ENTONA MANGEJA HAFANANA : Tompon’antoka ihany koa ny sehatry ny ala

News - ENTONA MANGEJA HAFANANA : Tompon’antoka ihany koa ny sehatry ny ala

News - ENTONA MANGEJA HAFANANA : Tompon’antoka ihany koa ny sehatry ny ala

Mamoaka entona mangeja hafanana (gaz à effet de serre) be indrindra eto Madagasikara ny sehatry ny ala. Anisany mahatonga izany ny doro tanety, ny fanapahana ny ala. Isan-taona dia manao tatitra momba ny fandrefesana ny entona mangeja hafanana ny firenena malagasy satria nankatoa ny  fifanarahana iraisam-pirenena momba ny fiovaovan’ny toetr’andro. Ho fanamafisana ny fahaiza-manaon’ireo teknisianina amin’ny fandrefesana ity entona ity eo amin’ny sehatry ny ala dia manatanteraka atrik’asa fampiofanana ny birao nasionaly mpandrindra ny REDD+ (BNC REDD+), eo ambany fiahian’ny ministeran’ny tontolo iainana sy ny fampandrosoana maharitra ao anatin’ny telo andro. Nanomboka omaly 16 aprily ary hifarana rahampitso 18 aprily 2019 izany. « Hatramin’izay efa nanao tatitra momba ny entona mangeja hafanana i Madagasikara. Mbola nahitàna tsy fahatomombanana anefa izany ka izany indrindra no tanjon’ity atrik’asa ity mba hanatsarana ny tatitra atao », hoy ny mpandrindra nasionaly ny BNC REDD+, Rakotosoa Andrianina nandritra ny fanokafana ny atrik’asa.

Tohana avy amin’ny fanjakana amerikanina  amin’ny alalan’ny USAID sy ny USFS ity fampiofanana ity. Ao anatin’ny fiofanana ny fampiasana ny rindram-baiko vaovao ALU, fandrefesana etona mangeja.  Raha ny fanazavan’ny tomponandraikitry ny BNC REDD+ hatrany dia ao anatin’ny fanatanterahana ny rohi-fiasa REDD+, miompana amin’ny fanalefahana ny fiovaovan’ny toetry ny andro amin’ny alalan’ny fanomezana tambiny ara-bola ireo ezaka fampihenana ny entona mangeja hafanana vokatry ny faharipahana sy ny fahasimban’ny ala ihany koa ity atrik’asa ity. Vokatry ny fiakaran’ny tahan’ny entona mangeja dia simba ny sosona ozonina ka izay no miteraka fiovaovan’ny toetry ny andro. Manoloana izany dia manana vina hampidina ny entona mangeja ho 14 isan-jato i Madagasikara.

Lynda A.

Cet article ENTONA MANGEJA HAFANANA : Tompon’antoka ihany koa ny sehatry ny ala est apparu en premier sur déliremadagascar.

Tontolo iainana

Zarao

Share this...
Share on Facebook
Facebook
Tweet about this on Twitter
Twitter

Vakio ihany koa

News - News Mada

Koweït: jiolahy iray tratra namboly rongony

Tra-tehaky ny zandarimaria avy ao amin’ny borigadin’i Sambava, ny asabotsy 27 jolay 2019 teo ny jiolahy iray raindahiny amin’ny fanaovana trafikana zava-mahadomelina. Monina ao Koweït fokontany Soavinandriana, kaominina ambonivohitr’i Sambava ity jiolahy izay voalaza fa mpamboly sy mpifoka ary mpivarotra rongony any amin’iny faritra iny, araka ny fampitam-baovao avy amin’ny zandary any an-toerana. Nandritra ny fisavana ny tranony dia nahitana rongony dimy fonosana sy rongony maniry sahabo ho zato fototra tany amin’ny saha famboleny izany. Nohamafisin’ny zandary fa jiolahy efa notadiavina hatry ny ela noho ny raharaha maro izy ity. Hatolotra ny fampanoavana izy aorian’ny famotoran’ny zandary.Jean ClaudeL’article Koweït: jiolahy iray tratra namboly rongony a été récupéré chez Newsmada.

