Lozam-pifamoivoizana :: Lehilahy iray voahosin’ny kamiao teny Talatamaty

News - Lozam-pifamoivoizana :: Lehilahy iray voahosin’ny kamiao  teny Talatamaty

News - Lozam-pifamoivoizana :: Lehilahy iray voahosin’ny kamiao teny Talatamaty

Nandriaka ny ra teny amin’ny lalam-pirenena fahefatra teo Andranotapahina, miakatra an’i Talatamaty, afak’omaly alina. Lehilahy iray, dimy amby telopolo taona, no namoy ny ainy tamin’izany. Ny zandary avy ao amin’ny Borigadin’ ny zandarimaria Talatamaty no nitondra sy nametraka ny razana eny amin’ny tranom-patin’ny hopitaly Joseph Ravoahangy Andrianavalona. Teny am-panaovana fisafoana amin’ny alina toy ny mahazatra izy ireo no nahita ny loza.

«Potika tanteraka ny vatan’io lehilahy io. Naheno izahay fa voadonan’ny kamiao izy», hoy ny zandary eny an-toerana. Milaza ho efa manao ny fikaroham-baovao momba an’ilay fiarabe nanao loza ny mpanao famotorana. Teny amin’ny tranom-paty kosa vao nosavaina sy nojerena akaiky ny razana. Nahitana kara-panondro teny aminy. Fantatra tamin’ izany fa avy eny amin’ny kaominina Ambohimanambola ity namoy ny ainy ity.

Efa nisy ny fampilazana ataon’ny mpitandro filaminana an’ireo izay mety ho fianakaviany.

L’article Lozam-pifamoivoizana :: Lehilahy iray voahosin’ny kamiao teny Talatamaty est apparu en premier sur AoRaha.

Talatamaty

Zarao

Share this...
Share on Facebook
Facebook
Tweet about this on Twitter
Twitter

Vakio ihany koa

News - News Mada

Dihy ankehitriny: nampiofana ireo vehivavy any Toliara i Julie I.

Nanomboka ny 15 jolay teo hatramin’ny androany, nizara ny fahalalany sy ny traikefany tamin’ireo tovovavy manan-talenta, any Toliara, i Julie Iarisoa, mpamorona sy mpanao soradihy. Niompana tamin’ny tontolon’ny dihy ankehitriny ny fiofanana, izay hita ho nahaliana ireo andriambavilanitra any an-toerana.“D’un sud à l’autre” ny lohatenin’ity tetikasa miavaka ity. Nampiharina avy hatrany amin’ny famoronana ny fianarana ka hisy ny fanehoana izany an-tsehatra, anio hariva ao amin’ny Vakok’arts Trano ao Toliara. Fampisehoana maimaimpoana, izay hanentanan’ireo mpandray anjara sy ny mpikarakara ny rehetra.Nialoha ity fampiofanana ity, namolavola soradihy iray, mitondra ny lohateny hoe “Tsioka” ihany koa i Julie Iarisoa, niaraka tamin’ny mpanakanto mpandihy any Toliara. Noforonina sy natsangana ary nomena aina nandritra ny fivahiniana, tao amin’ny Alliance française ao Toliara izany. Naharitra dimy andro ihany koa ny fiarahan’izy ireo niatrika izany asa goavana izany, izay nofaranana tamin’ny fanehoana an-tsehatra ilay soradihy, ny 12 jolay lasa teo, tao amin’ny Vakok’arts Trano hatrany.Landy R.  L’article Dihy ankehitriny: nampiofana ireo vehivavy any Toliara i Julie I. a été récupéré chez Newsmada.

News - Sport - Ao Raha

BADMINTON – FIFANINANAM-PIRENENA :: Mpilalao sivy amby fitopolo hiady anaram-boninahitra fito

Hotanterahina, amin’ny faran’ny herinandro izao, eny amin’ny lapan’ny Fanatanjahantena Mahamasina, efitra kely, ny fiadiana ny ho tompondakan’i Madagasikara amin’ny taranja badminton. Miisa sivy amby fitopolo ireo mpilalao avy amina klioba sivy eo amin’ireo ligim-paritra telo (Analamanga, Vakinankaratra ary Atsinanana). Mitsinjara amina sokajy efatra (Serie A, B, C ary Vétérans) ireo mpifaninana ireo ka hanomboka amin’ny sabotsy ny fifanintsanana. Isan’ireo andrasan’ny rehetra amin’ity fifaninanam-pirenena ity ny fiarovan’i Aina Vonjinirina Marc Alberto avy ao amin’ny klioba Sangasy sy SoaniainaTombotsoako Razanamaly avy ao amin’ny SC Itaosy ny anaram-boninahitra eny am-pelantanan’izy ireo. Hiady laharana amin’i Aina amin’izany, eo amin’ny sokajy lehilahy i Hery Zo Rakotoharinivo avy any Antsirabe (ABC). Tsy isan’ireo nandray anjara ny lehilahy tamin’ny fifaninanam-pirenena 2017 ary niverina indray tamin’ity taona ity. Izy no niambozona ny medaly volamena tamin’ny taona 2016 saingy niondrana kely tany Japon tamin’ny taon-dasa. Farany teo dia azony ny amboara “Masters”, nokarakarain’ny Federasiona. L’article BADMINTON – FIFANINANAM-PIRENENA :: Mpilalao sivy amby fitopolo hiady anaram-boninahitra fito est apparu en premier sur AoRaha.

News - News Mada

Mila mailo: misy misandoka ho mpitsabo maso

Tokony ho mailo ny rehetra, indrindra any ambanivohitra, fa misy ny olona maso mitety vohitra mitonona ho mpitsabo mandray an-tanana marary ary manome fanafody. Tranga iray niseho tany amin’ny faritra ivelan’ny Renivohitra, nitarika fahasimban’ny mason’ny zaza vao 15 volana, izany. Noho ny fanafody (collyre) nomen’ny olona nisandoka ho mpitsabo maso ny nahatonga izany. Efa mandeha ny fanadihadian’ny tomponandraikitry ny minisiteran’ny Fahasalamana amin’izao fotoana izao momba io tranga io. Ireo rehetra mitonona ho fikambanana misehatra amin’ny fahasalaman’ny maso, tsy maintsy manana fifanaraham-piaraha-miasa avy amin’ny minisiteran’ny Fahasalamana.Tokony hanana mpitsabo manana fahaizana manokana amin’ny fitsaboana maso koa izy ireo, araka ny fanambaran’ny tomponandraikitra ny minisiteran’ny Fahasalamana. Mialoha ny hanatanerahana ny asa, mila mitondra ireo antontan-taratasy voalaza ireo eny amin’ny tomponandraiktiry ny fahasalamana ao an-toerana ilay fikambanana.Vonjy A.  L’article Mila mailo: misy misandoka ho mpitsabo maso a été récupéré chez Newsmada.

