APEM PAIQ sy MIARAKAP: miara-miombon’antoka ho amin’ny fampindramam-bola

News - APEM PAIQ sy MIARAKAP: miara-miombon’antoka ho amin’ny fampindramam-bola

News - APEM PAIQ sy MIARAKAP: miara-miombon’antoka ho amin’ny fampindramam-bola

21 taona izao ny nisian’ny Apem Paiq (1), mpampindram-bola ho an’ny mpandraharaha madinika. Kendren’ny Apem manokana ny hanampy tosika ireo olona sahirana, hamolavola ny antom-pivelomany ka hifantoka amin’izany tanteraka. « Izay mahay miasa, tsy matahotra mindrana », hoy ny talen’ny Apem, Rasoanarivo Rihatiana. Tsy mitaky antoka momba ny fitaovana koa ny Apem fa fanomezan-toky iombonan’ny mpindrana amina olon-kafa.

Ampiana amin’izany ireo manana tetikasa madinika, hahazoana famatsiam-bola hatramin’ny 6 tapitrisa Ar. Miainga avy amin’izany ny ady amin’ny fahantrana. Na izany aza, vitsy ihany ny Malagasy tena mitodika any amin’ny fandraharahana. Koa teraka izao ny fiaraha-miasa eo amin’ny Apem sy ny Miarakap (2), sampana iray mpamatsy vola ny orinasa madinika sy salantsalany sy ireo izay vao manomboka miasa amin’ny safidiny. Momba ny fambolena sy ny fiompiana, ohatra, miantso ireo fikambanana na ONG, toy ny GIZ, ny Prosperer, ny Miarakap ho afaka manampy ny lafiny teknika sy manome fiofanana momba izany ho an’ny mpindrana.

Hampindram-bola olona 15 000

Tanjona amin’izao fiaraha-miasan’ny roa tonta izao ny hampindram-bola olona 15 000 hatramin’ny taona 2023. Lalana iray hialana amin’ny tsy fanaran-dalàna koa izany (informel) sy famoronana asa. Efa zatra manome tolotra sahaza ho an’ireo izay tonga ao aminy ny Apem. Ankoatra ny vola indramina, eo koa ny fampiofanana amin’izay hatao. Resy lahatra ny Miarakap ka nametraka renivola miasa ao amin’ny Apem. Hatevenina, araka izany, ny famatsiam-bola hisarihana olona maro, indrindra ny tanora, na ireo efa manana ny ataony ka mila hatsaraina sy hampitomboana.

“Mahafaly anay ny manampy ny Apem mijoro ara-dalàna sy manana fanamby hampiakatra ny harinkarena”, hoy ny mpiandraikitra ao amin’ny Miarakap, Rtoa Alia Drouin. Tanteraka izao famatsiam-bola izao noho ny fiaraha-miombon’antoka eo amin’ny Miarakap sy ny Coopération de Monaco, namatsy vola ny fanampiana teknika talohan’ny nandraisana fanapahan-kevitra amin’izao fiarahan’ny roa tonta izao. Tsiahivina fa atao hanohana ireo fianakaviana sahirana hampitombo ny vola miditra ny Apem. Vehivavy ny 70 % ny mindram-bola ao aminy.

 

R.Mathieu

 

Apem Paiq (1): Association pour la promotion de l’entreprise-Projet d’appui pour les initiatives des quartiers (Faritra Analamanga sy Itasy)

Miarakap* : Afaka mampindram-bola 100 tapitrisa hatramin’ny 1 miliara Ar

Article tiré de Newsmada

L’article APEM PAIQ sy MIARAKAP: miara-miombon’antoka ho amin’ny fampindramam-bola a été récupéré chez Newsmada.

Zarao

Share this...
Share on Facebook
Facebook
Tweet about this on Twitter
Twitter

Vakio ihany koa

News - News Mada

Tanora Malagasy: misy 14 taona efa mampiasa DIU 

Amin’ny vehivavy mampiasa fanafody fanabeazana aizana maharitra 12 taona (DIU), misy tovovavy 14 taona ny mpanaraka mitohy raisin’ny Fianakaviana Sambatra sampana Antananarivo an-tanana. Mahatratra 3 970 ireo mpampiasa ity sokajim-panafody atao ao amin’ny tranon-jaza miaro ny vohoka mandritra ny 12 taona ity. Matetika ny tovovavy efa manana anaka iray na roa ka maniry ny tsy hiteraka ao anatin’ny fotoana maharitra no misafidy ny DIU. Miaraka amin’ny reniny izy, manatona ny FISA ary toromarika avy amin’ity farany no mahatonga azy ireo handrindra fiterahana. Nivoaka ny volana desambra 2017 ny lalàna momba ny fanomezan-danja ny fampiasan’ny zatovo ny fanafody fandrindram-piterahana. 7 500 ny mpanaraka mitohy ny fanafody fandrindram-piterahana ao amin’ny FISA Antananarivo.  Vehivavy 50 isam-bolana kosa ireo sambany hampiasa fanafody hanelanelana ny fiterahana na isorohana ny vohoka tsy niriana. 600 ireo mametraka ny fitaovana fanabeazana aizana asisika amin’ny sandry ka miaro telo taona ary 500 kosa mampiasana pilina hanina isan’andro ary 700 mitsindrona. 24%-n’ny tanora mampiasa ny fanafody mandrindra fiterahana, araka ny fanadihadiana farany.Zava-dehibe ny fibeazana ny tanora tsy hiroso amin’ny firaisana aloha loatra ialana amin’ny vohoka tsy niriana sy ny aretina azo avy amin’ny firaisana ara nofo tsy voaaro. Ao anatin’ny Herinandron’ny Fianakaviana  Sambatra, misy ny fandefasana horonan-tsary mizara ny olan’ny tanora amin’ny andavanandro ary hanatsoahana lesona amin’ny tokony hitondrana ny fiainana eny amin’ny foiben-toerana Ambatomitsangana. Misy koa ny lalao samihafa sy fifaninanana momba ny fahafantarana ny FISA.Vonjy A.                             L’article Tanora Malagasy: misy 14 taona efa mampiasa DIU  a été récupéré chez Newsmada.

