GSDM-EFTA: Nivoaka ny teknisiana misahana manokana agroécologie

News - GSDM-EFTA: Nivoaka ny teknisiana misahana manokana agroécologie

News - GSDM-EFTA: Nivoaka ny teknisiana misahana manokana agroécologie

Tsy ampy ireo teknisiana ara-pamokarana hanolo-tsaina ny tantsaha hiatrika ny fiovaovan’ny toetr’andro. Izany  indrindra no antom-pisian’ireo « conseillers spécialisés en agriculture de conservation et agroécologie» (AE/AC). GSTM EFTA 8Nivoaka tamin’ny fomba ofisialy ny 19 aprily 2019 teny amin’ny sekoly fampiofanana teknisiana ara-pamokarana (EFTA) Ambatobe Antananarivo ny andiany voalohany amin’ireto teknisiana misahana manokana ny fambolena maharitra ireto. Avy amin’ny EFTA Analamalotra Toamasina sy Iboaka Fianarantsoa izy 30 mianadahy ireo ary nisalotra ny anarana “natiora” ny andiany avy ao Toamasina. “Misantatra” kosa ny avy any Fianarantsoa. Raha ny fanazavan’ny talen-tsekolin’ny EFTA Analamalotra Toamasina, Rakotomalala Nicole dia nanaraka ny lasi-piofanana nasionaly sy  “approche par les compétence” (APC) ny fiofanana nataon’ireo mpiofana nandritra ny herintaona. Nandalo fanazaran’asa ihany koa izy ireo. Noho izany dia vonona ny hiatrika ny asa  avy hatrany. Nampiavaka ireto andiany voalohany ireto ny finiavan’ireo mpiofana sasantsany  nandao ny asany teo aloha noho fitiavana te hanasoa ny tantsaha manoloana ny fiovaovan’ny toetr’andro.

Tombontsoa

GSTM EFTA 7Vokatry ny fiarahamiasan’ny ministeran’ny fambolena sy ny fiompiana ary ny jono (MAEP) sy ny EFTA ary ny GSDM, matihanina manokana momba ny fambolena maharitra (agroécologie) ity fampiofanana teknisiana AE/AC ity. Tetikasa nanomboka ny taona 2016 ka hatramin’ny 2020 ny fampiofanana teknisiana misahana manokana ny fambolena maharitra. Nambaran’ny tale mpanatanteraky ny GSDM, Rakotondramanana fa dingana maro no nolalovana talohany nahatongavana tamin’izao famoahana teknisiana andiany voalohany izao. Tamin’ny alalan’ny tetikasa PAPAM, vatsian’ny AFD (Agence Française de Développement) niampy ny fanampian’ny MAEP, ny FOFIFA, ny oniversite, ONG sy tetikasa maro,  mpampianatra-mpampiofana 18 amin’ireo ivon-toeram-pampiofanana momba ny famokarana sy ny tontolo ambanivohitra (CEFAR) no nofanin’ny GSDM.GSTM EFTA 6 Nilaza ihany koa Rakotondramanana fa tamin’ny taona 2014 no nandrafetana ny lasi-pampiofanana nahafahana nampiofana ireto mpianatra ireto. Hanampy ny tantsaha, ny tetikasa hiatrika ny voka-dratsy ateraky ny fiovaovan’ny toetr’andro ireto teknisiana ireto. Sady mamokatra no mitazona ny tsiron’ny tany no tombontsoa ho azy amin’izany, hoy ny tale mpanatanteraky ny GSDM. Ankoatra izany, miady sy misoroka ny voka-dratsy ateraky fiovaovan’ny toetry ny andro ny fomba fambolena maharitra.

Sekolim-panjakana eo ambany fiahian’ny ny MAEP ny EFTA. Ahitana azy avokoa ny renivohi-paritany enina eto Madagasikara. Amin’ny alalan’ny fifaninana no idirana ao amin’ny sekoly. Anjaran’ny EFTA Ambatobe Antananarivo sy Bezaha Toliara indray no hisitrika ny fampiofanana teknisiana AE/AC ho an’ny taom-pianarana 2018-2019.

Nirina R.

Cet article GSDM-EFTA: Nivoaka ny teknisiana misahana manokana agroécologie est apparu en premier sur déliremadagascar.

Zarao

Share this...
Share on Facebook
Facebook
Tweet about this on Twitter
Twitter

Vakio ihany koa

News - News Mada

Kizo iray ao Analavory: vehivavy ny mpitahiry ny fitaovam-piadian’ireo dahalo

Dahalo valo mianadahy indray voasambotry ny zandary avy ao ami’ny poste avancé (PA) Analavory distrikan’i Miarinarivo, ny alarobia 17 jolay 2019 lasa teo ka vehivavy (mpitahiry  ny fitaovam-piadiana ampiasain’ireo dahalo, miaraka amin’ny odigasy) ny iray amin’izy ireo.Araka ny fampitam-baovao nampitain’ny zandary avy any an-toerana, fokontany roa (Kianjasoa sy Ankaranana) ao amin’ny kaominina Analavory no lasibatr’ireto dahalo miisa valo ka lasan’izy ireo tamin’izany ny omby miisa 30. Tsiahivina fa ny 8 jolay 2019 lasa teo, nahazo antso ny zandary miasa ao amin’ny Poste avancé Analavory fa misy dahalo manafika ao amin’ny fokontany Kianjasoa, kaominina Analavory ka omby miisa 10 no lasan’ireo malaso. Namonjy teny an-toerana avy hatrany ny zandary niaraka tamin’ny fokonolona ka tratra teo amin’ny kizo fiafenany ireo dahalo ka raikitra ny fifandonana. nitsoaka ireo malaso, navelany teo ny omby miisa enina fa ny efatra kosa efa novonoin’izy ireo. Ny 10 jolay lasa teo indray, naharay antso indray ny zandary fa misy dahalo manafika ao amin’ny fokontany Ankaranana Ambodimanga, misy dahalo manafika io tanàna. Lasan’ireo malaso tamin’izany ny omby miisa 20. Nametraka ny paikady rehetra ny zandary ka niroso tamin’ny fanarahan-dia. Natao ny sakana teo amin’ny kizo izay holalovan’izy ireo ary nampandrenesina koa ny zandary avy ao amin’ny poste avancé Ambalanirana.Olona telo nidoboka am-ponja noho ny FIB hosoka…Rehefa nahatazana ny zandary sy ny fokonolona teo amin’ny kizo niafenany ireo dahalo dia raikitra ny fifandonana. vokany, tsy nahatohitra ny zandary ireo malaso ka navelan’izy ireo ny omby miisa 20 ary dahalo iray tratra niaraka tamin’ny basim-borona calibre 12 vita gasy.Nandritra ny famotorana nataon’ny zandary tamin’ity dahalo ity no nahafahana nisambotra ireo namany fito ka vehivavy ny iray izay nambaran’ny zandary fa mitahiry ny fitaovam-piadiana sy mpitazona odigasy. Nohamafisin’ny zandary fa mipetraka eny amin’iny faritra iny ihany izy ireo. Nahitana basim-borona roa hafa kao niaraka tamin’ny bala miisa enina, lefona, odigasy maromaro tao anaty kizo, ankoatra ireo niambozonan’ireo malaso. Mandritra ny hetsika ataon’ny zandary any an-toerana momba ny fijerena ny taratasin’omby (FIB) eny an-tsenan’omby ao amin’ny distrikan’i Miarinarivo, notarihin’ny lehiben’ny vondron-tobim-pileovana Itasy, ny Kly Ralaikoa Armandin dia maro ireo taratasin’omby (FIB) hosoka ary olona telo no efa naiditra am-ponja ao Miarinarivo. Manentana hatrany ny zandary amin’ny fifanomezan-tanana amin’ny vahoaka mba hahafahana misoroka mialoha ny asan-dahalo toy izao.Jean ClaudeL’article Kizo iray ao Analavory: vehivavy ny mpitahiry ny fitaovam-piadian’ireo dahalo a été récupéré chez Newsmada.

