrily teo kanefa izao tsy tontosa izao indray. Tsy maintsy mametraka tetiandro vaovao mihitsy, araka izany, ny federasiona.Araka ny fanazavana azo, mbola miato avokoa ny hetsika fanatanjahantena manerana ny Nosy, ho an’ny taranja kung fu Wisa. Efa nisy mihitsy ny taratasy fampitam-baovao mampiato izany nalefa isaky ny faritra eran’i Madagasikara, milaza fa tsy misy mahazo manatanteraka fifaninanana na ihany koa fanazarantena iraisana, ho fankatoavana ny fepetra apetraky ny fitondram-panjakana hisorohana ny fihanaky ny tsimokaretina Coronavirus eto amintsika. Mi.Raz  L’article Kung fu Wisa: hanatanteraka fivoriambe aorian’ny fihibohana a été récupéré chez Newsmada.

News - Sport - News Mada
28/04/2020

“Quiz Orange pro league”: betsaka ireo mpanjifa mifaninana

Nanomboka, omaly alatsinainy, ny fifaninanana “Quiz orange pro league”, taranja baolina kitra. Lalao tanterahina amin’ny alalan’ny tambajotran-serasera izy io, karakarain’ny orinasan-tserasera Orange Madagascar, mpanohana ofisialy ny fiadiana ny ho tompondakan’i Madagasikara. Hametrahana fanontaniana mikasika ny fifaninanam-pirenena ireo mpandray anjara, amin’izany.Raha ho an’ny andro voalohany fotsiny, maro ireo mpanjifa niandahy, niambavy ary tsy nifidy salan-taona, nandray anjara. Tsy ireo mpankafy ny baolina kitra ihany fa na ireo olon-tsotra aza.Tsotra ny fandraisana anjara, amin’ilay lalao. Misy fanontaniana roa apetraka isan’andro ka amin’ny 9 ora maraina ny iray ary ny tolakandro amin’ny 2 ora ny iray. Mahazo isa 5 ny mpanjifa mahita ny valiny marina ary isa 3 ny faharoa, raha isa 1 ny fahatelo. Atambatra ireo isa, mandra-pahatonga ny zoma ka mivoaka ho mpandresy izay manana isa ambony indrindra, ary hahazo ny finday Smartphone. Hisy ihany koa loka hafa toy ny fahana sy ny kojakoja isan-karazany. Tanjona, amin’izao lalao izao, ny hanalana ny sorisory sy ny faharerahana saina, ao anatin’izao fotoan’ny fihiboana izao. Ankoatra ny lalao, afaka manaraka ireo vaovao mahakasika ny “Orange pro league” ihany koa ireo mpanjifa. Tompondaka  L’article “Quiz Orange pro league”: betsaka ireo mpanjifa mifaninana a été récupéré chez Newsmada.

Foot - News - Sport - News Mada
23/04/2020

Kitra any Eoropa – «Ligue des champions»: mety hatao ny 29 aogositra ny famaranana

Efa eo am-pandinihana ny hanohizana ny fiadiana ny ho tompondakan’i Eoropa “Ligue des champions”, taranja baolina kitra, amin’izao fotoana izao, ny fiombonan’ny baolina kitra ao Eoropa (UEFA). Betsaka ny hevitra mandeha ka misy fe-potoana efa naroson’ireo tomponandraikitra ny hanatontosana ny famaranana, ny 29 aogositra ho avy izao any Istambul. Telo andro aorian’izay kosa ny an’ny fiadiana ny amboara na ny “Ligue Europa”.Heverina hotaperina amin’ny faran’ny volana aogositra 2020 mantsy ny taom-pilalaovana ho an’ny baolina kitra any Eoropa. Araka izany, efa nisy fampiantsoana ireo federasiona rehetra mandrafitra ny UEFA, izay mbola mitohy hatramin’ny androany alakamisy 23 avrily.Raha tsiahivina, efa tonga eo amin’ny dingana ampahefa-dalana ny fiadiana ny ho tompondakan’i Eoropa ka ekipa efatra ny efa nahazo ny tapakila hiatrehana izany: ny Paris St Germain, ny Atlanta, ny Atletico de Madrid ary ny Leipzig. Tompondaka L’article Kitra any Eoropa – «Ligue des champions»: mety hatao ny 29 aogositra ny famaranana a été récupéré chez Newsmada.

