Capitaine de Vaisseau, GA Jacquy Honoré: « Ilaina ny fanamafisana ny fampiofanana eto an-toerana”

News - Capitaine de Vaisseau, GA Jacquy Honoré: « Ilaina ny fanamafisana ny fampiofanana eto an-toerana”

News - Capitaine de Vaisseau, GA Jacquy Honoré: « Ilaina ny fanamafisana ny fampiofanana eto an-toerana”

“Tafiditra ao anatin’ny
torolalana fanovan-drafitra avy amin’ny minisiteran’ny
Fiarovam-pirenena sy ny Etamazaoron’ny Tafika ny fisian’ny
ivontoeram-piofanana an-dranomasina izay fomba iray ahafahana
manatsara ny fahaiza-manao sy traikefa ananan’ny tantsambo
miaramila hahatonga azy ireo ho matihanina tanteraka”, hoy ny
lehiben’ny Etamazaoron’ny Tafika an-dranomasina, ny capitaine de
vaisseau, ny GA Jacquy Honoré, nandritra ny fankalazana ny
andron’ny mpitantan-draharaha arovan’ny masindahy Martin, ny
fitantanan-draharaha eo anivon’ny Tafika malagasy, ny zoma teo tao
Mahajanga. Nohamafisin’ity manamboninahitra ity fa fotoana izao
hanamafisana ny fampiofanana vita eto an-toerana tsy hiankinana
amin’ireo sekoly avy ivelany tahaka ny teo aloha. Efa misy 11 ireo
tantsambo miaramila manaraka ny fiofanana ao ahazoana
mari-pahaizana BAT Machine “Brevet d’aptitude technique” ary
hisantarana amin’ny fomba ofisialy ity ivontoeram-piofanana ity
ireo tovolahy voaantso hanohy asa miaramila ao amin’ny Tafika
an-dranomasina miisa 200, ny faran’ny volana ho avy izao. Ankoatra
ny Semipi, nahazo ny anjara fanomezana ho azy ny
ivontoeram-piofanan’ny Tafika an-dranomasina ka ny lehiben’ny
“direction central du commissariat des armées”, ny amiraly Assany
Bemarivo Jeannot, ny nanolotra izany amin’ny tompon’andraikitry ny
ivontoerana, ny lieutenant de vaisseau, i Anahy Zafinirandra Edson
Claudino.

Jean Claude

Article tiré de Newsmada

L’article Capitaine de Vaisseau, GA Jacquy Honoré: « Ilaina ny fanamafisana ny fampiofanana eto an-toerana” a été récupéré chez Newsmada.

Nivoaka tamin'ny : 18/11/2020

Zarao

Share this...
Share on Facebook
Facebook
Tweet about this on Twitter
Twitter

Vakio ihany koa

News - News Mada

Noho ny Covid-19: nofoanana ny fampisehoana

 Mbola eo ihany ny valanaretina covid-19! Nisy nikarakara fampisehoana nakàna mpanakanto malaza, tao Manakambahiny-Andrefana, Disitrikan’Ambatondrazaka. Nokasaina hotanterahina ny alahady 25 oktobra teo izany. Anisan’ny tarika nokasaina hiseho tamin’izany ny tarika Jean Aimé. Raha ny fantatra, efa voafandrika  mialoha ireo mpisehatra. Ny 20 oktobra, nandefa taratasy fanakanana ny hanatanterahana izany fapisehoana izany ny ao amin’ny Fitaleavam-paritry ny Fahasalamana.Ny 22 oktobra io rafitry ny minisiteran’ny fahasalamana io no nanao tatitra tao amin’ny Radio iray ao Ambatondrazaka fa ny disitrikan’Anosibe an’Ala sy ny Andilamena no tsy ahitàna olona voamarina fa mitondra Covid-19. Nanantena ireo nikarakara fampisehoana fa mba hisy fihatsaràna ny toe-javatra, kanjo tao Manakambahiny-Andrefana mihitsy no nisy tratran’ny covid-19 miisa telo sy tranga mampiahiahy 16! Nofoanana ilay fampisehoana… Samy mbola tokony hanao arovava sy orona avokoa ny aty Ambatondrazaka.RarivoL’article Noho ny Covid-19: nofoanana ny fampisehoana a été récupéré chez Newsmada.

News - Ao Raha

Valanaretina sy fiarenana :: Manamafy ny tsirim-panantenana amin’ny faran’ny volana ny Filoha

Kihon-dalana amin’ny ady atrehin’i Madagaikara amin’ny ady amin’ny valanaretina Covid-19 sy ny ho avy fohy ezaky ny fanarenana aratoekarena ny telo herinandro manaraka amin’ity volana aogositra ity. Nohamafisin’ny Filohan’ny Repoblika, Rajoelina Andry, tany Fianarantsoa, omaly, fa andrasana hatramin’ny faran’ny volana izao ny fidinan’ny tarehimarika momba an’ireo olona vaovao voan’ny Covid-19 eto amintsika. « Aorian’izany no hiompanantsika amin’ny lafiny toekarena », hoy izy. Toy ny efa manome ny ho votoatin’ny ny fanapahan-kevitra horaisin’ ny fanjakana manaraka, izany tenin’ny Filoha izany. Manafatrafatra fatratra amin’ny rehetra mba hiaro tena sy hitandrina mafy ho fifehezana ny fihanaky ny valanaretina Covid-19 foana anefa izy ary indrindra ny fanamafisana ny fiarovana amin’ny alalan’ny tambavy Covid-Organics na CVO. « Zava-dehibe ny fisotroana ny tambavy CVO hisorohana ny mety ho fitomboan’ireo tranga misy fahasarotana amin’ireo marary mety hitondra ny tsimok’aretina. Tsy maintsy miahy anareo izahay ary porofon’izany izao fitondrana fanampiana hiatrehana ny krizy ara-pahasalamana izao », hoy ihany izy. Tonga nijery ifotony ny fizaràna ny vatsy tsinjo, andiany faharoa, tany Fianarantsoa sy Toliary ny Filoha mivady, omaly, hatramin’ny hariva. Nitondra fa nampiana hoan’ireo toeram-pitsaboana fototra faharoa (CSB II) tany an-toerana ihany koa izy ireo, toy ny milina manampy ny taovam-pisefoana miisa folo sy fanafody fitsaboana ny valanaretina Covid-19 ho an’ny CSB II ao Androva, Ankifafa, Manaotsara ary Mahazengy. Fanohanan’ny Filoha Noentanina manokana ireo vahoaka miahiahy amin’ny toe-pahasalamany mba hanatona avy hatrany ny toerampitsaboana, mba hahafahana mitsabo haingana ny aretina. Omaly hariva ihany ny Filoham-pirenena mivady no nihazo an’i Toliara ka nizara fanampiana avy hatrany tao amin’ny kianja Don Bosco sy ny kianja Tsimenatse ary tao amin’ny tanànan’ireo mpanjono vezo, tao Ankilibe. Nizara takamoa maimaimpoana ho an’ireo tokantrano sahirana miisa eninjato ny fikambanana Fitia, tarihin-dRajoelina Mialy, tamin’ity fotoana ity. L’article Valanaretina sy fiarenana :: Manamafy ny tsirim-panantenana amin’ny faran’ny volana ny Filoha est apparu en premier sur AoRaha.

