Tahan’ny fahantrana: anatiny ny fahasalamana sy ny fanabeazana

News - Tahan’ny fahantrana: anatiny ny fahasalamana sy ny fanabeazana

News - Tahan’ny fahantrana: anatiny ny fahasalamana sy ny fanabeazana

 

Natao, ny 27 sy ny 28 oktobra teo,
ny atrikasa nitadiavana ireo singa hamaritana ny tahan’ny
fahantrana eto Madagasikara (IPM)*. Atrikasa notohanan’ny
Fandaharasan’ny Firenena mikambana momba ny fampandrosoana (Pnud),
nandraisan’ny sokajin’olona maro anjara. Maro ireo singa nofaritana
amin’izany eto amin’ny firenena, ankoatra ny fahantrana amin’ny
vola. Ampidirina anisan’ny IPM, ohatra, ny momba ny
raharaham-panjakana, naroson’ny tale jeneralin’ny toekarena ao
amin’ny minisiteran’ny Toekarena sy ny vola, Ramiandrisoa Olivier.
“Hatramin’izay, noferana ho 1,90 dolara ny fidiram-bola
isan’andro farany ambany, isan’olona. Misy olona mahita io vola io,
saingy tsy afa-po any amin’ny raharaham-panjakana”.

Araka izany, azo amaritana ny
tahan’ny fahantrana ireo asam-panjakana ireo, azo ampidirina 
koa ny tsy fandriampahalemana, zava-misy iainan’ny maro. Koa
am-pandinihana izany singa izay ho azo amaritana azy, izay
voalohany ny hamoahana izany eto Madagasikara, fa efa namoaka singa
iombonana eo amin’izao tontolo izao ny Pnud. Ho an’ny Pnud, tena
fahantrana ny mahakasika ny fahasalamana, ny fanabeazana, sy ny
fari-piainana.

Mahakasika firenena 101 ny tatitra
farany navoakan’ny Pnud. Hita tamin’izany fa miisa 1,3 miliara ny
olona miaina ao anaty fahantrana. 2/3 amin’ireo, any amin’ny tany
an-dalam-pandrosoana, 84 % ny aty amin’ny tapany atsimon’i Afrika.
Anisan’ireo 101 ireo i Madagasikara. Ny taona 2012 sy ny 2013 ny
nanaovana fanadihadiana farany teto an-toerana. Ity taona 2020 ity
no saika nanaovana fanadihadiana manaraka isan-tokantrano eto
an-toerana, iarahana amin’ny Banky iraisam-pirenena, saingy tsy
tanteraka noho ny Covid-19.

R.Mathieu

Article tiré de Newsmada

L’article Tahan’ny fahantrana: anatiny ny fahasalamana sy ny fanabeazana a été récupéré chez Newsmada.

Nivoaka tamin'ny : 30/10/2020

Zarao

Share this...
Share on Facebook
Facebook
Tweet about this on Twitter
Twitter

Vakio ihany koa

News - News Mada

CC Esca: kanto ny seho natolotry ry Erick Manana, Feo gasy, Dama, Benny sy Bebey

Hetsika lehibe, nanamarika iny faran’ny herinandro iny, ny notanterahina tetsy amin’ny CC Esca Antanimena, ny asabotsy sy alahady tolakandro teo. Voaporofo fa manana ny toerany eo amin’ny tontolon’ny zavakanto malagasy ny tarika Feo gasy sy ny gadona gasigasy.Taona maro ny tsy nahitana an-tsehatra izany tarika Feo gasy izany. Mpiaraka matetika, saingy tsy tazana firy tao anatin’ny taona vitsivitsy koa i Erick Manana sy i Dama. Toy izany koa i Erick Manana sy ry Benny sy Bebey. Iraisan’ireo mpanakanto rehetra ireo ny filalaovana gitara sy ny gadona gasigasy mifangaro fironana hafa, toy ny “blues”.Tsy vitsy ny nankafy ny mozikan’izy ireo ary niandry fatratra ny fiverenan’izy ireo an-tsehatra indray. Seho roa be izao àry ny natolotra tamin’iny faran’ny herinandro iny. Seho samy nanome fahafaham-po ny mpijery, na tsy afaka nandray anjara tamin’ireo aza i Fafah, anisan’ny mpikambana ao amin’ny Feo gasy.Tsotra kanefa mifanaraka tsara amin’ny toe-panahy tony sy feno fitiavana, entin’ny mozikan’ireo mpanakanto ireo, ny sehatra niakaran-dry Erick Manana. Nibahan-toerana ny feon-gitara akostika, narahin’ny korintsana sy ny amponga moramora. Nampivaivay ny fientanam-po, tamin’ireo hira somary mihetsiketsika, kosa ny jiro maroloko.Feno tanteraka ny fampisehoana, hany ka nalain-kisaraka ny roa tonta: i Erick Manana, i Dama, ry Benny sy Bebey ary ny tarika Feo gasy, andaniny, ny mpijery kosa, ankilany. Na samy efa ampolon-taona maromaro aza ireo tarika ireo, mbola tsy afaka am-bavan’ny maro ny hirany ary niaraha-niredona ny ankamaroan’ireo nentina an-tsehatra, nandritra ireo andro roa ireo.Nizara efatra ny fampisehoana tsirairay ka nanokatra ny sehatra i Erick Manana, izay hita ho niaina tanteraka ny kanto natosany ho an’ny mpijery. Nisongadina tamin’ny fampiaraham-peony tamin’i Dama kosa ny feo samy miavaka kanefa mifameno ananan’izy ireo, nampian’ny fahaiza-mitendry gitara, izay mbola mampitolagaga ny maro.Tsy latsa-danja amin’izany ny fiakaran-dry Benny sy Bebey an-tsehatra, izay efa mpiaraka matetika tamin’i Erick Manana, mahay mampitovy tadin-dokanga tsara. Toy ny nitondra tsiahy maro kosa ny fiverenan’ny tarika Feo gasy an-tsehatra, nampiverina indray teo am-bavan’ny mpijery ireo hira mbola mampalaza azy ireo, toy ny “Voahangy”, “Any indray andro…”, sns.Landy R. L’article CC Esca: kanto ny seho natolotry ry Erick Manana, Feo gasy, Dama, Benny sy Bebey a été récupéré chez Newsmada.