News - News Mada

Kizo iray ao Analavory: vehivavy ny mpitahiry ny fitaovam-piadian’ireo dahalo

Dahalo valo mianadahy indray voasambotry ny zandary avy ao ami’ny poste avancé (PA) Analavory distrikan’i Miarinarivo, ny alarobia 17 jolay 2019 lasa teo ka vehivavy (mpitahiry  ny fitaovam-piadiana ampiasain’ireo dahalo, miaraka amin’ny odigasy) ny iray amin’izy ireo.Araka ny fampitam-baovao nampitain’ny zandary avy any an-toerana, fokontany roa (Kianjasoa sy Ankaranana) ao amin’ny kaominina Analavory no lasibatr’ireto dahalo miisa valo ka lasan’izy ireo tamin’izany ny omby miisa 30. Tsiahivina fa ny 8 jolay 2019 lasa teo, nahazo antso ny zandary miasa ao amin’ny Poste avancé Analavory fa misy dahalo manafika ao amin’ny fokontany Kianjasoa, kaominina Analavory ka omby miisa 10 no lasan’ireo malaso. Namonjy teny an-toerana avy hatrany ny zandary niaraka tamin’ny fokonolona ka tratra teo amin’ny kizo fiafenany ireo dahalo ka raikitra ny fifandonana. nitsoaka ireo malaso, navelany teo ny omby miisa enina fa ny efatra kosa efa novonoin’izy ireo. Ny 10 jolay lasa teo indray, naharay antso indray ny zandary fa misy dahalo manafika ao amin’ny fokontany Ankaranana Ambodimanga, misy dahalo manafika io tanàna. Lasan’ireo malaso tamin’izany ny omby miisa 20. Nametraka ny paikady rehetra ny zandary ka niroso tamin’ny fanarahan-dia. Natao ny sakana teo amin’ny kizo izay holalovan’izy ireo ary nampandrenesina koa ny zandary avy ao amin’ny poste avancé Ambalanirana.Olona telo nidoboka am-ponja noho ny FIB hosoka…Rehefa nahatazana ny zandary sy ny fokonolona teo amin’ny kizo niafenany ireo dahalo dia raikitra ny fifandonana. vokany, tsy nahatohitra ny zandary ireo malaso ka navelan’izy ireo ny omby miisa 20 ary dahalo iray tratra niaraka tamin’ny basim-borona calibre 12 vita gasy.Nandritra ny famotorana nataon’ny zandary tamin’ity dahalo ity no nahafahana nisambotra ireo namany fito ka vehivavy ny iray izay nambaran’ny zandary fa mitahiry ny fitaovam-piadiana sy mpitazona odigasy. Nohamafisin’ny zandary fa mipetraka eny amin’iny faritra iny ihany izy ireo. Nahitana basim-borona roa hafa kao niaraka tamin’ny bala miisa enina, lefona, odigasy maromaro tao anaty kizo, ankoatra ireo niambozonan’ireo malaso. Mandritra ny hetsika ataon’ny zandary any an-toerana momba ny fijerena ny taratasin’omby (FIB) eny an-tsenan’omby ao amin’ny distrikan’i Miarinarivo, notarihin’ny lehiben’ny vondron-tobim-pileovana Itasy, ny Kly Ralaikoa Armandin dia maro ireo taratasin’omby (FIB) hosoka ary olona telo no efa naiditra am-ponja ao Miarinarivo. Manentana hatrany ny zandary amin’ny fifanomezan-tanana amin’ny vahoaka mba hahafahana misoroka mialoha ny asan-dahalo toy izao.Jean ClaudeL’article Kizo iray ao Analavory: vehivavy ny mpitahiry ny fitaovam-piadian’ireo dahalo a été récupéré chez Newsmada.

News - News Mada

Fivorian’ny minisitra sy ny filohan’ny oniversite: hatomboka volana marsa avokoa ny taom-pianarana  

Hatomboka amin’ny volana marsa avokoa ny taom-pianarana ho an’ny oniversite enina eto Madagasikara, araka ny tapaka tao amin’ny fivorian’ny minisitry ny Fampianarana Ambony, profesora Richard Blanche Nirina sy ny filohan’ny oniversite enina, izay fanao isan-taona. Amin’izao fotoana izao, mbola mizotra ny taom-pianarana ka misy ny oniversite hamita ny taom-pianarana amin’ny desambra, ny sasany mety hiitatra hatramin’ny taona 2020. Toromarika nomen’ny minisitra ny tokony hisantarana ny taom-pianarana amin’ny fotoana iray. Mila mitovy koa ny fitantanana ny oniversite rehetra ka hampiasa ny comptabilité analytique ny tompon’andraikitra hampirindra ny kajy, hampifanaraka ny vola misy eo an-tanana sy ny asa hotanterahina. Hisy teknisianina havanana amin’ny fitantanam-bola hiara-kiasa amin’ireo tompon’andraikitry ny minisitera misahana ny vola. Napetraka ihany koa fa 1500 ora no tokony hataon’ny mpampianatra tsirairay, arakaraka ny asany fa misy ny fandaminana azo atao.Hojerena ny fanatanterahana ny fampanantenana Voaresaka tao anatin’ny fihaonana koa ny fitakian’ny mpampianatra mpikaroka eto Antananarivo (Seces). An-dalana avokoa ny antontan-taratasy ilaina min’ny fanatanterahana ny fampanantenana nataon’ny praiminisitra ka hanara-maso ny fivoaran’izany ny minisitera.Ho an’ny oniversiten’i Toamasina, efa vonona hanaraka ny toromarika amin’ny fitantanana mangarahara ny tompon’andraikitra, hoy ny fanazavan’ny filohany, i Zafitody Conscient.VonjyL’article Fivorian’ny minisitra sy ny filohan’ny oniversite: hatomboka volana marsa avokoa ny taom-pianarana   a été récupéré chez Newsmada.

News - Midi Madagasikara

Ambohimanambola : Lehilahy voahitsaky ny lamasinina, tapaka nipitika ny tongony

Loza mahatsiravina no nitranga tetsy Ambohimanambola ny sabotsy maraina teo. Lehilahy iray no voahitsaky ny lamasinina teny an-toerana. Potika sy ny nipitika mihitsy ny tongony. Tokony ho tamin’ny 10 ora sy sasany maraina teo no nitranga ny loza. Lehilahy iray izay variana natory teo amoron-dalana no voahosin’ny fiaran-dalamby nandalo teny amin’iny faritra Ambohimanambola iny. Raha ny fampitam-baovao azo avy amin’ireo mpitandro filaminana teny an-toerana dia hoe mamo io rangahy io, ny alin’io ary tafatory teo amin’io lalam-by io. Nihevitra angamba ranamana fa tsy misy fiaran-dalamby mandalo intsony toy ny ankabeazan’ireo lalam-by eto an-drenivohitra izy io, na efa tena diso tsy nahatsiaro tena intsony noho ny zava-mahadomelina nohanina ka tsy nahafantatra fa teo amina lalam-by izy no natory. Raha ny fanazavàna azo dia efa nanisy anjomara fanairana ilay fiaran-dalamby tamin’ny fotoana nandalovany. Iaraha-malala ihany koa fa sarotra ho an’ny fiaran-dalamby ny mijanona haingana raha sendra loza. Tamin’io fotoana io dia hitan’ilay mpitondra fiaran-dalamby ny lehilahy. Nanohy nampaneno ny anjomara hatramin’ny farany moa izy tamin’izany. Taitra ihany nony farany ilay lehilahy, saingy efa tara loatra. Raha afaka ny vatany dia ny tongony an-kavanana no taraiky, izay voatetin’ny kodiarana. Nandriaka ny rà. Tapaka tarangana mihitsy izany tongotra izany, hatreo amin’ny kitrony midina. Nitangorona ny fokonolona ary niezaka namonjy ity olona tra-doza ity. Voalaza moa teo fa nandray ny andraikiny ihany koa ilay mpitondra an’ilay lamasinina namonjy ilay lehilahy tapa-tongotra. Nalefa avy hatrany tany amin’ny toeram-pitsaboana ity farany ary efa nahazo ny fitsaboana sahaza azy. Nijery ifotony ny zava-nisy kosa ireo zandary misahana iny faritra iny, raha ireo pôlisy misahana manokana ny zotra an-dalamby no manatanteraka ny fanadihadiana. m.LL’article Ambohimanambola : Lehilahy voahitsaky ny lamasinina, tapaka nipitika ny tongony a été récupéré chez Midi Madagasikara.