News - News Mada

Hetsika hanoherana ny asan-jiolahy – Toamasina: nilaza tsy hitsitsy amin’ny mpanao ratsy ny zandary

Manoloana ny firongatry ny  tsy fandriampahalemana ao Toamasina, hanao hetsika lehibe ho fanoherana ny asan-jiolahy ny zandary. Handrakotra ny faritra maro izy ireo, ary nilaza tsy hitsitsy amin’ireo mihevitra mbola hanohy ny asa ratsiny.“Tsy azo ekena intsony ny zava-misy ka hiakatra eto an-dAenivohitry ny faritra Atsinanana indray ny zandary hanao hetsika hanoherana ny asan-jiolahy. Horakofanay zandary ny renivohitr’i Toamasina manomboka anio (omaly io) ary tsy hitsitsy amin’izay mihevitra ny hanohy ny asa ratsiny ny zandary”, hoy ny kaomandin’ny vondron-tobim-pileovan’ny zandarimaria Atsinanana (tamin’ny fiteny hentitra), ny Kly Ranaivoarison Théodule, omaly nandritra ny valandresaka ho an’ny mpanao gazety, manoloana ny firongatry ny tsy fandriampahalemana ao Toamasina. Niangavy fiaraha-miasa manokana amin’ireo sefom-pokontany sy izay manana loharanom-baovao eny anivon’ny fiarahamonina hiara-hiasa  amin’ny zandary ity manamboninahitra ambony ity satria araka ny nambarany, “mipetraka eny anivontsika eny ihany ny jiolahy ary eo anelanelan’ny amin’ny 11 ora alina ka hatramin’ny 3 ora maraina ny fotoana fanafihan’ny jiolahy”s.Miakatra ny tahan’ny tsy fandriampahalemana…Miaiky ny rehetra fa niakatra izaitsizy ny tahan’ny tsy fandriampahalemana ao an-drenivohitr’i Toamasina raha efa nilamindamina kosa ny manodidina an’i Toamasina II izay nosahanin’ny zandary noho ny fizarana faritra nisy teo amin’ny samy mpitandro filaminana. Efa novatsin’ny fitondrana foibe fiara tsy mataho-dalana ny zandary ka hampiasaina amin’ny fiarovana ny vahoaka sy ny fananany izany, araka ny fanazavan’ny Kly Ranaivoarison Théodule hatrany. Niantso ireo sefom-pokontany rehetra hiaraka hametraka paikady entina hikarohana sy hisamborana ireo jiolahy ny Kly Ranaivoarison Théodule, ny alatsinainy 29 jolay 2019 ho avy izao. Tsy ireo sefom-pokontany ihany no antsoiny fa na izay olona tsara sitrapo vonona ny hiara-hiasa amin’ny zandary, raisina hiaraka hihaona hametraka drafitra matipaika hiadiana amin’ity tsy fandriampahalemana miseholany ao Toamasina ity.Sajo sy Jean ClaudeL’article Hetsika hanoherana ny asan-jiolahy – Toamasina: nilaza tsy hitsitsy amin’ny mpanao ratsy ny zandary a été récupéré chez Newsmada.

News - News Mada

Kitra eran-tany  – Filaharan’ny Fifa: faha-96 maneran-tany ny Barean’i Madagasikara

Namoaka ny filaharan’ireo ekipa mivondrona ao aminy ny Federasiona iraisam-pirenen’ny baolina kitra (Fifa), omaly. Tamin’izany ny nahitana fa tafiditra ao anatin’ny “Top 100 mondial” ny Barean’i Madagasikara. Faha-96 maneran-tany mantsy i Madagasikara, amin’izao fotoana izao, izay manana isa 1251. Nahavita dingan-dava ny Barean’i Madagasikara satria tany amin’ny faha-108, talohan’ny nanombohan’ny fiadiana ny ho tompondakan’i Afrika “Can 2019”, notanterahina tany Egypta.Nahatonga izao fisondrotana goavana izao ny zava-bitany tany amin’izany fifaninanana afrikanina izany. Any aorian’i Madagasikara avokoa i Niger sy i Etiopia, iray vondrona amin’ny Barea, eo amin’ny fifanintsanana ho an’ny “Can 2021”. Raha ho an’ny filaharana eto Afrika indray, eo amin’ny faha-21 ny Barean’i Madagasikara. Mbola mitarika eo amin’ny laharana voalohany eto Afrika ny Lionan’i Teranga, avy any Sénégal, eny fa na nisy aza ny fahareseny teo amin’ny famaranana ny “Can 2019”. Any amin’ny fahefatra kosa ny Fennecs Alzerria, tompondakan’i Afrika 2019. Faharoa i Tonizia ary fahatelo ny Voromaherin’i Nizeria. Fahadimy ry zareo Maraokanina.Mbola voalohany maneran-tany kosa i Belzika, manana isa 1746. Nihoaran’i Brezila kosa i Frantsa, nidina eo amin’ny laharana fahatelo. Tsy niova kosa fa mbola eo amin’ny fahefatra hatrany i Angletera. Niakatra eo amin’ny fahadimy i Orogay, izay nisongona an’i Portugal, mipetraka eo amin’ny fahenina. Any amin’ny fahasivy ry zareo Espaniola ary fahafolo i Arzantina. Tena nivarina be kosa ry zareo Alemà, lasa any amin’ny faha-15, arahin’i Italia sy i Pays-Bas, izay samy eo amin’ny faha-16. Tompondaka L’article Kitra eran-tany  – Filaharan’ny Fifa: faha-96 maneran-tany ny Barean’i Madagasikara a été récupéré chez Newsmada.