News - Midi Madagasikara

Ankililoaka Toliara II : Zazalahy kely kilemaina 6 taona, noloaran’ny mpangala-taova ny voamasony roa  

Trangam-piarahamonina nahonena sy nampivarahontsana ny maro no niseho tany amin’ny fokontany Ankiliabo, ao anatin’ny kaominina Ankililoaka, distrikan’i Toliara, ny zoma teo, fa zazalahy kely iray kilemaina tsy afa-mandeha vao 6 taona monja no nisy nanatsoaka tamin’ny zava-maranitra ny masony roa, ka nandriaka ny rà. Sahirana ara-pivelomana ny ray aman-drenin’ity zaza niharan’ny habibiana, ka tsy nanam-bola azo nitondra an’ity zaza nandeha namonjy toeram-pitsaboana. Vetivety moa dia niely ny vaovao, ka raha vao nandre izany ny Fikambanana Mazoto, afak’omaly, dia nandray an-tanana an’ity zaza naratra mafy noloarana maso, ary nitondra an’ity farany notsaboina ao amin’ny hopitaliben’i Toliara. Hanamasinana ody mahery ! Omaly no niatrika fandidiana ilay zaza, ary mbola marefo ny fahasalamana ka mila arahi-maso akaiky, raha ny nambaran’ny mpitsabo. Nisy moa ny olona noahiahiana tamin’ity halatra taova ity. Raha ny tati-baovao voaray tamin’ny fotoana nanoratana ny lahatsoratra, fa efa nosamborin’ny Dinabe ity voatondro ho mpangala-taova, ary hatolotra ny mpitandro filaminana aorian’ny kabary ara-drazana tsy maintsy hatao. Mametra-panontaniana ny mpanara-baovao hoe: « nahoana no any amin’ny distrikan’i Toliara II (manamorona ny RN9) foana no isehoan’ny trangana fangalarana mason’olona tato ho ato ? » Raha ny tsilian-tsofina nandritra ny fanadihadiana natao, dia misy ombiasa izay manamasina ny ody maheriny (mba tsy ho lai-bala sy tsy ho lai-by ary manao masobe tsy mahita hono) mangalatra voamaso na zaza am-bohoka ataon’izy ireo sakafo. Eric ManitrisaL’article Ankililoaka Toliara II : Zazalahy kely kilemaina 6 taona, noloaran’ny mpangala-taova ny voamasony roa   a été récupéré chez Midi Madagasikara.

News - People - Jejoo

Notanterahina tamin’ny 27 Novambra ny fitsarana ny raharaha mahakasika ilay didim-pananana navelan’i Johnny Hallyday

Tsiahivina fa tsy namela n’inona n’inona ho an’ireo zanany mihitsy izy, ao anatin’izany ka nangataka ny handova azy kosa ireo zanany. Nangataka ireto farany noho izany ny amin’ny tsy hanomezana an’i Laeticia ny 75% amin’ny tombom-barotra azo amin’ny famarotana ireo raki-kiran’i Johnny “Mon pays c’est l’amour” ka ho azy 4 mianadahy io 75% io ary ho an’i Laeticia kosa ny 25%. Cet article a été récupéré chez Jejoo

News - Ao Raha

Ankizy nalaina an-keriny

Nalain’ny jiolahy an-keriny tao an-tranony ny ankizilahikely iray, 13 taona, zanaka mpamboly tany Anjiajia Ambato Boeny, ny alin’ny alahady lasa teo. Vola mitentina valopolo tapitrisa ariary no heno fa takian’ireo mpaka an-keriny ho takalon’ny famerenana an’ilay ankizy. Noho ny fiaraha-miasa teo amin’ny ny zandary sy ny fokonolona dia votsotra ny ampitson’io izy. Tsy nisy ny fandoavam-bola an’ireo olon-dratsy. L’article Ankizy nalaina an-keriny est apparu en premier sur AoRaha.

News - Triatra

Raharaha CHD Manjakandriana : Nandray fanapahan-kevitra anjambany ny minisitera

Nalaza tao amin’ny tambazotra sosialy “facebook” tamin’ny fiandohan’ny herinandro teo, ny mahakasika ilay mpampivelona nanao antsirambina ny asany ao amin’ny CHD tany Manjakandriana. Raha ny hita tao amin’ny “facebook”, nozarain’ny havan’ny niharam-boina dia vehivavy iray handeha hiteraka tao amin’ity hopitaly ity no tsy nilaozan’ilay mpampivelona natory, nefa efa mipoitra ny lohan-jazakely. Nambaran’ilay mpampivelona tamin’io fotoana io, araka ny fizarana hita hatrany fa tsy vitany ny mampiteraka ilay renim-pianakaviana, ka nasaina naka fiara miakatra aty an-drenivohitra. Rehefa nandeha natory anefa io mpampivelona dia teraka ihany ilay zazakely rehefa nifanome tanana ireo olona tao amin’ny hopitaly. Manoloana ity tranga tsy mendrika ny asa fitsaboana ity, dia nidina tany an-toerana avy hatrany ny tompon’andraikitra tao amin’ny minisiteran’ny Fahasalamam-bahoaka, notarihin’ny talen’ny kabinetra nanao fanadihadiana. Rehefa natao anefa ny fanadihadiana dia lainga sy fanosoram-potaka ilay mpampivelona avokoa no nataon’ny fianakavian’ny niharam-boina tao amin’izany tambazotra sosialy izany. Nambaran’ny vadin’ilay ramatoa niharam-boina fa nanao ny asany soa aman-tsara ilay mpampivelona, ary efa tsy vitan’ny renin-jaza avy any izy ireo vao nanantona toeram-pitsaboana. Tsy vitan’izay fa efa nosintonina tamin’ny “ventouse” intelo ilay zazakely, saingy mbola tsy teraka ihany. Farany dia nanafatra azy ireo hitady fiara hiakatra aty an-drenivohitra ilay rasazy fa nandritra io fotoana io, nitady “médecin de garde” ilay mpampivelona fa tsy nandeha natory velively araka ny feo mandeha. Teo anelanelan’ireo fotoana ireo no teraka soa aman-tsara ilay zaza, raha ny fitantaran’ny vadin’ilay ramatoa niteraka, rehefa nohadihadian’ny minisitera. Ny olana anefa, nanapa-kevitra hamindra ilay rasazy amin’ny toerana hafa izay lavitra no saro-dalana ny minisitera. Fanapahan-kevitra an-jambany ihany satria mbola tsy nanao fanadihadiana sy nahalala ny zavatra tena nitranga marina ny minisitera no nandray azy io. Fanasaziana diso toerana, ary tsy fitsinjovana ireo mponina lavitra no handefasana ireo mpitsabo any ireny, fa noho ny anton’ny fanasaziana. Tsy mahagaga ihany koa raha tsy misy mpitsabo mihitsy ireny tobim-pahasalamana lavitra andriana ireny, satria miandry olona voasazy vao hisy mpitsabo, manao antsirambina ny asany ireny mpitsabo ireny rehefa tonga any ambanivohitra lavitra any satria fanasaziana no handefasana azy any. Ny fanapahan-kevitra goragora ohatraz izao ihany no tsy mampandroso ny firenena. Laurena Nany L’article Raharaha CHD Manjakandriana : Nandray fanapahan-kevitra anjambany ny minisitera est apparu en premier sur .L’article Raharaha CHD Manjakandriana : Nandray fanapahan-kevitra anjambany ny minisitera a été récupéré chez Triatra.