News - News Mada

Minisitra Blanche Nirina Richard: “Hojerena ireo tsy tafita eny amin’ny oniversite”

Tontosa, omaly, ny famindram-pitantanana teo amin’ny minisitra teo aloha, i Rejo-Fienena Felicitée,  sy ny vaovao hisahana ny minisiteran’ny Fampianarana ambony, i Blanche Nirina Richard. Tahaka izany koa ny teo anivon’ny minisiteran’ny Fanabeazam-pirenena.“50%-n’ireo tanora afaka bakalorea anefa, tsy tafita eny amin’ny oniversite. Tsy maintsy hojerena ny hoavin’izy ireo hitovian’ny tanora malagasy sy ny zana-bahoaka. Tsy maintsy misy ny fanaraha-maso sy ny fizohiana amin’ny asa rehetra atao… Omena hasina ireo mendrika eo amin’ny andraikitra”, hoy ny minisitra vaovao, i Blanche Nirina Richard, omaly tetsy Fiadanana tamin’ny lahateniny, raha vao nandray ny fitantanana. Nanteriny fa hapetraka ny toko telo: fiaraha-miasan’ny mpampianatra mpikaroka sy ny mpandraharaha ary ny mpianatra. Ilaina ny kalitaon’ny fampianarana ary hotanterahina ao anatin’ny fitoniana ny asa rehetra. “Hanampy sy hanohana eo amin’ny fampitaovana ny fanjakana hanatrarana ny fanamby”, hoy ihany izy. Notsiahivin’ny minisitra teo aloha kosa ny dingana vita. Anisan’izany ny ady atao amin’ny kolikoly sy ny hosoka eo amin’ny diplaoma. Ny fametrahana ny oniversite manakaiky vahoaka, ny nametrahana ny sehatra ifanakaozan-kevitra, ny famahana ny olan’ny vatsim-pianaranana…Hamaky ady amin’ny kolikolyVita koa ny famindram-pitantanana teo amin’ny minisitra vonjimaika, i Rejo-Fienena Felicitée, sy ny ministra teo aloha ny Fanabeazam-pirenena, naverina amin’ny toerany, i Volahaingo Marie Thèrese. Nanteriny fa hanohy sy hanatsarana ary hanatratra ny tanjon’ny minisitera miainga amin’ny veliranon’ny filoha ny tenany. Anisan’ny laharam-pahamehana ny fanatontosana ny fanadinana, tsy misy hadisoana. Ny fanorenana trano sekoly EPP sy CEG ary lycée… “Ho lavitry ny kolikoly izany fanamboarana izany…”, hoy izy. Hapetraka ny vaomiera hifantina ireo fampidiranam-piasam-panjakana, tsy misy kolikoly… Hohafainganina ka haloa mialoha ny fotoam-pialan-tsasatra ny volan’ny mpampianatra Fram. “Miantso ny tsy miankina sy ny teknisianina ary ny mpamatsy vola hifandinika handrindrana ny PSE ho amin’ny fanatsarana ny fanabeazana”, hoy izy.Synèse R.   L’article Minisitra Blanche Nirina Richard: “Hojerena ireo tsy tafita eny amin’ny oniversite” a été récupéré chez Newsmada.

News - News Mada

Kitra afrikanina: hitsara ny «Can 2019» i Lionel

Manana mpitsara iray i Madagasikara, eo amin’ny fiadiana ny ho tompondakan’i Afrika, taranja baolina kitra “Can 2019”, hotanterahina any Egypta, manomboka ny 21 jona ho avy izao. Andranantenaina Lionel no hany voatendrin’ny kaonfederasiona afrikanina (Caf) hiatrika izany fihaonana an-tampony amin’ny baolina kitra aty Afrika izany.Tsy mpitsara afovoany anefa izy fa mpitsara mpanampy, mandritra ity “Can 2019” ity. Nahagaga ny rehetra ihany koa anefa ny tsy nahatafiditra an’i Andofetra, tamin’ity. Araka ny vaovao voaray, toa voasazy ny tovolahy nefa tsy afaka nanamarina izany ny tale teknika nasionaly.Mahatratra 56 ireo mpitsara voatendry hitsara ity “Can 2019” ity ka 27 ny mpitsara afovoany ary 29 kosa ny an-jorony. Anisan’ireo firenena manana mpitsara betsaka indrindra ry zareo Magrebianina, toa an’i Egypta sy i Maraoka ary i Tonizia. Tompondaka L’article Kitra afrikanina: hitsara ny «Can 2019» i Lionel a été récupéré chez Newsmada.

News - Midi Madagasikara

Coupure d’eau Ras-le-bol des Tananariviens

Les coupures intempestives d’eau dans la Capitale continuent de se faire de plus belle. D’un quartier à l’autre, les tons montent et l’impatience commence à gagner les habitants de la Ville des mille. Les récentes manifestations des habitants du quartier d’Ankatso constituent l’une des manifestations de ce ras-le-bol galopant. Pour marquer leur mécontentement, les habitants du quartier en question ont, en effet, investi la chaussée en y alignant leurs «bidons jaunes» mais également en y mettant le feu. Il en a été de même  pour les habitants du quartier d’Antsahameva Est, Andraisoro. Le quartier en question aurait souffert d’une coupure d’eau depuis quelques mois déjà. Une perturbation de l’approvisionnement en eau causée par la panne du robinet public. Des manifestations publiques ont également été organisées afin d’interpeller les responsables sur la nécessité de mettre en œuvre des solutions pérennes et répondant aux besoins réels de la population. Cette dernière a d’ailleurs fait savoir que d’autres manifestations seraient prévues en cas de non résolution des problématiques d’approvisionnement en eau. Si les habitants de ces deux quartiers ont manifesté leur mécontentement, ceux des autres quartiers seraient du genre silencieux et loin d’être résignés. Recueillis par José Belalahy L’article Coupure d’eau Ras-le-bol des Tananariviens est apparu en premier sur Midi Madagasikara.L’article Coupure d’eau Ras-le-bol des Tananariviens a été récupéré chez Midi Madagasikara.

News - Ao Raha

Valimbabena :: Hanatanteraka tetikasa etsy Ambodivonkely i Dax sy Rado

Mpanao fanatanjahan – tena roa lahy reharehan’ny fokontany Ambodivonkely, etsy amin’ny Boriborintany faha-VI eto an-drenivohitra Andriamirado Arohasina na i Dax, izay isan’ny mpilalao nandrafitra ny ekipam – pirenena na ny Barea, sy Andriamirado Heriniaina Patrick, izay nandrombaka ny medaly volamena tamin’ny fiadiana ny ho tompondakan’ i Azia, teo amin’ny taranja Tae-kwondo. Noraisin’ireo mponina sy oloben’ny fokon- tany, tetsy Ambodivonkely, izy roalahy omaly, ka nampahafantaran’izy ireo ny fanatanterahany tetikasa ho an’ity tanàna niaingan’izy ireo ity mba ho valim-babena tamin’ny fahombiazany. “Hijery ny taninketsa aho. Vonona aho ny hitarika klioba vaovao hosokafana eto amin’ny fokontany”, araka ny voalazan’i Rado. “Hanao izay vitako ho an’ireo tanora eto aho. Tetikasako manokana ny hanokatra sekolin’ny baolina kitra eto mba hisy ho mpandimby ahy ho reharehan’ny fokontany hatrany sy ho fanampiana ireo tanora”, hoy indray i Dax. Hiverina any amin’ny kliobany, ny Kaizer Chiefs (Afrika Atsimo), anio Andriamirado Arohasina na i Dax. Nafana ny fihaonan’ izy roa lahy ireo tamin’ny solontenan’ny fokontany Ambodivonkely teny amin’ny Iarivo Hotel, omaly. Sendra R. L’article Valimbabena :: Hanatanteraka tetikasa etsy Ambodivonkely i Dax sy Rado est apparu en premier sur AoRaha.