News - News Mada

Feno ny fepetra…

Manomboka feno tanteraka  ny fepetra ahafahan’ny firenena  miroso. Efa tafapetraka avokoa ireo Andrimpanjakana rehetra. Anisan’izany ny Antenimierampirenena vao nijoro farany teo. Manana ny maro anisa aoriany ny fitondram-panjakana, ankoatra ny hijoroan’ny  governemanta, afaka andro vitsy. Efa eo an-tanan’ny fitondrana avokoa ny fitaovana sy ny olona ary ny hoenti-manana  miaraka amin’ny vina  nampanantenaina. Efa nankatoavin’ny fianakaviambe  iraisam-pirenena ary  nahazo tohana sy famatsiam-bola, izao fitondrana izao. Tsy tokony  hisy  intsony ny fialan-tsiny ao anatin’izany  rehetra izany. Na koa fanilihana andraikitra  tahaka ny nataon’ny  teo aloha, fony  izy teo amin’ny fitondrana. Atombohy amin’izay àry  ny asa vavany avy  hatrany, hiantraika any amin’ny ativilanin’ny sarambabem-bahoaka  sy  ny mponina. Esory amin’ny toerany ary aza andeferana ireo tsy mahavita  ny iraka  sy  ny andraikitra ankinina aminy. Aleo hiavaka ny  vary sy ny tsiparifary na koa ireo zatra ny lalan-dririnina. Tsy tokony  hisy toerana  ho an’ny misalasala intsony  izao.Farito ary ataovy mazava  tsara ny lalan-kombana iaraha-mjery sy manombana. Aiza ho aiza  izao isika amin’ny lamasinina haingam-pandeha ? Inona ny  mbola misakana na koa manahirana ?  Fotoana izao hanatanterahana  ireo nambara  sy notanisaina, araka ilay fiteny nambara fa asa izy ity fa tsy kabary. Ahoana  ny tsy fandriampahalemana sy ny tsy filaminana manoloana  ireo fitaovana maro samihafa efa azon’ny mpitandro filaminana ?  Ahoana ihany ity delestazy miverimberina mahazo  laka isanandro  tato  ho  ato ity ? Miantraika mivantana amin’ny sosialim-bahoaka amin’ny ankapobeny mihitsy  :  fiakaran’ny vidim-piainana, ny lafiny fitsaboana  sy ny fanadiovana izany, indrindra  eny anivon’ny hopitaly. Ny olan’ny fananan-tany tsy ahitana mangirana hatramin’izao. Ny mbola fihanaky ny kolikoly sy ny fomba hampihenana  izany amin’ny sehatra samihafa eto amin’ny firenena.   Ampahany  ihany  ireo. Tsy vitan’ny  fisehosehoana  fotsiny na  resabe intsony  izao fa  mitaky andraikitra amin’ny rehetra.  Tokony  hanomboka izany ary ho fitaratra ny  mpitantana isan’ambaratongany… Roso toy tsa mipody koa…  Efa feno  tanteraka ny fepetra  ka  tsy tokony  hisy  intsony ny olana  na fialana bala ?Synèse R.       L’article Feno ny fepetra… a été récupéré chez Newsmada.

News - News Mada

Jery taratra: lamina handrosoana amin’izay…

Nifarana ny famoahan’ny Ceni ny fironana amin’ny voka-pifidianana. Miroso amin’ny  famoahana ny voka-pifidianana vonjimaika amin’izay izy. Tsy inona fa ny fikirakirana ny fitantanana an-tsoratra (PV) tena izy avy any amin’ny SRMV amin’ny distrika tsirairay avy. Azo atao amin’izay ny manao fampitahana PV.Nilaza ny eo anivon’ny Ceni fa tsy mitarika ho famoahana am-ponja avy hatrany izay kandidà efatra voatana vonjimaika any am-ponja ny fahalaniana amin’izao fifidianana depiote izao. Mitohy ny raharaham-pitsarana azy ireo, ary ny HCC no manapaka ny amin’ny fahabangan-toerana raha mbola tsy mivoaka ny fonja izy ireo.Hiova ny fankalazana ny 26 jona amin’ity taona ity. Nofoanana, ohatra, ny fanasan’ny filohan’ny Repoblika ireo olo-manan-kaja eto amin’ny firenena, ny masoivoho vahiny… Ao anatin’ny politika fitsitsiana izany. Hatao ny tolakandro ny matso lehibe eny Mahamasina hahazoan’ny any amin’ny faritany manaraka azy.Nilaza ny filohan’ny Sendikàn’ny mpitsara eto Madagasikara (SMM), fa mila fanovana na foanana ny lalàna momba ny Fitsarana avo (HCJ) hitsarana mpitondra ambony. Sarotra sy ela ny dingana arahina, ka tsy hisy ho voatsara amin’izany. Fitsarana tsotra ihany no tokony hitsara azy ireo rehefa tsy eo amin’ny fitondrana.Namoaka fanambarana ny Fitsarana avo momba ny lalàmpanorenana (HCC), Tsy hisy fiantraikany amin’ny fanajana ny safidim-bahoaka ny faneriterena sy ny fanodinkodinana ny saim-bahoaka rehetra. Manao ny asany ao anatin’ny tsy fiandaniana na fitongilanana araka ny lalàmpanorenana sy ny lalàm-pifidianana izy.Amin’izany, aiza ho aiza ny fiainam-bahoaka: efa tena irosoana ny fampanjakana ny fandriampahalemana, ohatra? Miisa 36, ohatra, ireo zandary tanana am-ponja noho ny firaisana tsikombakomba amin’ny dahalo, ny tsy fanarahan-dalàna… Na izany aza, tsy ilaozan’izay fitarainana etsy sy eroa ihany.R.Nd.  L’article Jery taratra: lamina handrosoana amin’izay… a été récupéré chez Newsmada.

News - News Mada

Olan’ny AFT: hametraka fangatahana ny mpampianatra

Niato ny fampianarana teny frantsay eny amin’ny Alliance française Andavamamba, ny 30 jolay lasa, teo nandritra ny tontolo andro noho ny fitakiana nataon’ny mpampianatra momba ny fahataran’ny fandoavana ny karaman’izy ireo volana jolay. « Ho fanamafisana ny fangatahana maro efa nataon’izy ireo hatramin’izay hanatsarana ny fanatontosana ny asa ny fampiatoana ny fampianarana ny talata lasa teo », hoy ny fanazavan’ny solontenany. 60 ny mpampianatra nanasonia ny fangatahana voalaza. Taorian’ny hetsika, tsy nisy ny fifanatonana teo amin’ny roa tonta fa tonga dia tapaka avy hatrany ny fifanaraham-piaraha-miasa teo amin’ny mpampianatra sy ny AFT, araka ny fanambarana navoakan’ny tomponandraikitry ny Alliance. Noheverina fa nanapaka ny fifanarahana ny mpampianatra rehefa nampiato ny asany ny talata teo. Mbola vonona ny handray ny mpampianatra maniry ny hanohy ny fiaraha-miasa aminy anefa ny AFT ka afaka mametraka fangatahana vaovao ireo mazoto hanaraka ny fepetra apetrak’izy ireo. Ambara fa tapaka tanteraka ny fifanarahana momba ny asa ho an’ny mpampianatra tsy nametraka fangatahana hatramin’ny anio hariva amin’ny 5 ora.Ny mpampianatra kosa, manizingizina fa marim-pototra ny fangatahana nataon’izy ireo ka mangataka ny hampiatoana ny fanapahana ny fifanarahana momba ny asa ary hiroso amin’ny dinidinika miaraka amin’ny mpitantana ny AFT.Vonjy   L’article Olan’ny AFT: hametraka fangatahana ny mpampianatra a été récupéré chez Newsmada.