News - Triatra

Depiote Raholijaona Harson : Miaraka amin’ny vahoaka

Mifanesika sy mifanitsa-kitro ny fanohanana ny kandidà laharana faha-25, Marc Ravalomanana, amin’izao fotoana hiatrehana ny fihodinana faharoa amin’ny fifidianana Filoham-pirenena izao. Anisan’izany ny depiote voafidy tao amin’ny distrikan’i Tsiroanomandidy, Faritra Bongolava, Raholijaona Harson. Solombavambahoaka avy amin’ny Andrin’i Madagasikara, ary nisafidy ny hanohana ny kandidà Marc Ravalomanana amin’ity fihodinana faharoa, izay tanterahina ny 19 desambra izao ity. Nambaran’ity solombavambahoaka ity fa « miaraka amin’ny vahoaka » ny tenany. Noho izany, ny vahoaka, hoy izy, manaraka ny kandidà laharana faha-25, ary ny tenany dia vahoaka, ary ny vahoaka no naha-depiote azy. Araka izany, notsindriany fa tsy afaka ny hamitaka ny vahoaka nifidy azy tao amin’ny distrikan’i Tsiroanomandidy mihitsy ny solombavambahoaka Raholijaona Harson. « Amin’ny fomba ahoana moa no hanadinoako sy tsy hiarahako amin’ny vahoaka. Izy ireo no nifidy ahy hitondra ny teniny eo anivon’ny Fanjakana, noho izany miaraka amin’izy ireo aho. Ny vahoaka nanaraka ny kandidà laharana faha-25, noho izany koa, manaraka ary manohana io kandidà io ny tenako », hoy hatrany ny depiote Raholijaona Harson. Ankoatra izay, raha ny mahakasika ny fanohanany ny kandidà Marc Ravalomanana indray, mazava ny teny nolazainy fa efa manana stratejia hampandaniana ny kandidà tohanany izy. Nambarany fa raha manodidina ny 10 000 mahery no latsa-bato azon’ny kandidà Marc Ravalomanana tamin’ny fihodinana voalohany, mampanantena ity solombavambahoakan’i Tsiroanomandidy ity fa hampakatra izany ho 20 000 hatrany amin’ny 30 000 latsa-bato. Etsy andaniny, mahakasika ny fandaharan’asan’i Marc Ravalomanana, nilaza ny depiote Raholijaona Harson fa maharesy lahatra ary mahavelom-panantenana tanteraka ny « Manifesto » sy ny MAP II. Anisan’ny nahasarika ity solombavambahoaka ity ireo tetikasan’i Marc Ravalomanana, ka nanosika azy ho amin’ny fanohanana tsy am-pihambahambana. « Tsara loatra ny tetikasa ho fitsinjovana ny vahoaka. Tetikasa tsy tia tena fa mizara ahafaha-mampandroso. Tsy misy afa-tsy ny tetikasan’ny kandidà Marc Ravalomanana ihany anefa no maharesy lahatra sy ahafahana manantena amin’ny fampivoarana ny firenena sy ny fiainam-bahoaka », hoy ny depiote Raholijaona Harson. MN L’article Depiote Raholijaona Harson : Miaraka amin’ny vahoaka est apparu en premier sur .L’article Depiote Raholijaona Harson : Miaraka amin’ny vahoaka a été récupéré chez Triatra.

News - Ao Raha

FITSARANA IREO VOKA-PIFIDIANANA :: “Azo atao ny mamerina manisa ireo biletà tokana”, hoy ny HCC

Namoaka fanambaràna ny Fitsarana avo momba ny Lalàm-panorenana na ny HCC, omaly. Nilaza izy ireo fa “efa eo am-panamarinana ireo fitanana an-tsoratra sy ny biletà tokana isaky ny birao fandatsaham-bato izy ireo amin’izao fotoana izao. Azo atao ny mamerina manisa ireo biletà tokana tsirairay isaky ny birao fandatsaham-bato raha toa ka tsikaritra fa misy tsy fahatomombanana lehibe”, hoy ny HCC. Ankoatra ny famoahana ny voka-pifidianana ôfisialy, izay hotontosaina amin’ny 28 novambra amin’ny 10 ora maraina dia nilaza Andrianirina Ratsarazaka Ratsimandresy, talen’ny kabinetran’ny filohan’ity andrimpanjakana ity, omaly, teny Ambohi- dahy fa “tsy mitovy ny logiciel ampiasain’ny Ceni sy ny HCC ary samy manana ny fomba fiasany”. “Mety ho samy hafa noho izany ny vokatra havoakan’ny HCC sy ny Ceni”, hoy izy. Fantatra ihany koa omaly fa miisa roa ambin’ny folo sy roanjato ireo fitoriana voarain’ity andrimpanjakana ity, omaly. Momba ny fanisam-bato indray dia nilaza io tompon’ andraikitra io fa “voara-maso tsirairay ireo fitanana an-tsoratra tonga eny anivon’ny HCC”. Fanosoram-potaka Mbola nanamafy izany ny voarakitra ao anatin’ilay fanambaràna an-tsoratra navoakan’ny HCC. “Misy ny fanitsiana atao momba ireo tsy fahatomombanana sy ireo zavatra tsy mifanaraka amin’ny tokony ho izy izay tsikaritra. Atao avokoa ireo rehetra ireo mba hisian’ny vokatra tena izy. Aminay dia ny fanajana ny safidin’ny mpifidy no lohalaharana”, hoy izy ireo. Toa mamaly ny hetsika sy ny fitakian’ireo kandidà sasany ihany koa anefa ny HCC ao anatin’io fanambaràna nataon’izy ireo, omaly io. Manome toky izy ireo manoloana ireny fa “tsy hisy fiantraikany amin’ny asa hiandraiketan’ izy ireo amin’izao fitsarana ny voka-pifidianana izao ny faniratsirana, ny fanalam-baraka, ny fanosoram-potaka, ny fanapariahana vaovao tsy marina sy ny maro hafa”. L’article FITSARANA IREO VOKA-PIFIDIANANA :: “Azo atao ny mamerina manisa ireo biletà tokana”, hoy ny HCC est apparu en premier sur AoRaha.