News - Sport - News Mada
23/04/2020

Tompondakan’i Afrika – “Cross country”: hahemotra amin’ny 2021 ny fifaninanana

Tsy azo notontosaina, amin’ity taona 2020 ity, ny fiadiana ny ho tompondakan’i Afrika, eo amin’ny taranja “Cross country”, noho ny fisian’ilay valanaretina Coronavirus. Toy izany koa ny fiadiana ny tapakila hiatrehana ny “Lalao olympika” (JO 2021), hatao any Alzeria.Noho ny fisian’ny valanaretina Coronavirus, izay saika mahahenika ny firenena maneran-tany, voatery nahemotra avokoa ireo fifaninanana iraisam-pirenena, eo amin’ny fanatanjahantena. Voakasik’izany ny taranja atletisma, ho an’ny aty amin’ny kaontinanta afrikanina. Fifaninanana telo ny efa fantatra fa tsy azo tanterahina amin’ity taona 2020 ity ka hotontosaina amin’ny taona 2021.Voalohany amin’ireny ny fiadiana ny ho tompondakan’i Afrika, “Cross-country”, tokony ho notanterahina tatsy Lomé, Renivohitr’i Togo, ny 8 avrily lasa teo. Araka ny tapaky ny federasiona iraisam-pirenena (IAAF), hatao ny 5 marsa 2021 io fifaninanana io. Tsy miova ny firenena hampiantrano izany fa i Togo hatrany.Raha tsy misy ny fiovana, hisolo tena an’i Madagasikara amin’ity “Cross-country” ity i Mampitroatse, atletan’ny CosPN Boeny sy Ralisinirina Marthe, mpihazakazaka ao amin’ny 3FB Analamanga. Izy ireo mantsy no nandrombaka ny tompondakan’i Madagasikara, notanterahina tany Vakinankaratra, ny asabotsy 8 febroary lasa teo.“Na hihemotra aza ny fifaninanana, tsy tokony hisy fiovana ny olona hiatrika izany fa izy mianadahy ireo ihany satria fihemoran’ny fifaninanana io fa tsy hoe fanafoanana akory”, hoy i Johns, mpanazatra ny 3FB.Ankoatra izay, ny 26 ka hatramin’ny 29 mey ny hanatontosana ny fiadiana ny ho tompondakan’i Afrika, hatao any Alzeria. Io no hiadiana ny tapakila hiatrehana ny “Lalao Olympika” (JO 2021), tanterahina any Japon. Tsiahivina fa nihemotra ho amin’ny 23 jolay ka hatramin’ny 8 aogositra ihany koa izany fihaonana maneran-tany izany noho ny Coronavirus.Hotontosaina ny 20 marsa 2021 ihany koa ny fiadiana ny ho tompondaka eran-tany, horaisin’i Bielorussie. TompondakaL’article Tompondakan’i Afrika – “Cross country”: hahemotra amin’ny 2021 ny fifaninanana a été récupéré chez Newsmada.

News - Sport - News Mada
23/04/2020

Fihemoran’ny fifaninanana Volley ball: tsy manakana ny atleta hikotrana irery

Araka ny efa fantatra, taorian’ny fivoriana tamin’ny alalan’ny “Visio Conférence”, nataon’ny komity mpitantana eo anivon’ny federasiona malagasy ny volley ball, hihemotra avokoa ny fifaninanana rehetra eo amin’ny taranja volley ball sy ny beach volley, amin’ity taom-pilalaovana. Izany hoe, hiova tanteraka ny fanadaharam-potoan’ny FMVB. Na izany aza, tsy manova na inona na inona ho an’ny atleta ny fanemorana. Tsy manakana azy ireo tsy hikotrana samirery any an-trano izany. Ho an’i Armella, mpilalao sangany ao amin’ny Stef’Auto, fotoana ihany koa izao hanararaotana hakana aina satria mety ho mafy ny hiandry amin’ny tetiandro vaovao avoakan’ny federasiona. Tsy hadinony anefa ny manao fanazarantena ao an-trano. Ho an’i Andry, mpilalao ao amin’ny GNVB kosa, efa misy mihitsy ny fandaharam-potoana amin’ny fikotranana ataony isan’andro. Mihazakazaka 20 hatramin’ny 30 minitra, avy eo, manao “renforcement musculaire”, ny “vitesse” ary ny “étirement”. Samy nilaza ny ankamaroan’ireo atleta fa ny fahasalaman’ny daholobe ny zava-dehibe fa ny fifaninanana misy hatrany ka tsy nametraka olana amin’ny fihemoran’ireo fifaninanana.Mi.RazL’article Fihemoran’ny fifaninanana Volley ball: tsy manakana ny atleta hikotrana irery a été récupéré chez Newsmada.