News - News Mada

Kitra – Fifidianana filohan’ny federasiona (FMF): vita ny antsapaka ho an’ireo kandidà 5 mirahalahy

Fantatra ny laharan’ireo kandidà dimy mirahalahy, hifaninanana ho filohan’ny federasiona malagasin’ny baolina kitra (FMF). Miandry ny fotoana hanatontosana, ny fifidianana sisa ny rehetra.Tontosa, tetsy amin’ny foibe toeran’ny federasiona malagasin’ny baolina kitra, tetsy Isoraka, omaly, ny antsapaka amin’ny laharan’ireo kandidà dimy mirahalahy, ao anatin’ny biletà tokana, amin’ny fifidianana izay ho filohan’ny federasiona. Nialoha izany, notsiahivin’ny filohan’ny “comité de normalisation”, Rtoa, Atallah Beatrice fa tsy azo raisina ny fitoriana nataon’ny kandidà Rabekoto Raoul Arizaka Romain, mahakasika ireo mpifaninana aminy, misahana andraikitra politika, izay voalaza ao anatin’ny fehezan-dalàna 13 sy 14 amin’ny lalàm-pitondran-tenan’ny fifa. Rehefa nodinihina hoy izy dia tsy azo raisina ilay izy satria tsy mbola filohan’ny federasiona ireo olona voalaza ireo. Efa nalefa any amin’ny federasiona iraisam-pirenena, ny fanapahan-kevitra noraisin’ny “comité de normalisation”, mahakasika izany.Kandidà iray ihany no tonga nanatrika ity antsapaka ity dia i Mohamad Abdillah Abdou, fa solontena kosa ny an’ireo kandidà telo hafa. Tsy nisy kosa ny an’Andriamiasasoa Doda. Izy ireo no nanao ny antsapaka, nanoloana ny mpanao gazety. Laharana voalohany, Rabekoto Raoul Arizaka Romain. Faharoa, Mohamad Abdillah Abdou ary fahatelo, Andriamiasasoa Doda. Fahefatra, Rasoamaromaka Herilalaina ary fahadimy, Rakotomamonjy Neypatraiky. Toy io filaharany io ihany koa ny fandraisam-pitenenany, ao amin’ny onjam-peo sy ny fahitalavi-pirenena (RNM sy TVM), amin’ny fanolorany, ny fandaharanasany. Hanana 5 mn avy izy ireo, manomboka ny 8 aogositra, hanombohan’ny fampielezan-kevitra, hatramin’ny 22 aogositra, ho avy izao, izay maimaimpoana.Tsiahivina, fa hatao any Ifaty Toliara, ny asabotsy 24 aogositra, ny fifidianana. Tompondaka L’article Kitra – Fifidianana filohan’ny federasiona (FMF): vita ny antsapaka ho an’ireo kandidà 5 mirahalahy a été récupéré chez Newsmada.

News - Midi Madagasikara

Ankadindramamy : Voaroba ny 70 tapitrisa tao amin’ny fivarotan-dasantsy

Matetika hiverenan’ny jiolahy Ankadindramamy. (sary tahiry) Vao maraina dia efa nirefotra ny basy omaly tetsy Ankadindramamy. Napoaka ny basy talohan’ny nidirana tao amin’ilay toerana hotafihina. Fivarotan-dasantsy eo amin’ny faran’ny fidinana eo Ankadindramamy no niharan’ny fanafihana tokony ho tamin’ny enina  ora maraina. Vao naheno ny poa-basy, tifi-danitra indroa, ny tao anatin’ilay toerana dia avy hatrany dia namitsaka. Efa nisy mpaka lasantsy tamin’io fotoana io ary nitsoaka koa ireo raha nahita ny zava-nitranga. Norahonana ny mpitam-bola ary nasaina navoakany tao avokoa izay vola rehetra tao anatin’ny fitoerany. Nahatratra 70 tapitrisa ariary izany ary poa toa izay no nibatan’ireo roa lahy azy dia nanjavona ireo. Mbola nanapoaka basy indray tamin’ny fivoahana ilay toeram-pivarotana lasantsy. Ny olona izay nahatsikaritra no nanazava fa nobatain’izy ireo teny an-tanany ny vola ary tsy mba tao anaty harona na sakaosy akory. Nizara roa ny lalan’ireo mpandroba izay samy tsy misy misaron-tava akory, ary samy nizotra nankany amin’ny elakelan-trano avy. Ny iray tao ambadika tao ihany ary mbola nisy olona maro aza nifanena tamin’ilay lalan-tokana nahita azy nitrotro ny volabe. Tsy nanam-po na inona na inona ireo olona raha tsy efa lasa lavitra ny jiolahy. Rehefa nipoitra teny amin’ny arabe mantsy ka nahita ny olona izay nitangorongorona izay vao nahalala fa hay olona vao avy nandroba ilay nifanena tao anaty elakelan-trano. Maro lalan-kely iny toerana iny ary azo heverina fa efa nokajian’ireo olon-dratsy tsara ny làlana hizorana mandritry ny fitsoahana. Manaporofo izany rahateo ny tsy fampiasan’izy ireo fiarakodia na moto tamin’ny fanatontosana ny fandrobàna. Samy nampiasa basy iray avy ireo jiolahy ary samy nanapoaka an’izany. Ahoana ny namantaran’ireo fa misy volabe toa izany tao amin’ilay fitoeran-tsolika ? Isan’ny fanontaniana izay mipetraka izany amin’ny raharaha toa itony. Amin’ny lafiny iray koa dia efa mba tokony hampiasaina tsikelikely amin’izay ny teknolojia eto amintsika mba tsy hitazomana na hikirakiràna volabe mitovy amin’izao. Efa fantatra mantsy fa izany izao no olan’ny olona… D.RL’article Ankadindramamy : Voaroba ny 70 tapitrisa tao amin’ny fivarotan-dasantsy a été récupéré chez Midi Madagasikara.

News - News Mada

Kitra – «Can 2021»: “Azo atao tsara ny mitazona ny laharana roa voalohany”, hoy i Dupuis

Nambaran’i Nicolas Dupuis, mpanazatra ny Barea de Madagascar fa vondrona azoazo, ny misy an’i Madagasikara, eo amin’ny fifanintsanana hiadiana ny toerana any amin’ny “Can 2021”, tanterahina any Kameronina. Raha tsiahivina, ao amin’ny sokajy K, miaraka amin’ny Elefantan’i Côte d’Ivoire sy i Niger ary i Kenya no misy ny Barea de Madagascar. “Tokony ho tafiditra ao anatin’ireo roa voalohany, ny Barea de Madagascar. Raha ara-taratasy, ambony lavitra ny Barea, raha mitaha amin-dry zareo Kenyanina sy Niger. Ny Ivoarianina no mafy, saingy miankina amin’ny fanomanana ny zava-drehetra”, hoy  izy.Marihina fa samy niatrika ny “Can 2019”, tany Egypta i Kenya sy i Côte d’Ivoire. Raha tsiahivina, tsy nivoaka vondrona ny Kenyanina, raha nihintsana teo amin’ny ampahavalon-dalana kosa ny Ivoarianina.Tafita hiatrika ny dingana famaranana, hatao any Kameronina, ireo ekipa 2 voalohany isam-bondrona, aorian’ny fifanintsanana, izay hatao lalao mandroso sy miverina. Tsiahivina fa tsy miatrika ny lalao savaranonando, intsony ny Barea de Madagascar. Mbola hanao izany kosa i  Liberia sy Tchad, Sodan Atsimo sy Seychelles, Nosy Maorisy sy Sao Tomé sy Principe ary i  Djibouti sy i Gambia. TompondakaL’article Kitra – «Can 2021»: “Azo atao tsara ny mitazona ny laharana roa voalohany”, hoy i Dupuis a été récupéré chez Newsmada.