News - Triatra

Ambodinisotry : Toerana be mpanendaka

Mafana ny tsy fandriam-pahalemana eny amin’ny faritra Ambodinisotry sy ny manodidina. Na andro antoandro aza dia aharenesana fanendahana sy harom-paosy eny an-toerana, ary mazana ny andro alatsinainy. Manomboka eny amin’ny “Aigle” no toerana voalazan’ny lehiben’ny fokontany eny an-toerana fa mitady ho voasokajy ho faritra mena mihitsy. Maro ireo mpifoka rongony monina eny amin’ity faritra, ary mitoby amin’ny toerana iray, izay ahiana ho isan’ny miteraka izany tsy fandriam-pahamemana izany. Efa nandraisana fepetra niaraka tamin’ny mpitandro filaminana ny momba izany, ary efa misy ny fisafoana, saingy miala izy ireo ary miverina indray rehefa vita ny fitsirihana ny toerana. Efa maro ny olona nitaraina ho niharan’ny fanendahana teny an-toerana, izay mikaikaika mihitsy noho ny fahavoazany. “Isaka ny alatsinainy, ary vao mipaika ny amin’ny 12 ora antoandro dia efa manomboka ny fanendahana”, hoy hatrany ny fanazavan’ireo efa lasibatra. Mivezivezy eny Isotry izy ireo, ary kendreny ireo olona mitondra sakaosy kely, ka iny no arahiny. Tsapain’izy ireo ny paosiny, na ilay sakaosy kely, ka raha vao mibontsimbontsina sy mafimafy dia fantatr’izy ireo fa misy zavatra ao. Samy manana ny anjara andraikiny avokoa ireto farany, izay manodidina ny telo eo foana rehefa manao ny fanendahana. Ny iray mody manosika, ary ny iray hafa maka ny zavatra eny amin’ilay olona ary mandositra avy eo. Finday sy vola matetika no lasan’izy ireo amin’ izany. Tsy mifidy ihany koa izy ireo na lehilahy na vehivavy, rehefa mandalo eny amin’io toerana voatondro io. Na izany aza, miara-misalahy mitsirika sy manara-maso io toerana voalaza fa feno mpanendaka sady mifoka zava-mahadomelina io ny polisy, rehefa maharay fampandrenesana avy amin’ny fokontany. Taorian’io indray dia andro antoandro be ihany koa no nisian’ny resaka fanendahana miaro vonoan’ olona. Olona mandeha amin’ny arabe mitondra poketra no arahiny eny Ambodinisotry, sintoniny mafy ny entana entiny, ary rehefa azony dia mandositra any Andranomanalina ireo olon-dratsy, raha ny fanazavana voaray hatrany. Nny faran’ny herinandro teo izao dia nisy fidinana tampoka, ka lehilahy roa noraisim-potsiny, rehefa nanaovana fanarahan-dia, ka tratra tao amin’ilay toerana fivorivoriana andiana mpanendaka. Valérie R. L’article Ambodinisotry : Toerana be mpanendaka est apparu en premier sur .L’article Ambodinisotry : Toerana be mpanendaka a été récupéré chez Triatra.

News - News Mada

One minute junior tany Amsterdam: nahazo loka Razanamalala Christella

Anisan’ny voasokajy ho mendrika ary tafiditra amin’ny horonantsary telo niavaka ka nahazo loka ilay novokarin-dRazanamalala Christella, Malagasy 16 taona avy any Taolagnaro. « Fanaka malemy » ny lohatenin’ny horonantsary novolavolainy, mitantara ny zavatra iainan’ny ankizivavy any amin’ny faritra atsimo voaterin’ny fianakaviana hiroso amin’ny fanambadiana nefa tsy ampy taona akory. « Faly aho satria henon’izao tontolo izao ny antsoko momba ny zava-misy mianjady amin’ny ankizivavy. Fandresena  ho an’ny ankizivavy malagasy rehetra  izany», hoy i Christella teo am-pandraisana ny loka azony tany Amsterdam, ny faran’ny herinandro lasa teo, nandritra ny fifaninanana One minute junior taona 2018. Ankoatra ny taratasy fanamarihana ny fandreseny, nahazo fitaovana fakana horonantsary  ahazoany manohy ny famokarana horonantsary ny tenany avy amin’ny tontolon’ny famokarana horonantsarimihetsika holandey. Notolorana loka koa  i Cheung avy any Hong kong sy Adil avy ao Pays Bas. Nisy loka manokana natolotra ho an’ny tanora mpitsoa-ponenana iranianina, i Reza sy i Mohamed tamin’ny horonantsarimihetsika « My dream » sy « Smile ». Telo ny horonantsary malagasy niady ny fandresena tao anatin’ny fifaninanana famaranana tany an-toerana. 500 ny horonantsary nosafidianan’ny mpitsara. Nialoha ny fifaninanana, nofanin’ny Unicef tany Taolagnaro momba ny famokarana horonantsarimihetsika fohy ireo tanora ahafany mizara ny zavatra iainany amin’ny andavanandro. Tao anatin’ny festival international du film documentaire d’Amsterdam (IDFA) no nandefasana ny sanganasa tafakatra tamin’ny famaranana. Vonjy A.

News - Delire Madagascar

MPAMPIANATRA FANATANJAHANTENA: Samy hafa ny any an-tsekoly sy ny federasiona

Mampatsiahy ny fitakiana nataony ny mpampianatra  fanatanjahantena (EPS). Efa nisy tamin’ireo fangatahan’izy ireo no voavaly amin’ny ampahany saingy mbola misy ihany koa no mbola tsy voavalin’ny fanjakana. Noho izany, mangataka fifampidinihana ahitam-bokatra ireo mpampianatra EPS araka ny fanazavan’izy ireo nandritra ny valan-dresaka natao ho an’ny mpanao gazety  omaly 27 novambra 2018. Ao anatin’ny fitakian’ny mpampianatra EPS ny hoe : « tsy tokony hasiana vary mangatsiaka ny fandoavana ny tambin-karama ny mpanadina EPS  amin’ny BAC na ny BEPC, tsy tokony hampianatra fanatanjahantena raha tsy mivoaka avy ao amin’ny fianarana ambaratonga ambony  mampiofana mpampianatra (ENS). Misy olona anefa mahazo fahazoan-dalana mampianatra ka mandeha mampianatra taranja fanatanjahantena. Tsy tokony avela hampianatra EPS izy satria saro-pady io taranja io », hoy ny mpitondra tenin’ireo mpampianatra, Rivo Blandin.  Ankoatra izany, mampatsiahy ny ministeran’ny fanabeazam-pirenena (MEN)  ireo mpampianatra fa zava-dehibe  ny  « Education physique de qualité » (EPQ) izay voizina manerantany. Manoloana izany, mangataka izy ireo mba hasiana sampandraharaha manokana eo anivon’ny MEN hisahana ny fanabeazana ara-panatanjahantena mba hisorohana ny olana miverimberina rehefa mikarakara ny adina ara-panatanjahantena. Hisahana ny fandrafetana  ny fandaharan’asa mifandraika amin’ny EPQ sy handrindra ny fanatanjahantena any an-tsekoly ihany koa  io sampandraharaha io. Nilaza izy ireo fa tady ho lasa any amin’ny fanatanjahantena tantanin’ny federasiona ny fanabeazana ara-panatanjahantena any an-tsekoly kanefa samy hafa ireo sehatra ireo. « Mamolavola ny mpianatra amin’ny alalan’ny fanatanjahantena ny any an-tsekoly. Misy fitsipika manokana kosa  ny an’ny federasiona”.  Araka ny fanambaran’ny mpampianatra, mitaky ny hamerenana ny  taranja EPS amin’ny  BAC ho “coefficient 2” sy ho taranja tsy maintsy atao ny EPS amin’ny BEPC ihany koa izy ireo rehefa mandeha tsara ny fanatanjahantena any an-tsekoly, mizotra tsara ihany koa ny fanatanjahantena tantanin’ny federasiona. Lynda A. Cet article MPAMPIANATRA FANATANJAHANTENA: Samy hafa ny any an-tsekoly sy ny federasiona est apparu en premier sur déliremadagascar.