News - News Mada

Isoanala – Betroka: trano fanamboarana basy sy basy telo saron’ny zandary

Ravan’ny zandary ny toerana fanamboarana basy ao kaominina ambanivohitr’Isoanala, distrikan’i Betroka, ny zoma lasa teo. Miray tsikombakomba amin’ireo dahalo ny mpanamboatra ireto fitaovam-piadiana ireto…Basy lava telo efa vita rafitra (iray efa vita sy basim-borona roa tsy misy taratasy) ary basy roa vao an-dalam-pandrafetana ary fanamboarana basy. Ireo ny fitaovana hitan’ny zandary avy ao amin’ny tobim-paritry ny zandarimariam-pirenena ao Isoanala, distrikan’i Betroka, ny zoma lasa teo. Araka ny fampitam-baovao avy amin’ny zandary, nahazo loharanom-baovao izy ireo fa misy olona atao hoe Rata mipetraka ao Ankoraoky, fokontany Lavalila, kaominina ambanivohitr’Isoanala, distrikan’i Betroka voalaza fa mpanamboatra sy mpivarotra basy ho an’ny dahalo. Nidina avy hatrany tany an-toerana ny zandary ka tratra tao avokoa ireo basy rehetra ireo. Nambaran’ny zandary fa tsy tao an-toerana ilay olona voalaza fa mpanamboatra basy fa ny rahalahiny no tratran’ny zandary tao an-trano.Basy Mas 36 iray koa azon’ny zandary tao Ambalamanakana distrikan’Ambositra, ny asabotsy vao mangiran-dratsy teo. Nahazo angom-baovao ny Kolonely kaomandin’ny vondron-tobim-pileovana fa hoe misy olon-dratsy mpiray tsikombakomba amin’ny dahalo mitazona basy mahery vaika ao Ambalamanaka. Nihazo ilay toerana avy hatrany ny zandary notarihin’ny lefitry ny kaompanian’ny zandarimaria Ambositra ka hita tao tokoa ny basy Mas 36 ora. Nogiazana avy hatrany ilay basy ary noraisim-potsiny ilay olona voarohirohy ho tompon’antoka tamin’ny fihazonana ity fitaovam-piadiana mahery vaika ity. Nohamafisin’ny zandary fa dimy izay ny basy mahery vaika tratra, tao anatin’ny telo herinandro teo.Jean ClaudeL’article Isoanala – Betroka: trano fanamboarana basy sy basy telo saron’ny zandary a été récupéré chez Newsmada.

News - News Mada

Holafitry ny mpitsabo: tsy mazoto  miasa any ambanivohitra ireo dokotera

4 500 ny isan’ny mpitsabo voasoratra ao anatin’ny Holafitry ny mpitsabo eto Madagasikara miparitaka manerana ny Nosy, 4 000 ireo miasa eto Analamanga. Misy anefa ny  olana  sedrain’izy ireo. « Ampy ny isan’ny mpitsabo fa ny fitsinjarana azy hisandrahaka amin’ny faritra rehetra no manahirana, indrindra ho an’ny any ambanivohitra saro-dalana », hoy ny filohan’ny holafitry ny mpitsabo, Andrianasolo Eric, omaly teny Anosy. Mbola maro rahateo ny toerana tsy mandry fahalemana ka tsy mazoto miasa any ny mpitsabo, vokatr’izay.Misandoka  ho  mpitsaboTsy vitsy noho izany ny olona misandoka ho mpitsabo amin’ny faritra lavitry ny tanàn-dehibe. Isan-taona, manodidina ny telo ireo tratra miaraka amin’ny porofo fa misandoka ho mpitsabo nefa tsy manana ny diplaoma sy ny fanamarinana momba ny asam-pitsaboana. Tokony hiezaka hanara-maso sy hitory ireny ny solontenan’ny holafitra isam-paritra hiarovana ny fahasalaman’ny vahoaka. Tsy tafiditra ao kosa ny mpitsabo nentim-paharazana izay manana lalàna mifehy azy manokana.Natokana ho an’ny Andron’ny mpitsabo eto Analamanga, ny omaly teny Anosy ka nizarana fitaovana « Application amin’ny Android » ho an’ny mpitsabo. Mivoatra hatrany ny fitsaboana ka zava-baovao (tao anatin’ny 10 taona farany) momba ny certificat médical, fanafody ary ny fomba fitsaboana no naparitaka amin’ny alalan’ny teknolojia vaovao ahafahan’ny mpitsabo manatsara ny asany.Hanangana vaomiera  manokana Nanamarika ny tompon’andraikitra ny minisiteran’ny Fahasalamana, nandritra ny hetsika teny Anosy fa hanangana cellule de crise hitantanana ny asa rehetra, ny fanaraha-maso ny fisorohana ny tsy hidiran’ny aretina Ebola eto Madagasikara. Miara-miasa amin’ny tompon’andraikitry ny fanaraha-maso ny sisin-tany sy ny seranana izy ireo. Nambaran’ny Sampandraharahan’ny Firenena mikamban momba ny fahasalamana fa hamehana ara-pahasalamana ny ady amin’ny aretina Ebola ka tokony handray fepetra ny firenena rehetra.Vonjy A.      L’article Holafitry ny mpitsabo: tsy mazoto  miasa any ambanivohitra ireo dokotera a été récupéré chez Newsmada.