News - News Mada

Vahoaka… mahalala misy   

    Fiteny ilazana ny ankizy rehefa ao anaty fahasahiranana ny hoe tsy mahalala tsy misy. Tsy misy azo atao tokoa, rehefa tsy misy inona eo an-tanana. Valala tsy an-tanana tsy atolo-jaza. Amin’ny Malagasy, heverina ho raiamandreny mandrakariva ny mpitondra. Eny, na misy mihevitra sy milaza aza fa ny vahoaka no tokony ho raiamandrenin’ny mpitondra: nifidy sy nametraka azy eo amin’ny toerany; ny mpitondra, mila mtsinjo sy mamaly babena ny raiamandreny. Mbola azo iadian-kevitra?Raha zanaka àry ny vahoaka, lazaina ho hendry rehefa tsy mikorontana na manakorontana: tsy mahalala tsy misy rehefa fahasahiranana? Na tsy afa-manoatra amin’izay ataon’ny mpitondra… Amin’izao fialana miandalana amin’ny fihibohana noho ny fahamehana ara-pahasalamana amin’ny ady amin’ny fihanaky ny valanaretina covid-19 izao: mbola ady fiady ny voka-dratsy sy ny takaitra navelany, indrindra ny fiatrehana ny fiainana andavanandro na izay hohanina isan’andro ihany aza. Ady fiady…Tsy hoe tsy mahalala tsy misy ny vahoaka fa mahalala misy, araka izay nampanantenaina azy. Mby ao an-tsaina ny fizarana karazana fanampiana. Mandeha araka ny tokony ho izy? Tsy misy diso anjara, mitovy avokoa… Tsy misy tsy sahirana amin’izao? Izay ny mampitroatra ny fitarainana momba ny fizarana fanampiana, mbola mampikorontana ny sasany. Miara-dalana amin’izany ny fitakiana lavareny ataon’ny isan-tsehatra toy ny ny firaisamonina sivily sy ny mpanao politika, ohatra, ny hoe fangaraharana.Mahalala misy ny rehetra, tsy tokony ho tompon-trano mihono, sanatria. Tsy hahahenika ny rehetra ny fanampiana, tsy hahafa-po rahoviana, tsy haharitra. Mba hahalala tsy misy rehefa tonga amin’ny fetra? Ny tsy fisian’ny fangaraharana sy ny fifampitokisana no mora mampandaitra ny tsaho, ny famendrofendroana… tsy kely lalana. Mila mahalala ny tena zava-misy ny vahoaka, mahalala fa misy ny azo atao amin’izao… Sao izay natao hampitony sy handamina indray no mbola mampikorontana?Rafaly Nd. L’article Vahoaka… mahalala misy    a été récupéré chez Newsmada.

News - News Mada

SESAM – Andiany faharoa: taranja 12 hifampizara traikefa

Miditra ao anatin’ny andiany faharoa amin’ny taona ity ny hetsika karakarain’ny Seho Event, nomeny ny anarana hoe Sesam (Sports Extrêmes et Salon des Arts Martiaux). Hetsika natokana indrindra ho an’ny taranja “arts martiaux”. Ny 9 hatramin’ny 11 aogositra no hanatanterahana izany, eny amin’ny Parvis Analakely, hampisehoan’ireo mpikatroka ao anatin’ireo taranja 12 mandray anjara, ny mampiavaka ny taranjany tsirairay. Araka ny efa nahafantarana azy, hisarika ny tanora hankafy sy hampiroborobo ny fanatanjahantena, fa tsy ho variana amin’ny zava-mahadomelina sy ny revy, no tena tanjona amin’ity hetsika ity. Hiavaka ny amin’ity andiany faharoa ity satria misy ireo taranja vaovao sambany ho tazana amin’ity hetsika ity, toy ny taranja Kempo, ny taibo, ny Akama ary ny Kickboxing.Araka ny nambaran’ny mpikarakara, amin’ny toerana be olona no hanaovana azy ary hitombo bebekokoa noho ny tamin’ny taon-dasa ny fampisehoana isaky ny taranja. Hisy mihitsy, ny tatami lehibe hanaovana izany fampisehoana izany, hisy ihany koa ny fampianarana maimaimpoana. Ankoatra izay, toy ny mahazatra, tsy ho very anjara ireo izay maniry ny hividy na hanjifa fitaovana ara-panatanjahantena, hisy ny fampirantiana izany, toy ny fanamiana ara-panatanjahantena sy ireo fitaovana ilaina amin’ny taranja “arts martiaux” ary ny “sports extrêmes”. Mbola hisy ihany koa ilay tombola hahazoana loka goavana sy loka maro be mifandraika indrindra amin’ny resaka fanatanjahantena. Tapakila fidirana 2000 ar dia efa mety hahazoana izany loka izany.Araka ny fanazavana nentin’ireo dojo sy ny taranja efa nandray anjara tamin’ny herintaona, nahafa-po ary tena nitondra vokatra tsara tamin’ny fampandrosoana ny taranja tsirairay avy, ny andiany voalohany. Antony mbola mahatonga azy ireo hanatevin-daharana izany amin’ity andiany faharoa ity. Ho an-dRakotonirina Parfait, avy amin’ny taranja Kempo sy MMA (Mixed Martial Arts), sambany ny fandraisana anjara amin’ity, isan’ny nanosika azy ny fahafahany mampisongadina ny taranja Kempo sy MMA eto Madagasikara, amin’ny alalan’ity hetsika karakarakin’ny Seho Event ity, hampisehoany ihany koa fa manana zavatra betsaka omena ny mpikatroka malagasy amin’io taranja io.Mampanantena, araka izany, ny Seho Event, fa ho seho sy hetsika miavaka no ho hita mandritra ny 3 andro, ny 9, 10 ary 11 aogositra eny amin’ny Parvis Analakely. Mi.RazL’article SESAM – Andiany faharoa: taranja 12 hifampizara traikefa a été récupéré chez Newsmada.

News - News Mada

Kitra – «Ligue des champions d’Afrique»: hatao asabotsy ny lalaon’ny Fosa Jr sy Pamplemousse SC

Ao anatin’ny fanomanana, ny fiatrehana ny lalao savaranonando, amin’ny fiadiana ny ho tompondakan’i Afrika, taranja baolina kitra, amin’izao fotoana izao, ny Fosa Jr Boeny. Efa any Mahajanga, izy ireo, manao ny fanazarantena.Araka ny fantatra, ny asabotsy 10 aogositra ho avy izao, no hanatanterahana ny lalao mandroso, hikatrohan’ny Fosa Jr Boeny sy ny Pamplemousse SC avy atsy Maorisy. Fihaonana, hatao ao amin’ny kianja Rabemananjara Boeny. Efa any an-toerana, ny Fosa Jr, taorian’ny fiatrehany lalao tsapa, tamin’ny Cnaps Sport, ny faran’ny herinandro lasa teo. Efa namonjy ity ekipan’i Boeny ity ihany koa ireo mpilalaony, nandrafitra ny Barea de Madagascar, niatrika ny fifanintsanana “Chan”, tany Mozambika.Vonona tanteraka, ny Fosa Jr hidona amin’ny Pamplemousse SC. Mifantoka amin’ny famonoam-baolina tanteraka ny fanazarantenan’ny Fosa Jr, amin’izao efatra andro mialoha ny lalao izao. Anisan’ny mpilalao nantsoin’ny tompon’andraikitra teknika eo anivon’ny Fosa Jr, i Elio, lohalaharan’ny Zanakala FC Matsiatra Ambony. Hamafisina, araka izany, ny fanafihana, eo anivon’ny Fosa Jr.Tsy ataon’izy ireo ambanin-javatra ihany koa ny fiarovantena na milalao eto an-taniny aza, ny Fosa Jr. Tanjona, ny tsy hamonoan’ny Pamplemousse, baolina ary ezahiny ny ahazo baolina 2 no ho 0.Raha tsy misy ny fiovana, rahampitso alakamisy no ho tonga eto Madagasikara ny ekipan’ny Pamplemousse. Hijanona iray andro eto Antananarivo ary ny zoma vao hamonjy an’i Mahajanga. Araka ny tsiliantsofina, milalao ao amin’ity ekipan’i Maorisy ity, i Brunly, mpilalaon’ny USJF Ravinala, fahizay. Ankoatra azy, misy Afrikanina ihany koa mandrafitra ny Pamplemousses.Mila mandingana ity lalao savaranonando ity, ny Fosa Jr, amin’izay afaka miatrika ny “tour de cadrage” ka afaka mifaninana aty amin’ny fiadiana ny amboaran’i Afrika, raha sanatria ka resy eo amin’ny lalao ampaha-32n-dalana. TompondakaL’article Kitra – «Ligue des champions d’Afrique»: hatao asabotsy ny lalaon’ny Fosa Jr sy Pamplemousse SC a été récupéré chez Newsmada.