News - News Mada

Faritra Menabe: hanamboatra lalana sy hamokatra angovo i Korea Atsimo

Nihaona vao haingana ny lehiben’ny faritra Menabe, i Gilbert Romain, sy ny masoivohon’i Korea Atsimo eto amintsika, i Lim Sang-woo. Tetikasa niaraha-nidinika ny fanamboaran-dalana sy ny famokarana angovo. Mbola vitsy ny orinasa manangana tetikasa any amin’ny faritra Menabe noho ny tsy fahampian’ny famatsiana angovo sy ny faharatsian-dalana. Nambaran’ny masoivohon’i Korea Atsimo fa ireo no antony lehibe misakana ny fampandrosoana, tsy ahitana fampiasam-bola any amin’iny faritra iny. Efa nasian-teny teo aloha, ny taona 2015, ny fampindramam-bola ataon’i Korea Atsimo an’i Madagasikara, 30 tapitrisa dolara. Voateny tamin’izany ny hanamboarana ny lalana RN35, manelanelana an’i Morondava sy Mahabo. Any amin’ny faritra Menabe ihany,  ry zareo Koreanina hamokatra angovo sy hanatsara ny lalana mankany amin’ny Tsingin’i Bemaraha sy Tsingin’i Bekopaka.  Nambara fa hatao tsara ireo lalana ireo hisintonana mpizahatany sy ho fiarovana ny tontolo voajanahary. Ao anatin’ny fifanarahana ihany koa ny fanamboaran-dalana mampitohy an’Analamisampy sy Manja. Tsara ho fantatra fa aorian’i Japoney, ry zareo Koreanina no faharoa amin’ny fampiasam-bola any Ambatovy.  Nambara tamin‘ny fihaonana ny fandrosoan’ny teknolojia koreanina, toy ny hita amin’ny Samsung sy ny Kia. Efa tany amin’ny taona 1963 ny fifandraisana teo amin’i Madagasikara sy Korea Atsimo. Novelomina indray izany fifandraisana izany, ny taona 1993. Hatramin’izay, mahatratra 200 tapitrisa dolara izao ny varotra eo amin’ny firenena roa tonta. Tsiahivina fa anisan’ny firenena mahantra indrindra eran-tany i Korea Atsimo nandritra taona 60, afaka nihoatra izany aty aoriana rehefa notohanan’ny Fikambanana iraisam-pirenena maro, ary ankehitriny mitondra ny anjarany hanosika hampiakatra ny firenena mahantra toa an’i Madagasikara.   R.MathieuL’article Faritra Menabe: hanamboatra lalana sy hamokatra angovo i Korea Atsimo a été récupéré chez Newsmada.

News - News Mada

Basket – Fanomanantena: lavon’ny Asa sy Mb2all U-18 lehilahy ny ekipa vehivavy

 Efa ao anatin’ny fanomanantena tanteraka amin’izao fotoana izao ny ekipam-pirenena lahy sy vavy , hiatrika ny lalaon’ny Nosy 2019. Samy niatrika lalao ara-pirahalahiana miendrika fitsapana avokoa na ny lehilahy na ny ekipam-pirenena vehivavy, tamin’ny faran’ny herinandro teo. Ho an’ity farany, ekipa lehilahy avokoa no nampanaovina taminy, izay voalazan’ireo teknisiana fa ny hahafahan’ireto mpilalao vehivavy ireto, tena hamoaka ny fahaiza-manaony no antony. Na dia resy aza izy ireo dia tsorina fa tsy nitsanga-menatra ary dia elanelan’isa kely no nahazoan’ireo mpifanandrina taminy ny fandresena tamin’zany. Teo amin’ny lalao voalohany, tamin’ny isa 66 no ho 64 no nandresen’ny klioban’ny Asa azy ireo, izay tena nifandanja ary saika tsy naharesy azy ireo mihitsy aza ireto tanora lahy vao erotrerony ireto nandritra izany. Teo amin’ny fihaonana faharoa kosa, tamin’ny isa 65 no ho 63 no nandavoan’ny Mb2all an’ity ekipam-pirenena vehivavy ity. Niady koa ny lalao ary tena nanohitra hatramin’ny farany mihitsy izy ireo ka hita ho sahirana ny Mb2all sokajy latsaky ny 18 taona zazalahy vao nahita fandresena. Mahakasika manokana ity ekipam-pirenena vehivavy ity hatrany, raha tsy misy ny fiovana, amin’ny alakamisy 5 jolay izao no higadona eto an-tanindrazana i Ange, hanatevin-daharana ity ekipam-pirenena ity, izay tsiahivina fa mila ravinahitra any frantsa any. Mi.RazL’article Basket – Fanomanantena: lavon’ny Asa sy Mb2all U-18 lehilahy ny ekipa vehivavy a été récupéré chez Newsmada.