News - Sport - News Mada
22/04/2020

Kitra: hanatevina ny Barea i Sylvio Ouasserio

Araka ny hita tao amin’ny tambajotra sosialy nivoaka, omaly talata, hisy mpilalao vaovao indray handrafitra ny Barea de Madagascar, amin’ny fiatrehana ireo lalao iraisam-pirenena, amin’ity taona 2020 ity. Fantatra ary izao fa nanaiky ny hanao mpilalao ny Barea i Sylvio Ouasserio. Mpilalao feno afaka milalao amin’ny toerana rehetra eny ambony kianja ny tovolahy, saingy ny vodilaharana havanana no hisy azy, ao amin’ny Barea de Madagascar. 25 taona izy ankehitriny ary mirefy 1,74 m, milanja 73 kg. Mpilalaon’ny CS Fola Esch, sokajy D1, Luxembourg.Raha tsiahivina, efa nilalao tao amin’ny AJ Auxerre, Frantsa, izy ary nandalo tao amin’ny Standard de Liège, Belzika, ihany koa. Efa nandrafitra ny ekipam-pirenena frantsay, sokajy U17, U18 ary U20.Nambaran’i Nicolas Dupuis, mpanazatra, fa nitady olona hapetraka eo amin’ny fiarovantena havanana izy izao tojo an’i Sylvio Ouasserio izao. “Mila hamafisina ny vodilaharana havanana sy izay mety ho mpilalao mpisolo an’i Metanire ka hahatsara rafitra ny Barea”, hoy i Nicolas Dupuis.Miandry ny fanamboarana ny pasipaoro maha Malagasy azy izany sisa ity mpilalao vaovao ao amin’ny Barea de Madagascar ity. TompondakaL’article Kitra: hanatevina ny Barea i Sylvio Ouasserio a été récupéré chez Newsmada.

Foot - Sport
a 8 juillet 2019

Famintinana ny lalao nataon’ny Barea sy Kongo

Nandresy ny ekipan'ny Kongo ny Barea de Madagascar omaly rehefa vita ny fandakana ny Tir au but. 2 noho 2 no nisarahan'ny roa tonta tao aorian'ny 120 minitra. Niditra tamin'ny fandakana ny tir au but ary ny Barea sy ny Kongo, ka teo no nivoaka mpandresy ny Malagasy tamin'ny isa 4 - 2. Tafiakatra izany ny Barea de Madagascar ho an'ny dingana ampahefa-dalana. Miandry ny mpifanandrina aminy izy izao, iray amin'ny Ghana sy Tonizia izany. Misaotra Barea - Alefa Barea - Miara Mirona