News - News Mada

Ceni : Rajoelina 39%  – Ravalomanana 34%: ho tompon’ny teny farany ny eo anivon’ny HCC

Hitodika eny Ambohidahy, manomboka izao, ny mason’ny mpanara-baovao taorian’ny namoahan’ny Ceni ny voka-pifidianana vonjimaika, ny asabotsy teo. Handidy sy hanapaka farany izany ny eo anivon’ny HCC. Tsy nisy fiovana firy intsony ny voka-pifidianana farany vonjimaika. Nahazo salanisa 39, 19% ny kandidà Rajoelina raha 35, 29% kosa ny kandidà Ravalomanana. Maherin’ny 8% kosa ny an’ny kandidà Rajaonarimampianina. Niakatra hatrany amin’ny telo hetsy mahery kosa ny vato maty sy ny tsy manan-kery. Izany hoe 7% mahery. 54% ny taham-pahavitrihan’ny mpifidy. Hiatrika ny fihodinana faharoa Rajoelina sy Ravalomanana Hiatrika ny fihodinana faharoa amin’ny fifidianana izany ny kandidà Rajoelina sy Ravalomanana raha miainga amin’io voka-pifidianana vonjimaika io. Na izany aza, nahitana tsy fahatomombanana ny birao fandatsaham-bato sasany. Teo ny tsy fisian’ny PV sy ny taratasin-datsa-bato avy any amin’ny birao fandatsaham-bato (BV) sasany. Fahataran’ny voka-pifidianana na koa fahadisoana amin’ny kajin’ny isam-bato. Niseho izany tany Betioky Atsimo, Morafenobe, Beloha Androy, Maroantsetra ary teto an-drenivohitra. Manafoana ampahany na manontolo ny voka-pifidianana ny HCC Mazava ny nambaran’ny eny Alarobia. “ Tsy afaka manitsy na manova ny voka-pifidianana izahay fa manao tatitra an-tsoratra (PV) ny fahadisoana. Tsy nandray baiko na tsindry avy amin’iza izahay fa voka-pifidianana mahaleo tena io… Noraisina ny fanakianana ho fanatsarana ny fifidianana”, hoy ny lahatenin’ny filohan’ny Ceni, Rakotomanana Hery teo am-panombohana ny fitaterana izany voka-pifidianana izany. Etsy andaniny, manana 10 andro ny eo anivon’ny HCC hamadibadihana sy hitsarana ny voka-pifidianana ary koa handinihany ny fitoriana na fitarainana. Mazava ny fahefana omen’ny lalàna ny eny Ambohidahy  fa afaka manafoana ampahany na manontolo ny voka-pifidianana amin’ny BV sasany izy ireo na manitsy izany. Fanintsanana na fanilihana kandidà Eo koa ny famaliana ny fitoriana mitaky ny fanintsanana na fanilihana kandidà niatrika ny fifidianana. Mamoaka ny voka-pifidianana ofisialy avy eo ny eny Ambohidahy, aorian’io 10 andro io.Izany hoe tokony ho 29 novambra izao izany. Araka ireo rehetra ireo, any amin’ny HCC izany ny baolina, manomboka izao. Vita ny adidin’ny Ceni tamin’ny fikarakarana sy fikirakirana ny fihodinana voalohany  amin’ny fifidianana filoham-pirenena. Miandry ny fihodinana faharoa indray izy ireo. Synèse R.   

Malaza androany

Petites annonces by e-tady.mg

Emploi et services Global Crypto Exchange -Ganhe 1000 tokens ao se cadastrar
15/01/2021

Global Crypto Trading ExchangeUma troca de criptomoeda segura, regulamentada e completaFornecendo uma bolsa de criptomoeda revolucionária 2.0 que é segura, protegida e regulamentada com Tokens detidos pela própria bolsa. A plataforma Global Crypto permite aos usuários negociar qualquer criptomoeda por meio de um único ponto de acesso de qualquer lugar a qualquer hora.Global Crypto Exchange -Lançamento em 20 de março de 2021 e ganhe 1000 tokens ao se cadastrar Sabia Mais Aqui: https://bit.ly/3pYt6AqCliquez sur le lien pour en connaître plus sur "Emploi et services Global Crypto Exchange -Ganhe 1000 tokens ao se cadastrar".

Emploi et services GANHE 20$ AO SE CADASTRAR NA RONEX
15/01/2021

RONEX é uma fonte confiável de renda para investidores experientes e novatos que desejam obter uma base financeira confiável e lucro estável a longo prazo. Somos um grupo de especialistas líderes na área de negociação de criptomoedas e automação de instrumentos de câmbio por meio do desenvolvimento das mais recentes tecnologias e algoritmos de autoaprendizagem. Nossa equipe é formada por comerciantes, analistas, estatísticos, engenheiros e especialistas em gestão de risco de primeira classe. O algoritmo Ronex Logic é um desenvolvimento individual de nossa equipe, que é usado para transações bem-sucedidas e ganhar dinheiro em bolsas de criptomoedaSSABIA MAIS AQUI : https://ronex.io/?ref=topliderCliquez sur le lien pour en connaître plus sur "Emploi et services GANHE 20$ AO SE CADASTRAR NA RONEX".

Emploi et services Téléprospecteur
17/01/2021

Nous sommes à le recherche de différents téléprospecteurs indépendants payés à l'heure chaque mois et spécialisés dans la prise de rendez-vous qualifiés pour de nombreux clients dans les secteurs suivants : - Formations.  - Assurance et gestion patrimoniale. - construction, rénovation et vente au particuliers.  - Création de sites internet, référencement, communication et marketing.  - Produits anti-covid. Profil :  Vous disposez de ce type d'expériences et pouvez en justifier.  Vous avez une excellente connaissance de la langue française.  Vous disposez d'un ordinateur et d'un micro.N'hésitez pas à nous transmettre vos candidatures. Cliquez sur le lien pour en connaître plus sur "Emploi et services Téléprospecteur".

A vendre XIAOMI MIA2 LITE 64 GO
20/01/2021

SMARTPHONE XIAOMI MIA2 LITE MEMOIRE INTERNE 64GOMEMOIRE VIVE 4 GODOUBLE SIM MEMOIRE EXTENSIBLE JUSQU à 256 GO par carte micro sdvoir plus de détail sur :  https://www.lesnumeriques.com/telephone-portable/xiaomi-mi-a2-lite-p45259/test.htmlCliquez sur le lien pour en connaître plus sur "A vendre XIAOMI MIA2 LITE 64 GO".

A louer Appartement à louer
15/01/2021

A LOUER Appartement avec piscine Ampisikina Mangarivotra Mahajanga, route vers bloc administratif. Charmants appartements T3 climatisés au choix dont : -un séjour avec baies vitrées -une cuisine ouverte aménagée et équipée( plaque de cuisson et hotte aspirante) -02 chambres à coucher -01 SDE et 01 WC -Terrasse -Lavoir -un parking voiture -Piscine commun -Eau+suppresseur. LOYER: Nous consulter. Contact : 032 47 589 10Cliquez sur le lien pour en connaître plus sur "A louer Appartement à louer".