News - News Mada

Kitra – «Can 2019»: ireo fandaharan-dalao miisa 52

Ny sokajy misy ireo ekipa 24Sokajy “A” : Egypta , RD Kongo , Oganda , ZimbaboeSokajy “B” : Nizeria , Ginea , Madagasikara , BorondiSojajy “C” : Sénégal , Alzeria , Kenya , TanzaniaSokajy “D” : Maraoka , Côte d’Ivoire , Afrika Atsimo , NamibiaSokajy “E” : Tonizia , Mali , Maoritania , AngolaSokajy “F” : Kameronina , Ghana , Bénin , Ginea Bisao  Ireo fifanintsanana isam-bondronaZoma 21 jona  Sokajy «A» – Kianja Cairo Stadium08 : 00 alina – Egypta # ZimbaboeAsabotsy 22 jona Sokajy «A» – Kianja Cairo Stadium02 : 30 – RD Kongo # Oganda Sokajy « B » – Kianja Alexandrie05 : 00 – Nizeria # BorondiSokajy « B » – Kianja Alexandrie 08 : 00 – Ginea # MadagasikaraAlahady 23 jonaSokajy « D » – Kianja Cairo Stadium02 :30 – Maraoka # NamibiaSokajy « C » – Kianja Cairo Stadium 05 :00 – Senegal # Tanzania Sokajy « C » – Kianja Cairo Stadium08:00 – Alzeria # KenyaAlatsinainy 24 jonaSokajy « D » – Kianja Cairo Stadium 02 :30 – Côte d’Ivoire # Afrika AtsimoSokajy « E » – Kianja Suez 05 :00 – Tonizia # AngolaSokajy « E » – Kianja Suez 08 :00 –  Mali # MaoritaniaTalata 25 jona Sokajy « F » – Kianja Ismailia05 : 00 – Kameronina # Ginea Bisao Sokajy « F » – Kianja Isailia08 : 00 – Ghana # BeninAlarobia 26 jona Sokajy « B » – Kianja Alexandrie02 : 30 – Nizeria # Ginea Sokajy « A » : Kianja Cairo Stadium05 : 00 – Oganda # Zimbaboe Sokajy « A » – Kianja Cairo Stadium08 : 00 – Egypta # RD KongoAlakamisy 27 jona Sokajy « B » – Kianja Alexandrie02 : 30 – Madagasikara # Borondi Sokajy « C » – Kianja Cairo Stadium05 : 00 – Senegal # Alzeria Sokajy « C » – Kianja Cairo Stadium08 : 00 – Kenya # TanzaniaZoma 28 jona Sokajy « E » – Kianja Suez02 : 30 – Tonizia # MaliSokajy « D » – Kianja Cairo Stadium 05 : 00 – Maraoka # Côte d’Ivoire Sokajy « D » – Kianja Cairo Stadium08 : 00 – Afrika Atsimo # NamibiaAsabotsy 29 jona Sokajy « E » – Kianja Suez02 : 30 – Maoritania # Angola Sokajy « F » – Kianja Ismailia05 00 – Kameronina # Ghana Sokajy « F » – Kianja Isailia08 : 00 – Benin # Ginea BisaoAlahady 30 jona Sokajy « B » – Kianja Alexandrie04 : 00 – Madagasikara # NizeriaSokajy « B » – Kianja Cairo Stadium 04 : 00 – Borondi # GineaSokajy « A » – Kianja Cairo Stadium07 : 00 – Oganda # EgyptaSokajy « A » – Kianja Le Caire 07 : 00 – Zimbaboe # RD KongoAlatsinainy 1 jolay Sokajy « D » – Kianja Le Caire04 : 00 – Afrika Atsimo # Maraoka Sokajy « D » – Kianja Le Caire04 : 00 – Namibia # Côte d’IvoireSokajy « C » – Kianja Le Caire 07 : 00 – Kenya # Senegal Sokajy « C » – Kianja Le Caire07 : 00 – Tanzania # AlzeriaTalata 2 jolay Sokajy « F » – Kianja Isamailia04 : 00 – Benin # Kameronina Sokajy « F » – Kianja Suez04 : 00 – Ginea Bisao # Ghana Sokajy « E » – Kianja Suez07 : 00 – Maoritania # Tonizia Sokajy « E » – Kianja Isamailia07 : 00 – Angola # Mali Lalao ampahavalon-dalana Zoma 5 jolay Kianja Le Caire04 : 00 – 1è Sokajy « D » # 3e Sokajy « B/E/F» Kianja Le Caire07 : 00 – 2è Sokajy « A » # 2è Sokajy « C »Sabotsy 6 jolayKianja Alexandrie 04 : 00 – 2è Sokajy «B » # 2 è Sokajy « F » Kianja Le Caire07 : 00 – 1è Sokajy « A » # 3 è Sokajy « C/D/E »Alahady 7 jolay Kianja Alexandrie04 : 00 – 1è Sokajy « B » # 3è Sokajy « A/C/D » Kianja Le Caire07 : 00 – 1è Sokajy « C » # 3 è Sokajy « A/B/F »Alatsinainy 8 jolayKianja Suez 04 : 00 – 1è Sokajy «E » # 2 è Sokajy « D » Kianja Ismailia07 : 00 – 1è Sokajy « F » # 2 è Sokajy « E » Lalao ampahefa-dalana Alarobia 10 jolayKianja Le Caire 04 : 00 – Ampahefa-dalana 1 Kianja Le Caire07 : 00 – Ampahefa-dalana 2 Alakamisy 11 jolay Kianja Suez04 : 00 – Ampahefa-dalana 3 Kianja Le Caire07 : 00 – Ampahefa-dalana 4 Lalao manasa-dalanaAlahady 14 jolay Kianja Le Caire04 : 00 – Manasa-dalana 1Kianja Le Caire07 : 00 – Manasa-dalana 2 Lalao fiadian-toerana fahateloAlarobia 17 jolayKianja Le Caire07 : 00 – Ekipa resy manasa-dalana 1 #  Ekipa resy manasa-dalana 2 Famaranana Zoma 19 jolayKianja Le Caire07 : 00 – Ekipa mandresy manasa-dalana 1 # Ekipa mandresy manasa-dalana 2  L’article Kitra – «Can 2019»: ireo fandaharan-dalao miisa 52 a été récupéré chez Newsmada.

News - News Mada

Songadina an-tsary: Lalana Pr Zafy eny Alarobia

L’article Songadina an-tsary: Lalana Pr Zafy eny Alarobia a été récupéré chez Newsmada.

Malaza androany

Notsongaina

Fifidianana ben’ny Tanàna: hanapa-kevitra ato ho ato ny fitondrana

Mby aiza ny fanatanterahana fifidianana ben’ny Tanàna sy ny fifidianana mpanolotsain’ny Tanàna? Mbola mahabe adihevitra. Hanapa-kevitra ato ho ato ny fitondrana“Ny zavatra hataontsika, hisy fanapahan-kevitra amin’ity herinandro ity na amin’ny herinandro ho avy. Tsy maintsy manapa-kevitra amin’ny filankevitry ny minisitra momba izay fotoana tokony hanaovana ny fifidianana ben’ny Tanàna izay.” Io no nambaran’ny filoha Rajoelina Andry teny Anosy, omaly, momba ny fifidianana ben’ny Tanàna sy ny mpanolotsain’ny Tanàna. Mila hanontaniana aloha ny antoko nilaza fa tsy tokony hatao amin’ity taona ity ny fifidianana. Satria nisy antoko nilaza fa raha hatao amin’ity taona ity io fifidianana ben’ny Tanàna io, tsy handray anjara ry zareo.Hanontaniana koa ny Ceni ny amin’ny fahitany azy: madio tokoa ve ny lisi-pifidianana?“Miroso amin’ny fifidianana tokony hatao isika, rehefa madio ny lisi-pifidianana ary vonona hiroso amin’izany isika”, hoy izy. Tsy misy ny olana na natao amin’ity taona ity io, na amin’ny taona ho avy. Rehefa mifanaraka ny rehetra hoe: miroso rehefa hiroso, aleo ny vahoaka no hisafidy. Hatao fifidianana rehefa izay no hifanarahan’ny besinimaro. Mino izy fa vonona avokoa ny antoko rehetra hiatrika an’izany.Ara-dalàna ny hatao.Zavatra manara-dalàna no tokony hatao, araka ny nambarany. Ny Ceni no mamaritra ny daty tokony hanaovana ny fifidianana, ary iaraha-midinika amin’ny minisitry ny Atitany. Toy ny rehetra ihany izy, nahare fa misy antoko nilaza ny mbola tsy tokony hanaovana ny fifidianana ben’ny Tanàna aloha, fa mila jerena ny lisi-pifidianana. Izay no ataon’ny Ceni: mijery ny lisi-pifidianana.Vokany, tsy fantatra intsony hoe: hatao ve ny fifidianana sa tsia? “Izao ny zavatra mampihomehy sy mahagaga eto amintsika: zatra manohitra hatrany ny zava-mitranga isika”, hoy ihany izy. Rehefa milaza isika hoe tokony hiroso, miteny ny sasany hoe mijanona aloha fa aza mbola miroso.Tsy misy eritreritra hanendry PDS“Vaovao tsy marina sy tsy mitombina izany, satria tsy misy manana eritreritra hanolo PDS ny ben’ny Tanàna”, hoy izy momba ny fanendrena PDS. Anjaran’ny vahoaka ny mijery raha nahavita ny asany na tsia ny ben’ny Tanàna tao anatin’ny efa-taona nitantanany. Anjaran’ny vahoaka koa ny manapaka ny amin’izay amin’ny fifidianana: iza ny ben’ny Tanàna tena mahavita azy, tena afa-kampandroso ny firenena?R.Nd.L’article Fifidianana ben’ny Tanàna: hanapa-kevitra ato ho ato ny fitondrana a été récupéré chez Newsmada.