News - News Mada

Tapaka ny rano eny Antsahameva Andraisoro: nanao hetsika ny mponina, tonga ihany ny fizaran-dranon’ny Jirama  

Nanao hetsika fanakanan-dalana ny mponina eny amin’ny fokontany Antsahameva Andraisoro, omaly, noho ny fahatapahan-drano tao anatin’ny fotoana maharitra. Nanapa-kevitra hamatsy rano ny mponina avy amin’ny fizaran-drano entin’ny kamiaobe ny Jirama.Manao tohivakana ny olana momba ny fahatapahan-drano eto an-dRenivohitra. Tsy ny famatsian-drano isan-tokantrano ihany fa hatramin’ny paompin-drano iraisan’ny vahoaka. Omaly, nitrangana fahatapahan-drano tao anatin’ny fotoana naharitra ka nampihetsika ny mponina ao amin’ny fokontany Antsahameva Andraisoro. Voalazan’ny mponina sy ireo mpianatra fa hatramin’izay, mandeha kely ihany ny paompin-drano amin’ny alina ka manararaotra mantsaka ny olona. Tao anatin’ny herinandro farany, tsy nisy rano na andro na alina ka sahirana ny vahoaka. Izay afaka mampantsaka, any amin’ny 1 km vao mahita vovo hakana rano. Tsy vitsy koa ny misafidy ny rano eny an-tanimbary izay tsy manara-penitra.Nanakana ny lalana ireo mponina nandahatra ny “bidon” mavo ka nampikatso ny fifamoivoizana. Nidina an-tsehatra avy hatrany ny mpitandro filaminana nandamina ny raharaha ary niantso ny tomponandraikitra ny Jirama hijery ny olana. Tonga teny an-toerana ny mpiasan’ny Jirama sy ny minisiteran’ny Rano nizaha ifotony ny zava-misy. Mandra-pahita ny vahaolana maharitra, nanapa-kevitra ny hamatsy rano ny mponina amin’ny kamiao lehibe izy ireo.Misy fotodrafitrasa famatsiana ho vitaVahaolana maharitra ny fametrahana fotodrafitrasa famatsian-drano vaovao afaka mamokatra rano 100 m toratelo isan’ora eny Amoronankona. Vinavinaina ho vita afaka volana vitsivitsy ny asa eny an-toerana. Tsy eto an-dRenivohitra ihany fa mikaikaika amin’ny fahatapahan-drano matetika ny toerana avo nefa be mponina. Ny faritra miala ny Renivohitra, efa maro no misafidy ny hanao vovo hialana amin’ny fahatapahan-drano matetika. Mila teknisianina manokana anefa ny fitrandrahana rano any ambanin’ny tany sady tokony hokojaina hikajiana ny kalitaon’ny rano.Vonjy A. L’article Tapaka ny rano eny Antsahameva Andraisoro: nanao hetsika ny mponina, tonga ihany ny fizaran-dranon’ny Jirama   a été récupéré chez Newsmada.

News - News Mada

Besakoa: dahalo iray maty voatifitra teo am-pamohana valan’omby

Nitrangana fanafihan-dahalo indray tao an-tanànan’i Besakoa, fokontany Analasoa, kaominin’i Tasaraitso, distrikan’i Betroka (atsinanana kely miala ny tampon—tanànan’i Betroka), ny alakamisy lasa teo. Efa tsara omana mialoha anefa ireo fokonolona taorian’ny fandrahonana misesy nataon’ireo dahalo tonga nanafika tao an-toerana. Tonga tokoa ireo andian-dahalo, kanjo tratran’ny tifitra tampoka nataon’ny tompon’omby ny dahalo iray namoha ny valan’omby ka maty tsy tra-drano. Dahalo iray hafa koa voatifitra ary niantsoantso hoe “maty aho Neny” sady lasa nandositra niaraka tamin’ireo namany efa-dahy afa-nitsoaka, araka ny fampitam-baovao avy amin’ny zandary. Nanamafy ny teo anivon’ny zandarimariam-pirenena fa tombony manokana ho an’ireo mponina ao Betroka, indrindra ny any ambanivohitra ny fampianarana azy ireo momba ny fiarovantenam-pokonolona izay nampianarin’ireo zandary tarihin’ny Chef d’escadron, Rafanomezana Roby ka izao afaka niaro tena sy niaro ny fananany izao. Nilaza rahateo koa ireo fokonolona ao Besakoa fa tsy hihemotra ary tsy hilefitra fa hiezaka hanambatra ny hery ho fanoherana ny fanafihan-dahalo izay nampitondra faisana azy ireo an-taona maro ka izao nahafahan’izy ireo nahatosika ireo malaso izao.Jean ClaudeL’article Besakoa: dahalo iray maty voatifitra teo am-pamohana valan’omby a été récupéré chez Newsmada.

News - News Mada

Teza: « Hirosoana ny fanorenana ifotony »

Nitondra tolokevitra ho amin’ny fanatsarana ny fitantanana sy ny fanaovana politika  ary ny  demokrasia. “Tokony hiditra amin’ny fanorenana ifotony ny fitondram-panjakana ka havaozina avokoa ny lesoka rehetra tsy nety, indrindra fa ny lalàna mifehy ny fifidianana, ny lalàn’ny serasera, ny lalàna amin’ny ankapobeny mba hanatsarana azy”, hoy ny filoha nasionalin’ny antoko Teza, Rakotoamboa Jean-Louis. Nohitsiny fa anisan’ny tsy nety ny nandrafetana sy ny fanatanterahana azy fa samy nanao ny tiany hitondrana azy ny mpitondra nifandimby teto. “Ilaina, noho izany, ny fanorenana ifotony mba tsy hisian’ny olana hiverimberina eto amin’ny tany sy ny firenena intsony. Tokony hampanjakaina ihany koa ny tena demokrasia hipetrahan’ny tena tany tan-dalàna”, hoy ihany ity mpitarika antoko politika ity. Efa nivoy hatramin’ny ela  ny tokony hanaovana ny fanorenana ifotony ny eo  anivon’ny antoko  Teza, saingy  tsy nisy nihaino sy nanaraka. Vita  ihany  ireo fifidianana nifanesy teto amin’ny firenena.Synèse R.  L’article Teza: « Hirosoana ny fanorenana ifotony » a été récupéré chez Newsmada.