A vendre Tablette graphique GAEMON 1060 Pro
21/01/2021

- Stylete sans fil, sans besoin de recharge/batterie- Pression du stylet: 8192 Level- 12 Fixed Key + 16 Express Keys- Zone active: 10*6 pouces- 266 PPS- Résolution : 5080 LPI- Compatible avec Windows 7 et version supérieure- Compatible avec Photoshop, Illustrator, Clip Studio Paint, Krita, etcPas de mp, contact direct au 0334927717 ou au 0325867436Cliquez sur le lien pour en connaître plus sur "A vendre Tablette graphique GAEMON 1060 Pro".

Emploi et services Gagnez des bitcoins gratuitement
20/01/2021

Bonjour je viens vous présenter une très bonne opportunité, un site pour gagner des bitcoins gratuitement. Pas besoin d'investir ou de travailler il suffit juste d'avoir une adresse bitcoins pour créer un compte et collecter les bitcoins gratuitement ( c'est une exploitation minière de bitcoins).Dès que vous atteignez le solde minimum pour les retraits vous réclamer votre paiement et l'argent est viré sur votre compte bitcoins.Voici le lien du site:https://freemining.co/657465Cliquez sur le lien pour en connaître plus sur "Emploi et services Gagnez des bitcoins gratuitement".

Emploi et services Le meilleur site de travail en ligne avec paiement rapide
20/01/2021

Bonjour, pour toute personne qui souhaite se faire un revenu supplémentaire en travaillant en ligne, voici l'un des meilleurs sites pour le faire. Vous aurez à effectuer des tâches très simple comme :  - regarder des annonces ( environ 5 secondes par annonce) - résoudre des lien courts Et mon préféré le robinet gratuit que vous pouvez réclamer chaque heure et gagner entre 10 et 500000 satoshis. NB: la devise de paiement du site est le bitcoins mais vous pouvez faire votre retrait en bitcoins, litecoins, dogecoin, en dollars sur PAYEER ou en roubles.  Le solde minimum peut être atteint en moin d'une semaine si vous êtes régulier sur site. Si vous êtes intéressé voici le lien pour vous inscrirehttps://btcbux.io/r/0vJZM0Cliquez sur le lien pour en connaître plus sur "Emploi et services Le meilleur site de travail en ligne avec paiement rapide".

Emploi et services Cherche un comptable confirmé
18/01/2021

-Bac+3 minimum en gestion et finances-2ans d'expérience minimum -Maitrise sage, droit fiscal et droit social-Habite au alentour de itaosy, ampitatafikaEnvoyer CV+lettre de motivation+prétention salariale au contact@cybele-consulting.mg ou contacter 034 16 683 39  Cliquez sur le lien pour en connaître plus sur "Emploi et services Cherche un comptable confirmé".

A vendre Terrain à vendre
19/01/2021

Terrain à Antsahamarofoza Ilafy, 820 m2, Très bon emplacement, plat, prêt à bâtir, terrassement effectué, dans un lotissement en plein développement, titré et borné, accessible voiture, propriétaire direct . visite gratuite (idéalement les weekends)Cliquez sur le lien pour en connaître plus sur "A vendre Terrain à vendre".

Emploi et services DIRECTEUR D’AGENCE (H/F)
20/01/2021

Nous recrutons pour entreprise dans le domaine du Transport et du Transit :DIRECTEUR D’AGENCE (H/F)  Réf. DATamatave/0121(poste basé à Tamatave) Missions :- Garantir la bonne marche, le développement et le pilotage de l’agence sous tous les aspects ;- Animer et gérer l’équipe au sein de l’agence.- Gestion et organisation des opérations du groupe et de ses services avec animation, contrôle et réparation des tâches au sein des opérations ;-Assurer le contrôle et le suivi des dossiers maritimes import et export ;- Maîtrise et contrôle des dépenses et des opérations concernant les débours douanes ainsi que les frais généraux liés au fonctionnements des opérations ;- Assurer les relations vis-à-vis des entités externes et de l’administration, des clients et des fournisseurs, des recettes et douanes en cas de litige ou problème dû aux opérations ;- Gestion et suivi quotidien du personnel des opérations ;- Vérification quotidienne des dossiers à facturer ;- Gestion administrative d’un entrepôt sous douanes ;-Profils requis :-           5 années d’expériences au moins dans un poste de management à grande responsabilité ;-           Bonne maitrise dans les opérations de transit ;-           Bonne connaissance dans la logistique et le transport de marchandises ;-           Excellente capacité managériales et de leadership ;-           Autonome dans la prise de décision et la recherche de solution ;-           Capacité à travailler sous pression.Pour postuler, veuillez envoyer votre CV à recrutement@human-talent-consulting.com avec comme objet la référence du posteCliquez sur le lien pour en connaître plus sur "Emploi et services DIRECTEUR D’AGENCE (H/F)".

Emploi et services UN INFOGRAPHISTE
20/01/2021

Nous recrutons un INFOGRAPHISTE : Profil :- Jeune de moins de 28 ans dynamique mais posé- Maîtrise significative et justifiée des logiciels Photoshop, Illustrator, In design, Quark xpress- Titulaire de Bacc + 2 minimum dans le domaine- Maîtrise du français- Sens créatif développé, autonomie, rigueur et polyvalence Mission :- Conception de tous les supports de communication (images, vidéos)- Conception de plans et maquettes 3D- Gestion et application de la stratégie marketing, média planningEnvoyez votre CV + photo + lettre de motivation et prétentions salariales à rhrecrutement0620@gmail.com en précisant comme objet du mail : "Candidature au poste d’INFOGRAPHISTE » Merci de s’abstenir si vous ne répondez pas aux critères.Cliquez sur le lien pour en connaître plus sur "Emploi et services UN INFOGRAPHISTE".

Notsongaina

Fivadiham-pitokisana, halatra: karohin’ny zandary Razafiharinoro Faraniaina Rebeccah
21/01/2021

Namoahan’ny zandary ao amin’ny borigadin’Antsirabe didy fikarohana ity tovovavy hita amin’ny sary ity. Noho izy mpamerin-keloka amina halatra sy fivadiham-pitokisana ny anton’izao fikarohana azy izao. Toy izao ny mombamomba azy : Razafiharinoro Faraniaina Rebeccah, 25 taona, tompon’ny kara-panondro laharana: 108 092 012 188, tamin’ny 4 marsa 2013 tao Antsirabe, asany tsy fantatra mazava , fonenany farany tao Morondava sy Antsirabe. Heloka anenjehana azy ny fanaovana halatra sy fivadiham-pitokisana. Nilaza ny zandary ao anatin’ny didy fikarohana fa ho an’izay mahita sy mahalala na mahafantatra ny toerana mety hahitana azy dia iangaviana mba hampandre haingana ny borigadin’ny zandary ao Antsirabe na hiantso ny laharana telefaonina finday 034 05 700 97.J.CL’article Fivadiham-pitokisana, halatra: karohin’ny zandary Razafiharinoro Faraniaina Rebeccah a été récupéré chez Newsmada.