SG Madagasikara: masoivoho vaovao ny La City Ivandry

Misokatra ho an’ny mpanjifa ny masoivoho vaovaon’ny banky Société générale (SG) Madagasikara eny La City Ivandry. Endrika vaovao manakaiky hatrany ny mpanjifa, manome fahafaham-po azy ireo. Ahitana toerana fakam-bola aotomatika (Dab) anankiroa azo ampiasaina isan’andro. Misokatra amin’ny 9 ora maraina hatramin’ny 5 ora hariva ny masoivoho mandritra ny andro fiasana.Tanjona ny hanamorana ny tolotra rehetra omena ny manjifa mba ho banky mora ampiasaina ny SG Madagasikara. Misy koa ny torohevitra sy ny torolalana ho an’ny rehetra. Omena tombony manokana ireo hanokatra kaonty vaovao ao amin’ny SG La City Ivandry. Maimaimpoana ny fanokafana kaonty mandritra ny enim-bolana ho an’ny tolotra Pack Mandrosoa. Toraka izany koa ho an’ny tolotra Pack Ebène Or mandritra ny telo volana. Mihena tarehimarika efatra hatramin’ny 30 septambra 2019.Njaka A.L’article SG Madagasikara: masoivoho vaovao ny La City Ivandry a été récupéré chez Newsmada.

Minisitra Blanche Nirina Richard: “Hojerena ireo tsy tafita eny amin’ny oniversite”

Tontosa, omaly, ny famindram-pitantanana teo amin’ny minisitra teo aloha, i Rejo-Fienena Felicitée,  sy ny vaovao hisahana ny minisiteran’ny Fampianarana ambony, i Blanche Nirina Richard. Tahaka izany koa ny teo anivon’ny minisiteran’ny Fanabeazam-pirenena.“50%-n’ireo tanora afaka bakalorea anefa, tsy tafita eny amin’ny oniversite. Tsy maintsy hojerena ny hoavin’izy ireo hitovian’ny tanora malagasy sy ny zana-bahoaka. Tsy maintsy misy ny fanaraha-maso sy ny fizohiana amin’ny asa rehetra atao… Omena hasina ireo mendrika eo amin’ny andraikitra”, hoy ny minisitra vaovao, i Blanche Nirina Richard, omaly tetsy Fiadanana tamin’ny lahateniny, raha vao nandray ny fitantanana. Nanteriny fa hapetraka ny toko telo: fiaraha-miasan’ny mpampianatra mpikaroka sy ny mpandraharaha ary ny mpianatra. Ilaina ny kalitaon’ny fampianarana ary hotanterahina ao anatin’ny fitoniana ny asa rehetra. “Hanampy sy hanohana eo amin’ny fampitaovana ny fanjakana hanatrarana ny fanamby”, hoy ihany izy. Notsiahivin’ny minisitra teo aloha kosa ny dingana vita. Anisan’izany ny ady atao amin’ny kolikoly sy ny hosoka eo amin’ny diplaoma. Ny fametrahana ny oniversite manakaiky vahoaka, ny nametrahana ny sehatra ifanakaozan-kevitra, ny famahana ny olan’ny vatsim-pianaranana…Hamaky ady amin’ny kolikolyVita koa ny famindram-pitantanana teo amin’ny minisitra vonjimaika, i Rejo-Fienena Felicitée, sy ny ministra teo aloha ny Fanabeazam-pirenena, naverina amin’ny toerany, i Volahaingo Marie Thèrese. Nanteriny fa hanohy sy hanatsarana ary hanatratra ny tanjon’ny minisitera miainga amin’ny veliranon’ny filoha ny tenany. Anisan’ny laharam-pahamehana ny fanatontosana ny fanadinana, tsy misy hadisoana. Ny fanorenana trano sekoly EPP sy CEG ary lycée… “Ho lavitry ny kolikoly izany fanamboarana izany…”, hoy izy. Hapetraka ny vaomiera hifantina ireo fampidiranam-piasam-panjakana, tsy misy kolikoly… Hohafainganina ka haloa mialoha ny fotoam-pialan-tsasatra ny volan’ny mpampianatra Fram. “Miantso ny tsy miankina sy ny teknisianina ary ny mpamatsy vola hifandinika handrindrana ny PSE ho amin’ny fanatsarana ny fanabeazana”, hoy izy.Synèse R.   L’article Minisitra Blanche Nirina Richard: “Hojerena ireo tsy tafita eny amin’ny oniversite” a été récupéré chez Newsmada.

Tropy Jeannette – 90 taona: « Mampitia hatrany ny teatra malagasy »

Teny faneva nosafidin’ny Tropy Jeannette hanamarihana ny faha-90 taona nisiany io. 90 taona, raha olombelona efa voky taona… Tao anatin’izay fotoana izay, nisy ary maro ireo fotoana nampamiratra ny tropy eo amin’ny sehatry ny teatra. Tsy vitsy koa anefa ireo fahasahiranana nodiavina kanefa mbola mijoro hatrany ny Tropy Jeannette. « Hampitia hatrany ny teatra malagasy satria tajona apetrakay ny hamohazana sy ny hamelomana indray izany seha-kanto izany. Tropy zokiny indrindra ny Tropy Jeannette ary manana adidy amin’ny fampitiavana sy ny fampitana ny teatra ka hamelona indray ny hasiny”, hoy ny nambaran’i Mbato Ravaloson, amin’ny maha tale artistika azy ao amin’ny Tropy Jeannette, indrindra amin’ny maha filohan’ny Fikambanan’ny mpanao teatra eto Madagasikara (FMTM) ihany koa, nandritra ny fihaonanana tamin’ny mpanao gazety, omaly tetsy amin’ny Kudeta, Carlton, Anosy. Tanjona iraisana izany, ho an’ireo rehetra nandray anjara fitenenana. “Nisafidy ny hanohanana sy hihay ny teatra ny minisiteran’ny Kolontsaina sy ny serasera satria efa nametraka politika vaovao amin’ny fameloma-maso ny kolontsaina malagasy. Nitovy fomba fijery amin’ny Tropy Jeannette izahay ka nijery izay azo ifanampiana amin’ny fampitiavana ny teatra, indrindra ho an’ny tanora”, hoy ny nambaran’ny minisitry ny Kolontsaina sy ny serasera, Rakotondrazafy Lalatiana Andriatongarivo. Sambany rahateo nahazo fanohanana avy amin’ny minisitera mpiahy ny teatra, nandritra ny taona maro, ka nahavelombolo ireo mpisehatra izany. Tsiahiavina fa hosokafana ny zoma 9 aogositra ho avy izao, manomboka amin’ny 7 ora hariva, etsy amin’ny Arena Ivandry, ny faha-90 taon’ny Tropy Jeannette. Ilay piesy “Ny voromailala” no holalaovina, tsy amin’io ihany fa mandritra ny fankalazana manontolo, tsy hifarana raha tsy ny volana jona 2020. Zo ny Aina L’article Tropy Jeannette – 90 taona: « Mampitia hatrany ny teatra malagasy » a été récupéré chez Newsmada.