News - News Mada

Fanahiana halatra taova: nirefodrefotra ny basy olona roa voasambotra

  Poa-basy, grenady lakrimozena nitora-jofo, doro kodiarana, tora-bato… Izany ny santionan’ireo zava-nitranga tao Toamasina, ny alin’ny zoma teo noho ilay raharaha fahitan’ny tovovavy iray taova sy karandohan’olona  tao amin’ny tokantrano iray. Nikasa hanao fitsaram-bahoaka ireto andian’olona marobe ireto. Tsy nanaiky anefa ny mpitandro filaminana…Nirefodrefotra nandritra ny alina manontolo, ny zoma hifoha asabotsy teo, ny basy sy ny grenady lakrimozena nataon’ny mpitandro filaminana handravana sy hanapariahana ireo andian’olona marobe nirohotra nandoro trano sy hanao fitsaram-bahoaka tao amina tokantranona fianakaviana iray eo amin’ny “4 chemins” Morarano Toamasina. Niezaka nanohitra ireo andian’olona naneho ny hatezerana tamin’ny fielezan’ny vaovao momba ity halatra taova ity ny mpitandro filaminana. Nandrehitra kodiarana teo amin’ny arabe sady nitora-bato ny fiaran’ireo mpitandro filaminana izy ireo. Vokany, vaky ny fitaratry ny fiaran’ny polisy. Naratra voatora-bato ihany koa ny polisy. Olona roa avy amin’ireo mpanao fikehetsiketsehana voasambotra  hanaovana fanadihadiana  momba ity tora-bato sy fandrehetana kodiarana. Mbola nahitana fokonolona mitangorongorona teny an-toerana , omaly  mikasa ny hiditra an-keriny ao amin’ilay tranovato misy peta-drindrina mitady mpiasa efa ho ampolon-taona maro.Mpiasa iray nahita karandohan’olona…Toy izao ny raharaha raha hiverenena. Misy soratra amin’ilay peta-drindrina amin’ilay tranovato efa hatramin’ny taona 1991 milaza fa  mitady mpiasa. Fianakaviana efa manana ny lazany hatramin’izay izy ireo, araka ny fampitam-baovao. Ny zoma tolakandro teo, nisy tovovavy nitady asa tao amin’ity trano ity ary noraisina hiasa. Ny zoma io ihany, tonga tany amin’ny zandary ilay tovovavy sady efa sempotsempotra nitantara ny hitany tao amin’ilay trano. “Mpiasa vao hiditra hiasa ao amin’ny fianakavian’i T. M. aho ka nahita karandohan’olona sy taolana ary taova samihafa raha iny hiditra tao amin’ny efitrano fandroana  iny. Nitsoaka nanao ny fomba rehetra nahafahako nivoaka tao aho raha nahita izany. Izao tonga aty aminareo izao”, hoy ilay tovovavy, araka ny tatitra nampitain’ny zandary ao Toamasina nandritra ny valandresaka ho an’ny mpanao gazety, notarihin’ny Prefet, Benandrasana Cyril sy ny tonia mpampanoa lalàna eo anivon’ny fitsarana ao Toamasina, Rajaonah Thierry. Nangataka fahazoan-dalàna hanao fisavana trano teo anivon’ny fampanoavana ny zandary raha vao naharay izany fiampangana izany ary niroso haingana nanao ny fisavana ilay trano voalaza. Nambaran’ireo mpitandro filaminana nanao ny fisavana anefa fa tsy nahita na inona na inona ry zareo nandritra ny fisavana natao ka anisan’ny antony nanazavan’ny prefet sy ny tonia ny mpampanoa lalàna ny tokony hampitony ny rehetra. Tsy nanaiky izany anefa ireo andian’olona raha tsy misy solontenam-pokonolona navela miditra manao fisavana ao amin’ilay trano, araka ny fanazavana voaray hatrany.Sajo sy Jean ClaudeL’article Fanahiana halatra taova: nirefodrefotra ny basy olona roa voasambotra a été récupéré chez Newsmada.

News - News Mada

Kandidà Rajoelina: “Havotana amin’ny alalan’ny harentsika ny firenena »

Nitohy tany Brieville any Tsaratanana, Andilamena, Mahatsinjo sy Mangabe ao Maevatanàna ny fampielezan-kevitry ny kandidà Rajoelina, omaly. Mazava ny lahateniny momba ny hanarenana ny toekarena. “Amin’ny alalan’ny harentsika no hahafahana manavotra ny firenena. Manankarena isika ary mampidi-bola be nefa mahantra ny vahoaka eto Brieville. Ny ampahany betsaka amin’ny hetra azo amin’ny  kraomita entina hanasoavana ny vahoaka eto. Tokony handroso ny tanàna misy ny harena ankibon’ny tany sy ny fitrandrahana”, hoy izy. Toy ny nambarany tany amin’ny faritra hafa rehefa nihaino ny hetaheta sy ny olan’ny mponina amin’ireo faritra ireo ny tenany,  nampanantena ny kandidà laharana faha-13 fa hamboarina hatao manara-penitra ny kianja. Hapetraka ny vondron-tafika manokana hiady amin’ny tsy fandriampahalemana. Homena fitaovana toy ny fiara 4×4 sy helikoptera miisa 10 ny mpitandro filaminana. Hasian “puce” ny omby. Hahazo hopitaly manara-penitra ny any an-toerana. Hampidirina amin’ireo tanàna tsy mbola misy izany ny rano madio fisotro.Fanamboaran-dalana sy tany hovolen’ny tantsaha…  Eo koa ny fanorenana orinasa hamokatra ireo “panneau solaire” hampihenana ny vidin’ny jiro. Momba ny fanamboaran-dalana, handefa fitaovana “bulls sy ny” tracks” ny tenany. . . Hampitomboina ny tany volena ary hozaraina amin’ny tantsaha ny tany. Eo koa ny famokarana zezika, amin’ny vidiny mora. Hatao manara-penitra avokoa ny EPP sy ny CEG ary ny lycées rehetra.  Notolorana fitaovana koa ireo fikambanan’ny mpanjono amin’ireo faritra ireo. Nampanantena ny hamaha ny olan’ny mpiasa ny tenany. Hapetraka ny toeram-pitrandrahana vato hanaovana “pave” ny lalana sady hiteraka asa koa izany. Hahazo vary amin’ny vidiny mora, manomboka amin’ny herinandro ireo faritra notsidihiny. “Ho tanterahiko avokoa ny nolazaiko. Velirano no ataoko fa ho avy aho ary tonga hanavotra an’i Madagasikara… Matokia ahy fa hanavotra anareo aho ” hoy ihany izy.Ankoatra izany, nohitsiny fa tsy tokony hiala ao amin’ny birao fandatsaham-bato raha tsy vita ny fanisam-bato.Randria  L’article Kandidà Rajoelina: “Havotana amin’ny alalan’ny harentsika ny firenena » a été récupéré chez Newsmada.