Mozika mafana: haneho ny talentany i Lion Hill
20/01/2021

Manomboka misokatra tsikelikely ny ivontoeram-pandihizana amin’izao taona vaovao izao. Hangotraka ny faran’ny herinandro… I Lion Hill indray no hitondra ny mozika ao amin’ny Jao’s pub Ambohipo, ny zoma 22 janoary 2021, manomboka amin’ny 9 ora alina.  hanampy azy amin’izany ry Dj Yann sy Dj Mc, izay efa fanta-daza eo amin’ny tontolon’ny fampandihizana, indrindra ny fikosehana kapila. Maro ny hira anisan’ny nanamarika an’i Lion hill, ao anatin’ny mozika malagasy, raha tsy hilaza afa-tsy ny “Ambila”, “Ahody”, “ Tia vola” sy ny maro hafa…  Azo lazaina fa hafana ny lanonana faran’ny herinandro amin’ity, noho izy efa fanta-daza amin’ny sehatry ny hira mapihetsiketsika sy ny gadona samihafa. Ny etsy amin’n Jao’s pub kosa, manome sehatra ny mpanakanto maro samihafa amin’ny fampihaonana amin’ny mpankafy azy ireo. Farany teo izao, dia ry Ziggy sy Thez kidman ary i Babla Yon no naneho ny maha izy azy tao an-toerana.NarilalaL’article Mozika mafana: haneho ny talentany i Lion Hill a été récupéré chez Newsmada.

Minisitry ny Atitany: “Tompondraikitra amin’ny Covid-19 ny rehetra”
19/01/2021

 “Mila mitandrina isika amin’izao fotoana izao: tsy tokony hiroaroa saina, tsy tokony hihalangalana. Satria mbola eo io aretina io. Tato ho ato, somary nisy fiakarany kely… Tomponandraikitra isika rehetra fa tsy ny fanjakana irery ihany” hoy ny minisitry ny Atitany sy ny fitsinjaram-pahefana, filohan’ny Ivontoerana iadiana amin’ny Covid-19 (CCO) teo aloha, Razafimahefa Tianarivelo.Manao ny ho afany ny fanjakana fa tsy afa-kandeha hanaraka olona tsirairay hoe hametraka ny arovava orona, hanasa matetika tanana, hanao ny fepetra sakana rehetra ara-pahasalamana… Tomponandraikitra ny tsirairay avy. Ny mahalasa saina: indraindray, maheno hoe sanatria, misy maniry ny hahatongavan’izany andiany faharoa amin’ny fihanaky ny valanaretina izany. Loza amin’antambo izany. “Fivavahana no tokony hataontsika: “Andriamanitra ô! Arovy izahay, tsy ho tonga aty aminay izany”. Tsy ho tonga aty amintsika izany, raha miaro ny tenantsika tsirairay avy isika”, hoy izy ny amin’izay hoe fidirana amin’ny valanaretina Covid-19 andianay faharoa izay.Entaniny ny rehetra ary aoka hifampanentana fa zava-doza io aretina io. Fantatra izany fa tsy ilaina intsony ny fanaporofoana an’izany. Tsy maintsy samy manao ny fiarovana ara-pahasalamana ny rehetra: ho an’ny tsirairay avy, ho an’ny fianakaviantsika, ho an’ny mpiara-miasa, ho an’ny mpiara-monina manontolo.R.Nd. L’article Minisitry ny Atitany: “Tompondraikitra amin’ny Covid-19 ny rehetra” a été récupéré chez Newsmada.

Kitra – «Chan 2021»: voatazon’i Niger ady sahala i Lybia
19/01/2021

Anisan’ny voka-dalao nanamarika ny andro faharoa, hiadiana ny ho tompondakan’i Afrika, taranja baolina kitra natokana ho an’ireo mpilalao tsy matihanina, “Chan 2021”, tanterahina any Kameronina, ny ady sahala teo amin’i Niger sy ry zareo Lybianina, ho an’ny sokajy B. Fihaonana notanterahina ny alahady lasa teo.Raha ara-taratasy, ambony ny Lybianina, saingy naneho ny fahaiza-manaony ry zareo Nizerianina. Nifandanja ny fihaonana teo amin’ny roa tonta, ary samy naneho ny fahaiza-manaony ny andaniny sy ny ankilany. Ankoatra izay, lavon’ny RD Kongo, tamin’ny isa 1 no ho 0, i Kongo.Hitohy anio ny fifanintsanana ka ny vondrona D no hiditra an-tsehatra. I Zambia hihaona amin’i Tanzania ary i Ginea hifampitana amin’i Namibia. Tompondaka L’article Kitra – «Chan 2021»: voatazon’i Niger ady sahala i Lybia a été récupéré chez Newsmada.

Asa fanaovan-gazety: misokatra ny fangatahana ny karatra maha matihanina
19/01/2021

Nampahafantatra ny vaomiera itambarana misahana ny fikarakarana ny karatra maha matihanina ny mpanao gazety « commission paritaire chargée de la délivrance de la carte d’identité professionnelle des journalistes » fa misokatra anio 19 janoary ary hifarana ny 12 febroary amin’ny 5 ora hariva ny fametrahana ny taratasy fangatahana ny karatra maha matihanina mpanao gazety. Anisan’ny hametrahana izany koa ny eny anivon’ny vaomieram-paritra na « commission paritaire régionale ».Anisan’ny mason-tsivana ahazoana ny karatra maha matihanina ny mpanao gazety ny fananana mari-pahaizana avy amina toeram-panofanana momba ny asa amin’ny asa fanaovan-gazety eken’ny minisitera miadidy ny Fampianarana ambony na ny minisitera misahana ny Fampianarana teknika sy ny fanofanana asa.Famenoana ny antontan-taratasyNa koa afaka manamarina fa nanao tsy tapaka ny asa fanaovan-gazety nandritra ny telo taona. Ary mbola miasa amina orinasa fanaovan-gazety ara-dalàna sy nanaovana fanambarana eny amin’ny tompon’andraiki-panjakana mahefa araka ny angatahin’ny lalana, na miasa amin’ny maha mpanao gazety tsy miankina, na « journaliste independant/freelance » ho an’ny orinasa fanaovan-gazety iraisam-pirenena iray na maromaro.Afaka mandefa mailaka amin’ny cpc.cip.ojm@gmail.com raha mila fanazavana fanampiny.Synèse R.   L’article Asa fanaovan-gazety: misokatra ny fangatahana ny karatra maha matihanina a été récupéré chez Newsmada.

Zaza maty tao Befelatanana: « Vokatry ny fahasemporana teo am-piterahana »
19/01/2021

Nitondra fanazavana momba ny fahafatesan’ny zaza vao teraka tao amin’ny hopitaly ho an’ny reny sy ny zaza Befelatanana ny tale, ny profesora Rakotovao Hery, sy ny mpitsabo manokana misahana ny zaza, omaly. Nitaraina tamin’ny tambajotran-tsosialy ny fianakavian’ilay zaza fa tsy navela nitondra ny zaza nody tany an-trano taorian’ny fiterahana ary namantana faty rehefa tonga teny amin’ny hopitaly hijery azy fa nahazo antso fa tsy salama ny zanany. Nambaran’ny talen’ny hopitaly fa lehibe ilay zaza teraka ary efa niloko maitso ny ranon-doha teo am-piterahana. Voatery koa nampiasa fitaovana hisintonana ilay zaza ny mpitsabo satria sahirana ny reniny namoaka azy. Nentina avy hatrany tany amin’ny sampana mikarakara ny zaza teraka tsy salama izy vokatry ny fahitan’ny mpitsabo fa sempotra. Izay fahasemporana teo am-piterahana izay no antony nitarika ny fahafatesany satria nifanintona foana izy na teo aza ny fitsaboana natao azy rehetra, araka ny fanamarihan’ny mpitsabo.Ny mpiteraka rehefa tsy manana olana fa salama, alefa mody satria maro ny vehivavy miditra hiteraka ao amin’ny hopitaly Befelatanana ka tsy maharaka ny efitrano sy ny fandriana. Momba ny fitarainan’ny renin’ilay zaza fa natakalo ny zanany, afaka manome toky ny mpitantana ny toeram-piterahana fa tranga sorohina amin’ny dingana rehetra eo am-piterahana ka mandra-pivoakan’ny reny sy ny zaza ny hopitaly izany. Tsy vao izao no nisy olona nitaraina momba ny olana nitranga tao amin’ny toeram-piterahana Befelatanana.Vonjy A.     L’article Zaza maty tao Befelatanana: « Vokatry ny fahasemporana teo am-piterahana » a été récupéré chez Newsmada.