Lalam-baovao 67ha : Môtô 404 tsy ara-dalàna, tsy navela nihetsika

Tsy fanaovana aroloha, tsy fananana fiantohana sy fahazoan-dàlana. Tao anatin’ny adiny efatra monja dia efa nahatratra 404 ireo kodiaran-droa tsy nanara-dalàna tetsy amin’ny 67ha, nandritra ny fisavana tampoka nataon’ireo pôlisy misahana ny lozam-pifamoivoizana. Tsy navela nihetsika moa ireto mpitondra azy raha tsy ara-dalàna tanteraka ireo antony nanajanona azy ireo. Eo anatrehan’ny lozam-pifamoivoizana samihafa, saika namoizana ain’olona foana tato ho ato izay, dia nanapa-kevitra ny teo anivon’ny pôlisy misahana ny lozam-pifamoivoizana fa hanao hetsika manokana ho fanentanana sy fampianarana ho amin’ny fanarahan-dalàna. Ireo kodiaran-droa aloha no tena notilina tamin’izany, satria araka ny fanazavana azo dia saika izy ireo foana no mamoa-doza sy mahatonga loza ho an’ny hafa. Tao anatin’izany hetsika, nanditra ny fijoroan’ireo pôlisy maromaro tao anatin’ny adim-pamantaranandro efatra, dia betsaka ireo mpitondra kodiaran-droa no voasava teny an-toerana. Maro ary tena maro, an-jatony mahery ireo tra-tehaka tamin’ny tsy fanarahan-dalàna. Raha ny antontan’isa navoakan’ny pôlisy, dia nahatratra 306 ireo mpitondra môtô tsy nanao aroloha, 93 ireo tsy manana taratasy fiantohana amin’ny loza, ary  dimy kosa ireo tsy manana fahazoan-dalana hitondra kodiaran-droa. « Ireo antontan’isa ireo dia manamarika fa betsaka ireo mpitondra môtô no tsy manara-dalàna ka isan’ny antony mampitombo ny lozam-pifamoivoizana eto an-dRenivohitra ». Vokatr’izay moa dia nandray fepetra ireo pôlisy ka nogiazana sy tsy navela hihetsika teo an-toerana ireo kodiaran-droa nentin’izy ireo. Ireo mpitondra azy kosa dia nasaina naka aroloha na nanamboatra taratasy fiantohana ary naka fahazoan-dalana mamily aloha. Fantatra, fa tsy nijanona tamin’ireo mpitondra môtô ihany ilay hetsika teny an-toerana, fa nisy ihany koa ny fisavana ireo fiara nandalo. Ary nisy tamin’ireo mpamily azy ireny no tsy nitondra fahazoan-dalana ka nasaina naka izany aloha vao afaka nandeha. Tetsy andanin’izay, na dia efa nihatra efa ho volana vitsivitsy izay ilay fahazoan’ny sarety mivezivezy raha tsy amin’ny ora tokony handehanany, dia mbola betsaka ireo minia mandika ka voasakana teny an-toerana ihany koa. Ireto farany moa dia tsy navela hihetsika toy ireto mpitondra môtô sy fiara namany, raha tsy tonga ny ora ahafahan’izy ireo mandeha. Marihana hoy ny fanazavana, fa tsy tokony horaisina hoe fanasaziana akory ny tranga toy izany, fa fanazarana ny olona hanara-dalàna, indrindra mba ho fiarovana ny ain’izy ireo. Marobe tamin’ireo mpampiasa làlana no nankasitraka ny hetsika toy izao, ary nilaza fa tokony ho- tohizana foana. Saingy hoe aleo rehefa mba fananarana sy fampanarahan-dalana  dia mijanona ho izay fa tsy sanatria hiitatra amin-javatra hafa : filam-baniny, fangataham-bola, fanararaotam-pahefana ary ireo endrika kolikoly isan-karazany; izay efa hita hatreto fa nezahanareo hialàna sy hiadiana mafy tokoa. Eny fa na dia ao ihany aza ilay hoe « tanana efa zatra mitsotra » sy ny « saonjo iray saha tsy hilaozan’izay hamarara » … m.LL’article Lalam-baovao 67ha : Môtô 404 tsy ara-dalàna, tsy navela nihetsika a été récupéré chez Midi Madagasikara.

Shell Vivo energy: tsy mijaly solika intsony ny eny Mahitsy

Notokanana, omaly, ny toby fitsinjaran-tsolika vaovao an’ny Shell eny Mahitsy. Fivarotan-tsolika faha-72 eto amintsika, an’ny orinasa Vivo Energy, manaparitaka sy mivarotra ny vokatra Shell (solika sy ny vokatra samihafa mifandraika aminy) eto Madagasikara.Manamora ny fividianan’ny mpanjifa ny vokatra ilainy, hita ao amin’ity toby vaovao ity, ny fampiasana ny karatra “prépayée Shell Petro+”. Ho an’ny ben’ny Tanànan’i Mahitsy, Rakotovao Andriambololona, “tsy mijaly famatsiana solika intsony ny any Mahitsy satria mitombo ny toby mpaninjara, raha iray ihany no nisy tany amin’ny 10 taona lasa”.Nilaza ny tale jeneralin’ny Vivo Energy, i Mondher Bouhouche, fa endriky ny fandraisan’anjaran’ny orinasa tantaniny amin’ny fampiasam-bola eto Madagasikara ary mitondra fampandrosoana ny firenena izao fotodrafitrasa izao. Marihina fa efa nisokatra ho an’ny mpanjifa teo amin’ny iray volana eo ity toby vaovao ity.Njaka A.L’article Shell Vivo energy: tsy mijaly solika intsony ny eny Mahitsy a été récupéré chez Newsmada.