News - News Mada

Analankinina Hopitalibe – Toamasina: tranona mpanao gazety notafihin’ny jiolahy

Mpanao gazety iray mipetraka ao Analankinina Hopitalibe Toamasina no notafihin’ny jiolahy, ny zoma 24 avrily lasa teo. Lasan’ireo mpanafika avokoa ny entana sarobidy rehetra tao an-trano, toy ny telefaonina finday, ny fakan-tsary, ny fahitalavitra sy ny ny poketran’ny vadin’ilay mpanao gazety. Araka ny fampitam-baovao voaray avy any an-toerana, tsy naheno na inona na inona ireo mpianakavy, nandritra ity fanafihana ity. Efa resin-tory rahateo avokoa ny olona rehetra tao an-trano ka nanararaotra ireo olon-dratsy. Niakatra tamboho manamorona ny lakandrano ireo olon-dratsy, avy koa ny orana tamin’io fotoana io ka nopitsohin’izy ireo tao amin’ny efitrano tsy misy olona matory. Taorian’izay, niditra tao an-trano ny telo tamin’ireo jiolahy ka naka ireo entana sarobidy azo nobataina tao an-trano. Efa maraina ny andro vao nahatsikaritra ireo olona tao an-trano raha nahita ny fahabangan’ny entana. Tsikaritr’izy ireo koa ny fahapotehana teo amin’ny varavarana noho ny fanapitsohana nataon’ireo jiolahy. Voalaza fa nandeha lakana nihazo ny lakandrano ry zalahy, taorian’izay.SajoL’article Analankinina Hopitalibe – Toamasina: tranona mpanao gazety notafihin’ny jiolahy a été récupéré chez Newsmada.

News - News Mada

Fifidianana loholona: tratran’ny ramatahora ireo mpifidy vaventy any Ambatolampy

Anisan’ny tsy afa-bela amin’ny ramatahora sy ny tsindry na koa faneriterena koa ireo olom-boafidy : ben’ny Tanàna sy mpanolotsaina ao amin’ny distrikan’Ambatolampy, faritra Vakinankaratra, ny faran’ny herinandro teo. Naharay soratra maro sosona (SMS) fandrahonana sy fampitahorana avy amin’ny olom-boatendry, « chef d’arrondissement »  ireo mpifidy vaventy ireo. Anisan’ny voalaza fa tao ambadik’izany ny lehiben’ny distrikan’Ambatolampy, saingy nanda ho tsy nanao izany ny tenany rehefa nantsoin’ny mpanao gazety an-telefaonina. « Tsy nandefa ary tsy nanao izany velilvely aho », hoy izy. Tsiahivina fa nisy fihaonana teo amin’ny kandidà loholona avy amin’ny antoko Malagasy miara-miainga ka nampikoropaka ireo olom-boatendry any amin’ity distrika ity izany.Efa nampitandrina ireo olom-boatendry ny filoha nasionalin’ny antoko Malagasy miara-miainga, ny volana oktobra teo. Mazava ny nambarany fa tsy azo ekena velively ny fanjakazakan’ny olom-boatendry, niseho tato ho ato. « Hajaina ny fenitra demokratika fa tsy sekosekon’olom-boatendry no lasa misolo ny olom-boafidy. Mampitandrina izahay fa tsy azo ekena ny teritery, fomba fanao tamin’ireo fitondrana nifandimby. Tokony hahay haka lesona », hoy izy.Synèse R.  L’article Fifidianana loholona: tratran’ny ramatahora ireo mpifidy vaventy any Ambatolampy a été récupéré chez Newsmada.

News - News Mada

Kitra: hitily ankizy hobeazina, ny AS Panther

 Anisan’ireo, ivontoerana manabe sy mampianatra ankizy amin’ny taranja baolina kitra ny AS Panther  Atsimondrano. Taorian’ny nitsanganany, ny volana marsa 2018, izay nahazoany ny taratasy fahazoan-dalana, mitondra ny laharana 10/18 / MJS / SG / DRJS / Ranga / Del / Ant / Atsimo, efa misy kilonga madinika 30 mianadahy eo izao, no tezaina ao, izay ao amin’ny sokajy, U10 ; U13 ; U15.Mpanabe, efatra mirahalahy manana ny mari-pahaizana amin’ny baolina kitra no mampianatra, azy ireo, tarihin-dRandriamampionona Arsène (Ratovo). Manao fanazarantena, isaky ny alarobia sy ny asabotsy, eny min’ny kianja By-Pass, ny AS Panther. Ao anatin’ny fitiliana ireo ankizy hobeazina hatrany izy ireo ankehitriny ka hisy ny “Tournoi”, hatao eny amin’ny kianja Ambatomitsangana, ny alahady 28 jolay ho avy izao. Fiaraha-miasa, amin’ny kaominina Fenorarivo, izany. Nambaran’i Arsène fa tsy mbola maika amin’ny fifaninanana ny AS Panther fa mamerina ny teknika fototra, amin’ny alalan’ny fanomezana sehatra ireo ankizy beazina ireo. Hatreto, miainga amin’ny ezaky ny raiamandreny sy ny mpitantana ny fampitaovana sy fampihodinana ny ekipa. Noho izany, miantso ireo malala-tanana sy tompon’andraikitra eny amin’ny faritra Atsimondrano ny AS Panther, hanohana sy hanampy azy ireo, amin’ny fanabeazana ireo ankizy ao aminy, izay mbola hiantsoany izay vonona hanatevin-daharana azy ireo satria tsy mialonjafy, ny AS Panther. Torcelin L’article Kitra: hitily ankizy hobeazina, ny AS Panther a été récupéré chez Newsmada.