News - News Mada

Atletisma – Fiadanantsoa Sidonie: fahombiazana avy hatrany ny fandraisana anjara voalohany

Sambany ho an’i Fiadanantsoa Sidonie ny fandraisana anjara amin’ny “Lalaon’ ny Nosy”, saingy izao nahazoany vokatra tsara izao sahady. Atleta vao misandratra manana hoavy mamiratra izy, araka izany, raha izao fivoarany izao. Tsahivina fa efa nifaninana tamin’ny “CJSOI” teo amin’ny sokajy « cadette”, ny taona 2016, i Sidonie ary nahazo medaly volamena. Isan’ireo atleta niatrika fiofanana tany Sina izy ka izao nioty vokatra tsara izao, tamin’ity andiany faha-10 ny “Lalaon’ny Nosy” ity. Efatra taona izay no nidiran’i Sidonie ao anatin’ny taranja atletisma. L’article Atletisma – Fiadanantsoa Sidonie: fahombiazana avy hatrany ny fandraisana anjara voalohany a été récupéré chez Newsmada.

News - News Mada

Tetikasa Kazan – EPQ: hahazo 5 hatramin’ny 25 tapitrisa ariary ireo mpandresy

Nisokatra, ny faran’ny volana jolay lasa teo ary haharitra hatramin’ny 14 aogositra izao, ny fametrahana ny antontan-taratasin’ireo maniry hifaninana amin’ilay fifaninanana « Prix de bonnes pratiques en éducation physique de qualité (EPQ). Tetikasa, nomena ny anarana hoe « Fanoitra », karakarain’ny minisiteran’ny Tanora sy ny fanatanjahantena, tafiditra indrindra anatin’ny famolavolana ilay Vinan’asa Kazan an’ny Unesco. Araka ny loharanom-baovao, hisitraka famatsiam-bola 5 hatramin’ny 25 tapitrisa ariary ireo mpifaninana mendrika ary hahazo ny anarana ho mpandray anjara mendriky ny EPQ ho amin’ity taona 2019 ity.Mariiana fa hatao ny 16 sy 20 aogositra izao ny fisafidianana ny antontan-taratasin’ireo mpandray anjara ka hamoahana izay dimy mendrika indrindra. Ny 23 aogositra izao kosa ny hamoahana ireo anarana ireo amin’ny fomba ofisialy.Misy ny fepetra tsy maintsy arahina ao anatin’ity fifaninanana ity ary azo jerena ao amin’ny tranonkalan’ny minisiteran’ny Tanora sy ny fanatanjahantena www.mjs.gov.mg izany. Eny amin’ny Akademia nasionaly ny fanatanjahantena na ny Complexe scolaire Ampefiloha, na eny amin’ny biraon’ny DRJS manerana ny Nosy, ny hahafahana manatitra ny antontan-taratasy hifaninana, afaka alefa amin’ny adiresy mailaka ihany koa anefa, araka ny fanazavana hatrany. Mi.RazL’article Tetikasa Kazan – EPQ: hahazo 5 hatramin’ny 25 tapitrisa ariary ireo mpandresy a été récupéré chez Newsmada.

News - News Mada

Taorian’ny nahafaty ilay ben’ny Tanàna: tsy tana ny ain’ilay CB-n’ny zandary voatifitry ny dahalo

Namoy ny ainy, omaly rehefa avy nialana nenina tao amin’ny hopitaly miaramila Soavinandriana (Homi), ny zandary prinsipaly kilasy ambony (GPHC) Solohery Narivelo, kaomandin’ny tobim-paritry ny zandarimariam-pirenena (CB) ao Befandriana Avaratra…Natao daholo ny ezaka rehetra nanavotana ity zandary ity tamin’ny fitsaboana azy noho ny ratra nandritra ny fanafihan-jiolahy nitranga tao Befandriana Avaratra, ny alin’ny 29 jolay lasa teo kanefa tsy avotra intsony ny ainy. Tsiahivina fa nodimandry ny 1 aogositra ilay ben’ny Tanànan’i Belalona Befandriana Avaratra izay voatifitra niaraka taminy tamin’io asan-jiolahy io. Ny talata tolakandro teo no nigadona ao Befandriana Avaratra ny fatin’ny ben’ny Tanàna izay voatifitra niaraka tamin’ny CB-n’ny zandary. Ny alatsinainy 29 jolay alina no nitrangan’ny fanafihana teratany sinoa mpandraharaha ka tamin’izany no nahavoatifitra ilay ben’ny Tanàna tompon-trano nofain’ireto teratany sinoa ireto. Lasan’ireo mpanafika tamin’izany ny vola mitentina 60 tapitrisa Ar. Nahazo antso ny zandary avy ao amin’ny borigady ka nidina haingana teny an-toerana. Ny CB-n’ny zandary no nitarika izany, niafara tamin’ny tifitra nahazo azy. Jiolahy iray lavo nandritra ny fanafihana raha efa nisy iray kosa tratra niaraka tamin’ireo ambim-bola anjarany. Nanamafy ny zandary fa mitohy ny fikarohana ny naman’ilay jiolahy tompon’antoka tamin’izao nahafaty ny CB sy ny ben’ny Tanàna izao.Jean ClaudeL’article Taorian’ny nahafaty ilay ben’ny Tanàna: tsy tana ny ain’ilay CB-n’ny zandary voatifitry ny dahalo a été récupéré chez Newsmada.