Kabary – Fimpima: homanina ny fanokafana ny taom-pianarana

Tontosa, tany Toliara ny asabotsy 17 aogositra teo, ny « Herinandron’ny kabary » fanaon’ny foiben’ny Fikambanan’ny mpikabary malagasy maneran-tany (Fimpima maneran-tany) isan-taona. Nambaran’i Hanitra Andriamboavonjy, filohan’ny foibe Fimpima maneran-tany, fa « anisan’ny asa lehibe miandry taorian’iny hetsika tany Toliara iny ny fanomanana indray ny fisokafan’ny taom-pianarana manaraka kabary». Ankoatra io, nolazainy ihany koa fa hotanterahina any anivon’ny mpikambana ifotony ny tatitry ny « Herinandron’ny kabary ». Fahatelo, « tontosa iny ny an’ny foibe fa hiroso hanatanteraka ny tetikasny ihany koa ny isan-tsehatra rehetra ao anatin’ny Fimpima maneran-tany, toy ny faritany sy ny sampana », hoy hatrany i Hanitra Andriamboavonjy. Tsiahivina fa raha tamin’ity taom-pianarana ity, teo ho eo amin’ny 1 300 ny isan’ny mpianatra kabary ao amin’ny Fimpima maneran-tany. Ny 90 tamin’ireny, tany ivelan’i Madagasikara.Fantatra fa anisan’ny vaindohan-draharaha ho an’ny fikambanana ny fanomezana fiofanana ny mpikambana ao aminy, indrindra ireo miadidy ny fampianarana, hanana lenta mitovy ny mpianatra miofana eo anivon’ny Fimpima.HaRy Razafindrakoto L’article Kabary – Fimpima: homanina ny fanokafana ny taom-pianarana a été récupéré chez Newsmada.

Faritra Vakinankaratra: maimaimpoana avokoa ny fanaovana taratasim-panjakana

Manomboka izao, maimaimpoana avokoa ny fanaovana taratasim-panjakana eny amin’ny biraom-panjakana rehetra ao amin’ny faritra Vakinankaratra. Voakasik’izany ny foibem-paritry ny asa, ny fampananana asa, ny asam-panjakana ary ny lalàna sosialy, ny eny anivon’ny amin’ny sampandraharaham-paritry ny karama sy ny fisotroan-dronono, ny eny anivon’ny “controle financier”, ary ny prefektiora.Io ny nolazain’ny prefet-n’Antsirabe, Andriatomponera Voahangy, nandritra ny fanofanana nomen’ny sampandraharaham-paritry ny karama sy ny fisotroan-dronono izay naharitra roa andro tao Antsirabe.Tsy ekena intsony ny fahataran’ny fisitrahan’ny mpiasam-panjakana ny zony.Nanaraka fiofanana ireo mpiandraikitra ny maha olona, ny tompon’andraikitry ny fitantanana vola eny anivon’ny sampandraharaham-panjakana rehetra.Mbola betsaka ny tsy fahatomombanana hita amin’ny fikirakirana ny taratasin’ny mpiasam-panjakana. Tsikaritra hatrany koa ny tsy fifehezana ireo dingana rehetra tokony harahina ataon’ny mpiandraikitra ny maha olona ka nahatonga izao fampiofanana izao.Manodidina ny 9 000 ny mpiasam-panjakana ao Vakinankaratra, mizara ho sokajy roa: ireo mpiasam-panjakana raikitra ary ireo voafatotry ny fifanarahana. Iandraiketan’ny  foibem-paritry ny asa, ny fampananana asa, ny asam-panjakana ary ny lalàna sosialy avokoa ireo. Anisan’ny faritra be mpiasam-panjakana toy ny eto Analamanga sy ny any Matsiatra Ambony ny ao Vakinankaratra.Heverina hanatsara ny fomba fiasa sy hahaingana ny fanaovan-taratasy amin’ny biraom-panjakana ao an-toerana izao fiofanana izao. Hanaramana ireo mpiasam-panjakana ny 75% -n’ny tetibolam-panjakana ka tokony hiasa tsara ho an’ny vahoaka izy ireo.Tatiana AL’article Faritra Vakinankaratra: maimaimpoana avokoa ny fanaovana taratasim-panjakana a été récupéré chez Newsmada.

 Andranomanelatra sy i Manandona: niaiky ny vahoaka fa efa miainga ny  IEM

Misoko mangina, tsy re tsaika.  Efa mandeha ny IEM ary anisan’ny nisitraka izany ireo tantsaha any Vakinankaratra.  Nidina ifotony tany an-toerana ny filoha Rajoelina, omaly.Nihaona mivantana amin’ireo tantsaha nahazo ny fanohanana.“Mipaka aty amin’ny tokantranonay mihitsy, Andriamatoa filoha, ilay IEM », hoy ny renim-pianakaviana tao Andranomanelatra Antsirabe.  Fito  ireo nahazo famatsiam-bola ary kendrena hahatratra 800 ny hisitraka ny fihariana sy homena omby, hatramin’ny faran’ny taona any an-toerana. Nahazoana ronono 5 litatra isanandro ny  ombivavy teo aloha. Maherin’ny 20 litatra izany izao.  “Hisy veterinera maimaimpoana hanaraka ny fahasalaman’ny omby eto amin’ny fikambanan’ny tantsaha Sandratra. Homena fiofanana ianareo.  Afaka mametraka dosie  ireo  tsy mbola nahazo omby…  Efa nampanantena ny Socolait  fa hividy ny ronono”, hoy ny filoha Rajoelina. Nambarany fa mbola hisy koa ny fiompiana akoho sy ny fanomezana lalam-barotra ho azy ireo. Nampanantena  ny  hanampy eo amin’ny fitaovana na vola na koa zezika sy masomboly  ny filoha. Natsidiny koa fa hitsangana tsy ho ela ny orinasa mpanamboatra “Plaque solaire”. Ho avy ny “kits solaires” ka  hahazo izany voalohany ny ao Andranomanelatra.Ho avy ny fitaovana hanamboaran-dalana Ho an’ny tao Manandona kosa indray, misitraka ny tetikasa fihariana ny fianakaviana miisa 20 eo ho eo ary  mamboly velaran-tany 30ha. Eo koa ny fiompiana kisoa matavy. Mamboly vary, ny tongolo, ny ovy, ary legioma koa  izy ireo. « Tokony hijery ny tsena any ivelany ny tantsaha ary tokony ho matihanina fa tsy hijanona amin’ny fambolena sakafo ao an-tokantrano fotsiny”, hoy izy. Notsiahivina ny velirano hanampiana ny tantsaha. Fanoitra lehibe amin’ny fahantrana ny fanampiana ny tantsaha sy ny tontolo ambanivohitra, araka ny nambarany. Hahazo omby maherin’ny 800 ny tantsaha ao Andranomanelatra, mialoha ny faran’ny taona. Hahazo koa ny ao Manandona. Notsiahiviny fa homena fitaovana daholo ny faritra  rehetra.  Anisan’izany ny  “Tracks sy ny Bulls” hanamboarana ny lalana mampifandray ny kaominina. Hahazo fiara fitondrana marary koa ny ao Manandona…Nomena toromarika ny tompon’andraikitra hijery ny fampiasana izany.Synèse R. L’article  Andranomanelatra sy i Manandona: niaiky ny vahoaka fa efa miainga ny  IEM a été récupéré chez Newsmada.