News - News Mada

« Lalaon’ny Nosy » – Kitra: mila mandresy an’i Maorisy ny Barea, anio

Anisan’ny andrasan’ny mpanaraka ny “Lalaon’ny Nosy”, amin’ity andiany faha-10, tanterahina aty Maorisy ity, ny vaovao mahakasika ny ekipam-pirenena malagasy, ny Barea, eo amin’ny taranja baolina kitra. Niakatra an-kianja voalohany, ny asabotsy lasa teo, tao amin’ny kianjan’ny Geoges V, Flic en Flac, Maorisy, izy ireo. Ny ekipan’ny Seychelles no nifanandrina tamin’i Madagasikara nandritra izany ary isa sahala, 0 no ho 0, ny nisarahan’ny roa tonta. Raha ny tokony ho izy ary araka ny nambaran’ny mpanazatra, tokony ho mora tamintsika ny nandavo an’i Seychelles, saingy tsy ampy ny fahamatorana teny ambony kianja.Raha hiverenana ny lalao, nanam-bintana ny Malagasy ary nahazo penalty, saingy tsy maty. Nandaka ity penalty ity i Xavier, laharana faha-6.Ho amin’ny anio, hifandona amin’ny ekipan’i Maorisy ny Barea, ao amin’ny kianjan’i Georges V hatrany. Ho mafy ny miandry ireto mpilalao malagasy ireto, saingy tsy maintsy mandresy raha te ho tafakatra amin’ny dingana manaraka. Ho raraka avy hatrany kosa izay resy eo satria efa samy nanao ady sahala 1 no ho 1 Maorisy sy 1 Seychelles, tamin’ny andro voalohany. Mi.Raz L’article « Lalaon’ny Nosy » – Kitra: mila mandresy an’i Maorisy ny Barea, anio a été récupéré chez Newsmada.

News - News Mada

Atletisma: medaly volamena roa sy volafotsy efatra ny azon’ny Malagasy, omaly

Niditra an-tsehatra, nanomboka omaly, tao amin’ny kianjan’ny Germain Commarmond Bambou, eto Maorisy, ny taranja atletisma, ao anatin’ny andiany faha-10 amin’ny “Lalaon’ny Nosy”. Azo lazaina ho tsara ihany ny vokatra ho an’ny Malagasy satria nahazo medaly volamena miisa roa sy volafotsy miisa efatra ny efa eo am-pelatanan’ireo atleta nifaninana.Norombahan’i Molenjanahary Njarasoa Claudine (12.02) ny fandresena teo amin’ny famaranana, 100 metatra vehivavy. Mbola isika Malagasy ihany koa no nitana ny laharana faharoa, teo amin’ity sokajy ity, tamin’ny alalan’i Embony Elodie Vanessa (12.22). Teo amin’ny sokajy lehilahy kosa nahazo ny medaly volamena , i Mampitroatsy (30.37.88), teo amin’ny 10 000 metatra ary Andriamparany Fenosoa ny teo amin’ny faharoa (31.08.28). Ankoatra izay, medaly volafotsy avokoa ny norombahin’ny atleta malagasy, teo amin’ny famaranana, 1 500 metatra sy 110 metatra misy fefy, sokajy lehilahy hatrany. Niaro ny voninahi-pirenena nandritra ireo fifaninanana roa ireo Randrianantenaina Soazara Lahivokatse (3.56.63) sy i Mananjara Be Ibrhim (14.78). Mi.Raz    Vokatra omaly Famaranana 100 m vehivavy: 1-Molenjanahary Njarasoa Claudine: 12.022-Embony Elodie Vanessa: 12.22Famaranana 10 000 m lehilahy: 1-Mampitroatsy: 30.37.882-Andriamparany Fenosoa: 31.08.28Famaranana 1 500 m lehilahy: 1-Dookun Mohammed (Mau): 3.56.632-Randrianantenaina Soazara Lahivokatse: 3.56.89Famaranana 110 m “haies” lehilahy: 1-Lararaudeuse Jeremie (Mau): 14.632-Mananjara Be Ibrahim: 14.78 L’article Atletisma: medaly volamena roa sy volafotsy efatra ny azon’ny Malagasy, omaly a été récupéré chez Newsmada.

News - Midi Madagasikara

« Tsenaben’ny Fizahantany » : Baisse tarifaire jusqu’à 50% des offres touristiques

Un événement intitulé « Tsenaben’ny Fizahantany » sera organisé par le ministère des Transports, du Tourisme et de la Météorologie, en collaboration avec l’Office national du tourisme de Madagascar (ONTM), du 12 au 14 novembre 2020 au jardin d’Antaninarenina.  Répartis sur 17 stands, près de 32 opérateurs, dont la plupart sont des agences de voyage et tour-opérateurs, y participeront activement en vue de proposer leurs différents produits touristiques. En plus, « les exposants vont appliquer une baisse tarifaire jusqu’à 50% de leurs offres dans le cadre de ce salon afin de promouvoir le tourisme national. Les opérateurs œuvrant dans toutes les chaînes de valeur touristiques et travaillant dans les différentes régions de l’île y sont représentés à travers ces tour-opérateurs », a expliqué Boda Narijao, le PCA de l’ONTM, lors d’une conférence de presse hier. Et lui d’ajouter que ce sera une occasion pour favoriser les opérateurs touristiques formels. De son côté, la population malgache aura également l’opportunité de découvrir la destination Madagascar, tant prisée par les visiteurs internationaux, grâce à ses tarifs promotionnels des offres touristiques. 5 000 visiteurs. Les organisateurs prévoient accueillir jusqu’ à 5 000 visiteurs durant ces trois jours de salon. « Des mesures d’hygiène sont mises en place afin de protéger les visiteurs et les exposants des risques sanitaires. À titre d’illustration, un tunnel désinfectant est installé à l’entrée du salon, sans oublier la prise systématique de température et l’installation de deux distributeurs de gels hydroalcooliques. En outre, le comptage du nombre de visiteurs sera informatisé afin que le plafond de 200 personnes puisse être connu à tout moment. Le but est de cadencer le nombre des visiteurs autorisés à accéder au site. L’entrée au salon est également gratuite », a fait savoir le ministre des Transports, du Tourisme et de la Météorologie, Joël Randriamandranto. Et toujours dans le cadre de la promotion du tourisme national, ce dernier a évoqué qu’une série d’actions promotionnelles a été lancée. On peut citer, entre autres, la mise en place du site web www.bon-plans-tourisme-madagascar.com, regroupant les offres promotionnelles proposées par les opérateurs de la Grande île. « Ce sont tous des moyens servant à soutenir les opérateurs dans le secteur qui sont victimes de la crise sanitaire », a enchaîné le ministre de tutelle. Séjours exceptionnels. Par ailleurs, le ministère en charge du Tourisme organise avec les exposants la promotion d’une destination régionale tous les mois. Les opérateurs concernés, regroupant entre autres les loueurs de voitures, les hôteliers, les organisateurs d’excursion et les guides, élaborent ainsi des séjours exceptionnels à prix réduits. Après Menabe, l’île Sainte-Marie sera lancée ce mois-ci. Navalona R. L’article « Tsenaben’ny Fizahantany » : Baisse tarifaire jusqu’à 50% des offres touristiques est apparu en premier sur Midi Madagasikara.L’article « Tsenaben’ny Fizahantany » : Baisse tarifaire jusqu’à 50% des offres touristiques a été récupéré chez Midi Madagasikara.