News - News Mada

ONG Bel’Avenir: niverina nisokatra ny foibe ho an’ny vehivavy

Noho ny fanampian’ny Fundación Barceló, niverina nisokatra indray ny foibe mpandray sy mpikarakara ny vehivavy (Caif) an’ny fikambanana Bel’Avenir, any Toliara, nanomboka tamin’iny volana jona iny. Miisa 42 ny renim-pianakaviana efa nisoratra anarana ka hiatrika fiofanana araka asa, mandritra ny 12 volana.Tanjon’ny foibe ny hanohana ny vehivavy amin’ny fiainany andavanandro sy hanome azy ny fahalalana ahafahany mivelatra sy mampivelatra ny asa fidiram-bolany. Kendrena manokana amin’izany ireo renim-pianakaviana sahirana ara-pivelomana, indrindra ireo ao amin’ny fokontany Ankalika.Anisan’ny fototra amin’ny fampandrosoana ara-toekaren’ny isan-tokantrano ny fanomezana sehatra mahaleotena ny vehivavy eo amin’ny lafiny fihariana. Resy lahatra amin’izany ny fikambanana Bel’Avenir ka namolavola fandaharanasa, izay mifantoka bebe kokoa amin’ny fanatsarana ny fahalalana sy ny fahaizan’ny vehivavy. Izay ny antom-pisian’ny Caif, niorina tamin’ny taona 2017.Ny 25 jona teo, noho ny fanamarihana ny fetim-pirenena, nitsidika ity foibe ho an’ny vehivavy ity ny filohan’ny fikambanana, Volanjary Hélène, ary nizara fitafiana sy harendrina ho an’ireo ankizy. Nahazo ny anjarany ihany koa ireo tera-bao.Landy R.L’article ONG Bel’Avenir: niverina nisokatra ny foibe ho an’ny vehivavy a été récupéré chez Newsmada.

News - Ao Raha

Fahatrarana mpaka an-keriny

Ataon’ny zandary andrimaso ireo lehilahy roa voasambotra voarohirohy tamin’ny fakàna an-keriny an’ilay lehilahy Karàna lehibena orinasa, tany Toamasina, andro vitsivitsy lasa izay. Mitohy ny fanadihadiana fikarohana ny mety ho naman’izy ireo. Tsiahivina fa efa votsotra, tamin’ny afak’omaly hariva, ilay nalaina an-keriny. L’article Fahatrarana mpaka an-keriny est apparu en premier sur AoRaha.

Malaza androany

Notsongaina

Fahatongavan’ny mpifindra monina: mahazo vahana ny halatra omby ao Andranomiditra  

Anisan’ny olana nitranga niaraka amin’ny fahatongavan’ny mpifindra monina ao anatin’ny faritra manodidina ny valanjavaboary ao Ankarafantsika ny tsy fandriampahalemana, araka ny fanazavan’ny sefo fokontany ao Andranomiditra, Lebizandry Richard, kaominina Tsaramandroso, distrikan’Ambato Boeni. Ny taona 2013,  nanomboka tonga tsikelikely ireo mpiavy, namboly, efa-taona taty aoriana vao nanao be fiavy. Anarivony izy ireo ankehitriny miparitaka amin’ny tokantrano anjatony. Ny tena olana rehefa mafanafana ny fanenjehana ny fandripahana ala ataon’ izy ireo, lasa mody any aminy aloha ireo mpifindra monina. Mandeha andiany izy ireo rehefa mamboly ary manana fitaovana toy ny pilotra sy antsy lava ka matahotra azy ireo ny mponina ao Andranomiditra. Ny volana oktobra sy novambra ireo mpiavy no tonga mamonjy ny atiala mamboly sy manao arina fandrehitra. Tsy misy azon’ny mponina mivelona manodidina ny ala atao fa mitazam-potsiny.Nanomboka ny taona 2017, nirongatra ny halatra omby ao anatin’ny fokontany, tsy latsaky ny 70 ny omby very nefa talohan’izay, tsy nitrangna fahaverezana, tahaka izany, hoy ny nambaran’ny sefo fokontany ihany. Ny volana marsa lasa teo, omby dimy indray no nisy nangalatra. Mangataka ny hametrahana poste avancé ao anatin’ny fokontany izy ireo satria toerana saro-dalana Andranomiditra ka betsaka ny mpanararaotra. 186 tafo no mandrafitra ny fokontany izay mivelona amin’ny fambolena sy fiompiana. Fantatr’izy ireo ny mahazava-dehibe ny fiarovana ny atiala. Miaro ny rano, ny ala ary manampy amin’ny fiveloman’ny vahoaka.Mangataka CSB ny mponina Manana EPP tokana ny fokontany ka rehefa afaka fanadinana BEPC tsy maintsy mandeha any amin’ny kaominina Tsaramandroso. Rehefa misy mpiteraka ka voatery mandeha hopitaly noho ny hamehana, entina sarety amin’ny lalana 17 km ilay vehivavy mamonjy an’i Tsaramandroso ihany koa. Mangataka ny hanorenana CSB amin’ny fitondrana ny mponina fa sahirana rehefa tojo tsy fahasalamana, indrindra rehefa fahavaratra. Hahatsara ny fambolena, tokony hamboarina ny tohodrano hanondraka ny voly sy hikarakarana ny biby fiompy. Nitondra ireo fitarainana ireo tamin’ny tale jeneraly mpisolo toerana ao amin’ny Madagascar national Parks, dokotera Rakotoarijaona Mamy ny sefo fokontany ,nandritra ny fidinana ifotony nijery ny olana amin’ny fandripahana ny ala.Vonjy A. L’article Fahatongavan’ny mpifindra monina: mahazo vahana ny halatra omby ao Andranomiditra   a été récupéré chez Newsmada.

AIEA – INSTN -Fadintseranana: miara-miasa ho fisorohana ny fampihorohoroana

Hamafisina ny fanaraha-maso eny amin’ny fadintseranana amin’ny alalan’ny fampiasana fitaovam-pitiliana “radioactive”. Nanolotra fitaovana ny AIEA, mampiofana momba ny fampiasana azy ny INSTN. Tsy maintsy mila fitaovana mifanaraka ny vanim-potoana ankehitriny ny fanaraha-maso eny amin’ny fadintseranana. Ho fiarovana amin’ny fampidirana fitaovam-piadiana sy amin’ny asa fampihorohoroana, nanolotra fitaovana « détecteurs de rayonnement » sy « identificateurs » ho an’ny fadintseranana malagasy ny AIEA (Agence internationale de l’énergie atomique). Ny INSTN (Institut national des sciences et techniques nucléaires) no manome fiofanana ny mpiasan’ny fadintseranana amin’ny fomba hampiasana ireo fitaovana ireo.Fitaovana arifomba avo lenta ireo avy amin’ny AIEA ireo, hisorohana ny asa fampihorohoroana amin’ny alalan’ireo fitaovam-piadiana mahery vaika. Eny amin’ny seranam-piaramanidina Ivato ny hametrahana izany voalohany, amin’ny maha seranana iraisam-pirenena azy, ifamezivezen’ny olona maro. Matetika, tratra eny an-toerana ny zava-mahadomelina, ary izao andraisana fepetra izao koa ny fitiliana fitaovana misy « radioactif » mety hampidi-doza.Nambaran’ny ao amin’ny INSTN fa manampy betsaka amin’ny fiarovana mandritra ny fitsidihan’ny papa François eto Madagasikara ireo fitaovana ireo; anisan’ny fepetra tsy maintsy arahina koa izany amin’ny vanim-potoana lehibe.Mampidi-bola be …Noho izay fanaraha-maso izay ihany, eny amin’ny fadintseranana Ivato, mihatsara  ny vola miditra amin’ny fanjakana. 4,6 miliara ariary ny tamin’ny volana jona teo, ary tafakatra 4,9 miliara ariary amin’ity volana jolay ity. Ao anatin’ny fanaraha-maso mahomby ny fanafainganana ny famoahana entana, araka ny fanazavana nomen’ny tompon’andraikitra. Notsiahivina amin’ny rehetra ny fanarahan-dalàna, indrindra raha mahakasika ny raharaham-barotra izay tsy maintsy anaovana fanambarana. R.MathieuL’article AIEA – INSTN -Fadintseranana: miara-miasa ho fisorohana ny fampihorohoroana a été récupéré chez Newsmada.