Malaza androany

Notsongaina

Fandaharanasa PEJAA: 870 tapitrisa Ar ho an’ny tanora tantsaha miisa 35

 Navoaka tamin’ny fomba ofisialy, omaly tany Antsirabe, ireo tanora tantsaha mpandraharaha miisa 35 mianadahy. Niofana nandritra ny herintaona izy ireo, mikasika ny fandraharahana amin’ny fambolena ao anatin’ny Fandaharanasa ho an’ny tanora hampiroboroboana ny orinasa miompana amin’ny fambolena sy ny fanodinam-bokatra (PEJAA). Namolavola azy ny governemanta malagasy amin’ny alalan’ny minisiteran’ny Fambolena sy ny fiompiana ary ny jono (Maep).Nandritra ny herintaona ny fiofanana, ho an’ny tanora 18 hatramin’ny 35 taona, manana ny mari-pahaizana licence, mavitrika ary manana hevitra sy tetikasa mikasika ny fandraharahana amin’ny fambolena. Avy any amin’ny faritra 22 izy ireo, niofana momba ny asa tany amin’ny Fifamanor Antsirabe.Nandrafitra tetikasa miisa 27Miisa 27 ny drafitrasa narafitr’izy 35 mianadahy. Hoentin’izy ireo hanatanteraka ny tetikasany avy, namatsy vola mitotaly 870 340 000 Ar ho an’ity andiany voalohany sady filamatra ity ny banky BNI, miendrika fampindramam-bola, saingy kely ny tahan’ny zanabola. Miaraka manara-maso ny fanatanterahana ny tetikasa tsirairay ny PEJAA sy ny BNI.Nahafahana nanatontosa ity fandaharanasa PEJAA ny fiaraha-miasa eo amin’ny governemanta malagasy sy ny Banky afrikanina ho an’ny fampandrosoana (Bad). Tanjona ny hampiroboroboana ny fambolena sy ny fanodinam-bokatra. Mitentina 7,23 tapitrisa dolara ny fandaharanasa ka fanomezana tsy onerana ny 6,23 tapitrisa dolara, ho an’ny PEJAA, hanohanana vola ny tetikasan’ny tanora.Nampahafantarina nandritra ity fotoana tany Antsirabe ity koa ny andiany faharoa manaraka.Njaka Andriantefiarinesy  L’article Fandaharanasa PEJAA: 870 tapitrisa Ar ho an’ny tanora tantsaha miisa 35 a été récupéré chez Newsmada.

Vadin’ny filoha, Rajoelina Mialy: « Hofaizina ireo manao herisetra amin’ny vehivavy…”

Tsy ambanambana intsony fa tena vaky ny ady amin’ny herisetra eto amintsika. Nanomboka, omaly teny amin’ny CCI Ivato, fanentanana ny ady amin’ny  herisetra mifototra amin’ny maha lahy na maha  vavy na ny mira lenta. Nitarika izany ny vadin’ny filoha, Rajoelina Mialy.Nambarany tamin’ny lahateniny fa ilaina ny fiaraha-miasan’ny rehetra manoloana ity ady ity. “Nihaona  tamin’ny minisitry ny Fitsarana sy ny Mponina izahay ny amin’ny fahafaha- mametraka rafitra hisorohana ny herisetra sy ny hanafaizana  ireo tompon‘antoka  ary   ny handraisana an-tanana  ireo iharan’izany”,  hoy izy. Nanteriny fa ilana fahavononana ny hampitsaharana ny herisetra. Fanombohana  ihany  anefa  izao fanentanana izao, araka ny  nambarany. “Mbola lavitra ny lalana hodiavina ary tsy vitan’ny resaka am-bava fotsiny fa mila  fandraisana andraikitra izany ady amin’ny herisetra amin’ny vehivavy sy  ny ankizy izany” hoy ihany  izy. Natsidiny tamin’izany fa hatao laharam-pahamehana ny famolavolana lalàna hiadiana amin’ny herisetra sy ho fiarovana ny zon’olombelona.Fahavononana hivoatra Notsiahiviny fa maro ireo efa nitondra takaitra noho ny herisetra. Niaina tantara mampalahelo sy manohina fo, nandalo lalam-piainana sarotra, nanaiky hizara izany. Niharan’ny herisetra amin’ny vatana ary nitondra  takaitra. Teo koa anefa ireo lehilahy,  ny ankizivavy niharan’ny fanolanana. “Niraisan’izy ireo ny fahavononana hivoatra. Mendrika hoderaina   ny  fahasahin’izy ireo.. . Matoky fa ny mpanabe na ny Andrimpanjakana sy ny fanjakana samy afaka mitondra anjara biriky hiady amin’ny herisetra. Ireo zatra ny lalan-diso kosa,  fotoana  izao hanovana famindra… Helohin’ny lalàna ny herisetra”, hoy ny filohan’ny Fitia.Tsiahivina  fa mpiara-miombona antoka amin’izao famakiana ady amin’ny herisetra izao ny rantsan’ny firenena mikambana UNFPA sy ny eo  anivon’ny  minisiteran’ny Mponina ary  ny avy amin’ny Fitsarana.Synèse R.  L’article Vadin’ny filoha, Rajoelina Mialy: « Hofaizina ireo manao herisetra amin’ny vehivavy…” a été récupéré chez Newsmada.