Malaza androany

Antontan'isa farany mikasika ny COVID19

COVID19 - Statistiques du 25-11-2020
Source : CCO COVID19 - 25/11/2020

Notsongaina

Tetikasa Ambatovy: hiverina hisokatra afaka volana vitsy ny fitrandrahana
20/11/2020

Herintaona mahery izao ny nanendrena ny SEM. Higuchi Yoshihiro ho masoivohon’i Japana  hiasa eto Madagasikara sy ny Nosy Kaomoro. Anisan’ny notsidihiny ny orinasa Ambatovy, satria manana petrabola be indrindra ao ny orinasa japoney, Sumitomo (55%).Fampiasam-bola lehibe indrindra aty Afrika ny tetikasa Ambatovy. Nilaza ny masoivohon’i Japana, miasa eto amintsika, SEM. Higuchi Yoshihiro, fa tsy maintsy atao ny fiaraha-miasan’ny rehetra mba hisian’ny fahombiazana, hisintonana ny mpampiasa vola vahiny hafa ihany koa ho avy aty Madagasikara. Nambarany koa fa amin’ny maha ambasadaoro azy, hiara-kiasa hisy koa ny fiaraha-miasa amin’ny masoivoho hafa, hametraka tontolo tsara hampahomby ity tetikasa goavana iraisam-pirenena ity, ahazoan’ny rehetra tombontsoa, indrindra ny vahoaka Malagasy sy ny governemanta eto an-toerana. Notsiahiviny fa manan-danja lehibe eo amin’ny toekaren’i Madagasikara ny tetikasa Ambatovy, izay manome asa mivantana maherin’ny 9.000, sady mampidi-bola vahiny avy amin’ny fanondranana ny vokatra any ivelany.Manantena ny fanohanan’ny rehetraEtsy an-kilany, nilaza ny filoha lefitra misahana ny fampandrosoana maharitra ao amin’ny  Tetikasa Ambatovy, i Philippe Beaulne, fa “tsy mbola voafaritra mazava ny hisokafana indray ny orinasa”. Na izany aza, nambarany fa efa miantso tsikelikely ireo mpiasa eto an-toerana sy any ivelany  izy ireo amin’ny fikojakojana ny fitaovana izay tena saro-pady tokoa. Nanome toky kosa anefa izy fa fa hiverina hamokatra afaka volana vitsy, ary manantena ny fanohanan’ny rehetra.Nomarihiny koa fa manodidina ny 220 tapitrisa dolara ny fividian’Ambatovy entana sy fahazoana servisy (tolotrasa) any amin’ireo orinasa eto Madagasikara, toy ny any Toamasina, Moramanga, Antananarivo, sns. Manodidina ny 7.000 isan-taona ny fampiofanana arak’asa omen’ity orinasa ity.Anisan’ny notsidihin’ny ambasadaoro koa ny fanitarana ny seranan-tsambon’i Toamasina, vatsin’ny Fiaraha-miasa japoney ho an’ny fampandrosoana (Jica).SajoL’article Tetikasa Ambatovy: hiverina hisokatra afaka volana vitsy ny fitrandrahana a été récupéré chez Newsmada.

Andron’ny indostria aty Afrika : Fanodinam-bokatra eto an-toerana ho an’i Madagasikara
21/11/2020

Nankalazaina, omaly, tao amin’ny minisiteran’ny Raharaham-bahiny ny Andron’ny indostria aty Afrika 2020. Nitarika ny fotoana ny Sampandraharahan’ny Firenena mikambana misahana ny indostria (Onudi), ny minisiteran’ny Indostria, ny varotra sy ny asa tanana ary ny Sendikan’ny indostria eto Madagasikara (Sim). Navoitra tamin’ny An­dron’ny indostria aty Afrika ny fifanakalozana malalaka ao anatin’ny fifaninanana, izay misy tse­na mahatratra 3 000 miliara dolara aty Afrika. Mitaky vokatra betsaka avy amina fi­renena isanisany izany, ampy ho an’ny tsena anatiny sy hoentina eo amin’ny tsenan’ny fifanakalozana. Ma­no­hana izay tetikasa misy mangaraharaha mankany amin’izany tolotra izany ny Onudi. Ho an’i Madaga­si­ka­ra, fanamby napetraka ny fa­nomezan-danja ny fanodinam-bokatra eto an-toerana ho an’ny tsena anatiny, koa hampirisihina ny mpanjifa hirona amin’ny vita malagasy. Aorian’izay ny tolotra ho an’ny tsena ivelany hifaninana amin’ny hafa. Mifamatotra ny indostria sy ny varotra ka manafaingana izany ny fampiasana an­govo azo havaozina, ny fidirana amin’ny teknolojia vaovao, ny fiantsoana ny mpampiasa vola mivantana avy any ivelany. Mitombo hatrany ny fampiasam-bola aty Afri­ka ataon’ireo firenen-dehibe, efa nahatratra 49 mi­li­ara dolara tamin’ny 2019, saingy tamin’ity taona ity, nosembanin’ny Covid-19.Indostria iray isaky ny distrika irayNotsiahivin’ny minisitra Ra­kotomalala Lantosoa, fa tsara toerana ny indostria ma­lagasy tamin’ny taon-dasa sady nahazo fanohanana tamin’ny Onudi. Mbola anatin’izay fampiroboroboana ny indostria malagasy izay ny politikan’ny fitondram-panjakana: Indostria iray isaky ny distrika iray. Ankoatra ireo orinasa tafatsangana tamin’ity taona ity, hisy tetikasa fananganana in­dostria iray goavana ma­no­dina ny vokatry ny fambolena, ny fiompiana ary ny jono any atsimo andrefana, amin’ny taona 2021, vatsin’ ny Bad vola. “Eto Madagasikara, isan-taona, mankalaza ny An­dron’ny indostria aty Afrika, ahafahana manao jery todika ny zava-bita sy hijerena ny ho avy miaraka amin’ireo mpiara-miombon’antoka, sehatra tsy miankina”, hoy ny minisitra Rakotomalala Lan­tosoa. Napetraka ny lo­hahevitra hoe fampandrosoana ny indostria maharitra, manolona ny fisokafan’ny tsena aty Afrika sy fiatrehana ny fandalovan’ny valanaretina coronavirus.R.MathieuL’article Andron’ny indostria aty Afrika : Fanodinam-bokatra eto an-toerana ho an’i Madagasikara a été récupéré chez Newsmada.