Ikalamavony: lehilahy hita faty novonoina tamin’ny fomba feno habibiana

Nandriaka ny ra! Hita faty novonoina tamin’ny fomba feno habibiana tao amin’ny fokontany Matsiatsa, Ikalamavony, ny raim-pianakaviana iray 42 taona, ny asabotsy lasa teo. Araka ny fampitam-baovao avy any an-toerana, tsy lavitra ny EPP ao Tanambao Avaratra amin’ny lalana mihazo an’i Malainkoafara ny nahitana ny fatiny. Fantatra fa teny an-dalana hody no nisy namono tamin’ny fomba feno habibiana satria nahitana dian’antsy teo amin’ny lohany. Voalaza fa nisy namono ny zanak’ity raim-pianakaviana ity, ny 10 jolay 2019. Tovolahy tao an-tanàna ihany no voalaza fa tompon’antoka tamin’izany ka niafara tamin’ny tsindrona antsy izany noho ny resaka toaka. Nitondra ny raharaha teny amin’ny zandarimariam-pirenena ao Ikalamavony ilay raim-pianakaviana manan-janaka maty. Nosamborin’ny fokonolona avy hatrany, andro vitsy taorian’ity vonoan’olona ity, ilay tovolahy nahavanon-doza. Natolotra ny zandary ilay jiolahy. Nandeha ny famotorana ka nametraka fitoriana koa ny raiben’ilay jiolahy voarohirohy tamin’ity raharaha vonoan’olona ity ho setrin’ny fitorian’ny rain’ny maty. Nifandrohirohy teny amin’ny fitsarana ny raharaha ka izao niafara tamin’ny fahafatesan’ilay raim-pianakaviana izao. Andrasana ny tohin’ity raharaha ity.J.C L’article Ikalamavony: lehilahy hita faty novonoina tamin’ny fomba feno habibiana a été récupéré chez Newsmada.

EPP Analakely: mpianatra 570 nizarana borosy nify

Mila kojaina dieny mbola kely ny nify hisorohana ny aretina samihafa rehefa lehibe. Vahaolana ny fiborosiana izany intelo isan’andro, hoy ny fanentanan’ny mpitsabo nify.   Efa manana nify telo simba ny 90% amin’ny ankizy malagasy, araka ny fanadihadian’ny Sampandraharahan’ny Firenena mikambana misahana ny fahasalamana (OMS). Ho fitsinjovana ny fahasalaman’ny nify sy ny ativava, nanao hetsika fampianarana ny mpianatra hikoja ny nify sy ny ativava ny consulat de Monaco eto amintsika sy ny orinasa mpamokatra ny akora famotsiana nify, ny Colgate. Nosantarina teny amin’ny EPP Analakely ny fampianarana sy ny fizarana borosy nify sy ny akora miaraka aminy hanadiovana ny nify intelo isan’andro. Nampianarina ny mpianatra 570 (préscolaire-7ème) ny tokony ho fantatra rehetra ho salama ny nify. Hajanona any an-dakilsy rahateo ny fitaovana mba hitohy isan’andro ny fiborosiana nify ary misy mpanara-maso koa. EPP efatra (Analakely, Besarety, Antetezana Afovoany ary Faravohitra Ambony) ety am-piandohana ny hizarana ny fanentanana sy ny fitaovana ato anatin’ny Cisco Antananarivo Renivohitra. Mitarika aretina hafa ny nify simba tsy voatsabo ka fisorohana ny fiborosiana tsy tapaka izany. Ilaina koa ny manatona mpitsabo manokana ny nify, indroa isan-taona, ary soloina isaky ny telo volana ny borosy nify ampiasaina.“Nahazo tombony betsaka ny mpianatra eto aminay satria betsaka ireo tsy mahay miborosy nify na koa tsy manana fitaovana hanaovana azy”, hoy ny talen’ny EPP Analakely, Razafindranaivo Nadia, omaly teny an-toerana.Ankoatra ny fanohanana ny fahasalaman’ny mpianatra, mamatsy fitaovana toy ny orinatera ho an’ny mpianatra eny amin’ny CEG sy ny lycée ny consulat de Monaco, araka ny fanazavan’ny consul lefitra, Rabemanolontsoa Niry.Vonjy A. L’article EPP Analakely: mpianatra 570 nizarana borosy nify a été récupéré chez Newsmada.