FIKAMBANANA FAN’DIO: Nanatevin-daharana ny « tagnamaro »

Tsy  fanodinana sarimihetsika no nataon’ny ekipan’ny « Scoop Digital » teny amin’ny EPP Ambohipo, androany sabotsy 27 aprily 2019  fa fandraisana anjara amin’ny fanampiana ny mpiara-belona. Tamin’ny alalan’ny fikambanana FAN’dio dia nanatevin-daharana ny hetsika « tagnamaro : andron’ny olom-pirenena » ny ekipan’ny trano mpamokatra sarimihetsika « Scoop Digital ». Nambaran’ny tomponandraikitra ao amin’ny fikambanana, Razafimandimby Mamitiana fa  hetsika efa fanaon’ny fikambanana hatramin’izay ny asa fanadiovana. Ho fandraisana andraikitra amin’ny maha olom-pirenena sy fanentanana ny hafa dia niara-nientana tamin’ny tagnamaro, notarihin’ny ministeran’ny serasera sy ny kolontsaina izahay, araka ny fanazavany. Fikambanana mpanao asa fanadiovana ny FAN’dio. Anisany nitondra ny anjara birikiny tamin’ny fanomezana fitaovana ampiasaina amin’ny fandokoana sy loko ny fikambanana nandritra ny hetsika. Ankoatra izany dia nanampy tamin’ny fanadiovana ny tokontanin-tsekoly, ny fandokoana ny tamboho ary ny fanamboarana ny zaridaina tao amin’ny EPP Ambohipo ny mpikambana ao amin’ny FAN’dio. Lynda A. Cet article FIKAMBANANA FAN’DIO: Nanatevin-daharana ny « tagnamaro » est apparu en premier sur déliremadagascar.

GSDM-EFTA: Nivoaka teknisiana misahana manokana agroécologie

Tsy ampy ireo teknisiana ara-pamokarana hanolo-tsaina ny tantsaha hiatrika ny fiovaovan’ny toetr’andro. Izany  indrindra no antom-pisian’ireo « conseillers spécialisés en agriculture de conservation et agroécologie» (AE/AC). Nivoaka tamin’ny fomba ofisialy ny 19 aprily 2019 teny amin’ny sekoly fampiofanana teknisiana ara-pamokarana (EFTA) Ambatobe Antananarivo ny andiany voalohany amin’ireto teknisiana misahana manokana ny fambolena maharitra ireto. Avy amin’ny EFTA Analamalotra Toamasina sy Iboaka Fianarantsoa izy 30 mianadahy ireo ary nisalotra ny anarana “natiora” ny andiany avy ao Toamasina. “Misantatra” kosa ny avy any Fianarantsoa. Raha ny fanazavan’ny talen-tsekolin’ny EFTA Analamalotra Toamasina, Rakotomalala Nicole dia nanaraka ny lasi-piofanana nasionaly sy  “approche par les compétence” (APC) ny fiofanana nataon’ireo mpiofana nandritra ny herintaona. Nandalo fanazaran’asa ihany koa izy ireo. Noho izany dia vonona ny hiatrika ny asa  avy hatrany. Nampiavaka ireto andiany voalohany ireto ny finiavan’ireo mpiofana sasantsany  nandao ny asany teo aloha noho fitiavana te hanasoa ny tantsaha manoloana ny fiovaovan’ny toetr’andro. Tombontsoa Vokatry ny fiarahamiasan’ny ministeran’ny fambolena sy ny fiompiana ary ny jono (MAEP) sy ny EFTA ary ny GSDM, matihanina manokana momba ny fambolena maharitra (agroécologie) ity fampiofanana teknisiana AE/AC ity. Tetikasa nanomboka ny taona 2016 ka hatramin’ny 2020 ny fampiofanana teknisiana misahana manokana ny fambolena maharitra. Nambaran’ny tale mpanatanteraky ny GSDM, Rakotondramanana fa dingana maro no nolalovana talohany nahatongavana tamin’izao famoahana teknisiana andiany voalohany izao. Tamin’ny alalan’ny tetikasa PAPAM, vatsian’ny AFD (Agence Française de Développement) niampy ny fanampian’ny MAEP, ny FOFIFA, ny oniversite, ONG sy tetikasa maro,  mpampianatra-mpampiofana 18 amin’ireo ivon-toeram-pampiofanana momba ny famokarana sy ny tontolo ambanivohitra (CEFAR) no nofanin’ny GSDM. Nilaza ihany koa Rakotondramanana fa tamin’ny taona 2014 no nandrafetana ny lasi-pampiofanana nahafahana nampiofana ireto mpianatra ireto. Hanampy ny tantsaha, ny tetikasa hiatrika ny voka-dratsy ateraky ny fiovaovan’ny toetr’andro ireto teknisiana ireto. Sady mamokatra no mitazona ny tsiron’ny tany no tombontsoa ho azy amin’izany, hoy ny tale mpanatanteraky ny GSDM. Ankoatra izany, miady sy misoroka ny voka-dratsy ateraky fiovaovan’ny toetry ny andro ny fomba fambolena maharitra. Sekolim-panjakana eo ambany fiahian’ny ny MAEP ny EFTA. Ahitana azy avokoa ny renivohi-paritany enina eto Madagasikara. Amin’ny alalan’ny fifaninana no idirana ao amin’ny sekoly. Anjaran’ny EFTA Ambatobe Antananarivo sy Bezaha Toliara indray no hisitrika ny fampiofanana teknisiana AE/AC ho an’ny taom-pianarana 2018-2019. Nirina R. Cet article GSDM-EFTA: Nivoaka teknisiana misahana manokana agroécologie est apparu en premier sur déliremadagascar.

Niakatra ny hafanana: nangotraka ny dihy tao amin’ny Coliseum

Anisan’ireo hetsika goavana, nanamarika iny Alatsinain’ny Paska iny, ny tao amin’ny Coliseum Antsonjombe. Mpanakanto samy manana ny lazany eo amin’ny tontolon’ny mozika mafana no nifandimby niaka-tsehatra. Azo lazaina ho namaly ny filàn’ny olona, indrindra amin’ny fotoana toy ireny, izany, hany ka tsy ankiato ny dihy sy ny fampiaraham-peo tamin’ny mpanakanto. Ny andro, efa nafana, ary vao mainka niakatra izany, noho ny tsinjaka sy ny totorebika.Na izany aza, hita ho samy nahazo ny anjarany na ny kely na ny lehibe. Ankoatra ireo artista mpihira mantsy, tonga nifaly tamin’ny fianakaviana ihany koa ny avy amin’ny Team Safelika, izay tsy zovina amin’ny maro intsony. Araka ny fanazavan’ny talen’ny Scoop Digital, i Mamitiana, hitohy any amin’ny faritra ny dian’ireto ekipa ireto.Heverina fa afa-po ny mpilanonana, teny amin’ny Coliseum Antsonjombe. Toy izany koa ny mpikarakara: ny Scoop Digital sy ny Maki Prod.Landy R. L’article Niakatra ny hafanana: nangotraka ny dihy tao amin’ny Coliseum a été récupéré chez Newsmada.