Raharaham-pitsarana  : anarivony ny vary mangatsiaka
16/01/2021

                Vokatry ny fihibohana niadiana amin’ny fihanaky ny valanaretina covid-19, anarivony ny vary mangatsiaka amin’ny raharaham-pitsarana. “Ny fitsarana fandravana, na ny mpamoaka didy, ny raharaha ady madio, ny vary mangatsiaka tamin’ny taona 2019:  5 781; ary 859 no niditra ny tamin’ny taona 2020. Ny fitambarany: 6 640. Ny voatsara: 723. Ny tsy vita 5 917.”Io ny antontanisa nambaran’ny tonia mpampanoa lalàna eo anivon’ny Fitsarana tampony, Andriatianarivelo René José, tamin’ny lanonam-pitsarana nanombohana ny taom-pitsarana 2021 teny amin’ny Fitsarana tampony, Anosy, afakomaly.Ny amin’ny raharaha ady heloka, vary mangatsiaka 2019:  2 479. Ny niditra tamin’ny taona 2020: 751. Ny fitambarany: 3 230. Ny voatsara 705, ny vary mangatsiaka, taona 2020: 2 525.Ny vary mangatsiaka tao amin’ny fampanoavana ambony, taona 2019: 447 ny raharaha ady madio, ny niditra taona 2020 miisa 939; ny fitambarany: 1 386. Voatsara 837, ary 549 ny vary mangatsiaka, taona 2020.Mampandeha raharaham-panjakana ny Fitsarana tampony“Manana lanja sy anjara andraikitra lehibe ny fitsarana tampony; matetika, lazaina hoe manao fitsikerana. Tsia, tsy manao fitsikerana. Anisan’ny mampandeha ny rafi-panjakana iray manontolo ny Fitsarana tampony”, hoy kosa ny filoha voalohan’ny fitsarana tampony, Rajaona Andriamanankiandrianina, tamin’ny mpanao gazety.Indraindray, alaim-panahy mieritreritra fifanoherana ny olona miteny hoe fifandanjam-pahefana, fahefam-pitsarana… “Tsia, tsy fifanoherana ny fifandanjana eo amin’ny fahefana misy”, hoy izy. Tsy fifandrafiana fa fifamenoana sy fifampitantanana hampandehanana  tsaratsara kokoa ny fanjakana.R.Nd. L’article Raharaham-pitsarana  : anarivony ny vary mangatsiaka a été récupéré chez Newsmada.

Voasakana ny fivoriamben’ny mpiasan’ny fahasalamana: hanao fitokonana faobe izy ireo rehefa tsy manaiky hidinika ny minisitera
16/01/2021

Mila mangataka fahazoan-dalana avy any amin’ny prefektioran’ny polisy ny fanaovana fivoriambe anaty efitrano. Tsy afaka notanterahina ny fihaonana nokasain’ny mpiasan’ny fahasalamana, teny Analakely,omaly, araka ny fanazavan’ny filohan’ny sedinkàn’ny paramédicaux eto Madagasikara, izay nitarika ny hetsika fivoriana, Ralibera Jerisoa. Nahazo taratasy fampahafatarana ny fanafoanana ilay fihaonana ny mpitarika, ny alakamisy hariva. Fanitsahana ny zo sendikaly arovan’ny lalàna misy sy ny sata ankapobeny mifehy ny mpiasam-panjakana ny fandrarana ny fivoriambe. Hikaroka vahaolana amin’ny zava-misy ny tanjona fa tsy fanakorontanana, hoy ny mpitarika. Mangataka fihaonana amin’ny tomponandraikitry ny minisitera ny mpitantana sendikàn’ny mpiasan’ny fahasalamana hitady vahaolana miaraka ary hametraka ny taratasy mifandraika amin’izany, amin’ny alatsinainy. Hanome fe-potoana ho an’ny minisitera mpiahy izy ireo ka rehefa tsy misy ny fihaonana, hiroso amin’ny fitokonana faobe ny mpiasan’ny fahasalamana. Mitaky indémnité roaMitaky ny fanefana ny indemnité d’éloignement spécial, nivoaka ny taona 2017 ny sendikà. 40 000 Ar isam-bolana no hanomezana izany ho an’ny mpiasan’ny fahasalamana ka paramédicaux 4000 tsy mbola nisitraka izany ary ireo efa nahazo kosa tsy nomena ny rappel, hatramin’izao. Eo koa ny indemnité de requisition nandritra ny 228 andro tokony handraisan’ny paramédicaux 30 000 Ar isan’andro satria voasoratra ao anatin’ny lalàna manan-kery eto amintsika rehefa natsoina hiasa ny mpiasan’ny fahasalamana rehetra. Prime no azo nandritra ny fandraisana ireo mararin’ny Coronavirus ka mpiasan’ny fahasalamana 2 000 amin’ny 16 000 no nandray azy. Manampy ireo ny tokony handraisana mpiasam-panjakana ny mpiasa an-tsitrapo ary ireo nivoaka tamin’ny sekoly manokana hiofana ho paramédicaux manerana ny faritany enina.Voalazan’ny mpitarika ny sendikà fa mila hatsaraina koa ny fitantanana ny mpiasan’ny fahasalamana satria ny 90%-n’ny asa fitsaboana dia miankina amin’ny paramédicaux avokoa nefa latsaky ny 1% ny paramédicaux miasa amin’ny rafitra mpitantana.Vonjy A.L’article Voasakana ny fivoriamben’ny mpiasan’ny fahasalamana: hanao fitokonana faobe izy ireo rehefa tsy manaiky hidinika ny minisitera a été récupéré chez Newsmada.

Nalefa eny Tsiafahy ireo jiolahy enina namono karana
20/01/2021

Naiditra avy hatrany eny amin’ny fonjaben’i Tsiafahy, omaly, rehefa avy natolotra ny fampanoavana ireo jiolahy miisa enina tompon’antoka tamina fanafihana narahina herisetra nahafatesana teratany karana iray teny Ankadimbahoaka. Ny polisy misahana ny heloka bevava, sakelika fahefatra (BC4) no nahasambotra ireto jiolahy ireto. Nahazo antso ny polisy nilaza fa misy trangana fanafihana eny Ankadimbahoaka tokony ho tamin’ny 8 ora alina, ny zoma lasa teo. Nidina teny an-toerana avy hatrany ny polisy nijery ny zava-misy. Vao nahatazana ireo polisy anefa ry zalahy dia lasa nandositra ka raikitra teo ny fifanenjehana. Toy ireny amin’ny horonantsarimihetsika ireny ny fifanenjehan’ny polisy sy ny jiolahy. Tsy nifarana izany raha tsy teny Ankorondrano, noraisim-potsiny ireo olon-dratsy. Miisa telo ireo jiolahy tao anatin’ilay fiara ary izy ireo indray no nanoro ny namany hafa, mipetraka eny Andranomahery ny iray raha teny Ankadimbahoaka kosa ny hafa. Fantatra nandritra ny famotoran’ny polisy fa mpiasa tao amin’ilay toerana notafihin’izy ireo ny mpiambina iray sy mpamilin’ilay kiarana. Izy ireo no atidohan’izao fanafihana izao, raha ny fanazavan’izy ireo tamin’ny polisy. Efa nigadra noho ny fanafihan-jiolahy ity mpamily ity. Tsiahivina fa hita faty nihosindra ny teratany karana iray teny Ankadimbahoaka ny herinandro teo.Jean ClaudeL’article Nalefa eny Tsiafahy ireo jiolahy enina namono karana a été récupéré chez Newsmada.