Foot - News - Sport - News Mada
08/07/2019

 «Can 2019» miaiky izao tontolo izao: tafita amin’ny 1/4-dalana ny Barea

Manohy ny lalany ny Barean’i Madagasikara, eo amin’ny fiadiana ny ho tompondakan’i Afrika, taranja baolina kitra “Can 2019”. Resiny, teo amin’ny ampahavalon-dalana, ny Leopard-n’i Kongo. Fandresena miezinezina ho an’ny Malagasy,… nampiaiky izao tontolo izao!Nanoratra tantara vaovao, eo amin’ny baolina kitra afrikanina, indray ny Barean’i Madagasikara. Fandresena miezinezina ny azony, omaly, nanoloana ny Leopard-n’ny RD Kongo, teo amin’ny dingana ampahavalon-dalana, hiadiana ny ho tompondakan’i Afrika “Can 2019”, taranja baolina kitra.Manohy ny diany mankany amin’ny ampahefa-dalana indray ny Barean’i Madagasikara. Miaiky izao tontolo izao, ary vaky vava ireo mpanao gazety maneran-tany fa mahay ny Malagasy ary tena ekipa kely, toa an’i Davida, nandavo an’i Goliata. Nanimba sy nanapotika ireo firenena goavana rehetra, eto Afrika, tamin’ity “Can 2019” ity.Raha hiverenana ny fihaonana, omaly tao amin’ny kianja Alexandrie, resin’ny Barean’i Madagasikara, tany amin’ny fandakana ny “tirs au but”, 4 no ho 2, ny Kongoley. Fihaonana nampitaintaina, hatramin’ny voalohany ka hatramin’ny farany ary nila hanampina ny fofonain’ireo rehetra nijery sy nanaraka izany mivantana.Nitarika anisa hatrany ny Barea, ary nanenjika ry zareo Leopard-n’i Kongo. Nahatafiditra ny baolina voalohany i Ibrahim Amada, teo amin’ny minitra faha-9, tamin’ny alalan’ny daka mandrivorivo.Varimbariana kely ny BareaNifamaliana avy eo ny fanafihana ary niezaka nanao izay ho afany ry Maghoma sy ry Mulumbu, saingy nahay niaro tena hatrany ry Bapasy sy i Metanire ary i Fontaine. Na izany aza, nisy fotoana somary natoritory ny Barea, hany ka nanao totoafo ny Kongoley. Nosahalainy mihitsy izany, teo amin’ny minitra faha-21, tamin’ny alalan’i Bakambu. Io isa 1 sy 1 io ny nentin’ny roa tonta niala sasatra.Samy niezaka nitady irika namonoana baolina ny roa tonta teo amin’ny fizaram-potoana faharoa. Nitarika indray ny Barea, taorian’ny tolotra nataon’i Metanire, ho an’i Ima, izay namono ny baolina tamin’ny lohany, teo amin’ny minitra faha-77. 2 no ho 1 ny isa teo. Nanidy trano ny Barea avy eo, saingy totoafo ny fanafihan’ny Kongoley. Nosahalain-dry zalahy izany, tany amin’ny 89 mn. Voatery niditra teo amin’ny fanalavam-potoana ny roa tonta, saingy tsy nisy ihany ny baolina tafiditra. Afa-bela tamin-dry zareo Kongoley ny Barean’i Madagasikara . Izay tafavoaka amin’i Tonizia sy i Ghana, amin’ny lalao anio, no hidona amin’ny Barean’i Madagasikara. Tompondaka L’article  «Can 2019» miaiky izao tontolo izao: tafita amin’ny 1/4-dalana ny Barea a été récupéré chez Newsmada.

Foot - News - Sport - News Mada
08/07/2019

Barea hatramin’ny farany!