Mpivarotra amoron-dalana: tsy manaiky ny fotodrafitrasa vaovao 

Nisavorovoro ireo mpivarotra legioma amoron-dalana (manoloana ny fivarotan-kena) etsy Analakely, omaly, noho ny fametrahana trano vy nataon’ny kaominina eo amin’ny toeram-pivarotan’izy ireo mahazatra. Tsy nisy nanampo na inona na inona ny mpivarotra, omaly maraina, raha hivarotra fa tsy teo intsony ny entan’izy ireo fa nisy nanangona. Tezitra sy nangataka ny hamerenana ny entana rehetra (legioma samihafa) ny mpivarotra satria amina tapitrisa ny vidin’izany. Nanambara ny tsy hanaiky hiala amin’ny toerana koa izy ireo manoloana ny fananganana fotodrafitrasa vaovao. Nilaza ny lehiben’ny mpivaro-kena eo Analakely fa nisy ny fampahafantarana telo volana mialoha ireo mpivarotra legioma fa voatery hoesorina izy ireo noho ny tetikasa ataon’ny kaominina. « Nanaraka ambaratonga mazava ny tetikasa izay fanorenana tsena vaovao ho an’ny mpivaro-kena ara-dalàna », hoy izy. Efa nampoizina ny fihetsik’ireo mpivarotra amoron-dalana ka izay no nanaovana ny asa ny alahady alina. Efa nafindra toerana sy nalaina sary avokoa ny entana ary tsy misy very izany.Vonjy    L’article Mpivarotra amoron-dalana: tsy manaiky ny fotodrafitrasa vaovao  a été récupéré chez Newsmada.

Sri Lanka: baomba napoaka, olona 290 maty

Olona 290 indray maty, ary 300 naratra tany Sri Lanka, ny alahady fetin’ny Paka teo, noho ny fipoahana baomba tamina fiangonana tany an-toerana. Fiangonana katolika miisa telo sy trano fandraisam-bahiny lehibe telo no nahitana fipoahan-javatra mahery vaika tany Colombo sy ny manodidina.Isan’ireo fiangonana voakasik’izany ny fiangonana  “Saint-Anthony” any Colombo; ny fiangonana “Saint-Sébastien” any Negombo, somary avaratra ny Renivohitra Sri Lanka, ary ny fiangonana any Batticaloa, atsinanan’i Colombo. Nandritra ny fotoam-pivavahana mihitsy no nisehoan’ny fipoahana tamin’izany. Tsy mbola fantatra ny nahavanon-doza, kanefa ahiana ho ireo silamo mahery fihetsika. Misokatra ny fanadihadiana any Sri Lanka.Nangonin’i Yves S. L’article Sri Lanka: baomba napoaka, olona 290 maty a été récupéré chez Newsmada.

Rallye Motul FMMSAM: nandresy i Bona sy i Ny Anjara

Norombahin’ny ekipazin’ny Fmmsam sy Asacm, nahitana an’i Bona sy i Ny Anjara, nitondra ny fiara Subaru Impreza, ny “rallye Motul”, nokarakarain’ny klioba Fmmsam. Dingana faharoa, amin’ny fifaninanam-pirenena, hiadiana ny ho tompondakan’i Madagasikara.  Tombony ho azy ireo, ny fahaizany nitazona ny fotoana tsara efa azony, teo amin’ireo “ES” natao ny andro farany. Tontosan’izy ireo , tao anatin’ny 1 ora 48 mn 17, 3 s ny fifaninanana, tamin’ity.Faharoa, nanaraka azy ireo, i Fred sy i A.T, mpanamorin’ny klioba Asacm, nitondra ny fiara Subaru Impreza. Tara, 1 mn tamin-dry Bona ireto ekipazy ireto, satria 1 ora 49 mn 59, 2 s ny fe-potoany, tamin’ity.Fahatelo, i Teddy sy Hermann avy amin’ny klioba FMMSAM, nitondra ny fiara Ford Ranger, nahavita ny hazakazaka tao anatin’ny 1 ora 50 mn 38, 8 s. Fahefatra, i Davonjy sy Tsilavo, niaraka tamin’ny fiara Foton Tunlands, 1 ora 50 mn 44, 4 s ary fahadimy Haja D sy i Rivo, 1 ora 52 mn 29, 6 s. Dingana manaraka ny rallye karakarain’ny klioba Asacm, hatao ny 14, 15, 16 jona, ho avy izao. Torcelin L’article Rallye Motul FMMSAM: nandresy i Bona sy i Ny Anjara a été récupéré chez Newsmada.

Mailo ny Ceni amin’ny fifidianana depiote: ny andron’ny 27 mey vao sokafana ny biletà tokana 

Tonga teny amin’ny seranam-piaramanidina, Ivato, omaly maraina, ny biletà tokana miisa 10 674 075 avy any Afrika Atsimo. Haparitaka eny anivon’ny distrika manerana an’i Madagasikara izy ireo, manomboka ny 6 mey ho avy izao; ary hampiasaina amin’ny fifidianana solombavambahoaka hatao ny 27 mey ho avy izao izy ireo.Miaraka amin’izany ireo taratasy hafa toy ny fitanana an-tsoratra ny isam-bato azon’ny kandidà tsirairay avy, ny valopy lehibe fasiana antontan-taratasy mandritra ny fifidianana…“Ao anatin’ny “palettes” 254 no misy ireo biletà, halefa amin’ny distrika 119 manerana an’i Madagasikara. Rehefa tonga eo amin’ny Vaomiera misahana ny fifidianana eny anivon’ny distrika (CED) izany, anjaran’ny CED ny mitsinjara azy halefa any amin’ny kaominina manerana an’i Madagasikara”, hoy ny mpampaka-tenin’ny Ceni, Rakotondrazaka Fano.Ao anatin’ny fonosana misy ireo biletà tokana ihany koa ny fitsinjarana ireo fitaovana halefa  any amin’ny renivohitry ny kaominina isanisany. Efa mipetraka eo amin’ny fonosana ny anaran’ny kaominina tokony handefasana azy ireny. Any amin’ny birao fandatsaham-bato izany vao sokafana izany. Ireo tomponandraikitry ny birao fandatsaham-bato sy ireo mpifidy tonga voalohany eny amin’ny birao fandatsaham-bato, ny 27 mey, no hanokafana izany voalohany.R.Nd.L’article Mailo ny Ceni amin’ny fifidianana depiote: ny andron’ny 27 mey vao sokafana ny biletà tokana  a été récupéré chez Newsmada.