Basikety-N1A: hifandona ny GNBC ny SEBAM
15/01/2021

Hanomboka amin’izao faran’ny herinandro izao ny fiadiana ny tompondakan’i Madagasikara ho an’ny sokajy N1A lehilahy sy vehivavy, taranja basikety. Efa nivoaka ny fandaharan-dalao ka fihaonana 20 avy hatrany no hotanterahina ao anatin’ny roa andro voalohany. Isan’ny lalao tena andrasan’ny maro ny fifandonana sahady eo amin’ny GNBC avy eto Analamanga, tompon’ny anaram-boninahitra farany sy ny SEBAM avy any amin’ny ligin’i Boeny, fihaonana hanomboka amin’ny 6 ora latsaka fahefany hariva, ao amin’ny efitrano lehibe ny Lapan’ny Fanatanjahantena Mahamasina. Tombanana hiady ny lalao, ekipa samy sangany ary samy manana ny herijika handrombahana fandresena avokoa. Ankilany ny ekipan’ny zandarimaria basikety, hanao ny faraheriny, hitazona ny anaram-boninahitra eo am-pelatanany. Andaniny, tombanana fa tsy hanaiky ho resy mora foana ny solontenan’i Boeny. Tsiahivina, ny efitrano kely sy ny efitrano lehibe ao amin’ny Lapan’ny Fanatanjahantena no handray ny lalao rehetra, amin’ity andiany ity. Mi.Raz Toy izao ny fandaharan-dalao . Asabotsy 16 janoary : efitrano lehibe : 8ora30 – (L) Asb # Usf, 9ora45: (V) Jea # Tamifa, 11ora: Mb2all # Asa, 12ora45: Cospn2 # Crjs, 14ora30: Ankaratra # Serasera, 16ora 10mn:  lanonam-panokafana, 16ora40: (L) Tmbb # Cosmos, 18ora20: Cospn # Ascut. Efitrano kely. 9ora: (L) Mb2all # Cosfa, 10ora45: 2bc # Gnbc, 12ora30: Sebam # Ascb. Alahady 16 janoary : Bcest # Serasera, Cosmos # Ascb, Cospn # Mb2all, Sbbc # Jea, Cosfa # Usf, Gnbc # Sebam, Ankaratra # Asa, Tamifa # Cospn 2, 2bc # Tmbb, Ascut # Asb.   L’article Basikety-N1A: hifandona ny GNBC ny SEBAM a été récupéré chez Newsmada.

Coronavirus: CSB II valo afaka mandray marary
18/01/2021

Misy CSB II valo eto Antananarivo Renivohitra mandray an-tanana ireo tranga tsy misy fahasarotana. Anjaran’ny dokotera miasa eo anivon’ireo CSB II ny mamaritra ny fanafody omena ireo olona tonga sy mandefa azy ireo na tsia eny amin’ny CTC-19 Village Voara Andohatapenaka. Maimaimpoana avokoa ny fitiliana sy ny fizarana fanafody ho an’ireo olona maneho soratr’aretina ka ahiahina fa voan’ny Covid-19.Nitsidika ny CTC-19 Village Voara Andohatapenaka ny minisitry ny Fahasalamam-bahoaka, ny profesora Rakotovao Jean Louis, ny faran’ny herinandro teo. Misy lamina napetraka handraisana ireo manana soratr’aretina na koa ahina satria nifampikasoka tamin’ny marary.Ho an’ny eny amin’ny Village Voara Andohatapenaka, misokatra amin’ny 8 ora maraina hatramin’ny 4 ora hariva amin’izao fanombohana izao ny fandraisana ireo olona hanao fitiliana. Ireo olona mampiseho soratr’aretina ahina ho Covid-19 no raisina an-tanana eny, tonga mivantana na nalefan’ny mpitsabo avy eny amin’ny CSB II. Tolotra ara-pahasalamana marolafy ny azo eny an-toerana: fizaham-pahasalamana, fakana singa hanaovana fitiliana PCR, fizarana fanafody ary fandraisana an-tanana ireo tranga misy fahasarotana. Eny amin’ny HJRA Ampefiloha kosa no mandeha ireo mila fitiliana fa handeha hivoaka ivelan’i Madagasikara amin’ny sidina. Nomarihiny fa tsy tokony handray olona hanao fitialiana ny laboratoara LA2M eny Androhibe fa toerana handefasana ireo singam-pitiliana avy amin’ny hopitaly sy ny CTC-19 Andohatapenaka.Ireo CSB 2 valo azo antononaCSB II Isotry Central, CSB II Ambohitsoa, CSB II Ampasanimalo, CSB II Antanimena, CSB II Mahamasina, CSB II Analamahitsy, CSB II Amboniloha, CSB II Ambohimanarina.VonjyL’article Coronavirus: CSB II valo afaka mandray marary a été récupéré chez Newsmada.

Efa fantatra ny tompon’ilay volamena: tafakatra folo ireo olona nalefa eny Tsiafahy sy Antanimora
15/01/2021

               “Valo no niditra am-ponja tamin’ny voalohany, izay vehivavy ny iray ary lehilahy ny fito. omaly alina indray, nisy roa hafa nahazo famonjana ary naterina eny amin’ny fonjaben’i Tsiafahy.” Izay ny fanazavan’ny tale jeneralin’ny Fandraharahana ny fonja, Ranaivo Andriamaroahina Tovonjanahary, teny Anosy, omaly, momba ireo olona roa hafa vao naiditra am-ponja, afakomaly alina fa voarohirohy amin’ny “Raharaha volamena 73,5 kilao”, sarona tatsy Johannesburg, Afrika Atsimo.Malagasy avokoa ny ankamaroan’ireo voafonja ireo, fa misy amin’izy ireo roa na iray mizaka ny zom-pirenena frantsay. Tsy misy fomba fitondrana azy ireo manokana amin’izany fa mitovy avokoa ny voafonja. Tsy maintsy mandalo amin’ny dingana fanaraha-maso aloha izy ireo rehefa tonga any: tsy atambatra amin’ny olona rehetra. Ny ampitson’iny ihany,  hatambatra amin’ny olona rehetra.Rehefa mahazo ny didim-pamonjana aterin’ny mpitandro filaminana ny eny amin’ny fonja, raisin’ny mpandraharahan’ny fonja ireo olona mahazo izany ary ampidirina am-ponja, araka ny fanazavany.“Miandry isika”, hoy kosa ny minisitry ny Fitsarana, Andriamahefarivo Johnny Richard, ny amin’ny fampodiana ireo teratany malagasy telo sy ny volamena 73,5 kilao mbola atsy Afrika Atsimo.Mbola misy hafa hosamborinaNambaran’ny eo anivon’ny Pac, amin’ny alalan’ny tonia mpampanoa lalàna, Razafindrakoto Solofo Hery fa efa fantatra ny tompon’ilay volamena. ”Tsy mbola navoaka anefa ny anaran’izy io noho ny tsiambaratelon’ny fanadihadiana”, hoy izy.Efa nisy olona hafa miisa enina, ankoatra ny tompon’ilay volamena koa hosamborina. Efa nisy olona valo nampidirina am-ponja ary izao niampy roa voasambotra, ahitana teratany malagasy sy Indo-pakistaney izao nalefa eny Tsiafahy, araka ny nambarany. ”Nitondra ny volamena teny Ivato izy ireo”, hoy ihany ny Pac.Notrandrahina tany amin’ny valanjavaboahary any Mahajanga kosa ireo volamena ireo.R.Nd.L’article Efa fantatra ny tompon’ilay volamena: tafakatra folo ireo olona nalefa eny Tsiafahy sy Antanimora a été récupéré chez Newsmada.