Henjana ao anatin’ny henjana ! Io ny azo ilazana ny Barea taorian’ny fandresena miezinezina azony, omaly, tao anatin’ny lalao ampahavalon-dalana, nifandonana tamin’ny ekipan’ny Repoblika Demokratikan’i Kongo. Misandratra avo ny voninahi-pirenena malagasy, nisongadina tao anatin’ireo firenena noheverina ho voadingana eo amin’ny sehatry ny baolina kitra afrikanina i Madagasikara. Faly ny vahoaka malagasy! Nidera eram-po eran-tsaina ireto maherifon’ny Malagasy ireto i Madagasikara iray manontolo, niaiky izao tontolo izao. Ny Barea hatramin’ny farany, tsy maintsy mandresy! Io ny ambentin-teny re teny am-bavan’ny rehetra, mandra-maraina ary hitohy hatramin’ny farany, hanosika ny Barea ho amin’ny ambony hatrany. Alefa Barea! Alefa hatramin’ny farany, manohana ary miara-mirona ny Malagasy 20 tapitrisa, ao an-damosina tsy hiala hatramin’ny farany.Fitaintainana no niainana,  saingy fandresena ny setrin’izany rehetra izany! Hatramin’ny sengondra farany, tsy nisy niala fa nankahery, nitabataba, nivavaka ny rehetra. Nandresy ny Barea, hiakatra ho an’ny amin’ny ampahefa-dalana, tranga tsy nampoizin’ireo firenena mpifanandrina, saingy efa voasoratra ho an’ny Malagasy. Tantara iray tsy ho voafafa mandrakizay eo amin’ny tontolon’ny fanatanjahantena malagasy sy ho an’i Madagasikara iray manontolo izao fandresena miezinezina izao, izay irariana hitohy hatramin’ny farany! Ny Barea hatramin’ny farany!Samy naneho ny hafaliany ny rehetra, hafaliana tsy omby tratra, hafaliana nivadika ho fihavanana sy firaisankina, faly ny Malagasy! Raha izao herim-pontsika izao, ho lasa lavitra ny Barea an’i Madagasikara, nitondra anjara biriky lehibe ho fanomezana hery ireto mpilalaontsika ireto ny fiombonam-pon’ny Malagasy toy izao, hampitombo ny herijika, vao mainka hampisandratra amin’ny faratampony ny voninahi-pirenena, hiroso hatrany ny Barea, tsy miverin-dalana intsony. Lalana efa natomboka, tsy maintsy vitaina hatramin’ny farany. Hatramin’ny farany, mandresy ny ekipam-pirenena malagasy, ny Barea, Alefa Barea, Alefa hatramin’ny farany! Ao an-damosina hatrany ny Malagasy tsivakivolo! Mi.RazL’article Barea hatramin’ny farany! a été récupéré chez Newsmada.

Foot - News - Sport
c 1 juillet 2019

Songadina tamin’ny nandavoan’i Barea an’i Nigerianina

Ankafizo ny baolina roa matin'i Barea tamin'ny andro fahatelo ny vondrona B teo amin'ny CAN 2019. I Lalaina Nomenjanahary sy i Carolus Andrea no nampiditra ny baolina 2 an'i Barea an'i Madagasikara. Misaotra Barea. Alefa Barea. Miara mirona.

Foot - News - Sport
a

Songadina tamin’ny fandresana azon’i Barea tamin’ny Burundi

Fandresena voalohany no azon'ny Malagasy tamin'ny CAN. Nandresy ny Burundy ny Barea tamin'ny isa 1 - 0. I Marco Ilaimaharitra no nampiditra ny baolina matin'ny Barea teo amin'ny minitra faha 76. Misaotra Barea. Alefa Barea. Miara Mirona.

Foot - News - Sport
a

Ny nisongadina tamin’ny fihaonan’ny Barea sy ny Gineana

Ireo baolina maty nandritra ny fihaonan'ny Barea sy ny Gineana tamin'ny 22 Jona 2019. 2 - 2 no isa nisarahana tamin'io lalao io. Ny Gineana no nanokatra ny isa tamin'ny alalan'i Sory Kaba tamin'ny minitra faha 34 tamin'ny fizaram-potoana voalohany. Nosalahan'ny Malagasy ny isa tamin'ny minitra faha 49. I Anicet Abel no nampiditra ny baolina taorian'ny corner nodakan'i Carolus Andrea (Charles Andriamanitsinoro). Enina minitra taorian'io dia nampian'i Carolus Andrea ny isa ka lasa 2 - 1. Tamin'ny minitra faha 66 no nanasahala ny isa i François Kamano tamin'ny alalan'ny Penalty. Misaotra Barea. Miara Mirona. Alefa Barea

Foot - News - Sport
30/06/2019

Hafaliana ho an’ny vahoaka Malagasy taorian’ny fandresen’i Barea an’i Nigeria

Sary mampiseho ny hafalian'i Malagasy taorian'ny fandresen'i Barea an'i Nigeria. Sary nindramina avy amin'i Harry Tiana Teddy, Ets Steeve-net sy Orange Misaotra Barea, Alefa Barea, Miara mirona