Fametrahana fotodrafitrasa: hanomboka ny fanamboarana an’i Miami – Toamasina
18/11/2020

An-dalana ny asa rehetra. Nidina tany Toamasina ny filoha Rajoelina Andry, omaly, ary nanambara ny hanombohan’ny asa fametrahana ny Miami, any an-toerana.Nambarany tamin’izany ny dingana voalohany amin’ny fanombohana ny asa, voafaritra amin’ny «zone nord», eo anelanelan’i Hopitalibe sy ny Hotel Neptune.Hisy kosa ny fananganana fotodrafitrasa sy ny toerana fitsangantsanganana rehefa vita ny fanajariana sy ny fanamafisana ny sisin-dranomasina “Voile de soutènement”. Eo koa ny kianja marolafy fanaovana fanatanjahantena sy fialamboly isan-karazany “terrain de basket, skatepark, terrasses + ventes coco, jardin des amoureux…”Fanampin’izany, hahazo fanohanana ho matihanina ireo mpivarotra amoron-dranomasina. Haverina sy homena toerana voavoatra sy voatokana amin’ny asany izy ireo. Anisan’izany ny kilalao, ny zava-pisotro, ny mpaka sary, ny tekateka, ny “coco”, ny “taxi-phone”, ny “box” manara-penitra…Fitokanana lalana “béton”Ankoatra izany, nisy koa ny fijerena ny fotodrafitrasa. “Ity lalana manamorona ny ranomasina, boulevard Ratsimilaho, ity no maha Toamasina hatramin’izay. Ity ny mitsena anao vao mivoaka ny seranam-piaramanidina”, hoy izy. Lasan’ny rivodoza izany ary tsy nisy nanamboatra intsony. Nampantena ny filoha ny hamerenana ny reharehan’i Toamasina amin’ny fanamboarana izany lalana izany.  “Hampiakarina hahatratra 6 m ny haavony tsy hatahotra intsony loza voajanahary. Hatsaraina ihany koa ny torapasika manamorona azy“, hoy ihany izy. Notokanana tamin’izany koa ny lalana “béton” manomboka eo Morafeno mankany amin’ny sekoly manara-penitra ao Toamasina.Synèse R.L’article Fametrahana fotodrafitrasa: hanomboka ny fanamboarana an’i Miami – Toamasina a été récupéré chez Newsmada.

Herinaratra: 1,2 tapitrisa dolara avy amin’ny USAID
24/11/2020

5% monja amin’ny mponina any ambanivohitra eto Madagasikara izao ny mahazo herinaratra mivantana na eo aza ireo loharanon’angovo azo havaozina toy masoandro, ny rivotra sy ny rano.Orinasa telo eto Madagasikara nampian’ny governemanta amerikanina, amin’ny alàlan’ny USAID, sampandraharaha amerikanina misahana ny fampandrosoana, sy ny tetikasa Power Africa. Mitentina 1,2 tapitrisa dolara ny tetikasa, hamokarana angovo avy amin’ny herin’ny masoandro. Tanjona ny hahazoan’ny tokantrano mihoatra ny 400 000 any ambanivohitra herinaratra amin’ny taona 2022. Voakasik’izany ny faritra telo: Amoron’i Mania, Atsimo Andrefana, ary i Boeny.Orinasa 17 ny nanao fangatahana, telo ireo nahazo izany taorian’ny safidy: ny Autarsys Madagascar, ny Hydro Ingenierie Etudes et Realizations (HIER) ary ny Henri Fraise Fils & Cie.Tanjona ny 50 % hahazo herinaratra amin’ny 2023Ny volana mey 2020 no natomboky ny Power Africa ny tetikasa fampiroboroboana ny tambajotra madinika eto Madagasikara. Tetikasa tantanan’ny Power Africa’s Southern Africa Energy Program (SAEP) manampy ireo nahazo alalana avy amin’ny Ader, saingy sahirana amin’ny fitadiavana famatsiam-bola; misy koa ireo mpandraharaha manana tetibola afaka manampy tokantrano vaovao hafa. Manohana ny tanjon’ny fanjakana ny tetikasa, hahatratra 50% amin’ny fahazoana herinaratra manerana ny Nosy amin’ny taona 2023.Manampy amin’ny fanitarana ny fiharianaRehefa mitombo ny fampiasana izany, afaka mampiasa fitaovana sy milina maoderina ny orinasa, toy ny paompy fitarihan-drano sy ny vata fampangatsiahana. Manampy amin’ny fanitarana ny fihariana ireo, sy famoronana asa vaovao hampandroso ny orinasa sy ny faritra. Manampy amin’ny fanamafisana ny fifandraisana varotra sy ny toekarena, sy ny fampiroboroboana ny fizakantena maharitra ny fahazoana herinaratra eto Madagasikara. R.Mathieu L’article Herinaratra: 1,2 tapitrisa dolara avy amin’ny USAID a été récupéré chez Newsmada.

Amin’ny maso sy mahasoa… tsy miangatra    
18/11/2020

Tena marina ny hoe tsy misy jamba toy izay minia mikimpy? Na marenina toy izay minia marenina… Inona, hono, ny zavatra miova eto amin’ny firenena amin’izao? Izay ny vavan’ny mpanohitra sasany. Tena tsy misy tokoa ve izay? Na minia mikimpy sy marenina na entin’ny fankahalana, hany ka maizina avokoa ny zava-drehetra.Aza gaga raha tofoka amin’ny afitsoky ny mpanao na ny mpilalao politika ny ankamaroan’ny olona. Toy ny hoe ny tena ihany no inona: manao zavatra, mahavita zavatra. Fony teo amin’ny fitondrana, ohatra, misy sahy miantsanantsana fa izay tsy natao tao anatin’ny 50 taona, vita iray volana na herintaona. Izany moa ny inona?Rehefa eo amin’ny fitondrana, toy ny hoe ny tena ihany no hany tia tanindrazana, mahalala sy mitsinjo vahoaka… Tsy vitan’izany, hany tokana an-tany manao sy mahavita zavatra hoe fampandrosoana. Manginy fotsiny, izay mahita na milaza zavatra ankoatra izany: soketaina ambony ihany ho fahavalom-pirenena, manakorontana, potehina…Rehefa tsy eo amin’ny fitondrana indray, tabatabaina fa famonoana vahoaka sy famotehana firenena izay rehetra ataon’ny mpitondra. Tena tsy misy na inona na inona miova tokoa ve eo amin’ny tany sy ny fanjakana? Na eo amin’ny fiainam-bahoaka… Aleo ny tsirairay no mitsara fa tsy izay lazaina sy hitan’ny tena no hany marina.Ny zava-doza: manakorontana rehefa tsy mahasarika sy mahazo vahoaka amin’izany. Tsy mety misy fiovana ny fomba fanaovana politika? Tsy firy ny mijery amin’ny maso tsy miangatra amin’izay tena mahasoa amin’ity hoe fitiavan-tanindrazana… hirahiraina lava. Na misy izay mety mahasoa ny vahoaka aza, toherina fotsiny izao.Aza gaga raha tsy miova koa ny fomba fanaovana politika, ny fijerin’ny maro ny mpanao politika sy ny fanaovana politika… Lazaina fa tsy misy inona miova eto noho ny tsy fijerena amin’ny maso tsy miangatra. Tsy ny tena mpitsikera befahatany noho ny fiheveran-tena diso ve no tsy misy fiovana voalohany amin’ny maso tsy miangatra?Rafaly Nd.  L’article Amin’ny maso sy mahasoa… tsy miangatra     a été récupéré chez Newsmada.