Fifidianana ben’ny Tanàna: hanapa-kevitra ato ho ato ny fitondrana

Mby aiza ny fanatanterahana fifidianana ben’ny Tanàna sy ny fifidianana mpanolotsain’ny Tanàna? Mbola mahabe adihevitra. Hanapa-kevitra ato ho ato ny fitondrana“Ny zavatra hataontsika, hisy fanapahan-kevitra amin’ity herinandro ity na amin’ny herinandro ho avy. Tsy maintsy manapa-kevitra amin’ny filankevitry ny minisitra momba izay fotoana tokony hanaovana ny fifidianana ben’ny Tanàna izay.” Io no nambaran’ny filoha Rajoelina Andry teny Anosy, omaly, momba ny fifidianana ben’ny Tanàna sy ny mpanolotsain’ny Tanàna. Mila hanontaniana aloha ny antoko nilaza fa tsy tokony hatao amin’ity taona ity ny fifidianana. Satria nisy antoko nilaza fa raha hatao amin’ity taona ity io fifidianana ben’ny Tanàna io, tsy handray anjara ry zareo.Hanontaniana koa ny Ceni ny amin’ny fahitany azy: madio tokoa ve ny lisi-pifidianana?“Miroso amin’ny fifidianana tokony hatao isika, rehefa madio ny lisi-pifidianana ary vonona hiroso amin’izany isika”, hoy izy. Tsy misy ny olana na natao amin’ity taona ity io, na amin’ny taona ho avy. Rehefa mifanaraka ny rehetra hoe: miroso rehefa hiroso, aleo ny vahoaka no hisafidy. Hatao fifidianana rehefa izay no hifanarahan’ny besinimaro. Mino izy fa vonona avokoa ny antoko rehetra hiatrika an’izany.Ara-dalàna ny hatao.Zavatra manara-dalàna no tokony hatao, araka ny nambarany. Ny Ceni no mamaritra ny daty tokony hanaovana ny fifidianana, ary iaraha-midinika amin’ny minisitry ny Atitany. Toy ny rehetra ihany izy, nahare fa misy antoko nilaza ny mbola tsy tokony hanaovana ny fifidianana ben’ny Tanàna aloha, fa mila jerena ny lisi-pifidianana. Izay no ataon’ny Ceni: mijery ny lisi-pifidianana.Vokany, tsy fantatra intsony hoe: hatao ve ny fifidianana sa tsia? “Izao ny zavatra mampihomehy sy mahagaga eto amintsika: zatra manohitra hatrany ny zava-mitranga isika”, hoy ihany izy. Rehefa milaza isika hoe tokony hiroso, miteny ny sasany hoe mijanona aloha fa aza mbola miroso.Tsy misy eritreritra hanendry PDS“Vaovao tsy marina sy tsy mitombina izany, satria tsy misy manana eritreritra hanolo PDS ny ben’ny Tanàna”, hoy izy momba ny fanendrena PDS. Anjaran’ny vahoaka ny mijery raha nahavita ny asany na tsia ny ben’ny Tanàna tao anatin’ny efa-taona nitantanany. Anjaran’ny vahoaka koa ny manapaka ny amin’izay amin’ny fifidianana: iza ny ben’ny Tanàna tena mahavita azy, tena afa-kampandroso ny firenena?R.Nd.L’article Fifidianana ben’ny Tanàna: hanapa-kevitra ato ho ato ny fitondrana a été récupéré chez Newsmada.

Kolontsaina : hanao fihaonambe ny Trano Kolotoraly Malagasy

Anisan’ny manana lanja lehibe eo amin’ny fikajiana sy fikoloana ary fampitana ny maha Malagasy (tantara, fomba amam-panao, fanandroana, sikidy, fahaizana momba ny zavamaniry…) sy ireo kolontsaina iraisam-pirenena toy ny yoga ny Trano Kolotoraly Malagasy. Raha ny fantatra, araka ny vaovao nampitaina, hanatanteraka ny fivoriambeny amin’ny alahady 4 aogositra izao, ao amin’ny ELI Soarano (Toerana fampianarana teny anglisy) ity fikambanana ity.Na tsy mbola voalaza amin’ny antsipiriany aza ny lahadinika na ny fandaharam-potoana, azo inoana fa ho voaresaka ao anatin’izany fivoriambe izany ny fikatsahana izay hampandrosoana ny Trano Kolotoraly Malagasy sy ny adidy efa niantsorohany hatramin’izay.Raha tsiahivina, angady nananana sy vy nahitana ny Trano Kolotoraly Malagasy ny dokotera Rakotonirainy Joseph. Nahay zavatra maro izy ary nampianatra mpianatra maro ihany koa. Fa anisan’ny nampiavaka azy ny fitiavan-tanindrazana tao aminy.Nanangona : HaRy RazafindrakotoL’article Kolontsaina : hanao fihaonambe ny Trano Kolotoraly Malagasy a été récupéré chez Newsmada.

Hanorina fasana vaovao miisa 96

Anisan’ny dingana hanajan’ny Base Toliara koa ny fifanarahana amin’ny fokonolona, hamindrana ny fasana tafiditra ao anatin’ny faritra iasan’ny orinasa. Miisa 96 izy ireo any amin’ny kaominina dimy. Nampifanarahana ny lalàna nentin-drazana malagasy sy ny lalàna velona ny fomba sy kolontsaina any an-toerana. Ao anatin’ny vaomiera misahana izany ny solontenam-pokonolona, ny vondrom-paritra itsinjaram-pahefana, ny fitantanam-paritry ny Kolontsaina sy ny vakoka, ny Harena an-kibon’ny tany, ny Fanajariana ny tany sy ny fananan-tany, ny Fahasalamana, ny distrika Toliara II, ny olobe, ny mpikaroka ary ny orinasa Base Toliara.Hanorenana fasana vaovao ny tompom-pasana, sady sandaina vola. Miisa 16 ny fasana haorina voalohany ary ho vita amin’ny septambra 2019 ary hitohy indray ho an’ny andiany manaraka.L’article Hanorina fasana vaovao miisa 96 a été récupéré chez Newsmada.

Ivontoerana Safidy: “Mila hajaina ny fe-potoam-piasan’ny ben’ny Tanàna”

Ho tapitra ny fe-potoam-piasan’ireo ben’ny Tanàna. Hisy sa tsia ny fifidianana? “Tokony hohajaina ny fe-potoam-piasan’n y ben’ny Tanàna”, hoy ny Ivon-toerana Safidy. “Fanairana ny mpitondra amin’ny fifidianana ben’ny Tanàna, miteny izahay hoe: hajao ilay fe-potoana fifandimbiasam-pahefana. Hotanterahina amin’ity taona ity ihany ny fifidianana  ben’ny Tanàna.”Izay ny fanehoan-kevitry ny eo anivon’ny Ivontoerana Safidy amin’ny alalan’ny mpitondra teniny, Razanamahefa  Désirée Marie Stella, momba ny fanemorana ny fifidianana ben’ny Tanàna sy ny fifidianana mpanolotsain’ny Tanàna. Tsy ampy intsony ny 90 fihaikana mpifidy alohan’ny fifidianana, raha hatao ny 28 oktobra araka ny volavolana tetiandrom-pifidianana naroson’ny Ceni.“Raha hatao amin’ny tapatapaky ny volana novambra izany, mbola manam-potoana isika. Na hatao amin’ny voalohandohan’ny volana desambra aza, mbola manana fotoana isika”, hoy izy. Ny hanaovana ny fifidianana amin’ny 28 oktobra no tsy ampy intsony ny fotoana.Tokony hatao ny fifidiananaTapitra ny volana septambra ny fe-potoam-piasan’ireo ben’ny Tanàna, tokony hatao ny fifidianana hisian’ny fifandimbiasam-pahefana ara-dalàna. Tsy manaraka lalàna intsony, raha hatao amin’ny herintaona izany.“Ny tena ahiahinay, raha sanatria ka PDS no hapetraka ho solon’ny ben’ny Tanàna. Olona tendrena ny PDS, izay tsy maintsy manatanteraka ny tenin’izay manendry azy”, hoy ihany izy.Nefa raha tsy maintsy hahemotra ny fifidianana, hiitatra ny fe-potoan’ireo ben’ny Tanàna, izay efa miomana ny hiala aorian’ny volana septambra. Nefa mbola ho eo hatrany izy ireo mandra-pahatonga ny fotoana mahametimety ny fanjakana.R.Nd. L’article Ivontoerana Safidy: “Mila hajaina ny fe-potoam-piasan’ny ben’ny Tanàna” a été récupéré chez Newsmada.