News - News Mada

Fihariana: misy ny vahaolana hoan’ ny fambolena

“Azo atao tsara ny mamerina ireo avy any ambanivohitra mibosesika an-tanan-dehibe. Anisan’ny olana sy mahakivy azy ireo ny hakelin’ny vokatra miakatra. Nanao fikarohana sy vahaolana amin’izany izahay ka anisan’izany ny zezika”, hoy ny tompon’andraikitra eo anivon’ny Zezika Malagasy (Zezima),  Ramangalahy Eric. Nanteriny fa mampitombo betsaka ny vokatra vokarina ny fampiasana izany ary efa maro ireo tantsaha resy lahatra ka mampiasa izany amin’izao fotoana izao. “Mamelona indray ny nofon-tany izy io ary miady amin’ny nofon-tany efa vizaky ny zezika simika. Tsy mifidy voly ary natoraly tanteraka”, hoy ihany izy. Efa nandalo fitiliana sy andrana samihafa ary efa nankatoavin’ny minisiteran’ny Fambolena.Nampitombo ny vokatra miakatra… Tsy vitan’izany fa efa voatsirika ny akora nanamboarana azy, toy ny zezim-pahitra sy ny fako ary ireo singa mandrafitra izany. “Nahazoana tombony betsaka ny voka-bary sy ny legioma nampiasana azy io nefa kely fotsiny ny fatra ampiasana amin’izany. Mampitombo ny vokatra rahateo ny fampiasana azy ary afaka mifangaro amin’ny zezika hafa koa”, hoy ihany izy. Nanomboka ny taona 2006 ny nihodinan’ny orinasa.  Manome asa ho an’ny olona miisa 35 izy ireo  ary Malagasy avokoa. Mamokatra 25 t isan-kerinandro eo izy ireo ary efa misy ny vokatra raisin’ny minisiteran’ny Fambolena manokana. Natao anaty fonosana 25 kg izany mba ho mora ny mitondra azy ary mba ho zakan’ny fahefa-mividin’ny mpamboly sy ny tantsaha.Synèse R. L’article Fihariana: misy ny vahaolana hoan’ ny fambolena a été récupéré chez Newsmada.

Malaza androany

Notsongaina

Halatra fiara

Natao famotorana tamina raharaha halatra fiara niseho teny Masindray Avaradrano, ny zoma lasa teo, ny olona miisa fito. Nandrava an’ilay fiara tsy mataho-dalana sy naka ny kojakoja teo amin’io fiara io ny lehilahy iray. Niray tsikombakomba taminy sy nividy ny entana halatra ny olona enina ambiny. Fantatra fa mpamilin’ ilay fiara lasibatra ihany ity nandrava sy nangalatra ity. L’article Halatra fiara est apparu en premier sur AoRaha.

Fibatana fonjamby: nanome 8 tapitrisa ariary ny Minisitra mpiahy

Taorian’ny vokatra tsara nentin’ireo mpibata fonjamby malagasy avy any Maorisy, nandritra ny lalaon’ny Nosy, nanome fankasitrahana azy ireo, ireo Minisitra mpiahy, avy eo anivon’ny Minisiteran’ny fahasalamam-bahoaka sy ny Minisiteran’ny asa sy ny fampananan’asa ary ny lalana sosialy, omaly. Vola mitentina 10 tapitrisa ariary no natolotra azy ireo nandritra izany. Nanambara Andriamatoa Minisitra, fa ny taranja fibatana fonjamby no tena nitondra an’i Madagasikara ho eo amin’ny laharana faharoa, ka izany indrindra no anton’izao fihetsika feno fankasitrahana izao. Sady nanandratra avo ny fanevam-pirenena izy ireo no nahatanteraka ny voady nataony, talohan’ny nialana teto an-tanindrazana dia ny hitondra vokatra tsara. Mbola vonona hatrany moa ny Minisiteran’ny fahasalamam-bahoaka hanohana ny mpanao fanatanjahantena malagasy, indrindra ireo manao ny ainy tsy ho zavatra ho fiarovana sy fitondrana avo ny voninahi-pirenena. Mi.RazL’article Fibatana fonjamby: nanome 8 tapitrisa ariary ny Minisitra mpiahy a été récupéré chez Newsmada.

Famoronana asa : fanjairana akanjon-dehilahy

Sehatrasa tena vitsy mpila ny fanjairana akanjon-dehilahy. Tanàn-dehibe Ambatondrazaka, nefa sarotra ny mahita olona manjaitra pataloha. Any amin’ny 12 km, vohitra tsy ao anatin’ny kaominina renivohitra akory vao mahita lehilahy manaiky manao izany asa izany !  “Ny fitobahan’ny lamba tonta na friperies no mahatonga izao”, hoy ny mpanajary akanjo efa nampiasaina ( retaillage). Mora lavitra no ho ny mividy ravin-damba sy manarama mpanjaitra tokoa ny vidin’ny  akanjo tonta. Ary feno misavovona, ity karazam-pitafiana tokoa ny efitrano fiasan’ity rangahy mpanao retaillage. Fa velon-taraina koa ireo mivarotra akanjo vaovao “zaitra an-tsena”. Manahirana ny tantsaha tambanivohitra   izany hiakanjo fitafiana efa nipetaka tamina hoditr’olona hafa izany. Ka dia izy ireny no tena mpanjifa mavitrika ny “zaitra an-tsena”. Saingy ankehitriny…efa mirona any amin’ny fripy koa izy ireny : maro isafidianana  sy be haingony ireo avy any Sina ka mahasarika.Vokany : saika tsy misy mihodina intsony ireo orinasa mpanenona lamba, namelona tokantrano maro.. Ireo foibe manofana ho mpanjaitra koa moa,  toa ny akanjom-behivavy  fentina mianjaika ny betsaka .Fanamby lehiben’ny mpitondra, hisian’ny fandrosoana, ny famoronana asa. Angamba rehefa  mihatsara ny fahefa-mividin’ny Malagasy, hiverina  hividy ravin-damba sy hampanjaitra indray izy… Dia ho afaka hitrena, toy ny Barea,  indray ny  Sotema, ny Cotona… RarivoL’article Famoronana asa : fanjairana akanjon-dehilahy a été récupéré chez Newsmada.