Antsahatsiroa : Un quartier témoin de l’histoire 
23/11/2020

Le vernissage de l’exposition « Antsahatsiroa, mémoire d’un quartier » a eu lieu vendredi, au musée de la photographie en présence de l’Ambassadeur de France et du maire de la commune urbaine d’Antananarivo. L’exposition est accessible gratuitement dans le préau du musée du 20 novembre au 20 février 2021. Un quartier-musée. Antsahatsiroa, littéralement vallée sans égal, est perchée sur la colline d’Antananarivo, en contrebas de l’enceinte royale. Sept siècles séparent notre ère de  l’installation des premiers humains dans ce vieux quartier. Ce lieu, considéré sacré pendant l’époque vazimba et au temps du Royaume merina, cumule les fonctions politique, symbolique et cultuelle avant le XXe siècle. Antsahatsiroa est aussi le lieu de résidence de grands personnages qui ont pour la plupart tenu une place importante à la cour. Aujourd’hui, ce quartier est occupé par leurs descendants qui héritent d’un patrimoine immobilier. Dans une capitale où s’accélèrent les différents aménagements urbains avec le poids de la croissance démographique, Antsahatsiroa présente un intérêt particulier en tant que lieu à forte valeur historique. Le quartier est doté d’un caractère exceptionnel qui le rend singulier dans la ville d’Antananarivo. Sur la Haute Ville historique d’Antananarivo, Antsahatsiroa se classe comme un quartier-musée riche en monuments et édifices historiques. Antsahatsiroa Miatrika est une association des habitants et des riverains du quartier d’Antsahatsiroa. Elle regroupe une soixantaine de personnes presque toutes des descendants de personnages illustres de la cour qui ont habité ́ Antsahatsiroa. Tout autant attachés à leurs terres qu’à leurs ancêtres, les habitants d’Antsahatsiroa, en s’incarnant en association, expriment la volonté d’entretenir une vie commune harmonieuse. L’association a pour objectif d’embellir le quartier et d’améliorer le vécu quotidien de chacun, résidents comme usagers tout en promouvant l’aspect patrimonial du lieu. Sauvegarder le patrimoine architectural, paysager et culturel sont les maîtres-mots de cette association. Une initiative  Le Projet FSPI – PISCCA ou Projet Innovant des sociétés civiles et coalition d’acteur est établi par l’Ambassade de France à Madagascar pour financer des projets d’acteurs locaux visant à lutter contre la pauvreté et à renforcer l’accès aux droits fondamentaux des populations vulnérables. L’association AMI, dans son Projet de revalorisation du quartier d’Antsahatsiroa a pu bénéficier de ce financement et en même temps elle a obtenu le soutien technique de Paris Région Expertise Madagascar. Recueillis par Iss Heridiny  L’article Antsahatsiroa : Un quartier témoin de l’histoire  est apparu en premier sur Midi Madagasikara.L’article Antsahatsiroa : Un quartier témoin de l’histoire  a été récupéré chez Midi Madagasikara.

Fifidianana Toamasina: raikitra ny propangadin’ny IRD
20/11/2020

 Namory ireo mpanolotsaina sy ben’ny Tanàna ho an’i Toamasina I sy II ny lisitra kandidàn’ny IRD, notarihin’ny kandida, Manantsoa Donna Tang, laharana fahatelo eo amin’ny biletà tokana.  “Efa hiarahantsika mahita ny ezaka fampandrosoana ataon’ny filoham-pirenena eto Toamasina. Nametraka ny vato fehizoron’ny tetikasa “Miami” sy ny fanamboran-dalana moron-dranomasina “Boulevard, Ratsimilaho, izy. Notokanana koa ny fotodrafitasa maro”, hoy izy ireo. Naneho fahavonana ny hanohy sy  hitondra  ny hetahetan’ ny isaky ny kaominina ireto kandidà ireto mba tsy hisy intsony ny ho tara. Tsiahivina fa telo ny lisitra hifaninana ato amin’ny faritanin’ i Toamasina. Voalohany eo amin’ny bileta tokana ny MMM. Faharoa ny Vondron’ny mpampianatra mpikaroka etsy amin’ny oniversiten’ i Barikadimy  ary fahatelo ny IRD.Sajo L’article Fifidianana Toamasina: raikitra ny propangadin’ny IRD a été récupéré chez Newsmada.

Literatiora malagasy: “Kolontsaina iray makadiry… ny soratra”, hoy i Hajaina
24/11/2020

Andrianasolo Hajaina Naomy, poety, mpanoratra, mpikabary, mpanatontosa sy mpilalao tantara fihaino, mpamoron-kira. Avy amin’ny traikefa matanjaka ananany eo amin’ny tontolon’ny soratra no nilazany fa: “ny soratra no anton’ny fandaminam-piainana rehetra. Ny lalàmpanorenan’ny firenena iray, tsy maintsy voasoratra”. Efa niorim-paka roanjato taona eto Madagasikara ny soratra. Noho izany, efa tafiditra anatin’ny kolontsaina malagasy, raha ny fanazavany hatrany. “Fampitan-kafatra haingana sy mora voarain’ny vahoaka ny soratra, raha tsy hiteny afa-tsy ny hita maso. Ohatra, miainga eo Ambohijatovo ka hatrany amin’ny Gara Soarano, ahitana soratra ampolony maro ny havia sy ny havanan’ny lalana. Ny mahavariana kely fotsiny, ny 90%-n’ireny, tsy teny malagasy”, hoy i Hajaina.“Na izany aza, manantombo sady mitoetra kokoa raha voakaly ho haisoratra ny soratra. Izany no mbola tsy maha lefy laza ny haisoratr’ireo mpanoratra kalaza taloha ary mampitombo hery ireo mpanoratra kalaza ankehitriny. Asa soratra anabeazana ny zanaka malagasy eto Madagasikara sy manerana izao tontolo izao. Midika izany fa kolontsaina iray makadiry tsy lefin’ny vanim-potoana ary aina tsy azo ialana iveloman’ny fiarahamonina ny soratra”, hoy hatrany i Hajaina.Fantatra fa  filohan’ny Fikambanan’ny poety sy ny mpanoratra malagasy “Havàtsa-Upem” Andrianasolo Hajaina. Mpikambana mpiombona antoka ao amin’ny Akademiam-pirenena malagasy, manomana “thèse de doctorat” momba ny literatiora, mpampianatra mpikaroka eny amin’ny oniversiten’Antananarivo, sokajim-pampianarana “études malagasy”.Narilala L’article Literatiora malagasy: “Kolontsaina iray makadiry… ny soratra”, hoy i Hajaina a été récupéré chez Newsmada.

Nécrologie du 18 novembre 2020
18/11/2020

Cliquez pour agrandir L’article Nécrologie du 18 novembre 2020 est apparu en premier sur Midi Madagasikara.L’article Nécrologie du 18 novembre 2020 a été récupéré chez Midi Madagasikara.