Matin’ny lozam-pifamoivoizana

Namoy ny ainy teny amin’ny hopitaly fotoana vitsy taorian’ny nisehoan’ny loza ny lehilahy iray, 27 taona, tratry ny lozam-pifamoivoizana tany Mahajanga, afak’omaly antoandro. Mpiavy ity namoy ny ainy ary tsy manana fianakaviana ao Mahajanga. Ny mpiara-monina aminy no nandray an-tanana ny fikarakarana ny razana eo am-piandrasana ny havany avy any Fianarantsoa. L’article Matin’ny lozam-pifamoivoizana est apparu en premier sur AoRaha.

Kitra – Fifidianana filohan’ny federasiona (FMF): vita ny antsapaka ho an’ireo kandidà 5 mirahalahy

Fantatra ny laharan’ireo kandidà dimy mirahalahy, hifaninanana ho filohan’ny federasiona malagasin’ny baolina kitra (FMF). Miandry ny fotoana hanatontosana, ny fifidianana sisa ny rehetra.Tontosa, tetsy amin’ny foibe toeran’ny federasiona malagasin’ny baolina kitra, tetsy Isoraka, omaly, ny antsapaka amin’ny laharan’ireo kandidà dimy mirahalahy, ao anatin’ny biletà tokana, amin’ny fifidianana izay ho filohan’ny federasiona. Nialoha izany, notsiahivin’ny filohan’ny “comité de normalisation”, Rtoa, Atallah Beatrice fa tsy azo raisina ny fitoriana nataon’ny kandidà Rabekoto Raoul Arizaka Romain, mahakasika ireo mpifaninana aminy, misahana andraikitra politika, izay voalaza ao anatin’ny fehezan-dalàna 13 sy 14 amin’ny lalàm-pitondran-tenan’ny fifa. Rehefa nodinihina hoy izy dia tsy azo raisina ilay izy satria tsy mbola filohan’ny federasiona ireo olona voalaza ireo. Efa nalefa any amin’ny federasiona iraisam-pirenena, ny fanapahan-kevitra noraisin’ny “comité de normalisation”, mahakasika izany.Kandidà iray ihany no tonga nanatrika ity antsapaka ity dia i Mohamad Abdillah Abdou, fa solontena kosa ny an’ireo kandidà telo hafa. Tsy nisy kosa ny an’Andriamiasasoa Doda. Izy ireo no nanao ny antsapaka, nanoloana ny mpanao gazety. Laharana voalohany, Rabekoto Raoul Arizaka Romain. Faharoa, Mohamad Abdillah Abdou ary fahatelo, Andriamiasasoa Doda. Fahefatra, Rasoamaromaka Herilalaina ary fahadimy, Rakotomamonjy Neypatraiky. Toy io filaharany io ihany koa ny fandraisam-pitenenany, ao amin’ny onjam-peo sy ny fahitalavi-pirenena (RNM sy TVM), amin’ny fanolorany, ny fandaharanasany. Hanana 5 mn avy izy ireo, manomboka ny 8 aogositra, hanombohan’ny fampielezan-kevitra, hatramin’ny 22 aogositra, ho avy izao, izay maimaimpoana.Tsiahivina, fa hatao any Ifaty Toliara, ny asabotsy 24 aogositra, ny fifidianana. Tompondaka L’article Kitra – Fifidianana filohan’ny federasiona (FMF): vita ny antsapaka ho an’ireo kandidà 5 mirahalahy a été récupéré chez Newsmada.

Ianabinda Betroka: dahalo iray matin’ny fokonolona

Dahalo miisa enina indray nanafika sy nangalatra omby roa vala tao amin’ny fokontany Fenoarivo, kaominina ambanivohitr’i Ianabinda, distrikan’i Betroka, ny 11 aogositra 2019 misasakalina. Rehefa naheno koika na hazolava (antso vonjy) ny fokonolona iray tanàna dia samy nivoaka ny tranony ka nanao izay ho afany namaly ireo tifitra variraraka nataon’ny dahalo. Resy tosika ireo dahalo ka vaky nandositra niaraka tamin’ny omby miisa 25. Raikitra ny fifanenjehana ka niarafara tamin’ny fifandonana indray  izany, dahalo iray lavo ary tafaverina tamin’ny tompony ny omby raha mbola any am-pelatanan’ireo dahalo kosa ny omby miisa 11. Mbola manohy ny fanarahan-dia ireo fokonolona miaraka amin’ny zandary any an-toerana sy ny Usad. Tsapa fa tsy manaiky lembenana amin’ny asa ratsy ataon’ny dahalo intsony ireo vahoaka ao amin’ny distrikan’i Betroka. Manampy mivantana ireo mpitandro filaminana ny fokonolona ary ahitam-bokany toy izao izany.Jean ClaudeL’article Ianabinda Betroka: dahalo iray matin’ny fokonolona a été récupéré chez Newsmada.

Kitra – Fifidianana ho filohan’ny federasioana (FMF): maro ireo filohana ligy tsy manana hazon-damosina

Hiankina betsaka amin’ny feon’ny fieritreretan’ireo filohana ligy miisa 22, ny ho avin’ny baolina kitra malagasy. Ny tsikaritra, misy ireo mpitantana ligy sasany, tsy manana hazon-damosina, ka zary manara-drenirano fotsiny. Tsy mijoro amin’ny tena heviny fa izay alehan’ny sasany, handehanany. Ny hafa indray, sady mahay atsy no mahay aroa, izany hoe : tsy te ho ratsy amin’ireo kandidà. Toa lasa feno fihatsarambelatsihy, ny fihetsik’izy ireo.Raha ny lojika, tokony ho ligy fito sisa no hiadian’ireo kandidà dimy mifaninana satria ny kandidà tsirairay avy, efa samy nahazo filohana ligy telo avy, tamin’ny alalan’ny fanomezana “caution”. Araka ny heno anefa, “caution” fotsiny no nataon’izy ireo fa tsy hifidy io kandidà io. Toe-javatra mampihomehy sady mahamenatra, ny fomba toa izany raha toa ka tena mitombina. Ny latsa-bato miafina no hilaza, ny marina mikasika azy ireo. Tsiahivina fa hanomboka anio, ny “5 mn n’ny stade”, hanaovana ny fampielezan-kevitra, ao amin’ny RNM, ho an’ny kandidà tsirairay. Hisantatra izany, Rabekoto Raoul, arahin’i Mohamad Abdillah, ny talata ho avy izao ary Andriamiasasoa Doda, ny alarobia. Rasoamaromaka Hery, ny alakamisy ary Rakotomamonjy Neypatraiky, ny zoma. Tompondaka L’article Kitra – Fifidianana ho filohan’ny federasioana (FMF): maro ireo filohana ligy tsy manana hazon-damosina a été récupéré chez Newsmada.