« ROTARY DISTRICT 9220 »: Manao tomban’ezaka ny asa vita

Mampiantrano ny “assemblée de formation” andiany faha-24 sy ny “conférence du district 9220” andiany faha-23 an’ny “Rotary Club International” i Madagasikara. Nisokatra tamin’ny fomba ofisialy omaly 1  mey 2019 teny amin’ny CCI Ivato ary tsy hifarana raha ny 4 mey 2019 ity fivoriamben’ny Rotary roa sosona ity. Nanatrika ny fanokafana ny filohan’ny Antenimierandoholona, Rakotovao Rivo. Mpikambana ao amin’ny Rotary miisa 600 avy amin’ny firenena fito: Madagasikara, Maurice, Réunion sy Mayotte, Gabon, Djibouti, Comores ary Seychelles no mpandray anjara. Fivoriana fanao isan-taona izy ity, hanaovana tomban’ezaka ny asa vitan’ny club tsirairay tao an’ny taona, hoy ny « Gouverneur » ny district 9220, ramatoa Shelly Oukabay. Ho jerena avokoa ireo sehatra hiasan’ny Rotary toy ny fahadiovana sy fidiovana, fahasalamana, fisorohana ny aretina, fampandrosoana ny tontolo ambanivohitra… araka ny fanazavany hatrany. Ankoatra izany, handraisana ireo « Gouverneur » vao niditra ny « assemblée de formation ». Hisy ny atrikasa fiofanana hiresahana lohahevitra maro toy ny fifandrasaina sy serasera ao amin’ny Rotary. Nambaran’i Shelly Oukabay fa mampiavaka ity andiany ity ny fisian’ny trano heva fampirantiana ny vokatra mampiavaka an’i Madagasikara toy ny asa tanana isan-karazany. Ho faranana amin’ny fanokanana ny tsangambaton’ny Rotary eny Ivato, fiaraha-misakafo ary “passation de collier” ny fivoriambe. Mpiara-miombona antoka maro no nanohana ny hetsika ho an’ny fianakaviamben’ny Rotary toy ny SGS/Gasy Net, Air France, Assurance Aro, BOA, CFAO, TAF sy Propain. Mpanohana ofisialy kosa ny Air Mauritius sy CCI Ivato ary mpanohana ny STAR sy ny Orange. Mpanohana manokana ny Groupe Sipromad/Thomson Broadcast. Nirina R. Sary Cet article « ROTARY DISTRICT 9220 »: Manao tomban’ezaka ny asa vita est apparu en premier sur déliremadagascar.

« Herinandron’ny Fianakaviana Sambatra »: misy tolotra fahasalamana maimaimpoana

Manamarika ny « Herinandro ho an’ny Fianakaviana sambatra” (Fisa), nanomboka omaly ka hatramin’ny asabotsy ho avy izao. Samy manana hetsika mifandraika amin’izay avokoa ny sampana Fisa manerana ny Nosy. “Ho an’ny sampana Antananarivo manana ny foibeny eny Ambatomitsangana, tanjon’ny Herinandro ny fampahafantarana ny andraikitry ny Fisa amin’ny ankapobeny izay efa niasa eto amintsika nanomboka ny taona 1967”, araka ny fanazavan’ny tomponandraikitry ny serasera sy ny tanora, Razanoelina Nalimalala, omaly. Hatramin’ny fiafaran’ny herinandro, misy tolotra fahasalamana samihafa sy fametrahana maimaimpoana ny fanabeazana aizana maharitra Dispositif intra utérin, apetraka ao anaty tranon-jaza sy ny implanon apetraka amin’ny sandry. Manana anjara toerana lehibe koa ny Mouvements d’actions des jeunes (MAJ). Mpamaky lay amin’ny fanabeazana aizana ny Fisa ary nitombo tsikelikely ny tolotra nomeny. Mampiofana, midina eny ifotony manentana momba ny fandrindram-piterahana sy ny fananahana fahasalamana ny mpanentana. Mandray an-tanana ny olona vonona handrindra fiterahana ihany koa.Manomana tanora ho ray aman-dreny tomponandraikitra Efa an-taony maro koa no nisy ny MAJ manomana tanora ho ray aman-dreny tomponandraikitra. Misy fivoriana isan-kerinandro iarahana amin’ny tanora 10-24 taona ho fampianarana amin’ny fananahana fahasalamana sy manofana azy ireo ho mpanentana eny anivon’ny fokontany sy ny sekoly misy azy. Manampy izay ny serasera sy ny dihy, ny fampianarana mahandro sakafo… 25 izy ireo amin’izao fotoana izao ao anatin’ny MAJ sampana Antananarivo. Araka ny fanadihadiana, tanora avokoa ny 50%-n’ny mponina, ary eo anelanlan’ny 15-19 taona, maro ireo efa miaina ao anatin’ny firaisana ara-nofo. Efa reny na koa mitondra vohoka sahady ny 37% amin’ny latsaky ny 18 taona. 24% amin’ny tanora ny mampiasa fandrindram-piterahana. Efa nisy rahateo ny lalàna nivoaka ny 17 desambra 2017 milaza ny fanomezan-danja ny fampiasan’ny zatovo ny fanafody fandrindram-piterahana fa andraikitry ny Fisa ny fampahafantarana sy fanabeazana amin’ny zatovo tsy hirona amin’ny firaisana aloha loatra.Vonjy A.    L’article « Herinandron’ny Fianakaviana Sambatra »: misy tolotra fahasalamana maimaimpoana a été récupéré chez Newsmada.

Fifanenjehana :: Tratran’ny fokonolona ny lehilahy nitondra môtô halatra

Voalaza fa môtô halatra no noentin’ity lehilahy iray tany Anjoma Toamasina, omaly maraina. Voasambotra izy rehefa nifanenjehan’ny fokonolona. Natolotra ny mpitandro filaminana io olona io, taorian’izay. «Nisy nangalatra tao Anjoma tamin’ny iray volana lasa io kodiaran-droa io. Taitra ny olona tamin’ny fahitana an’ilay môtô noentina lehilahy iray teny an-toerana ihany. Nirohotra nanenjika ny fokonolona », hoy ny loharanom-baovao iray. Tonga teny Anjoma ny polisy avy amin’ny Hery vonjitaitran’ny Polisim-pirenena (Fip) naka an’ilay voarohirohy. Ankoatra an’io lehilahy voasambotra tamina môtô halatra io dia nahatratra olona vitsivitsy voasaringotra amina vaky trano sy fivarotana entana halatra ihany koa ny polisin’ny Fip Toamasina, omaly. Sarona ny karazana entana toy ny vata fahitalavitra. Mitohy ny famotorana atao azy ireo. L’article Fifanenjehana :: Tratran’ny fokonolona ny lehilahy nitondra môtô halatra est apparu en premier sur AoRaha.