Foot - News - Sport
a 30 juin 2019

Nandresy an’i Nigeria 2 – 0 ny Barea – CAN 2019

Tafiakatra amin'ny dingan'ny ampahavalon-dalana ny Barea an'i Madagasikara rehefa avy nandresy an'i Nigeria tamin'ny isa 2 - 0. I Lalaina Nomenjanahary (Bolida) no nampiditra ny baolina voalohany tamin'ny faha 13 minitra nilalaovana. Nampian'i Charles Andriamanitsinoro (Carolus Andrea) ny isa tamin'ny minitra faha 53. Mitana ny laharana voalohany izany ny Barea an'i Madagasikara amin'ny isa 7 taorian'iny fandresena iny ao amin'ny vondrona B misy azy. Isaorana be dia be ny ekipantsika. Alefa Barea. Miara Mirona.

Foot - News - Sport
10/06/2019

Mikotrana ny Barea ankehitriny eny amin’ny kianjan’ny Elgeco Plus

Amin'izao ora hanoratana an'ity lahatsoratra ity diay manao fanazaran-tena eny amin'ny kianjan'ny Elgeco Plus eny amin'ny Bypass ny Barea de Madagascar. Ito manaraka ito ny lien raha hijery izany ianareo : https://www.facebook.com/zone.kitra/videos/2263031310623639/. Hisaorana be dia be ny 24.kitra mizara an'izany video izany.

Basket - News - Sport - News Mada
25/04/2019

Basikety – “Tournoi des Elites 3×3”: hotsongaina ireo handrafitra ny ekipam-pirenena

Hiditra amin’ny fifantenana farany, ho an’ireo handrafitra ny ekipam-pirenena malagasy, ny komision’ny basikety lalaovina olona telo, miaraka amin’ny tale teknika nasionaly. Hotanterahina, etsy amin’ny « parking »-n’ny lapan’ny Fanatanjahantena Mahamasina, ny asabotsy 27 sy ny alahady 28 avrily ho avy izao, ny andiany voalohany amin’ny “Tournoi des Elites”, basikety lalaovina olona telo (3 x 3). Mpilalao 32 lahy sy 32 vavy ny hiatrika izany. Nambaran-dRandrianarisoa Riana, tomponandraikitry ny komisiona, fa hiady ny lohany ireo  sangany indrindra, notsongaina, nanomboka ny taon-dasa. Tanjona ny hifantenana ireo handrafitra ny ekipam-pirenena, hiatrika ny « Lalao afrikanina », any Maraoka ny aogositra ho avy izao, sy ny fiadiana ny ho « Tompondakan’i Afrika », any Egypta, ny novambra 2019.Hahazo 500 000 Ar ny tompondakaHozaraina ao anaty sokajy valo ireo mpilalao ireo ka mitsinjara ny iray tarika ny tale teknika nasionaly sy ny ekipany.  Zava-dehibe ny fanatontosana ny “tournoi” toy izao, araka ny nambaran’i Angelot, tale teknika nasionaly. Mila manana isa ny mpilalao tsirairay eo anivon’ny federasiona iraisam-pirenena hahafahana miatrika ireo lalao any ivelany. Mbola vitsy ireo mpilalao manana isa 100. Ho an’ny lehilahy : i Fabrice, i Ricky, i Arnol, i Livio, i Steve ary i Walter. I Sarobidy sy i Murielle kosa ny eo amin’ny vehivavy.Manohana ny fifaninanana ny Telma ka  hanolotra 500 000 Ar ho an’ny tompondaka.  300 000 Ar ny an’ny faharoa ary 200 000 Ar ny fahatelo. Hanome 150 000 Ar ho an’ny fahefatra kosa ny federasiona. Hiantohan’ny Star ny rano fisotro ho an’ny ekipa tsirairay. Torcelin L’article Basikety – “Tournoi des Elites 3×3”: hotsongaina ireo handrafitra ny ekipam-pirenena a été récupéré chez Newsmada.