Sehatra bagasy: hanazava ny feo faharoa i Lidy

Ankoatra ny maha mpitsabo azy, mpihira anisan’ny tsy zovina amin’ny mpitia zavakanto, indrindra fa ny kalon’ny fahiny sy ny hiran’ny omaly, i Lidy ao amin’ny tarika R’Imbosa. Hizara izay traikefa matanjaka ananany izy, rahampitso, manomboka amin’ny 3 ora tolakandro, ao amin’ny IKM Antsahavola. Amin’ny ankapobeny, hizara telo ny fandaharam-potoana amin’io. Ny tantarany sy ny fivoaran’ny feo faharoa bagasy. Ny fomba fihira feo faharoa manaraka ny ngadona sy kolontsaina malagasy. Ny tombontsoan’ny fisian’ny hira marobe an-kapila voaangona sy ny fahafantarana ireo andrarezin’ny feo faharoa, tao anatiny sy ivelan’ny teatra malagasy.Raha ny fikarohana nataon’ity andrarezin’ny feo faharoa ity, roa ny anjara toerana lehibe tazonin’ny feo faharoa. Izy no manaraka ny feo voalohany amin’ny filantoan’ny hira. Manaingo ny hira ihany koa ny feo faharoa na ny « feon’ny fihetseham-po ». Anjara fahatelo raisiny ny hamoahan’ny mpihira ny angolan-kira izay miseho amin’ny endrika maromaro tsy voatery ho voasoratra anaty solfa.HaRy Razafindrakoto L’article Sehatra bagasy: hanazava ny feo faharoa i Lidy a été récupéré chez Newsmada.

Me Razafinjatovo Willy: “Mila manana depiote izay ho lehiben’ny mpanohitra”

Mbola resabe hatramin’izao ny momba ny ho mpanohitra. Nitondra ny heviny momba  izany ny mpahay lalàna, ny Me Razafinjatovo Willy.“Raha ohatra ka tena mpanohitra tokoa ilay olona, voasoratra sy eken’ny eny amin’ny minisiteran’ny Atitany: tsy maintsy mba manana solombavambahoaka eny amin’ny Antenimierampirenena afa-midinika sy manohitra tokoa izy.” Izay ny fanehoan-kevitry ny mpahay lalàna, ny Me Razafinjatovo Willy, ny amin’izay ho lehiben’ny mpanohitra eny anivon’ny Antenimierampirenena.Raha ety ivelany ny tena ka hisoratra fotsiny eny amin’ny minisiteran’ny Atitany hoe mpanohitra sy mahazo taratasy ny amin’izany: tsy izy izay, satria afa-manao an’izay avokoa io olona rehetra amin’ny elakelaka-trano. Na mpivarotra izy, na mpisolovava, na mpiandry omby… Lasa mpanohitra avokoa izany izay misoratra sy mahazo taratasy ny amin’izany, nefa tsy manana solombavambahoaka na iray aza ao amin’ny Antenimierampirenena. Tsy izay satria afa-manao izay avokoa ny rehetra.Farafaharatsiny, ny lojika tokony hapetraka: tsy maintsy mba manana solombavambahoaka izy vao afa-kiteny sy manana ny toeran’ny mpanohitra ao amin’ny Antenimierampirenena. Inona no hataon’ny hoe mpanohitra ao amin’ny Antenimierampirenena raha tsy manana solombavambahoaka izy?Na izay aza ny fanehoan-kevitry ny mpahay lalàna toy izany, ohatra: anisan’ny olana fototra amin’ny fametrahana izay ho lehiben’ny mpanohitra eny anivon’ny Antenimierampirenena ny tsy fisian’ny didy fampiharana ny amin’izany. Mandra-pahoviana?R.Nd. L’article Me Razafinjatovo Willy: “Mila manana depiote izay ho lehiben’ny mpanohitra” a été récupéré chez Newsmada.