Bianco – Ady amin’ny kolikoly :: Nilaza hiady amin’ny tsimatimanota ny tale jeneraly vaovao

Hentitra ny tenin’Andrianirina Laza Eric Donat, tale jeneraly vaovaon’ny Birao mahaleotena miady amin’ny kolikoly (Bianco) raha nanao ny fianianany, omaly, tetsy amin’ny lapan’ny Fitsarana tampony Anosy. Nametraka vina amin’ny fampihenana ny fanjakazakan’ny fahalovana eto Madagasikara sy ny fanenjehana an’ireo tsimatimanota izy ary niantso ny fitondram-panjakana sy ireo sampana rehetra miady amin’ny kolikoly mba hifanome tanana aminy. Nolazainy fa “tena hiady tokoa izahay fa tsy hanao sarin’ady satria manantena vokatra ny vahoaka malagasy”. Nanararaotra nampahafantatra ireo tetik’ady hoentiny miasa mandritra ny dimy taona ity tompon’andraikitra vaovao ity. “Harahina maso akaiky ny fitantanana volam-panjakana sy fampidirana mpiasam-panjakana, hampiharina tsy misy teritery ny lalàna ary tsy hanavahana na iza na iza ny fanasaziana”, hoy izy. Notsindriany anefa fa “na eo aza ny finiavana hanao zavatra goavana dia zava-poana izany raha tsy misy ny fiaraha-miasa amin’ ny hafa sy hoenti-manana amin’izany”. Notontosaina, omaly, koa ny famindram-pahefana teo amin’ity tale jeneraly vaovaon’ny Bianco ity sy ny tale jeneraly teo aloha, Andriamifidy Jean Louis. Tompon’andraiki-panjakana maro nahitana ny Filoham-pirenena sy minisitra samihafa ary olona manan-kaja maro isan-tsokajiny no nanotrona ny lanonana. Nicoh RICHMAN L’article Bianco – Ady amin’ny kolikoly :: Nilaza hiady amin’ny tsimatimanota ny tale jeneraly vaovao est apparu en premier sur AoRaha.

Ampy izay ny fampitandremana

Fandikan-dalàna no resaka eto. Tsy hoe nanaitra ihany, fa tena nanaitra mihitsy ny tatitra, miaraka amin’ny tarehimarika navoakan’ny Sampandraharaha misahana ny lozam-pifamoivoizana (Brigade des accidents) eo anivon’ny Polisim-pirenena, omaly. Tatitra sy tarehimarika mikasika ny fandikan-dalàna ataon’ny mpitondra moto, indrindra ny scooter, eto an-drenivohitra. Tao anatin’ny adiny efatra monja, fandikan-dalàna miisa 404 no voamarika. Raha lazaina amin’ny fomba hafa, fandikan-dalàna 101 isaky ny adiny iray. Ny tsy fitondrana na fanaovana aroloha (casque) no betsaka indrindra. Miisa 306. Manaraka izay ny tsy fananana na tsy fisiana fiantohana (assurance). Miisa 93. Dimy no tsy nitondra fahazoan-dalana mitondra moto…Deraina ihany aloha ny fandraisana andraikitra ataon’ny Polisim-pirenena amin’ity hoe “hetsika fanentanana sy fampianarana ho amin’ny fanarahan-dalàna” ity. Saingy, tsy vao izao, na vao omaly no tokony hahafantatra ny mpitondra moto ny amin’ny tokony hanaovana aroloha. Tsy vao izao, na vao omaly, ihany koa no tokony hahafantatra izy ireo fa tokony hanana taratasy fiantohana ny moto rehetra mifamoivoy. Tahaka izany koa ny tokony hananana taratasy fahazoan-dalana (permis de conduire), ho an’ny sokajina moto tokony hanana izany. Izany hoe, lalàna tokony ho fantatra hatry ny ela izany rehetra izany. Saingy…Tsotra ny tiana hahatongavana. Mba hasiana fetra ihany ny fanentanana sy fampianarana, mba hirosoana amin’izay ny dingana famaizana. Izany hoe fanasaziana. Ampy izay ny fampitandremana. Mba tsy ho lasa fahazarana, fahazaran-dratsy ny fampitandremana, ka raha tratra, omaly ohatra, dia hamerina indray rahampitso sy amin’ny manaraka rehetra. Ny tokony ho fantatry ny mpitondra moto, tsy ho fiarovana ny ain’izy ireo ihany no anton’izao, indrindra indrindra, ho fiarovana ny ain’ny sasany, tsy manan-tsiny eny an-dalana rehetra eny izay mety iharan’ny tsy fanarahan-dalàna ataon’izy ireo. Aoka azava ny resaka!Vao ny resaka fandikan-dalàna amin’ny moto fotsiny izay. Ny an’ny taxi-be, ny sarety sy posiposy ary ny mpivarotra amoron-dalana… Aoka fotsiny!Mamy Randrian L’article Ampy izay ny fampitandremana a été récupéré chez Newsmada.

Aogositra – septambra – oktobra: averina ny fampiatoana fanaratoana drakaka

Nandray fanapahan-kevira ny minisitera misahana ny jono fa averina, manomboka ny volana aogositra izao hatramin’ny 31 oktobra 2019, ny fampiatoana manerana ny Nosy ny fanaratoana drakaka. Taona maro, araka ny tatitra nataon’ny minisitera, tsy nisy izay fanakatonana ny fanaratoana drakaka izay, lasa fihariana gaboraraka. Misy fiantraikany ratsy lehibe izany ka izao fanapahan-kevitra izao noraisina hifehezana sy hampanarahan-dalàna io lalam-pihariana io, hampitombo ny vokatra drakaka sy hampanara-penitra izany, araka izay takina amin’ny tsena eto an-toerana sy any ivelany.Izay famerenana ny fanakatonana ny jono izay, tafiditra ao anatin’ny fandaharanasan’ny minisitera ho fanatsarana ny lalam-pihariana hampitombo ny fidiram-bolan’ny mpanjono. Rehefa mitombo sy tsara ny vokatra, mitombo, manaraka izany, koa ny tolotra ho an’ny ho an’ny tsena eto an-toerana sy ny fanondranana azy. Mampiditra vola vahiny izay fanondranana izay, singa iray mampantanjaka ny toekarena. Hahatrarana izany ny hisian’ny fitantanana mangarahara momba ny fitrandrahana ny harena an-dranomasina.Mangataka fiaraha-miasa amin’ny tsy miankina ny minisitera amin’izany sehatra izany, mba ho ara-dalàna sy hanara-penitra. Tanjona ny fiarovana ny mpanjifa ho amin’ny fahavitan-tena amin’ny sakafo sy hahafahana mifaninana eo amin’ny tsena iraisam-pirenena. Mora ho an’ny minisiteran’ny Fambolena sy ny jono ny mametraka fepetra fa sarotra kosa ny fanaraha-maso izay fanakatonana ny jono izay manerana ny Nosy. Na eo aza ny afaka manao izany, tsy ferana ny mety ho fisian’ny kolikoly sy ny varo-maizina. R.MathieuL’article Aogositra – septambra – oktobra: averina ny fampiatoana fanaratoana drakaka a été récupéré chez Newsmada.