News - Sport - News Mada
25/04/2019

Lomano: montsan’i Jonathan ny zava-bita tsara indrindra

Nanomboka, omaly ao amin’ny dobo filomanosana CRJS Toamasina, ny fiadiana ny tompondakan’i Madagasikara, taranja lomano, ho an’ny halavirana 50 m. Niakatra ny haavo teknikan’ny mpilomano, raha ny hita nandritra io andro voalohany io satria nisy ny zava-bita tsara indrindra tamin’ny alalan-dRaharvel Jonathan, mpilomano ao amin’ny klioban’ny Cosfa Analamanga, sokajy “open”. Vitany tao anatin’ny fe-potoana 29’’: 96 ny 50 br raha toa ka izy ihany ny nahavita ny 50 m tsara indrindra tany La Réunion, tao anatin’ny fe-potoana 30”: 34.Tsahivina fa mpilomano miisa 350 ao anatin’ny klioba 19 ny mifaninana ary nahitana fiakarana taham-pahavitrihana izany. Ankoatra ireo ligy dimy efa nandray anjara tamin’ny herintaona, ahitana ny ligin’Analamanga, ny ligin’i Boeny, ny ligin’Atsinanana, ny ligin’i Vakinankaratra ary ny ligin’i Vatovavy Fitovinany, nahatonga solontena ihany koa ny ligin’Alaotra Mangoro sy ny ligin’i Matsiatra Ambony, sambany vao mifaninana ao anatin’ny fiadiana ny tompondaka nasionaly, raha ny nambaran’ny filohan’ny federasiona ny taranja lomano, ny jeneraly Ramanantsoa Gabriel.Mi.RazL’article Lomano: montsan’i Jonathan ny zava-bita tsara indrindra a été récupéré chez Newsmada.

News - Sport - News Mada
25/04/2019

Tenisy- «BMOI Premium Challenge»: novaina ny endriky ny fifaninanana

Iray volana mialoha ny hanombohan’ny «BMOI Premium Challenge», taranja tenisy, natao ho an’olon-droa miaraka, lahy sy vavy, isika ankehitriny. Fihaonana hotanterahina, eny amin’ny kianja Country Club Ilafy, ny 25 sy ny 26 mey ho avy izao. Nisy ny fanovana ny endriky ny fifaninanana. Nofoanana ny tabilao iarahan’ny ray sy ny zanaka ka novaina ho tabilao ho an’olon-droa miaraka lehilahy, nozaraina ao anaty sokajy «steel» sy «titanium», arakaraka ny taon’ny mpifaninana.Zava-baovao amin’ny fitsipika mifehy ny lalao koa ny tsy fisian’ny «no ad», izany hoe, tsy misy «avantage» intsony raha mitovy ny isa fa mivoaka ho mpandresy ny mahazo isa voalohany.Toy izany koa ny «balle let» na ny baolina mikasika ny harato, aorian’ny “service”, azon’ny iray amin’ireo mpilalao mpifanandrina raisina.Manampy izany ny fisian’ny «point orange». Omen’io orinasan-tserasera io fahana ny ekipa mahazo isa voalohany, raha toa ka mitovy ny tarehimarika ao anatin’ny fe-potoana hilalaovana, maharitra 15 mn indroa miditra.Hotoloran’ny Orange fanomezana  ny ekipa mandrombaka fandresena be indrindra amin’ny alalan’ny “point decisif”.Torcelin  L’article Tenisy- «BMOI Premium Challenge»: novaina ny endriky ny fifaninanana a été récupéré chez Newsmada.