Ady totohondry: nahazo medaly miisa telo ny mpikatroka malagasy

Anisan’ireo taranja tsy niveri-maina ny ady totohondry satria nandrombaka medaly volamena  ihany koa. Nampitolagaga ny nanatrika ny zava-bitan’ireo mpikatroka malagasy.Nihofahofa indray ny saina sy ny hiram-pirenena malagasy, omaly, taty amin’ny Centre national Vacoas, Maorisy, ho an’ny taranja ady totohondry. Nandrombaka medaly volamena indray mantsy ny atletantsika, teo amin’ny latsaky ny 52 kilao, satria lavon’i Marco Jérôme, tamin’ny alalan’ny KO, teo amin’ny fidirana faharoa, ilay Maorisianina, i Bactora Gilbert. Niady ny fihaonan’izy mirahalahy ireto, nanampy tosika mafy ity solontenany ity ireo mpijery sy mpanohana ny tompon-trano, saingy tsy nampihetsi-bolo sy nampitahotra an’i Marco Jérôme izany fa vao mainka nanome hery azy aza. Vao nanomboka kely ny fidirana faharoa, nanomboka nivoa-dri teo amin’ny tatamason’ity Maorisiana ity, rehefa voan’ny totohondry nipetapetaka teny amin’ny tarehiny. Nifehy ny ady, nanomboka teo, i Marco ary tsy namelany raha tsy nianjera tamin’ny tany ny mpifanandrina taminy. Natsahatry ny mpitsara ny ady rehefa avy nisaina ilay Maorisianina ka nambara fa tompondaka ny Malagasy. Ankilany, nanao ny tsy nambinina ihany i Heriniaina Nomenjanahary (48kg), izay lavona teratany maorisianina, i Beedasse, teo amin’ny lalao famaranana. Na izany aza, mendrika ny zava-bitan’ity Malagasy ity, izay somary betsaka ihany ny tsindry nahazo azy nanoloana ireo mijery nihorakoraka sy ny fanapahan-kevitry ny mpitsara. Miarintsoa.Raz L’article Ady totohondry: nahazo medaly miisa telo ny mpikatroka malagasy a été récupéré chez Newsmada.

CC Esca: afa-po ireo nankafy ny kalon’i Naly Rakotofiringa

Mipetraka ho fahatsiarovana tsy hay hofafana ny fampisehoana, omaly tolakandro tetsy amin’ny CC Esca Antanimena, ho an’ireo marobe tonga nankafy izany. Nahafa-po ny hetsika, ary tsy fahita firy fa sady namelombelona ny lasa no nanome voninahitra manokana ny hakanton’ny hira fahiny.Nomen-danja manokana, nandritra ny ora telo, ireo sanganasan’i Naly Rakotofiringa, mpamoron-kira, havanana tamin’ny fitendrena piano, fanta-daza, tany amin’ny taona 50 tany. “Mba tsiditsidiho”, “Mariazy”, “Toera-manirery”, “Ny vady”, santionany amin’ireo hira nahafantarana azy ary naverina nanakoako tetsy amin’ny CC Esca. Ifandovan’ny taranaka mifandimby ny fankafizana ny hiran’i Naly Rakotofiringa. Porofon’izany ny fahamaroan’ny tanora tonga teny an-toerana. Hain’ireo mpanakanto tanora  ny  mamelona indray ireny kalon’ny fahiny ireny.Nanaporofo izany ry Gothlieb, Nanie, Luk, Lily ary i Mirana (Ry Kala Vazo), nampian’i Salomon sy i Lilie ary i Zozo. Mbola voatazon’izy ireo ny mahakalon’ny fahiny ny hira.Landy R.  L’article CC Esca: afa-po ireo nankafy ny kalon’i Naly Rakotofiringa a été récupéré chez Newsmada.

Antafia-Maevatanana: natsahatra ny fitrandrahana volamena

Nidina tany amin’ny fokontany Antafia, any Maevatanana ny ao amin’ny minisiteran’ny Harena an-kibon’ny tany. Hita tamin’izany ny mbola fanohizana fitrandrahana volamena ao anatin’ny faritry ny orinasa Kraoma ataon’ny Sinoa, ka nanapa-kevitra ny minisitera nampitsahatra izany fitrandrahana izany. Nogiazana ny fitaovana nampiasaina tamin’izany. Nanazava ny minisitra , Ravokatra Fidiniavo fa efa tapitra tamin’ny novambra 2018 ny fe-potoana fifanarahana teo amin’ny orinasa Kraomita Malagasy sy ireo Sinoa mpitrandraka volamena ireo, nefa mbola notohizana ihany. Nampiasa akora simika izy ireo, toy ny mercure lasa mandoto rano, manimba ny tontolo iainana, ka miteraka fiantraikany ratsy ao amin’ny fahasalaman’ny mponina manodidina.Betsaka ny fitrandrahana tsy ara-dalàna any amin’iny faritra iny, mampifandray an’Alaotra sy Betsiboka, indrindra momba ny fitrandrahana volamena. Olon-tsotra mandeha irery, mifanaraka amin’ny mpanangom-bokatra mandeha irery ihany koa. Samy tsy misy tambiny izany ho an’ny kaominina sy ny fanjakana foibe. Ankoatra izay, olana lehibe ny fidiran’ny hafa mitrandraka ao amin’ny faritry ny orinasa Kraomita Malagasy, izay orinasam-panjakana.  Betsaka ny tatitra tsy tonga momba izany any amin’ny Anor (Agence nationale de l’or) ka zary fatiantoka goavana ho an’ny fanjakana. R.MathieuL’article Antafia-Maevatanana: natsahatra ny fitrandrahana volamena a été récupéré chez Newsmada.

Fampandrian-tany any Atsimo :: Nandà tsy nandray enimpolo tapitrisa ariary ny lietnàn’ny Tafika iray

Misy lehilahy manodidina ny dimy arivo voalaza fa dahalo niova fo, ao Esira, no arahi-maso akaiky amin’izao fotoana izao, araka ny nolazain’ny jeneraly Andriamasimanana William Michel, Kaomandin’ireo Tafika mampandry tany any Atsimo na ny “Zrps Alpha”. “Misy mitady hifampiraharaha amin’ireo Tafika ny dahalo”, hoy izy. “Nolavin’ny lietna iray anefa ny fanambazana azy vola enimpolo tapitrisa ariary avy amin’ireo dahalo ka deraiko manokana io manamboninahitra io”, hoy hatrany ilay manamboninahitra. Ankoatra izay, voalazan’ny loharanom-baovao iray hafa ny amin’ny fakan’ireo Tafika ny ombin’olona miisa efatra amby fitpolo sy dimanjato nogiazin’izy ireo fa tsy natolony ny mpitandro filaminana manao ny famotorana, tany Ambahikily-Morombe, tamin’ny 29 jolay lasa teo. “Tsy anjaran’ny Tafika ny migeja sy mamerina ireo omby halatra tra-tehaka mandritra ireo hetsika atao. Misy ny vaomiera manokana manao izany. Antsoina ireo tompon’omby mba hitondra ny taratasy mazava an’ireo omby mba hanatona ilay vaomiera”, hoy ity jeneraly ity. L’article Fampandrian-tany any Atsimo :: Nandà tsy nandray enimpolo tapitrisa ariary ny lietnàn’ny Tafika iray est apparu en premier sur AoRaha.