Après match : Des rues noires de monde  
18/11/2020

Il a fallu jouer des coudes pour sortir du stadium de Barikadimy après le match des Barea. Et le mot n’est pas trop fort pour qualifier cette marée humaine prendre d’assaut toutes les rues par où passent les Barea. Des héros que tout le monde voulait voir. Autant dire que les Tamataviens étaient fiers de ces Barea qui ont vraiment mouillé le maillot et tenu tête à des Ivoiriens théoriquement supérieurs. Mais la première haie d’honneur était pour le Président Andry Rajoelina grâce à qui la ville a pu se doter d’un stade aux normes internationales. C’était tellement bien fait au point de faire dire au capitaine ivoirien Serge Aurier que les conditions incluant également l’hôtel Le Calypso étaient réunies pour rendre leur séjour agréable. Clément RABARY L’article Après match : Des rues noires de monde   est apparu en premier sur Midi Madagasikara.L’article Après match : Des rues noires de monde   a été récupéré chez Midi Madagasikara.

Fiaraha-miasa 3P: trano fonenana ho an’ny mpikambana Cnaps
20/11/2020

Ao anatin’ny velirano faha-11 nataon’ny filoha Rajoelina Andry ny fampiroboroboana ny trano fonenana sy ny fampandrosoana an’i Madagasikara. Napetraka ny Antokon-draharaha nasionaly hanohanana ny trano fonenana (Analogh), orinasam-panjakana eo ambany fiahian’ny minisiteran’ny Fanajariana ny tany sy ny asa vaventy (MTTP), sady miara-miasa amin’ny minisitera lefitra miadidy ny Tanàn-dehibe vaovao sy ny trano fonenana (VMVNH). Ny antony, ny hanatanterahana ny Politikam-pirenena mikasika ny trano fonenana.Tanjon’ny Analogh ny hiantoka ny ahazoan’ny tokantrano malagasy trano fonenana sahaza, hampihenana ny fahantrana sy hanatsarana ny fari-piainany. Maro, araka izany, ny tetikasa hanorenana trano fonenana manerana ny Nosy amin’izao fotoana izao.Natao, omaly, ny sonian’ny fifanarahana eo amin’ny Analogh, ny banky BNI Madagasikara ary ny Tahirim-pirenena misahana ny fiahiana sosialy (CNaPS). Hita taratra amin’ity fiaraha-miasan’ny fanjakana sy ny tsy miankina ity ny fanatanterahana ny Politikam-pirenena ho an’ny trano fonenana (3P).Nilaza ny tale jeneralin’ny CNaPS, Rakotondraibe Mamy, fa anisan’ny tanjona ao anatin’ity fifanarahana ity ny ahazoan’ny mpikambana ao amin’ny CNaPS, mahazo trano fonenana. aorin’ny Analogh.Amin’ny alalan’ny banky BNI no ahafahan’ny mpikambana mindram-bola, hividianana ny trano.Njaka A.L’article Fiaraha-miasa 3P: trano fonenana ho an’ny mpikambana Cnaps a été récupéré chez Newsmada.

Fanaovana maloto ankalamanjana: manota fady ny sahan-driaka sy ny tahirin-drano
21/11/2020

Nomarihina tao amin’ny kaominina Mantasoa omaly ny andro iraisam-pirenena ho an’ny kabone. Nofidiana manokana ny ao Mantasoa noho ny fananany tahirin-drano sy sahan-driaka midadasika izay saropady ka mila tandrovana amin’ny loto. “Fahadiovana ma­ha­ritra, fanoitra amin’ny fiovaovan’ny toetrandro”. Io no lohahevitra novoizina nandritra ny fanamarihana ity ndron’ny kabone ity. Nen­tina nanairana ny sain’ny olo­na sy ho fampahtsiahivana ny mponina fa manota fa­dy tanteraka ny tahirin-dra­no fisotro madio sy ny sa­han-driaka ny fanaovana ma­loto ankalamanjana. Nanome toky ary nametraka fanamby ireo ben’ny ta­nàna ao amin’ny distrikan’ i Manjakandriana rehetra fa hanaja ny fahadiovana ary ha­natratra ny tanjona tsy hi­sian’ny fanaovana maloto an­kalamanjana ho fiarovana ireo rano ao an-toerana izay mamatsy indrindra an’Anta­na­narivo. Nisy ny sonia na­taon’izy ireo am-pahibemaso tamin’izany ho fanamafisana io ady iombonana io. Miparitaka ny loto rehefa hatao ankalamanjana ary en­tin’ny riaka na ny rivotra any amin’ireny rano fisotro ire­ny. Havarin’ny riaka any an-tanimbarysy ny fambolena ary amin’ny trano fonenana manodidina. Mitera-doza ho an’ny mponina izany ary manimba ny hasin’ny tenan’ny olombelona mihintsy aza satria naman’ny mampihinana ma­loto olona ireo manao izany ankalamanjana. Ankoatra ny maha-maty hasina ny maha-olona sy ny ota fady, mitondra aretina maro koa ny fiparitahan’ny maloto ankalamanjana. Anisan’izany ny aretim-pivalanana izay mbo­la mamono indrindra ny an­kizy madinika eto amintsika.Tanjon’ny taona 2025 Tanjon’ny minisiteran’ny rano sy ny fahadiovana ary ny fidiovana ny hanafoana ny fanaovana maloto anklamanjana amin’ny taona 2030. Haroso amin’ny taona 2025 anefa izany tanjona kendrena izany ka mitaky ezaka mafy amin’ny tsirairay. Mila ampitoboina ny tetibola ho an’ny rano sy fidiovana ary fahadiovana indrindra ny fampandraisana an­drai­kitra ireo sehatra tsy miankina. Ho isan’ny tanàna modely amin’ny tsy fisian’ny fa­na­ovana maloto ankalamanjana intsony ny faritra An­a­lamanga amin’ity taona ity. Hiitatra amin’ny faritra hafa izany ka tsy maintsy tratra ny tanjona, hoy ny sekretera jeneralin’ny minisiteran’ny rano, Randriatsiferana Simon. Hapetraka ny kabone modely sy moderina izay hampirisihana ny rehetra ny hanangana azy amin’ny alalan’ny akora misy any aminy avy.37,6%-n’ny Malagasy ihany no manana kabone. Mbola manao maloto ankalamanjana ny 62,4% ka manaparitaka izany eny rehetra eny. Olona 7 amin’ny 10 araka izany no mbola manaparitaka ny malotony ka manelongelona ny hafa ary mitera-doza ho an’ny fiarahamonina. Mafagasikara madio no filamatra sy tanjona kendrena. L’article Fanaovana maloto ankalamanjana: manota fady ny sahan-driaka sy ny tahirin-drano a été récupéré chez Newsmada.