Foot - News - Sport - News Mada
25/04/2019

“M’Foot Fokontany”: miaraka ny baolina kitra sy ny fanabeazana

Vita, ny 21 avrily teo, ny dingana voalohany “M’Foot Fokontany”, nifanaovan’ny ankizy 13-15 taona, natomboka ny 30 marsa ka nandraisan’ny ekipa anjara niisa 75 tany am-boalohany avy amina boriborintany enina eto Antananarivo.Hanomboka ny 27 avrily izao ny dingana faharoa fifanintsanana eo amin’ireo ekipa enina voalohany isaky ny boriborintany sy ireo enina voafantina ahitana ireo ankizy mpilalao mahay, nofantenana avy amin’izay nihintsana ny dingana voalohany.Vita, omaly, ny fisarihana ireo ekipa telo isam-bondrona amin’izao dingana manaraka izao, natao tao amin’ny Skate Park Antanimena, nahitana ireo mpanohana isan-tsokajiny (Airtel, Total, Sanifer, Jumbo Score, Supermaki, Big, Aro, BOA) miaraka amin’ny Alefa Barea, mpikarakara ny fifaninanana. Kendrena koa ny fanabeazana sy ny fijerena ny lafiny sosialy ho an’ireo ankizy ireo hiomana ny hoavy ka singa iray lehibe ny fanohanana azy ireo amin’ny fanatanjahantena. Antony iray lehibe koa nisafidianan’ny mpanomana ny kianja manara-penitra (synthétique) any Andralanitra, misy ny toby Akamasoa, nifampiresahana tamin’ny mpitantana, ny mompera Pedro.“Mahafaly anay ny mandray anjara ho fanabeazana ireo ankizy ireo amin’ny baolina kitra, taranja fanatanjahantena mampiombona. Vonona hatrany izahay manohana, hanomana sy hampivoatra ireo tanorantsika ireo miainga avy any amin’ny fokontany misy azy avy”, hoy ny filohan’ny mpanohana Alefa Barea, Ramisamanana Lova.Raha mpilalao fito isaky ny ekipa no nifanandrina tany amin’ny dingana voalohany, sivy kosa ny handray anjara amin’izao manaraka izao. Ny 12 mey ny lalao famaranana eny amin’ny toby Akamasoa ihany. R. Mathieu   Ireo enina voalohany isaky ny boriborintany :Boriborintany 1 : CF TFC Anatihazo Isotry;  Boriborintany 4 : Ouest MananjaraBoriborintany  2: JSM Morarano               ;   Boriborintany 5 : FC ZandrikelyBoriborintany 3 : FC Betongolo                ;    Boriborintany 6 : Sport 6 City Ireo no hifanintsana amin’ny ekipa voafantina. L’article “M’Foot Fokontany”: miaraka ny baolina kitra sy ny fanabeazana a été récupéré chez Newsmada.

News - Sport - News Mada
20/04/2019

Boxe – “Lalaon’ny Nosy”: hanaovana ady fitsapana ireo mpikatroka

Taorian’ny fiatrehana ny tapany voalohany amin’ny fampivondronana ho fanomanana ny « Lalaon’ny Nosy », nanapa-kevitra ny hanao ady fitsapana ireo mpikatroka ny eo anivon’ny federasiona malagasy ny taranja boxe. Hotanterahina ny 27 sy 28 avrily izao izany, hijerena akaiky ny tena mendrika. Araka ny efa notaterina teto, misy ekipa roa ny hifanintsana amin’ity ady fitsapana ity. Ny ekipa A, ivondronan’ireo atleta voafantina hiatrika ny fampivondronana. Ny ekipa B kosa, ireo solontena isaky ny ligim-paritra manerana ny Nosy. Hamoaka mpikatroka iray isaky sokajy ny ekipa A raha toa ka mpikatroka miisa roa isaky ny sokajy kosa ny hotsongaina ao amin’ny ekipa B. Izay tena mendrika amin’izy ireo avy eo no handrafitra ny ekipa hiatrika ny “Lalaon’ny Nosy”. Ho hentitra tanteraka ny mpitsara amin’ity fitsapana satria tanjona amin’ity “Lalaon’ny Nosy” ity ny handrombaka medaly volamena maro, raha ny nambaran’ny filohan’ny federasiona malagasy, Rabarison Hery Mamy.Eo amin’izay fanomanana ny “Lalaon’ny Nosy” izay hatrany, nahazo fanampiana fitaovana avy amin’ny minisitry ny Fiarovam-pirenena, ny jeneraly Rakotonirina Léon Richard, ny mpikatroka, ny talata lasa teo. Gants miisa 20 sy “sac de sable” maromaro ny natolony tamin’izany. Mbola hisy ny fanampiana homen’ity minisitra mpiahy ny taranja boxe ity, ho fanohanana hatrany ny atleta malagasy. Mi.RazL’article Boxe – “Lalaon’ny Nosy”: hanaovana ady fitsapana ireo mpikatroka a été récupéré chez Newsmada.

Malaza androany

Antontan'isa farany mikasika ny COVID19

COVID19 - Statistiques du 27-09-2020
Source : CCO COVID19 - 27/09/2020

Notsongaina