Fitondrana tsara tantana: fokontany fahafolo iasana Anosibe Andrefana II

Fokontany fahafolo hanatanterahan’ny Conseil de developpment d’Andohatapenaka (CDA) fampiroboroboana ny fitondrana tsara tantana ny fokontany Anosibe Andrefana II. Tanjon’ny tetikasa ny fampandraisana anjaran’ny olom-pirenena ho an’ny asa rehetra ao anatin’ny fokontany misy azy. Anisany ny fanadiovana ny tanàna, ny fanentanana hanefa ny adidy hifidy, ny fanefana ireo adidy eo anivon’ny fokontany, araka ny fanazavan’ny tomponandraikitry ny tetikasa ao amin’ny CDA, Rabarison Ny Ranto, omaly. Sahanasa maromaro ny hotanterahina ao anatin’ny fokontany. Fanentanana miankina amin’ny lohahevitra nosafidin’ny mponina: fahadiovana sy fidiovana. Fanofanana ny andrimasom-paritra momba ny andraikitry ny olom-boafidy sy ny solontenam-panjakana. Asa lehibe koa ny fametrahana ny sehatra ifanakalozan’ny mpitondra sy ny mponina hivoahan’ny hetahetan’ny vahoaka. Manampy ireo ny fisian’ny tahiry ahafahana manao fotodrafitrasa hanatsarana ny fiainan’ny mponina. Mikarakara fifaninanana ho an’ny fokontany folo mpiara-miasa hamolavola tetikasa misy fiantraikany amin’ny fiarahamonina ny tetikasa. Hatrany amin’ny 6 tapitrisa Ar ny loka azon’ny mpandresy.30 taona mahery niasana eo amin’ny fokontanin’Andohatapenaka sy ny manodidina ny CDA. Tsapa ny fiovana eo amin’ny fifandraisan’ny vahoaka sy ny mpitantana ny fokontany. Nahitana taratra ny fivoarana koa ny fahadiovana ary tsy malaina manefa latsakemboka amin’ny RF2 izy ireo. Mpanohana ny tetikasa ny Développement et paix Canada. Ho an’ny fokontany Anosibe Andrefana II, 2 034 ny tokantrano hisitraka tombontsoa mivantana amin’ny tetikasa.Vonjy A.L’article Fitondrana tsara tantana: fokontany fahafolo iasana Anosibe Andrefana II a été récupéré chez Newsmada.

Zaza nalaina an-keriny

Votsotra teny am-pelan-tanan’ ireo jiolahy, omaly maraina ilay zazavavikely, enin-taona, nisy naka an-keriny, tany Ambodirano Amparafaravola, andro vitsy lasa izay. Voalaza fa nisy ny fanomezana vola an’ireo mpaka an-keriny izay mitentina roapolo tapitrisa ariary. Manohy ny fanadihadiana sy ny fikarohana azy ireo kosa ny mpitandro filaminana. L’article Zaza nalaina an-keriny est apparu en premier sur AoRaha.

Minisitra A. Hajo: « Mila zavatra maharitra isika »

Amin’ny lafiny  rehetra fa tsy fanatanjahantena  ihany. Norasin’ny minisitra mpiahy, Andrianainarivelo Hajo, afakomaly tetsy Anosy, ny Makis, nibata ny medaly volamena tamin’ny “Lalaon’ny Nosy” tatsy Maorisy. Naneho fahavononana ny hanohana ny ekipam-pirenena ho an’ny taranja rugby ny tenany.  « Hamafisina hatrany ny fiahiana sy ny fanohanana ity taranja ity. Betsaka ny sehatra tokony hifanampiana sy ny tokony handehananareo. Ny antsika, zavatra maharitra fa tsy vonjy tavanandro ny atao… Hiezaka mba tsy ho fitaovana hihorakoraka fotsiny ny bandy kely. Misaotra anareo nampiseho fiezahana na fandraisana anjara voalohany aza nefa niambozona ny medaly volamena avy hatrany », hoy ny minisitra. Maniry ny tenany mba ho volamena hatrany isaky ny “Lalaon’ny Nosy” ka anisan’izany ny hatao any Maldives.Nampihetsika ny hambom-poNanteriny fa efa voalohany isika sy ny firenentsika ka tokony hiezaka ny ho voalohany ary hotazonina hatrany izany… « Tena nampiakatra avo ny hambom-pom-pirenena  ary voaporofo fa mahavita zavatra ny tanora », hoy ihany izy. Nambaran’ny filohan’ny Malagasy rugby, Rakotomalala Marcel, kosa fa vao dingana voalohany ihany iny. Hiezaka ny hitondra avo hatrany ny voninahitry ny firenena izy ireo. « Efa manana fahaiza-manao ireo mpilalaontsika ary hiatrika ny “Jeux africain” sy handeha amin’ny “Lalao Olympika” ary koa miomana amin’ny tompondakan’i Afrika sady fifanintsanana amin’ny fiadiana ny amboara eran-tany”, hoy izy. Nanolotra fanampiana ho azy ireo ny ministra mpiahy taorian’izany.Synèse R. L’article Minisitra A. Hajo: « Mila zavatra maharitra isika » a été récupéré chez Newsmada.